2 ಅಗ್ರಿಪ್ಪ ರಾಜಾ಼, ಯೆಹುದಿಯೊ ಮಪರ ಆರೊಪ ದಿವಾನು ಕ್ಹಾರಾ ಆರೊಪನಾ ಹುತಿ ತಾರಾ ಕ್ಹಾಮೊ ಮಿ ಹಮ್ನಾಜ಼ ಪ್ರತಿವಾದ ಕರಾನು ರ್ಹಯಲ ಹುತಿ, ಮನೆ ಧನ್ಯ ವ್ಹೈನ ಕವೈಲ್ಯುಸ.
ತುಮೊನೆ ಧರಿಲಿನ ಗಯಲ್ಪರ ತುಮೆ ಸು ಬೊಲು, ಕಿಮ್ಮ ಬೊಲು ಕವಾನು ಚಿಂತಾ ನಕೊ ಕರೊ. ತುಮೆ ಕವಾನು ತೆ ಟೈಮಮಾ ಕವಾಲಗಾಡಸ.
ಮನಕ್ಹೊ ತುಮೊನೆ ಸಬಾಮಂದಿರಮಾ ಅದಿಕಾರಿಯೊನಾ ಕ್ಹಾಮಾ ನ್ಯಾಯಾದಿಪತಿಯೊನಾ ಕ್ಹಾಮಾ ಮಂತ್ರಿಯೊನಾ ಕ್ಹಾಮಾ ತುಮೊನೆ ಯಳ್ದಿನ ನಿಂಜಾ಼ತಾಮಾ ತ್ಯುನಾ ಕ್ಹಾಮೊ ಸು ಬೊಲುಕೈನ ತುಮೆ ಚಿಂತಾನಕೊ ಕರೊ.
ವರಿ ಎ ಕ್ಹಾರು ಥಾವಾತಿ ಅಗ್ದುರ ಮನಕ್ಹೊ ತುಮೊನೆ ಧರಿಲಿನಗೈನ ತ್ರಾಸ ಕರಸ ವರಿ ತುಮೊನೆ ಸಭಾಮಂದಿರಮಾ ಲಿನಜಾ಼ವಸ, ತುಮೊನೆ ಫೈಸಲೊ ಕರಿನ ಜೆಲಮಾ ಘಾಲಾಲಗಾಡಸ. ವರಿ ರಾಜಾ಼ವೊನಾ ಕ್ಹಾಮಾ ಹುಬ್ರಾಡಸ, ತುಮೊಪರ ಅಪವಾದ ಘಾಲಸ. ತುಮೆ ಮಾರಾ ಪಾಚಾ಼ ಆವಾಕ್ಹು ಮನಕ್ಹೊ ತುಮೊನೆ ಎ ಕ್ಹಾರು ಕರಸ.
ತೆನೈಸೊ ತಿನಾಹುತಿ ಕೈಸರ ಆವಾನೆ ಕೈಜ಼ ಕಾರಣ ದಿಕ್ಹಿನ ಆಯು ನೈ. ಜೆಲಮ್ಮಾರಹೆಲವಾಲಾನಾ ಹುತಿ ಆರೊಪ ಘಾಲೆಲ ತಪ್ಪ ದಿಕ್ಹೆವಾಚಿ, ತಿನೆ ವಳಾವಾನು ಚೊ಼ಕು ನ್ಹವೈ ಕೈನ ಮನೆ ದಿಕ್ಹಿ ಐ ನೈ.
ತೆಳಾಮಾ ಅಗ್ರಿಪ್ಪನೆ, ಪೌಲಾನೆ ತು ತಾರಾ ಪರಾ ಬೊಲಸಕ್ಸಿ ಕತಾಮಾ, ಪೌಲಾ ಹತ ಉಚೈನ, ಪ್ರತಿವಾದ ಸು ಕರ್ಯೊ ಕದ್ಯಾಮ.
ತಿನಾಹುತಿ "ರಾಜಾ಼ ಥಯಲ ಅಗ್ರಿಪ್ಪ,ಮನೆ ಮಳೆಲ ಮಿ ಪರಲೊಕನು ದರ್ಶನ ದೆಕಲಪರ ತಿನೆ ಅವಿಧೆಯ ನೈ ಥೈನ.
ರಾಜೊ಼ ಥಯಲ ಅಗ್ರಿಪ್ಪನೆ ತೆ ಸಂಗತಿಯೊ ಗೊತ್ತ ಛೆ. ತಿನಾಹುತಿ ತಿನಾ ಕ್ಹಾಮೊ ಮಿ ಧೈರ್ಯಕ್ಹು ಬೊಲುಸಕೈ. ತೆ ಸಂಗತಿಯೊಮ್ಮಾ ಯಕ್ಕಬಿ ಜ್ಹಾಕಿಲಿದೆಲ ನತ್ತಿ ನಂಬಾನು ಸುವೈ ಕದ್ಯಾಮ, ಕಾಕದ್ಯಾಮ್ಮಾ ತೆ ಯಕ್ಕ ಮೂಲಾಮ್ಮಾ ಥಯಲ ಕಾಮ್ಮ ನ್ಹವೈ.
ಕಾಕದ್ಯಾಮ, ಯೆಹುದಿಯೊಮಾ ರ್ಹಯಲ ಕ್ಹಾರಿಯೊ ಪದ್ದತಿಯೊ, ವಿವಾದೊ ತು ಘನ್ನೊ ಬಲ್ಲಲವಾಲೊ ರ್ಹಶಿ. ಮಾರಿಯೊ ವಾತೊ ತಾಳ್ಮೆಕ್ಹು ಐಕು ಕೈನ ಮಾಂಗಿಲ್ಯುಸ.
ಅಪ್ನಾ ಬಾರಾ ಖಾಂಧಾವಾಲಾ ದಿನ್ನ ರಾತ ಆಸಕ್ತಿಕ್ಹು ಕ್ಹುದಾನೆ ಆರಾದಾನಾ ಕರ್ತಾ ತೆ ವಾತನಿ ಫಲ ಮಳಾನಾ ಹುತಿ ಆಸ ಕರ್ತಾ ಛೆ. ರಾಜಾ಼, ತೆಜ಼ ಆಸನಾ ಹುತಿ ಯೆಹುದಿಯೊ, ಮಾರಾ ವಿರುದ್ದ ದೊಶಾರೊಪಣೆ ಕರಾಡಾಸ.