ಅಪೊಸ್ತಲೊ 3:26 - ಕ್ಹುದಾನಿ ಕ್ಹರಿನಿ ವಾಕ್ಯಾ

²⁶ ಕ್ಹುದಾ ತಿನಾ ಖಾಸ ಸೆವಕನೆ ಮೌತಮಾತೊ ಉಟಾಡಿನ ಪೈಲಾ ತುಮೊಕನ ವಳಾಯೊ. ತುಮೊನೆ ಆಶಿರ್ವಾದ ದಿವಾನಾ ಹುತಿ ಕ್ಹುದಾ ಯೆಸುನೆ ವಳಾಯೊ. ತೆ ತುಮೊನೆ ತುಮಾರಾ ಕೆಟ್ಟಕಾಮೊಕ್ಹು ದುರ ಕರಿನ ಆಶಿರ್ವಾದ ಕರಸ"

ಅಪೊಸ್ತಲೊ 3:26 ပူးပေါင်းရင်းမြစ်များ

ಮತ್ತಾಯ 1:21

ತೆ ಯಕ್ಕ ಪಟ್ಟಾನೆ ಜನ್ನಸ; ತು ತಿನೆ ಯೆಸು ಕೈನ ನಾಮ ಮ್ಹೆಲು; ಕಾ ಕದ್ಯಾಮ ಎಜ ತಿನಾ ಮನಕ್ಹೊನೆ ತ್ಯುನಾ ಪಾಪೊಕ್ಹು ಚೊಡೈನ ವಚಾಡಸ ಕದ್ಯೊ.

ಮತ್ತಾಯ 15:24

ತೆ ವಾತೆ ಯೆಸು ಸು ಕದ್ಯೊ ಕದ್ಯಾಮ ಜ಼ವೈಗಯಲ ಬಕ್ರಾ ಲಿಂಗತ ರ‍್ಹವಾಲಾ ಇಸ್ರಾಯೆಲ ಘರ್ದಾನವಾಲಾವೊನಾ ಕನ ನೈಸೊ ಬಿಜಾ಼ ಕಿಕನಜ಼ ಮನೆ ವಳಾಯಲವಾಲೊ ನ್ಹವೈ ಕದ್ಯೊ.

ಲುಕ ಬರ್ದಲ ಸುವಾರ್ತಾ 24:47

ಎಕ್ಹಾರು ಪುರಾ ಥಾವಾನು ತುಮೆ ದೆಕ್ಯಾಸ. ತುಮೆಜ಼ ಇನೆ ಸಾಕ್ಷಿ ವ್ಹೈ.

ಯೊಹಾನ 4:22

ತುಮೆ ಸಮಾರ್ಯಾವಾಲಾ ಕಿನೆ ಆರಾದನಾ ಕರಾಡಾಸ ತುಮೊನೆ ಗ್ವತ್ತ ನತ್ತಿ. ತೆನೈಸೊ ಹಮೆ ಯಹುದಿಯೊ ಕಿನೆ ಆರಾದನಾ ಕರಿಯೆಸ ಕೈನ ಹಮೊನೆ ಗ್ವತ್ತ ಛೆ. ಕಾಕದ್ಯಾಮ ಬಿಡುಗಡೆ ಯೆಹುದಿಯೊಕ್ಹುಜ಼ ಆವಸ.

ಅಪೊಸ್ತಲೊ 1:8

ತೆನೈಸೊ ಪವಿತ್ರ ಆತ್ಮಾ ತುಮೊಪರ ಆಯಲ ಟೈಮಮಾ ತಾಕತ ವ್ಹಂದಿಲಿನ ಯೆರುಸಲೆಮಮಾ ಪುರಾ ಯುದೆಯಮಾಬಿ ಸಮರ್ಯಾಮಾಬಿ ವರಿ ಭುಲೊಕಮಾ ಹರ ಜ಼ಗಾ ಸಾಕ್ಷಿ ಥೈನ ರ‍್ಹವೊಶಿ" ಕದ್ಯೊ.

ಅಪೊಸ್ತಲೊ 13:26

"ಮಾರಾ ಭಾಯೊ, ಅಬ್ರಹಾಮನಾ ಕುಟುಂಬನಾ ಬಚ್ಚಾ಼, ಕ್ಹರಿನಾ ಕ್ಹುದಾನೆ ಆರಾಧನಾ ಕರಾಲಾ ಯೆಹುದಿಯೊ ನೈ ರ‍್ಹಯಲವಾಲಾ, ಐಕೊ! ಎ ರಕ್ಷಣೆನಾ ಸಂದೆಶನೆ ವಳಾಯಲ ಅಪ್ನಾ ಹುತಿಜ಼ ವ್ಹೈ.

ಅಪೊಸ್ತಲೊ 2:24

ಯೆಸು ಮೌತನೊ ತ್ರಾಸ ಖಾದ್ಯೊ. ತೆನೈಸೊ ಕ್ಹುದಾ ತಿನೆ ಛೊಡಾಯೊ. ಕ್ಹುದಾ ಯೆಸುನೆ ಮರಲವಾಲಾವೊಮಾತೊ ಜಿವ್ತೊ ಕರಿನ ಉಟಾಡ್ಯೊ. ಮೌತನೆಬಿ ಯೆಸುನೆ ಧರಲಿವಾನೆ ಥಯು ನೈ.

ಅಪೊಸ್ತಲೊ 2:32

ತಿನಾಹುತಿ ಕ್ಹುದಾ ಮರಲವಾಲಾವೊಮಾತೊ ಜಿವ್ತೊ ಕರಿನ ಉಟಾಡಲ ಯೆಸುನೆಜ಼ ಅಪೆ ಕ್ಹಾರಾ ಜ಼ನಾ ಸಾಕ್ಷಿಯೊ ಥಯಾಸ.

ಅಪೊಸ್ತಲೊ 26:20

ತೆಳಾಮಾ ದಮಸ್ಕಮ್ಮಾ ಬಿ ವರಿ ಯೆರುಸಲೆಮ್ಮಾ ಬಿ ಯುದಾಯಮ್ಮಾಬಿ ಕ್ಹಾರಾ ಸಿಮೆ ರ‍್ಹಹೆಲವಾಲಾವೊನೆ ಬಿ ಮನಕ್ಹೊನೆ"ತುಮಾರಾ ಪಾಪೊನಾ ಹುತಿ ಪಶ್ಚಾತಾಪ ಪಡಿನ

ಅಪೊಸ್ತಲೊ 3:13

ಆ ಕಾರ್ಯ ಕರಲ ಹಮೆ ನ್ಹವೈ ಕ್ಹುದಾ ವ್ಹೈ. ಅಬ್ರಹಾಮನೊ ಕ್ಹುದಾ, ಇಸಾಕನೊ ಕ್ಹುದಾ, ವರಿ ಯಾಕೊಬ್ನೊ ಕ್ಹುದಾ. ತೆಜ಼ ಅಪ್ನಾ ಕ್ಹಾರಾ ಪಿತೃವೊನೊ ಕ್ಹುದಾ ವ್ಹೈ. ತೆ ತಿನೊ ಖಾಸ ಸೆವಕ ಥಯಲ ಯೆಸುನೆ ಮಹಿಮಾ ಕರೆಯೆಸ. ತೆನೈಸೊ ತುಮೆ ಯೆಸುನೆ ಖಲಾಸ ಕರಾನೆ ವಪ್ಸಿನ ದಿದ್ಯಾ. ಯೆಸುನೆ ಛೊಡಾನೆ ಪಿಲಾತನ ಫೈಸ್ಲೊ ಕರ‍್ಯೊತೊ. ತೆನೈಸೊ ಪಿಲಾತನನೆ, ಹಮೊನೆ ಯೆಸು ನಕೊ ಕೈನ ಇನ್ಕಾರ‍ ಕರ‍್ಯಾ.

ಅಪೊಸ್ತಲೊ 3:15

ಇಮ್ಮ ತುಮೆ ಜ಼ಲಮ ದಿವಾಲಾನೆ ಖಲಾಸ ಕರಾಯಾಸ! ತೆನೈಸೊ ಕ್ಹುದಾ ತಿನೆ ಮರಲವಾಲಾವೊಮಾತೊ ಉಟಾಡ್ಯೊ. ಇನೆ ಹಮೆಜ಼ ಸಾಕ್ಷಿಯೊ ವ್ಹೈ.

ಅಪೊಸ್ತಲೊ 3:20

ತೆಳಾಮಾ ಪ್ರಭು ತುಮೊನೆ ಆತ್ಮಿಕನಿ ತಾಕತ ದಿವಸ. ತೆ ಕ್ರಿಸ್ತ ಕೈನ ಇನಿಲಿದಲ ಯೆಸುನೆಜ಼ ತುಮೊನೆ ದಿವಸ.

ಅಪೊಸ್ತಲೊ 3:22

ತಿನಾಹುತಿ ಮೊಶೆ ಅಮ್ಮ ಕದ್ಯೊಸ "ತುಮಾರೊ ಕ್ಹುದಾ ಥಯಲ ಪ್ರಭು ತುಮೊನೆ ಯಕ್ಕ ಪ್ರವಾದಿ ದಿವಸ. ತುಮಾರಾ ಭಾಯೊನಾ ವಚ್ಮಾತೊಜ಼ ತೆ ಪ್ರವಾದಿ ಆವಸ. ತೆ ಮಾರಾ ಲಿಂಗತಜ಼ ರ‍್ಹವಸ. ತೆ ಪ್ರವಾದಿ ಕವಾನಿ ಹರಯಕ್ಕನೆಬಿ ತುಮೆ ವಿಧೆಯ ಥೌ.

ಅಪೊಸ್ತಲೊ 3:25

ತೆ ಪ್ರವಾದಿಯೊ ಕದಲ ಸಂಗತಿಯೊ ತುಮೆ ಸ್ವಿಕಾರ ಕರಿಲಿದ್ಯಾಸ. ಕ್ಹುದಾ ತುಮಾರಾ ಪಿತೃವೊನಾ ಕ್ಹಾತೆ ಬೊಲಲ ವಾತೊ ತುಮೆ ಸ್ವಿಕಾರ ಕರಿಲಿದ್ಯಾಸ. ಕ್ಹುದಾ ತುಮಾರೊ ಪಿತೃ ಥಯಲ ಅಬ್ರಹಾಮನೆ, ‘ತಾರಿ ಸಂತತಿಕ್ಹು ಜಿಮಿನಪರ ರ‍್ಹಯಲ ಕ್ಹಾರಾ ಮನಕ್ಹೊ ಆಶಿರ್ವಾದ ವ್ಹಂದಿಲಿವಸ’ ಕೈನ ಕದ್ಯೊ.

ರೊಮಾಪೂರ 1:16

ಮಿ ಸುವಾರ್ತೆನಾ ಹುತಿ ಆತ್ಮ ವಿಸ್ವಾಸಕ್ಹು ಛೆ. ಬರೊಕ್ಹೊ ಮ್ಹೆಲಲ ಹರ ಯಕ್ಲಾನಾ ರಕ್ಷಣೆನಾ ಹುತಿ ಕದ್ಯಾಮ ಪೈಲಾ, ಯಹುದಿಯೊನೆ ಪಾಚಾ಼ತಾ ಯೆಹುದಿ ನೈಸೊವಾಲಾವೊನೆ ಬರೊಕ್ಹೊ ಮ್ಹೆಲಲ ವಾಲಾವೊನೆ ರಕ್ಷಣೆ ಕ್ಹುದಾನಿ ತಾಕತ ಥೈಸ.

ರೊಮಾಪೂರ 15:29

ಮಿ ತುಮೊಕನ ಆತಾಮಾ ಕ್ರಿಸ್ತನಾ ಘನ್ನಾ ಆಶಿರ್ವಾದ ಲೌಸ ಕೈನ ಮನೆ ಆಸ ಛೆ.

ರೊಮಾಪೂರ 15:8

ಕ್ಹುದಾ ಅಪ್ನಾ ಪಿತೃವೊನೆ ದಿದಲ ವಾತ ಕ್ಹರಿನಿಯೊ ವ್ಹೈ ಕೈನ ದೆಕಾಡಾನಾ ಹುತಿ ಕ್ಹುದಾ ತೆ ವಾತೊ ಪುರಾ ಕರಸ ಕೈನ ಕವಾನು ದೆಕಾಡಾನಾ ಹುತಿ

ಎಫೆಸ 1:3

ಅಪ್ನೊ ಪ್ರಭು ಥಯಲ ಯೆಸು ಕ್ರಿಸ್ತನೊ ಕ್ಹುದಾ ಬಾ ಥಯಲವಾಲಾನೆ ಸ್ತೊತ್ರ ಥಾವಾದೆ. ಸ್ವರ್ಗಮಾ ರ‍್ಹವಾನು ಹರ ಯಕ್ಕ ಆಶಿರ್ವಾದ ಕ್ಹುದಾ ಅಪೊನೆ ಕ್ರಿಸ್ತಮಾ ದಿದ್ಯೊಸ.

1 ಪೆತ್ರಾ 1:3

ಅಪ್ನೊ ಪ್ರಭು ಥಯಲ ಯೆಸು ಬಾ ಥಯಲ ಕ್ಹುದಾನೆ ಸ್ತೊತ್ರಾ. ಕ್ಹುದಾ ಮ್ಹೊಟೊ ಮರಗಾಲೊ ವ್ಹೈ. ತೆ ತಿನಿ ಮರಗಾ ಕ್ಹು ಅಪೊನೆ ನವೊ ಜ಼ಲಮ ದಿದ್ಯೊಸ. ಮರಲವಾಲಾವೊಮಾತೊ ಉಟಿನ ಆಯಲ ಯೆಸು ಕ್ರಿಸ್ತನಾ ಮುಕಾಂತರ ತೆ ಅಪೊನೆ ವಾಚಾ಼ನೊ ಜ಼ಲಮ ದೆಕಾಡಿನ ದಿವಸ.

1 ಪೆತ್ರಾ 3:9

ಕೆಟ್ಟ ಕರಲವಾಲಾವೊನೆ ಕೆಟ್ಟ ಕರ‍್ಯಾವಾಚಿ, ಮನಸ ದುಖ ಕರಲವಾನಲಾವೊನೆ ಮನಸ ದುಖ ಕರ‍್ಯಾವಚಿ, ತ್ಯುನೊನೆ ಆಶಿವ್ರಾದ ಕರಕೈನ ಕ್ಹುದಾಕನ ಮಾಂಗಿಲಿವೊ ಕಾಕದ್ಯಾಮ ಆಶಿವ್ರಾ ವ್ಹಂದಿಲಿವಾನೆ ತುಮೆ ಬಲೈಲಿದಲವಾಲಾ ಥಯಾಸ.

ಯುದ ಬರ್ದಲ ಪತ್ರ 1:24

ತೆ ತಾಕತವರ ಥಯೊಸ. ತುಮೆ ಪಡೆನೈಸೊ ತೆ ತುಮೊನೆ ಮದದತ ಕರಸ. ತೆ ತುಮೊಮಾ ಸುಜ಼ ತಪ್ಪ ನೈಸೊ ಕರಿನ ತಿನಿ ಮಹಿಮಾನಿ ಸನ್ನಿಧಿಮಾ ಲಾವಾನೆ ತುಮೊನೆ ಘನ್ನಿ ಮ್ಹೊಟಿ ಖುಶಿ ದಿವಾನೆ ಶಕ್ತ ಥಯೊಸ.