ಅಪೊಸ್ತಲೊ 5:13 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹³ ತ್ಯುನಾ ಕ್ಹಾತೆ ಹುಬ್ರವಾನೆ ಬಿಜು಼ ಕಿನೆಜ಼ ಧೈರ್ಯ ಥೈ ನೈ ರ‍್ಹೈತಬಿ ಮನಕ್ಹೊ ಕ್ಹಾರಾ ಅಪೊಸ್ತಲೊನಾ ಹುತಿ ಚೊ಼ಕಿಯೊ ಸಂಗತಿಯೊ ಕವಾಡಾತಾ.

ಅಪೊಸ್ತಲೊ 5:13 ပူးပေါင်းရင်းမြစ်များ

ಲುಕ ಬರ್ದಲ ಸುವಾರ್ತಾ 19:48

ತೆನೈಸೊ ಯೆಸುನಿಯೊ ವಾತೊ ಯಕ್ಕ ಛೊಡ್ಯಾವಾಚಿ ಘನ್ನಿ ಧ್ಯಾನ ದಿನ್ನ ಮನಕ್ಹೊ ಐಕಾಡ್ಯಾತಾ. ವರಿ ತಿನಾ ಲಿಂಗತಜ಼ ಚಾ಼ಲಾಡ್ಯಾತಾ ತಿನಾ ಹುತಿ ಯಾಜಕೊ ವರಿ ಶಾಸ್ತ್ರಿಯೊ ಮ್ಹೊಟಾ ಮನಕ್ಹೊ ಯೆಸುನೆ ಕಿಮ ಖಲಾಸ ಕರಿಯೆ ಕೈನ ಟೈಮ ದೆಕಾಡಾತಾ.

ಯೊಹಾನ 12:42

ತೆನೈಸೊ ಘನ್ನಾ ಮನಕ್ಹೊ ಯೆಸು ಪರ ಬರೊಕ್ಹೊ ಮ್ಹೆಲ್ಯಾ. ಘನ್ನಾ ಯೆಹುದಿಯೊನಾ ನಾಯಕೊಬಿ ಯೆಸು ಪರ ಬರೊಕ್ಹೊ ಮ್ಹೆಲ್ಯಾ. ತೆನೈಸೊ ತ್ಯುನೆ ಫರಿಸಾಯರೊನೆ ಭುಚಿ಼ಕಿನ ತ್ಯುನೊ ಬರೊಕ್ಹೊ ದೆಕಾಡಿನ ದಿದ್ಯಾ ನೈ. ತ್ಯುನೊನೆ ಫರಿಸಾಯರೊ ಸಭಾಮಂದಿರತಾ ಭಾರಾ ಘಾಲಸ ಕೈನ ಭುಚುಕ ತ್ಯುನೊನೆ ವ್ಹತ್ತು.

ಯೊಹಾನ 19:38

ಪಾಚಾ಼ತಾ, ಅರಿಮಥಾಯ ಗಾಮನೊ ಯೊಸೆಫ ಕವಾಲೊ ಯೆಸುನು ಅಂಗ ತಿನೆ ದೆ ಕೈನ ಪಿಲಾತನ ಕನ ಮಾಂಗಿಲಿದ್ಯೊ. ಯೊಸೆಫ ಯೆಸುನೊ ಯಕ್ಕ ಅನುಯಾಯಿ ವ್ಹತ್ತೊ. ತೆನೈಸೊ ತೆ ಯೆಹುದಿಯೊನಾ ಅದಿಕಾರಿಯೊನೆ ಭುಚಿ಼ಕಿನ ರ‍್ಹಯಲಕ್ಹು ತಿನಾ ಹುತಿ ಮನಕ್ಹೊನೆ ಕದ್ಯೊ ನ್ಹೊತೊ. ಯೆಸುನು ಅಂಗ ಲಿನ ಜಾ಼ವಾನೆ ಪಿಲಾತನ ತಿನೆ ಅಪ್ಪಣೆ ದಿದ್ಯೊ. ತಿನಾಹುತಿ ತೆ ಐನ ಯೆಸುನು ಅಂಗ ಲಿನ ಗಯೊ.

ಯೊಹಾನ 9:22

ತಿನಾ ಮಾ ಬಾಪ ಗಿನೆ ಯೆಹುದಿಯೊನಾ ನಾಯಕೊನೆ ಭುಚ್ಕಲ ಹುತಿ ಇಮ್ಮ ಕದ್ಯಾ. ಕಾಕದ್ಯಾಮ ತ್ಯುನೆ ಪೈಲಾತಾಜ ವಿಚಾರ ಕರ್ಲಿದ್ಯಾತಾ ಕುನ್ನ ಯೆಸುನೆ ಕ್ರಿಸ್ತ ವ್ಹೈ ಕೈನ ಕವಸ ತಿನೆ ಸಭಾಮಂದಿರಮಾತಾ ಭಾರಾ ಘಾಲಿಯೆಸ ಕೈನ ಯಹುದ್ಯೊನಾ ನಾಯಕೊ ಕದ್ಯಾತಾ.

ಅಪೊಸ್ತಲೊ 19:17

ತೆ ಸಂಗತಿಯೊ ಎಪೆಸಮಾ ರಹೆಲ ಕ್ಹಾರಾ ಯೆಹುದಿಯೊನೆ ವರಿ ಗ್ರಿಕರೊನೆ ತಿಳ್ದಿನ ಆತಾಮಾ ತ್ಯುನೆ ಘನಾ ಭುಚ಼ಕಿ ಗಯಾ ವರಿ ಕರ್ತಾ ಯೆಸುನು ನಾಮ ಘನ್ನು ಉಚ್ಚು಼ ಥಯು.

ಅಪೊಸ್ತಲೊ 2:47

ತ್ಯುನೆ ಕ್ಹುದಾನೆ ಸ್ತುತಿ ಕತಾರ‍್ಹತಾತಾ ವರಿ ಕ್ಹಾರಾ ಮನಕ್ಹೊ ತಿನೆ ಪಸಂದ ಕತಾರ‍್ಹತಾತಾ ದಿನ್ನೆಬಿ ಘನ್ನಾ-ಘನ್ನಾ ಮನಕ್ಹೊ ರಕ್ಷಣೆ ವ್ಹಂದಿಲೆತಾತಾ; ಪ್ರಭು ತ್ಯುನೊನೆ ಕ್ಹಾರಾವೊನೆ ಸಭೆನೆ ಮಳಾತೊತೊ.

ಅಪೊಸ್ತಲೊ 4:21

ಯೆಹುದಿ ನಾಯಕೊನೆ ಅಪೊಸ್ತಲೊನೆ ಶಿಕ್ಷಾ ದಿವಾನೆ ಕಯಿಜ಼ ವಾಟ ದಿಕ್ಹಿ ನೈ, ಕಾಕದ್ಯಾಮ, ಥಯಲ ಕಾಮೊನಾ ಹುತಿ ಮನಕ್ಹೊ ಕ್ಹಾರಾ ಕ್ಹುದಾನೆ ಸ್ತುತಿ ಕರಾಡಾತಾ.

ಅಪೊಸ್ತಲೊ 5:26

ತೆಳಾಮಾ ದಳಪತಿ ವರಿ ತ್ಯಾನಾ ಮನಕ್ಹೊ ಕನ ಅಪೊಸ್ತಲೊನೆ ಫರಿನ ಬಲಾಯಾ. ವರಿಬಿ ಸೈನಿಕೊ ಜ಼ಬರದಸ್ತಿ ಕರ‍್ಯಾನೈ ಕಾಕದ್ಯಾಮ ತುನೆ ಮನಕ್ಹೊ ಬುಚೆ಼ಕ್ಯಾ. ಮನಕ್ಹೊ ಶಿಟ್ಟ ಥೈನ ಮುಕಲ್ಯಾ ತ್ಯುನೊನೆ ಖಲಾಸ್ಸ ಕರಸ ಕೈನ ತುನೆ ಬುಚೆ಼ಕೈ.

ಅಪೊಸ್ತಲೊ 5:5

ಅನನಿಯಾ ಆ ಐಕಲ ಪರಬಿ ತೆಳಾಮಾ ಹೆಟೊ ಪಡಿನ ಮರಿ ಗಯೊ. ಎ ಸುದ್ದಿ ಐಕಿನ ಹರಿಯಕ್ಕಲೊ ಭುಚ್ಕಾ಼ ವರಕ್ಹಾ ಥಯಾ.

2 ಕೊರಿಂಥ 10:15

ಅಪೆ ಹೆಮ್ಮೆ ಹಮಾರಾ ಕಾಮೊ ಹುತ ಹುತಿ ಆದರಣೆ ಥಯಾಸ. ಬಿಜಾ಼ ಮನಕ್ಹೊ ಕರಲ ಕಾಮೊ ಹುತ ಹುತಿ ಅಪೆ ಹಮೊನೆ ಅಪೊನೆ ಹೆಮ್ಮೆ ನೈ. ತಾರ ಬರೊಕ್ಹ ಕಿಮ ಘಟ್ಟ ಕರ್ಲ ಹಮ್ನಾ ಕಾಮ ಹಜು಼ನ ಖುಶಿ ರ‍್ಹಯಲ ವಿಷಯಮಾ ಕವಾಲಾ. ಕವಾನು ಬರೊಕ್ಹ ಹಮೊನೆ ಅಪೊನೆ ಆಸ ಛೆ ಕೈನ.