ಅಪೊಸ್ತಲೊ 27:1 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹ ಅಪೆ ಇಟಲಿನೆ‍ ಹಡಗಾಮಾತಾ ಜೌ಼ ಕೈನ ಫೈಸ್ಲೊ ಥಯೊ. ಪೌಲಾನಾ ವರಿ ಬಿಜಾ಼ ಕೈದಿಯೊನೆ ಜುಲಿಯಸ ಕವಾಲೊ ಸೆನಾಧಿಕಾರಿ ಕೈದಾಲು ವ್ಹತ್ತೊ. ರೊಮ್ಮನೊ ಶತಾದಿಪತಿ ಥಯಲ ಜೊಲಿಯಸ ಚಕ್ರವರ್ತಿನಾ ಸೈನ್ಯಮಾ ಸೆವೆ ಕರಾಲೊ ವ್ಹತ್ತೊ.

ಅಪೊಸ್ತಲೊ 27:1 ပူးပေါင်းရင်းမြစ်များ

ಮತ್ತಾಯ 27:54

ಯೆಸುನೆ ಕೈದಾಲೊ ಸೆನಾದಿಪತಿ ವರಿ ಸೈನಿಕೊ ಬುಕಂಪನೆ ವರಿ ಥಯಲ ಕ್ಹಾರು ದೆಕಿನ ಘನ್ನಾ ಭುಚ್ಕಿನ, "ಎ ಕ್ಹರಿಬಿ ಕ್ಹುದಾನೊ ದಿಕ್ರೊ ವ್ಹತ್ತೊ!” ಕೈನ ಕದ್ಯಾ.

ಲುಕ ಬರ್ದಲ ಸುವಾರ್ತಾ 23:47

ತ್ಯಾ ರ‍್ಹಯಲ ಸೈನಿಕೊನೊ ಅದಿಕಾರಿ ತಿಮ್ಮ ಥಯಲ ದೆಕಿನ"ಎ ಮನಕ್ಹ ಕ್ಹರಿನೊಜ಼ ವ್ಹೈ ಕೈನ ಮನೆ ಗ್ವತ್ತ ವ್ಹತ್ತು" ಕೈನ ಕ್ಹುದಾನಿ ಸ್ತುತಿ ಕರ‍್ಯೊ.

ಲುಕ ಬರ್ದಲ ಸುವಾರ್ತಾ 7:2

ತ್ಯಾ ಯಕ್ಲೊ ರೊಮನ್ನೊ ಸೆನಾದಿಪತಿ ವ್ಹತ್ತೊ. ಸೆನಾದಿಪತಿ ಮಯಾ ರ‍್ಹಯಲವಾಲೊ ಯಕ್ಲೊ ಆಳ ಅರಾಮ ನೈಸೊ ಮರವಾನಿ ಸ್ತಿತಿಮಾ ವ್ಹತ್ತೊ.

ಅಪೊಸ್ತಲೊ 10:1

ಕೈಸರೈಯ ಗಾಮಮಾ ಕೊರ್ನೆಲಿಯ ಕವಾಲೊ ವ್ಹತ್ತೊ. ರೊಮನಾ ಸೈನ್ಯನೆ ಮಳಲ ‘ಇಟಲಿನಾ ದಳ’ ಮಾ ತೆ ಅದಿಕಾರಿ ವ್ಹತ್ತೊ.

ಅಪೊಸ್ತಲೊ 10:22

ತೆ ಮನಕ್ಹೊ "ಕೊರ್ನೆಲಿಯ ಕವಾನಾ ಯಕ್ಕ ಶತಾದಿಪತಿ ಛೆ. ತೆ ಧಾರ್ಮಿಕ ಮನಕ್ಹ ವ್ಹೈ. ತೆ ಕ್ಹುದಾನೆ ಆರಾಧನಾ ಕರಸ. ಯೆಹುದಿ ಮನಕ್ಹೊ ಕ್ಹಾರಾ ತಿನೆ ಮರ್ಯಾದಿ ದಿವಸ. ತುನೆ ತಿನಾ ಘರೆ ಬಲಾವಾನೆ ಕರಿನ ತು ಕವಾನಿಯೊ ಸಂಗತಿಯೊ ಐಕು ಕೈನ ಕ್ಹುದಾನೊ ದುತ ಯಕ್ಲೊ ಕೊರ್ನೆಲಿಯನೆ ಕದ್ಯೊಸ "ಕೈನ ಕದ್ಯಾ.

ಅಪೊಸ್ತಲೊ 16:10

ಪೌಲಾನೆ ಎ ದರ್ಶನ ಥಯಲ ತೆಳಾಮಾಜ಼ ತೆ ಮನಕ್ಹೊನೆ ಚೊ಼ಕು ಸಂದೆಶ ಕವಾನೆ ಕ್ಹುದಾ ಹಮೊನೆ ಬಲಾಯೊಸ ಹಮೆ ತಿಳ್ದಿಲಿನ ಮೆಕೆದೊನಿಯಾನೆ ಜ಼ವಾನೆ ತಯ್ಯಾರ ಥಯಲ ಥಯಾ.

ಅಪೊಸ್ತಲೊ 18:2

ಪೊಂತಮಾ ಕವನಾ ಗಾಮಮಾ ಹುಟ್ಟಲ ಅಕ್ವಿಳ ಕವಾನಾ ಯಕ್ಕ ಯೆಹುದಿನೆ ಪೌಲಾ ದೆಕ್ಯೊ. ಯೆಹುದಿಯೊ ಕ್ಹಾರಾ ರೊಮಾಪುರ ಛೊಡಿನ ಜೌ ಕೈನ ಕ್ಲೌದಿಯನೊ ಚಕ್ರವರ್ತಿ ಆಗನ್ಯಾ ದಿದಲ ಶಾನಾಹುತಿ ಕದ್ಯಾಮ ಅಕ್ವಿಳನೆ ತಿನಿ ಬೈಕೊ ಪ್ರಿಸ್ಕಿಳ ದಕ್ಹಾ ದಿನ್ನ ಪೈಲಾಜ಼ ಇತ್ಯಾಳ ದೆಶತಾ ಆಯಾತಾ.

ಅಪೊಸ್ತಲೊ 19:21

ಎ ಸಂಗತಿ ಥಯಲ ಪರ ಪೌಲಾ ಬಿ ಮಕೆದೊನ್ಯಮಾ ಅಖಾಯಾಮಾ ಸಂಚಾರ ಕರಿನ ಯೆರುಸಲೆಮೆ ಜೌ ಕೈನ ಮನಸ್ಸಮಾ ಸೊಚ಼ಾಡೊ ಥೊ. ತ್ಯಾ ಗಯೆಲ ಪರ ರೊಮಾಪುರವಾಲಾವೊಬಿ ದೆಕು ಕೈನ ಕದ್ಯೊ.

ಅಪೊಸ್ತಲೊ 21:32

ತೆಳಾಮಾ ತೆ ಸಿಪಾಯಿಯೊನೆ ಶತಾದಿಪತಿಯೊನೆ ಲಿನ ಮನಕ್ಹೊ ಮಳಲ ಜ಼ಗಾ ಆಯೊ. ತ್ಯುನೆ ತೆ ಅದಿಕಾರಿನೆ ಸಿಪಾಯಿಯೊನೆ ದೆಕಿನ ಪೌಲಾನೆ ಮಾರಾನು ಛೊ಼ಡ್ಯಾ.

ಅಪೊಸ್ತಲೊ 22:26

ಶತಾಧಿಪತಿ ತೆ ವಾತೊ ಐಕಿನ ಅದಿಕಾರಿಕನ ಗೈನ "ತು ಸು ಕರುಕೈನ ಛೆ? ತೆ ಮನಕ್ಹ ರೊಮಾಪುರವಾಲೊ ವ್ಹೈ.

ಅಪೊಸ್ತಲೊ 23:11

ಕೈನ ತೆ ರಾತೆ ಕರ್ತಾ ಪೌಲಾನಾ ಕ್ಹಾತೆ ಹುಬರೈನ "ಧೈರ್ಯಕ್ಹು ರ‍್ಹೊ; ತು ಯೆರುಸೆಲಿಮ್ಮಾ ಮಾರಾ ಸಂಗತಿಯೊ ಸಾಕ್ಷಿಯೊ ಥೈಯೆಲ ಕ್ಹು ರೊಮಾಪುರಮಾ ಬಿ ಸಾಕ್ಷಿ ಥೌ ಕೈನ ಕದ್ಯೊ.

ಅಪೊಸ್ತಲೊ 23:17

ಪೌಲಾ ಅದಿಕಾರಿಯೊಮಾನಾ ಯಕಲಾನೆ ಬಲೈನ ;ಆ ಜಾಂಜಿಮಾನನೆ ಅದಿಕಾರಿ ಕನ ಬಲಲಿನ ಜಾ಼; ತಿನೆ ತಿಳಸಾವೊನಿ ಯಕ್ಕ ವಾತ ಛೆ ಕೈನ ಕದ್ಯೊ.

ಅಪೊಸ್ತಲೊ 24:23

ತೆ ಥಯಲ್ಪರ ಪೌಲಾನೆ ಕಾವಲಮಾ ಮ್ಹೆಲು ಕೈನ, ಆದರೆ ಕಟ್ಟು ನಿಟ್ಟ ನಕೊ ಚಾ಼ಯೆ ಕೈನ, ತಿನೆ ರ‍್ಹಯೆಲ ದೊಸ್ತೊನೆ ತಿನೆ ಉಪಚಾರ ಕರಾನು, ಅಡ್ಡಿಕರು ನೈ ಕೈನ ಶತಾದಿಪತಿನೆ ಅಪ್ಪಣೆ ಕರ‍್ಯಾ.

ಅಪೊಸ್ತಲೊ 25:12

ತೆಳಾಮಾ ಫೆಸ್ತಾನೆ ತ್ಯುನಾ ಸಭೆವಾಲಾವೊನಾ ಕ್ಹಾತೆ ಕ್ಹಾರು ವಿಚಾರ ಕರಲ ಪರ ಪೌಲಾನೆ; ತು ಕೈಸರನಾ ಕ್ಹಾಮೊ ಕೈಲ್ಯುಸ ಕದ್ಯೊ ತೊ ತಿನಾ ಹುತಿ ಕೈಸರ ಕನ ಜೌ ಕೈನ ಕದ್ಯೊ.

ಅಪೊಸ್ತಲೊ 25:25

ತೆ ಮಾರಾನೆ ದಂಡನೆ ಕಾರಣಾ ಥಾವಾನೆ ಸು ನತ್ತಿ ಕರ‍್ಯೊಕೈನ ಮನೆ ದಿಕ್ಹಿನ ಐಯು. ತೆಜ಼ ಕೈಸರನೆ ಮಾಂಗಿಲೆತ್ತಾಮ್ಮಾ ತಿನೆ ಕೈಸರಕನ ವಳಾವಾನೆ ಫೈಸಲೊ ಲಿದ್ಯೊ.

ಅಪೊಸ್ತಲೊ 27:11

ವರಿಬಿ ಹಡಗಾನೊ ನಾಯಕ ವರಿ ಹಡಗಾನೊ ಮಾಲಕ ಪೌಲಾ ಕದಲನೆ ವಪ್ಯಾ ನೈ. ತಿನಾಹುತಿ ಸೆನಾದಿಕಾರಿ ಪೌಲಾನಿ ವಾತ ಐಕ್ಯಾವಾಚಿಹಡಗಾನಾ ಮಾಲಕನಿ ವರಿ ಹಡಗಾನಾ ನಾಯಕನಿ ವಾತ ಐಕ್ಯೊ.

ಅಪೊಸ್ತಲೊ 27:43

ತೆಳಾಮಾ ಶತಾದಿಪತಿ ಪೌಲಾನೆ ವಚಾಡು ಕೈನ ವಿಚಾರ ಕರಿನ ತ್ಯುನೆ ಯೊಚನೆನೆ ನೊ ಕೈನ, ಇಜತ್ತಾ ನೈ ಕೈನ ಹಡಗಮ್ಮಾತ್ತಾ ಡುಕಲಿನ ಪೈಲಾ ದಂಡಿನೆ ಜೌ ಕೈನ

ಅಪೊಸ್ತಲೊ 27:6

ಅಲೆಕ್ಸಾಂಡ್ರಿಯಾತೊ ಆಯಲ ಹಡಗೊ "ಮುರ "ಮಾ ರ‍್ಹಯಲ ಸೆನಾದಿಕಾರಿ ದೆಕ್ಯೊ. ಎ ಹಡ್ಗೊ ಇಟಲಿಯೆ ಚಾ಼ಲ್ಯೊತೊ. ತಿನಹುತಿ ತೆ ಹಮೊನೆ ತೆ ಹಡಗಾಮಾ ಚ಼ಡಾಯೊ.

ಅಪೊಸ್ತಲೊ 28:1

ಹಮ್ಮೆ ಸುರಕ್ಷಿತಕ್ಹು ದಂಡಿ ಮುಟ್ಟೆಲಪರ, ತೆ ಉಪರತೊ ದಿವೊ ಉತರಿನ ಆಯೊ.

ಅಪೊಸ್ತಲೊ 28:16

ಹಮ್ಮೆ ರೊಮಾಪುರನೆ ಆಯಲ್ಪರ, ಪೌಲಾ ತಿನೆ ಕೈದಾಲಾ ಸಿಪಾಯಿನಾ ಕ್ಹಾತೆ ಜ಼ುದೊ ಥೈನ ರ‍್ಹೌ ಕೈನ ಅಪ್ಪಣೆ ಹೊಂದಿಲಿದ್ಯೊ.

ಇಬ್ರಿಯ 13:24

ತುಮಾರಾ ಕ್ಹಾರಾ ಸಭಾನಾಯಕೊನೆ ವರಿ ಪರಿಶುದ್ದ ಕ್ಹುದಾನಾ ಮನಕ್ಹೊನೆ ವಂದನೆ ಕವೊ. ಇಟಲಿ ದೆಶತಾ ಆಯಲವಾಲಾ ತುಮೊನೆ ವಂದನೆ ಕವಸ.