ಅಪೊಸ್ತಲೊ 28:4 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁴ ತೆ ತಿನಾ ಹತತೊ ಜೊತಾಡುನು ದ್ವಿಪವಾಲಾ ದೆಕಿನ ; ತೆ ಮನಕ್ಹೊನೆ ಖಲಾಸ ಕರಾವಾಲೊ ವ್ಹೈ ಕದ್ಯಾ. ಸಮುಂದರ ಕಂತಾ ತಪಸಿನ ಆಯಾ ಫೈಸ್ಲಾನಿ ದೆತಾ ತ್ಯುನೊನೆ ವಾಚಾನೆ ನೈದೆತಿ ಕೈನ ತ್ಯುನಾ ತ್ಯುನಾಮ್ಮಾ ಬೊಲಿದ್ಯಾ.

ಅಪೊಸ್ತಲೊ 28:4 ပူးပေါင်းရင်းမြစ်များ

ಮತ್ತಾಯ 23:35

ಇಮ್ಮಜ಼ ನಿತಿವಂತವಾಲೊ ಹೆಬಲನು ರಗತ ಪೈಲಾ ತುಮೆ ದೆವಾಲಯನೆ ಬಲಿನಾ ಕಟ್ಟಲಕ್ಕಾ ವಚ್ಮಾ಼ ಖಲಾಸ ಕರಲ ಬರಕಿನೊ ದಿಕ್ರಾಒ ತಯಲ ಜರಕಿನಾ ರಗತಲಕ್ಕಾ ಜಿಮಿನಪರ ಚು಼ವಾಯಲ ಕ್ಹಾರಾ ನಿತಿವಂತ ವಾಲಾವೊನು ರಗತ ಚು಼ವಾಯಲ ಅಪರಾಧ ತುಮಾರಾ ಮಾತಾವೊಪರ ಆವಸ.

ಮತ್ತಾಯ 27:25

ಕ್ಹಾರಾ ಮನಕ್ಹೊ, "ತಿನಾ ಮರಣನೆ ಹಮೆಜ಼ ಜವಾಬ್ದಾರ ವ್ಹೈ. ತಿನಾ ಮರಣನೆ ಕಯುತಬಿ ಶಿಕ್ಷಾ ರ‍್ಹಯಾಮ ತಿನೆ ಹಮೆ ವರಿ ಹಮಾರಾ ಬಚ್ಚಾ಼ ಅನುಬೊಸೆಸ” ಕೈನ ಉತ್ತರ ದಿದ್ಯೊ.

ಲುಕ ಬರ್ದಲ ಸುವಾರ್ತಾ 13:2

ಯೆಸು ತ್ಯುನೊನೆ ಕದ್ಯೊ"ತೆ ಖಲಾಸ ಥಯಲವಾಲಾ ಮನಕ್ಹೊ ಗಲಿಲಾಯಮಾ ರ‍್ಹಯಲ ಮನಕ್ಹೊತೊಬಿ ಘನ್ನಾ ಪಾಪಿಯೊ ವ್ಹೈ ಕೈನ ತುಮೆ ತಿಳದ್ಯಾಸು?

ಲುಕ ಬರ್ದಲ ಸುವಾರ್ತಾ 13:4

ಸಿಲೊವಾಮಾ ಗೊಪುರ ಪಡ್ತಾಮಾ,ಮರಿಗಯಲ ಅಟ್ರಾ ಜ಼ನಾವೊನಾ ಹುತಿ ತುಮಾರಿ ವಿಚಾರ ಸು ವ್ಹೈ?

ಯೊಹಾನ 7:24

ಭಾರೊ ದೆಕಾಡಾನಾ ಹುತಿ ಫೈಸಲೊ ಕರ‍್ಯಾವಾಚಿ ಕರೆಟ್ಟ ಫೈಸಲೊ ಕರೊ" ಕೈನ ಕದ್ಯೊ.

ಅಪೊಸ್ತಲೊ 28:2

ಬಿಜಾ಼ವಾತೊನಾ ತೆ ದ್ವಿಪವಾಲಾ ಹಮೊನೆ ವಿಶೆಷ ಸನಾಹುಬುತಿ ದೆಕಾಡ್ಯಾ. ತೆಳಾಮಾಜ಼ ಪಾನಿ ಐನ ಥಂಡ ಲಾಗಾಕ್ಹು, ತ್ಯುನೆ ಆಗ ಲಗಾಡಿನ ಹಮೊನೆ ಕ್ಹಾರಾ ಜ಼ನಾವೊನೆ ಮಳೆಲಿದ್ಯಾ.

ಅಪೊಸ್ತಲೊ 28:3

ಪೌಲಾ ಯಕ್ಕ ಗುಂಪ ಲಾಕ್ಡಾ ಮಳೈನ,ಲೈನ ತೆ ಆಗಮ್ಮಾ ಘಾಲಕ್ಹು, ತೆ ಕೌವಕ್ಹು ಯಕ್ಕ ಕ್ಹಾಪ ಭಾರು ಐನ, ತಿನಾ ಹತೆ ಘಟ್ಟ ಧರಲಿದ್ಯುತು.

ಅಪೊಸ್ತಲೊ 28:5

ತೆನೈಸೊ ಪೌಲಾ ಕ್ಹಾಪನೆ ಆಗಮ್ಮಾ ನಾಕಿ ಪಾಡ್ಯೊ; ತಿನೆ ಸುಜ಼ ಅಪಾಯ ಥನೈ.

ಪ್ರಕಟನೆ 21:8

ತೆನೈಸೊ ಭುಚ್ಕವಾವೊಲನೆ ಬರೊಕ್ಹೊ ನೈಸೊ ವಾಲಾವೊನೆ, ವ್ಹಲಸ ಕಾಮೊ ಕರಾಲಾವೊನೆ, ಮನಕ್ಹೊನೆ ಖಲಾಸ ಕರಾಲಾವೊನೆ, ಲೈಂಗಿಕ ಪಾಪೊ ಕರಾಲಾವೊನೆ, ಮಾಟಾ ಮಂತ್ರಾ ಕರಾಲಾವೊನೆ, ಮೊರತಿಯೊನೆ ಆರಾಧನಾ ಕರಾಲಾವೊನೆ, ಸುಳ್ಳ ಕವಾಲಾವೊನೆ ಮಳಾನಿ ಜ಼ಗಾ ಆಗ ರ‍್ಹಯಲ ಇರಜ಼ ವ್ಹೈ ಎ ಭೆವಾ ಮರಣ ವ್ಹೈ.