ಅಪೊಸ್ತಲೊ 22:4 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁴ ಎ ವಾಟಮಾ ರ‍್ಹಯಲವಾವೊನೆ ತ್ರಾಸ ದಿವಾಲೊ ಥೈನ ದಾಣ್ಗಾವೊನೆ ವರಿ ಬಾಕ್ಡಿಯೊನೆ ಬೆಡಿಯೊ ಘಾಲಿನ, ತ್ಯುನೊನೆ ಜೆಲ್ಮಾ ಘಲಾತೊ ವ್ಹತ್ತೊ, ಖಲಾಸ ಕರಾನೆಬಿ ಪಾಚೊ಼ ಸರಕ್ತೊ ನ್ಹೊತೊ ತೆಕ್ಲೊ ತ್ರಾಸ ದೆತೊತೊ.

ಅಪೊಸ್ತಲೊ 22:4 ပူးပေါင်းရင်းမြစ်များ

ಅಪೊಸ್ತಲೊ 16:17

ಹಮೆ ಜಾ಼ತಾಮಾ ತೆ ಬಾಕ್ಡಿ ಹಮಾರಾ ಪಾಚಿ಼ ಐನ ಎ ಮನಕ್ಹೊ ಪರಾತ್ಪರ ಥಯಲ ಕ್ಹುದಾನಾ ಸೆವಕೊ ವ್ಹೈ; ತುಮೊನೆ ರಕ್ಷಣೆನು ಮಾರ್ಗ ದೆಕಾಡಾತಾ ರ‍್ಹವಸ. ಕೈನ ವದ್ರಿನ ಕತಿತಿ.

ಅಪೊಸ್ತಲೊ 18:26

ತೆ ಸಭಾಮಂದಿರಮಾ ಧೈರ್ಯಕ್ಹು ಬೊಲಾನು ಶುರು ಕರ‍್ಯೊ. ತಿನಿಯೊ ವಾತೊ ಪ್ರಿಸ್ಕಿಳ ವರಿ ಅಕ್ವಿಳ ಐಕಿನ ತಿನೆ ತಿನಾ ಘರೆ ಬೈಲಿನ ಗೈನ ಕ್ಹುದಾನಿ ವಾಟನಾಹುತಿ ತಿನಿ ಸುಕ್ಷಮ ಕ್ಹು ದೆಕಾಡಿನ ದಿದ್ಯೊ.

ಅಪೊಸ್ತಲೊ 19:23

ತೆ ದಿನೊಮಾ ತೆ ವಾಟನಾ ಪರ ಘನು ಧಾಂದಲ ಉಟಿತಿ.

ಅಪೊಸ್ತಲೊ 19:9

ದಕ್ಹಾ ಮನಕ್ಹೊ ತ್ಯುನಾ ಮನಸಮಾ ಕಟಿನ ಕರಲಿನ ವರಿ ನಂಬ್ಯಾ ನೈ ಗುಂಪ ಕರಿನ ಮನಕ್ಹೊನ ಕ್ಹಾಮಾ ಆ ವಾಟ ಕೆಟ್ಟ ಛೆ ಕವಾನೆ ತಿನಾಹುತಿ ಪೌಲಾ ತ್ಯುನೊನೆ ಛೊಡಿನ ಗೈನ ಶಿಷ್ಯಾವೊನೆ ಬಿಜಾ಼ ಕರಿನ ತುರನ್ನ ಕವಾನಿ ಶಿಕ್ಲಾವೊನಿ ಕ್ಹೊಲಿಮಾ ತಿನಾಹುತಿ ತರ್ಕಸಾಲಿಮಾಕದ್ಯೊ

ಅಪೊಸ್ತಲೊ 24:14

ಯಕ್ತೊ ತಾರಾ ಕ್ಹಾಮೊ ವಪ್ಪಿಲ್ಯುಸ, ತೆ ಸು ವ್ಹೈ ಕದ್ಯಾಮ;ಇವ್ನೆ ಮನೆ ಧರ್ಮನೊ ವಿರೊದಿ ವ್ಹೈ ಕೈನ ಕವಾನು, ಮಿತೊ ಮಾರಾ ಪಿತೃ ಆರಾಧನ ಕರಾನಾ ಕ್ಹುದಾನೆಜ಼ ಮಿ ಆರಾದಾನಾ ಕರಾಲೊ ಥಯೊಸ. ಮೊಶೆನು ಧರ್ಮ ಶಾಸ್ತ್ರನಾ ಲಿಂಗತ ರ‍್ಹಯಲ ವರಿ ಪ್ರವಾದಿಯೊನಾ ಗ್ರಂಥೊಮಾ ಬರ್ದಲ ಕ್ಹಾರಿ ವಿಷಯನಾ ಹುತಿ ಬರೊಕ್ಹೊ ಕರಿಯೆಸ.

ಅಪೊಸ್ತಲೊ 7:58

ತಿನೆ ಗಾಮ್ತಾ ಭಾರಾ ಎಳದಿನ ಲೈನ ತೆ ಮರೆಲಕ್ಕಾ ತಿನಾ ಉಪ್ಪರ ದಗ್ಡಾ ನಾಕ್ಯಾ ಸ್ತೆಫಾನೆ ವಿರುದ್ದ ಥೈನ ಸುಳ್ಳ ಕದಲ ಮನಕ್ಹೊ ತ್ಯುನಾ ಅಂಗ್ಡಾ ಕಾಡಿನ ಸೌಲಾ ಕವಾಲಾನೆ ದಿನ,

ಅಪೊಸ್ತಲೊ 9:21

ತೆ ಐಕಲವಾಲಾ ಕ್ಹಾರಾ ಮನಕ್ಹೊ ಗಾಬ್ರಾ ಥೈನ ಕ್ರಿಸ್ತನು ನಾಮ ಕವಾಲಾವೊನೆ ಯೆರುಸೆಲೆಮಮಾ ಖಲಾಸ ಕರಾಲೊ ಎಜ಼ ನ್ಹವ್ಹೈ ಸು? ಯೆಸುನಾ ಶಿಷ್ಯಾವೊನೆ ಬೆಡಿಯೊ ಘಾಲಿನ ಖಾಸ ಯಾಜಕೊಕನ ಲಿನಜಾ಼ವಾದೆ ಕೈನ ನ್ಹ್ಯಾ ಆಯೊಸ ಸು ಕೈನ ಬೊಲ್ಲಿದ್ಯಾ.

1 ಕೊರಿಂಥ 15:9

ಮಿ ತಬಿ ಅಪೊಸ್ತಲೊಮಾ ನ್ಹಾನೊ ವ್ಹೈ, ಅಪೊಸ್ತಲ ಕವಾನಾ ನಾಮನೆಬಿ ಲಾಯಕ ನತ್ತಿ. ಕಾಕದ್ಯಾಮ ಸಭೆವಾಲಾ ಮನಕ್ಹೊನೆ ತ್ರಾಸ ದಿದ್ಯೊ.

ಗಲಾತ್ಯ 1:13

ಮಾರಿ ಪಾಚ಼ಲಿ ಜಿವಿತನಾ ಹುತಿ ತುಮೆ ಐಕ್ಯಾಸ. ಮಿ ಯಹುದಿ ಧರಮವಾಲೊ ವ್ಹತ್ತೊ. ಕ್ಹುದಾನಿ ಸಬೆನೆ ಮಿ ಘನ್ನೊ ತ್ರಾಸ ಕರ್ತೊತೊ. ಕ್ರೈಸ್ತ ರ‍್ಹಯಲ ಸಬೆನೆ ಹಾಳ ಕರಾನೆ ಕೊಶಿಶ ಕರ‍್ಯೊತೊ.

ಫಿಲಿಪ್ಪಿ 3:6

ಆಸಕ್ತಿ ದೆಕ್ಯಾಮ್ಮಾ ಮಿ ಕ್ರಿಸ್ತನಾ ಸಭೆನೆ ತರಾಸ ಕರಲವಾಲೊ ವ್ಹೈ, ಧರಮಶಾಸ್ತ್ರನಾ ನಿಯಮನಾ ಪ್ರಕಾರ ದೆಕ್ಯಾಮ್ಮಾ ಮಿ ತಪ್ಪ ನೈಸೊ ವ್ಹೈ.

2 ಪೆತ್ರಾ 2:2

ತ್ಯುನೆ ಕರಾನಾ ಕೆಟ್ಟ ಕಾಮೊ ಮನಕ್ಹೊಬಿ ಕರಸ. ತೆ ಮನಕ್ಹೊನಾ ಹುತಿ ಕ್ಹರಿನಿ ವಾಟನಾ ಹುತಿ ಬಿಜಾ಼ ಮನಕ್ಹೊ ಕೆಟ್ಟ ವಾತೊ ಬೊಲಸ.