ಅಪೊಸ್ತಲೊ 4:31 - ಕ್ಹುದಾನಿ ಕ್ಹರಿನಿ ವಾಕ್ಯಾ

³¹ ಇಮ್ಮ ವಿಶ್ವಾಸಿಯೊ ಪ್ರಾಥನಾ ಕರ‍್ತಾಮಾ, ತ್ಯುನೆ ಸಭೆ ಮಳಲ ಜ಼ಗಾ ಹಲ್ಯು. ತ್ಯುನೆ ಕ್ಹಾರಾ ಪವಿತ್ರ ಆತ್ಮಾಕ್ಹು ಭರಿನ ವರಿ ಕ್ಹುದಾನಿ ವಾಕ್ಯಾ ಭೆ ವಾಚಿ ಕದ್ಯಾ.

ಅಪೊಸ್ತಲೊ 4:31 ပူးပေါင်းရင်းမြစ်များ

ಮತ್ತಾಯ 21:22

ತುಮೆ ಭರೊಕ್ಹೊ ಕರಿನ ಪ್ರರ್ಥಾನಾಮಾ ಸುಸು ಮಾಂಗಿಲಿವೊಸಿ ತೆ ಕ್ಹಾರು ಹೊಂದಸ ಕೈನ ಕದ್ಯೊ.

ಯೊಹಾನ 14:12

"ಮಿ ತುಮೊನೆ ಕ್ಹರಿಜ ಕೌಸ. ಮಪರ ಬರೊಕ್ಹೊ ಮ್ಹೆಲಾಲೊ ಮಿ ಕರಲಜ ಕಾಮೊ ಕರಸ. ತೆ ಮಿ ಕರಾನಾ ಕಾಮೊತಿಬಿ ಮ್ಹೊಟಾ ಕಾಮೊ ಕರಸ. ಕಾಕದ್ಯಾಮ ಮಿ ಬಾ ಕನ ಚಾ಼ಲ್ಯೊಸ.

ಯೊಹಾನ 15:16

"ತುಮೆ ಮನೆ ಇನಿಲಿದ್ಯಾ ನತ್ತಿ; ಮಿ ತುಮೊನೆ ಇನಿಲಿದ್ಯೊಸ. ತುಮೆ ಗೈನ ಘನ್ನು ಫಲ ದ್ಯು. ಎಜ಼ ಮಿ ತುಮೊನೆ ದಿದಲ ಕಾಮ ವ್ಹೈ. ತೆ ಕೆಳಾಮಾಬಿ ರ‍್ಹವಾನು ಫಲ ವ್ಹೈ. ಇಮ್ಮ ರ‍್ಹತಾಮಾ, ತುಮೆ ಮಾರಾ ನಾಮ ಪರ ಸುಬಿ ಪುಚ್ಯಾ ತಬಿ ಬಾ ತೆ ತುಮೊನೆ ದಿವಸ.

ಯೊಹಾನ 15:7

ತುಮೆ ಮಾರಾಮಾ ಮಾರಿ ವಾಕ್ಯಾ ತು ಮಾರಾಮಾ ರ‍್ಹಯುಮ ಸು ಚಾ಼ಯೆ ತೆ ಮಾಂಗಿಲಿವೊ, ತೆ ತುಮೊನೆ ಮಳಸ.

ಅಪೊಸ್ತಲೊ 14:3

ತೆನೈಸೊ ಪೌಲಾ ಬಾರ್ನಬ ಇಕೊನಿಯಾಮಾ ಘನ್ನಾ ದಿನ್ನ ರ‍್ಹೈನ ಪ್ರಭುನಾ ಹುತಿ ಧೈರ್ಯಕ್ಹು ಬೊಲ್ಯಾ. ಪ್ರಭು ತ್ಯುನಾ ಮುಲಕ ಸುಚಕ ಕಾಮೊ ವರಿ ಅದ್ಭುತ ಕಾಮೊ ಕರಿನ ತಿನಿ ಕೃಪಾನಿ ಸಂದೆಶ ದೆಕಾಡಿನ ದಿದ್ಯಾ.

ಅಪೊಸ್ತಲೊ 2:1

ಪಂಚಾಶತ್ತಮ ಸನ್ನಮಾ ತ್ಯುನೆ ಕ್ಹಾರಾ ಜ಼ನಾ ಯಕ್ಕ ಜ಼ಗಾ ಮಳಿನ ಆಯಾ ತೆಳಾಮಾ, ಯಕ್ಕ ದುಮ್ಮ ಹಬಾಳಮಾತು ಯಕ್ಕ ಆವಾಜ಼ ಐಯು.

ಅಪೊಸ್ತಲೊ 2:2

ತುಫಾನ ಆವಾಡುಸ ಕೌ ತಿಮ್ಮ ವ್ಹತ್ತು ತೆ ಆವಾಜ಼. ತ್ಯುನೆ ಬೈಟಲ ಘರಮಾ ಪುರಾ ತೆ ಆವಾಜ಼ ಭರಿ ಗಯುತು.

ಅಪೊಸ್ತಲೊ 2:4

ತ್ಯುನೆ ಕ್ಹಾರಾ ಪವಿತ್ರ ಆತ್ಮಾಕ್ಹು ಭರ‍ಲ ವ್ಹತ್ತಾ ವರಿ ಬಿಜಾ಼-ಬಿಜಾ಼ ಭಾಶಾಮಾ ಬೊಲಾನು ಶುರು ಕರ‍್ಯಾ. ಪವಿತ್ರ ಆತ್ಮಾಜ಼಼ ತ್ಯುನೊನೆ ತೆ ತಾಕತ ದಿದ್ಯುತು.

ಅಪೊಸ್ತಲೊ 4:13

ಪೆತ್ರಾ ವರಿ ಯೊಹಾನನೆ ಖಾಸ ಕಯಿಬಿ ತರಬೆತಿ ಗ್ಯಾನ ರ‍್ಹವಾದೆ ನತ್ತಿ ಕವಾನು ಯೆಹುದಿಯೊನಾ ನಾಯಕೊನೆ ಗ್ವತ್ತ ವ್ಹತ್ತು. ತೆನೈಸೊ ತ್ಯುನೆ ಭುಚಕ್ಯಾವಾಚಿ಼ ಬೊಲಾನುಬಿ ನಾಯಕೊ ದೆಕಾಡಾತಾ. ತಿನಾಹುತಿ ಎ ನ್ಯಾಯಕೊ ಘನ್ನಾ ಘಾಬ್ರಾ ಥಯಾ. ಪೆತ್ರಾ ವರಿ ಯೊಹಾನ ಯೆಸುನಾ ಕ್ಹಾತೆ ವ್ಹತ್ತಾ ಕಾವಾನು ಎ ಥಯಲಪರ ಗ್ವತ್ತ ಥಯು.

ಅಪೊಸ್ತಲೊ 4:29

ಪ್ರಭು, ತ್ಯುನೆ ಕವಾನು ಐಕ. ತ್ಯುನೆ ಹಮೊನೆ ಭುಚ್ಕಾಡಾನೆ ಕೊಶಿಶ ಕರಾಡಾಸ! ಪ್ರಭು ಹಮೆ ತಾರಾ ಸೆವಕೊ ವ್ಹೈ. ತಾರಿ ವಾಕ್ಯಾ ಭೆ ವಾಚಿ ಕವಾನೆ ತುಜ಼಼ ಹಮೊನೆ ಮದತ ಕರ.

ಫಿಲಿಪ್ಪಿ 1:14

ತೆನೈಸೊ ಭಾಯೊಮ್ಮಾ ಘನ್ನಾ ಜ಼ನಾ ಮನೆ ಜೆಲಮಾತ್ತಾ ಕರ್ತಾಮ್ಮಾ ಭರೊಕ್ಹೊವಾಲಾ ಥೈನ ಕ್ಹುದಾನಿ ವಾಕ್ಯ ಭೆವಾಚಿ ಕವಾನಾಹುತಿ ಹಜ಼ು ಹೆಚಕ್ಗಿ ಧೈರ್ಯ ವ್ಹಂದಿಲಿದ್ಯಾಸ..

ಫಿಲಿಪ್ಪಿ 1:20

ಕಿಮ್ಮ ಕದ್ಯಾಮ ಮಿ ಕೈ ವಿಷಯಮಾಬಿ ಸರ್ವಮ್ಯಾವಾಚಿ ಹಮೆಶಾ ಲಿಂಗತ ಹಮ್ನಾಬಿ ಧೈರ್ಯಕ್ಹು ಛೆ. ಮಿ ವಾಚೊತಬಿ ಸೈ ಛೆ ಮರ್ಯೊತಬಿ ಸೈ ಛೆ ಮಾರಾ ಅಂಗನಾ ಮುಲಕ ಕ್ರಿಸ್ತನಿ ಮಹಿಮಾ ಥೌ ಕೈನ ಮಾರಿ ಆಸ ವ್ಹೈ.

ಯಾಕೊಬ 1:5

ತುಮೊಮಾ ಕಿನೆಬಿ ಗ್ಯಾನ ಕಮ್ಮ ರ‍್ಹಯಾಮ ತೆ ಕ್ಹುದಾಕನ ಮಾಂಗಿಲಿವಾದೆ, ತೆ ತ್ಯುನೊನೆ ಮಳಸ. ಕಾಕದ್ಯಾಮ ಕ್ಹುದಾ ಹಟಕ್ಯಾ ಬಗರ ಕ್ಹಾರಾವೊನೆ ಉದಾರ ಮನಸಕ್ಹು ದಿವಾಲೊ ಥಯೊಸ.