ಅಪೊಸ್ತಲೊ 26:28 - ಕ್ಹುದಾನಿ ಕ್ಹರಿನಿ ವಾಕ್ಯಾ

²⁸ "ತಿನಾಹುತಿ ಅಗ್ರಿಪ್ಪ ರಾಜೊ಼ ಉತ್ತರಾ ದಿದ್ಯೊ ; ದಕ್ಹಿ ಕೊಶಿಶಕ್ಹು "ಮನೆ ಆಸಾನಕ್ಹು ಕ್ರಿಸ್ತ ಥವಾನಾಹುತಿ ಒಂಡಬಡಿ ಸು ತು? ಕೈನ ಕತ್ತಾಮ್ಮಾ"

ಅಪೊಸ್ತಲೊ 26:28 ပူးပေါင်းရင်းမြစ်များ

ಮತ್ತಾಯ 10:18

ತುಮೊನೆ ಅದಿಕಾರಿಯೊನಾ ಕ್ಹಾಮಾ ರಾಜಾ಼ವೊನಾ ಕ್ಹಾಮಾ ಬಲೈಲಿನ ಜಾ಼ವಸ. ಮಾರಾ ಹುತಿ ಮನಕ್ಹೊ ತುಮೊನೆ ಇಮ್ಮ ಕರಸ. ತೆನೈಸೊ ತುಮೆ ತೆ ರಾಜಾ಼ವೊನೆಬಿ ಅದಿಕಾರಿಯೊನೆಬಿ ಯಹುದಿಯೊ ತೆ ಮನಕ್ಹೊನೆ ಮಾರಾ ವಿಶಯಮಾ ಕವೊಶಿ.

ಮಾರ್ಕ 6:20

ಹೆರೊದ ಯೊಹಾನ ಕ್ಹುದಾನೊ ಭೆ ರ‍್ಹಯಲ ವಾಲೊ ವರಿ ಪರಿಶುದ್ಧ ವ್ಹೈ ಕೈನ ತಿಳ್ದಿನ ತಿಕ್ಹು ಭುಚ಼ಕಿನ ತಿನೆ ಸು ಥಾವುನೈ ಕೈನ ಮುಕ್ಕಯೊತೊ ಎನೈಸೊ ಯೊಹಾನ ಕವಾನು ತಿನೆ ಐಕ್ತಾಮಾ ಮನಸೆ ಘನ್ನು ಗಲಿಬಿಲಿ ಥಯುತಬಿ ತಿನಿಯೊ ವಾತೊ ಧ್ಯಾನ ದಿನ್ನ ಐಕ್ತೊತೊ.

ಅಪೊಸ್ತಲೊ 11:26

ಬಾರ್ನಬ ತ್ಯಾ ಸೌಲಾನೆ ಮಳಿನ ತಿನೆ ಅಂತಿಯೊಕ್ಯನೆ ಬಲೈಲಿನ ಗಯೊ. ಸೌಲಾ ವರಿ ಬಾರ್ನಬ ಅಂತಿಯೊಕ್ಯಮಾ ಯಕ್ಕ ವರಕ್ಹ ಪುರಾ ಸಭೆನಾ ಅನ್ಯುನ್ಯತೆಮಾ ರ‍್ಹೈನ ಘನ್ನಾ ಮನಕ್ಹೊನೆ ಬೊದನೆ ಕರ‍್ಯಾ. ಯೆಸುನಾ ಹಿಂಬಾಲಕೊನೆ "ಕ್ರೈಸ್ತರೊ "ಕವಾನು ನಾಮ ಆಯಲ ಅಂತಿಯೊಕ್ಯಮಾಜ಼ ವ್ಹೈ.

ಅಪೊಸ್ತಲೊ 24:25

ತಿನಾಹುತಿ ತ್ಯಾಂತೊ ಗೈನ ಪೌಲಾ ಸ್ವ ನಿಯಂತ್ರಣ ವರಿ ಅಗು ಥಾವಾನು ಚೊ಼ಕಾನಾಹುತಿ ಚೆರ್ಚಾ ಕರಿನಾಹುತಿ ಇವ್ನಾ ಹುತಿ ಕತಾಮಾ ಫೆಲಿಕ್ಸ ಭುಚಿ಼ಕಿನ ತಿನೆ; ತೆ ಕವಸ ಹಮ್ನಾ ತು ಜಾ಼; ಮಿ ತುನೆ ಟೈಮ ಮಳಲಪರ ತುನೆ ಬಲೌಸ ಕೈನ ಕದ್ಯೊ.

ಅಪೊಸ್ತಲೊ 26:27

ರಾಜೊ಼ ಅಗ್ರಿಪ್ಪ, ಪ್ರವಾದಿಯೊನೆ ತು ನಂಬಶಿಸು? ಮನೆ ಗೊತ್ತಛೆ ಕೈನ ಕದ್ಯೊ"

ಅಪೊಸ್ತಲೊ 26:29

ಪೌಲಾ ಚೊ಼ಕು ವೈಸು ಕಟ್ಟವೈ ತೆ ಮನೆ ಖಾಸ ನ್ಹವೈ. ತು ಯಕ್ಲೊಜ಼ ನ್ಹವೈ ತೆಳಾಮಾ ಮನೆ ಕರಾನು ಹರಯಕ್ಲೊ ಮಾರಾನಿಂತ ಥೌ ಕೈನೆ ಮಿ ಕ್ಹುದಾನೆ ಪ್ರಾರ್ಥನಾ ಕರುಸ. ತಿನಾಹುತಿ ತೆ ಸಂಕೊಲೆಯೊ ಯಕ್ಕಜ಼ ತಮನೊನೆ ನಕೊ ಕೈನ ಕದ್ಯೊ.

2 ಕೊರಿಂಥ 4:2

ಸರಮ ಆವಾನು ಕಾಮ ಝಾಕಿಲಿನ ಕರಾನಾ ಕಾಮೊ ಅಪೆ ಛೊಡಿನ ಅಪೆ ಕುತಂತ್ರ ಉಪಯೊಗ ಕರ್ತಾಜ ನೈ. ಕ್ಹುದಾನು ಉಪದೆಶ ಬದಲಿ ಕರ್ತಾಜ ನೈ. ಅಪೆ ಕ್ಹರಿ ರ‍್ಹಯಲಜ ಕೈಯೆಸ. ಹಮೆ ಕುನ್ನ ವ್ಹೈ ಕವಾನು ಮನಕ್ಹೊನೆ ದೆಕಾಡಿನ ದಿಯೆಸ. ಇಮ ಹಮೆ ಕ್ಹುದಾನಾ ಕ್ಹಾಮಾ ಕೆವಾ ಛೆ ಕವಾನು ತ್ಯುನಾ ಮನಸೊಮಾ ತಿಳದಿಲಿವಸ.

1 ಪೆತ್ರಾ 4:16

ತುಮೆ ಕ್ರೈಸ್ತರೊ ಥಯಲಕ್ಹು ತ್ರಾಸ ಖಾದ್ಯಾಮ, ಸರಮಕ್ಹು ರ‍್ಹೌನೈ. ತೆ ( ಕ್ರೈಸ್ತ ) ನಾಮನಾಹುತಿ ತುಮೆ ಕ್ಹುದಾನೆ ಸ್ತೊತ್ರಾ ಕರೊ.