ಅಪೊಸ್ತಲೊ 26:31 - ಕ್ಹುದಾನಿ ಕ್ಹರಿನಿ ವಾಕ್ಯಾ

³¹ ತ್ಯಾತಾ ಭಾರಾ ಆಯಾ ತ್ಯುನೆ ಯಕ್ಕನೆ ಯಕ್ಕ ತೆ ಮನಕ್ಹನೆ ಮೌತನಿ ಶಿಕ್ಷಾ ದ್ಯು ನೈ ಕೈನ ವರಿ ಜೆಲಮ್ಮಾ ಘಾಲು ನೈ ಕೈನ ತೆ ಕ್ಹರಿ ಕೆಟ್ಟನು ಸುಜ಼ ನತಿ ಕರ‍್ಯೊ ಕೈನ ಕದ್ಯಾ.

ಅಪೊಸ್ತಲೊ 26:31 ပူးပေါင်းရင်းမြစ်များ

ಲುಕ ಬರ್ದಲ ಸುವಾರ್ತಾ 23:4

ಪಿಲಾತನ, ಖಾಸ ಯಾಜಕೊನೆ ವರಿ ಮನಕ್ಹೊನೆ"ಮನೆ ಆ ಮನಕ್ಹಮಾ ಕಯೊಜ಼ ತಪ್ಪ ದಿಕ್ಹಾಡ್ಯು ನತ್ತಿ "ಕದ್ಯೊ.

ಅಪೊಸ್ತಲೊ 23:29

ತ್ಯಾ ತ್ಯುನೆ ಧರಮಶಾಸ್ತ್ರಾನಾ ವಿಷಯ ಧರ್ಲಿನ ತಿನಾ ವಿರುದ್ದ ತಪ್ಪ ಯಕಜ ಘಾಲ್ಯಾ ತೆನೈಸೊ ಮಾರಾನಿ ಶಿಕ್ಷಾ ರ‍್ಹೈನೆಕಾ ಬೆಡಿಯೊಕ್ಹು ಭಾಂದಾನು ರ‍್ಹೈನೆಕಾ ತಿನಾ ತಕ ಕಯುಜ಼ ಅಪರಾದ ರ‍್ಹೈನೆಕಾ ಘಾಲಾನೆ ಸ ಮನೆ ಧಿಕ್ಹಿನ ಐಯು.

ಅಪೊಸ್ತಲೊ 23:9

ತೆಳಾಮಾ ಮ್ಹೊಟಿ ಗದ್ದಲ ಥೈ. ಫರಿಸಾಯರನಾ ಬಗಲ್ತಾ ರಹೆಲವಾಲಾ ಶಾಸ್ತ್ರಿಯೊಮಾ ದಕ್ಹಾಜ಼಼ನಾ ಉಟಿನ"ತೆ ಮನಕ್ಹಮಾ ಹಮ್ಮನೊನೆ ಕೆಟ್ಟ ಸುಜ಼ ದಿಕ್ಹ್ಯು ನತ್ತಿ”, ಆತ್ಮಾ ರ‍್ಹವಾದೆ ದೆವದುತ ರ‍್ಹವಾದೆ ತಿನಾ ಕ್ಹಾತೆ ಬೊಲ್ಯಾತಬಿ ಬೊಲ್ಯೊವಸ ಕೈನ ವಾದಿಸ್ಯಾ,

ಅಪೊಸ್ತಲೊ 25:25

ತೆ ಮಾರಾನೆ ದಂಡನೆ ಕಾರಣಾ ಥಾವಾನೆ ಸು ನತ್ತಿ ಕರ‍್ಯೊಕೈನ ಮನೆ ದಿಕ್ಹಿನ ಐಯು. ತೆಜ಼ ಕೈಸರನೆ ಮಾಂಗಿಲೆತ್ತಾಮ್ಮಾ ತಿನೆ ಕೈಸರಕನ ವಳಾವಾನೆ ಫೈಸಲೊ ಲಿದ್ಯೊ.

ಅಪೊಸ್ತಲೊ 28:18

ತ್ಯುನೆ ಮನೆ ವಿಚಾರಣೆ ಕರಿನ, ಮಾರಾವಾನಿ ದಂಡನೆನೆ ಕಾರಣ ಸು ನೈಸೊ ಮನೆ ಚ್ಹೊಡೌ ಕೈನ ವ್ಹತ್ತಾ.

1 ಪೆತ್ರಾ 3:16

ತೆನೈಸೊ ಸಾತ್ವಿಕತೆಕ್ಹು ಮರಯಾದಿಕ್ಹು ತ್ಯುನೊನೆ ಜವಾಬ ದಿವೊ. ತುಮೆ ಕರಾನು ಚೊ಼ಕು ವ್ಹೈ ಕದ್ಯಾಮ ತುಮೊನೆ ಕೆಳಾಮಾಬಿ ತಿಳ್ದಾದಾದೆ ತೆಳಾಮ ತುಮೆ ಕ್ರಿಸ್ತಮಾ ಚೊ಼ಕಾ ಥೈನ ಜಿವ್ನಾ ಕರಾನು ದೆಕಿನ ತುಮಾರಾ ಹುತಿ ಕೆಟ್ಟ ಬೊಲಾಲಾ ತ್ಯುನೆ ಕದಲ ಕೆಟ್ಟ ಕಾಮೊನಾ ಹುತಿ ಸರಮಾವಸ.