ಅಪೊಸ್ತಲೊ 22:20 - ಕ್ಹುದಾನಿ ಕ್ಹರಿನಿ ವಾಕ್ಯಾ

²⁰ ವರಿ ತುನೆ ಸಾಕ್ಷಿಥಯಲ ಸ್ತೆಫನು ರಗತ ನಾಕತಾ ಟೈಮ್ಮಾ, ಮಿ ಕ್ಹಾಮೊ ಹುಬರೈನ ತೆ ಸಮ್ಮತಿಸಿ,ತಿನೆ ಮಾರೆಲವಾಲಾನಾ ವಣಾ ಕಾಯಿದಾಡೊತೊ. ಕವಾನು ತ್ಯುನೆ ಗೊತ್ತಥಯಲವಾಲಾ ವ್ಹತ್ತಾ.

ಅಪೊಸ್ತಲೊ 22:20 ပူးပေါင်းရင်းမြစ်များ

ಲುಕ ಬರ್ದಲ ಸುವಾರ್ತಾ 11:48

ಅನಾ ಹುತಿ ತುಮಾರಾ ಬಾಪೊ ಕರಲ ಕಾಮೊ ತುಮೆ ವಪ್ಪಿಲಿದ್ಯಾಸ ಮನಕ್ಹೊನೆ ದೆಕಾಡೊಸಿ. ತ್ಯುನೆ ಪ್ರವಾದಿಯೊನೆ ಖಲಾಸ ಕರಿಪಾಡ್ಯಾ. ತುಮೆ ತೆಜ಼ ಪ್ರವಾದಿಯೊನಿಯೊ ಮಜಾ಼ರೊ ಭಾಂದೊಸಿ!

ಅಪೊಸ್ತಲೊ 26:10

ಯೆರುಸೆಲಿಮಮಾ ತಿಮ್ಮಜ಼ ಕರ‍್ಯೊತೊ. ಖಾಸ ಯಾಜಕ ಕ್ಹು ಅದಿಕಾರ ಪಡ್ದಿನ ಕ್ಹುದಾನಾ ಮನಕ್ಹೊಮಾ ಘನ್ನಾ ಜ಼ನಾವೊನೆ ಜೆಲ್ಮಾ ಮುಕ್ಕಿನ, ತ್ಯುನೊನೆ ಮರ್ವಾನಿ ಶಿಕ್ಷಾ ಥಯಲ್ಪರ, ಮಿ ತಿನೆ ಸಮ್ಮತಿ ಕರೊಸ.

ಅಪೊಸ್ತಲೊ 6:5

ತೆಳಾಮಾ ಕ್ಹಾರಾ ವಿಶ್ವಾಸಿಯೊ ಎ ವಿಚಾರನೆ ವಪ್ಪಿಲಿದ್ಯಾ. ತಿನಾಹುತಿ ತ್ಯುನೆ ಪವಿತ್ರತ್ಮಾಕ್ಹು ಭರಲ ವರಿ ಬರೊಕ್ಹಾನಾ ಲಾಯಕ ರ‍್ಹಯಲ ಸ್ತೆಫನ, ಫಿಲಿಪ್ಪ, ಪ್ರೊಖೊರ, ನಿಕೊನೊರ ತಿಮೊನ ಪರ್ಮೆನ ವರಿ ನಿಕೊಲಾಯ ಮತಾಂತರ ಥೈನ ಯಹುದಿ ಥೈನ ಎ ಅಂತಿಯೊಕ್ಯಯವಾಲೊ ಥಯೊತೊ ಇವ್ನೊನೆ ಇನಿಲಿದ್ಯಾ.

ಅಪೊಸ್ತಲೊ 7:58

ತಿನೆ ಗಾಮ್ತಾ ಭಾರಾ ಎಳದಿನ ಲೈನ ತೆ ಮರೆಲಕ್ಕಾ ತಿನಾ ಉಪ್ಪರ ದಗ್ಡಾ ನಾಕ್ಯಾ ಸ್ತೆಫಾನೆ ವಿರುದ್ದ ಥೈನ ಸುಳ್ಳ ಕದಲ ಮನಕ್ಹೊ ತ್ಯುನಾ ಅಂಗ್ಡಾ ಕಾಡಿನ ಸೌಲಾ ಕವಾಲಾನೆ ದಿನ,

ಅಪೊಸ್ತಲೊ 8:1

ಸೌಲಾನೆ ತಿನೆ ಖಲಾಸ ಕರಲ ತಿನೆ ಪಸಂದ ಐಯು. ತೆ ದಿನಮಾ ಯೆರುಸಲೆಮಾ ರ‍್ಹಯಲ ಸಭೆನೆ ಘನ್ನು ತ್ರಾಸ ಥಯು. ಅಪೊಸ್ತಲೊನೆ ಛೊಡಿನ ಬಿಜಾ಼ ಕ್ಹಾರಾ ವಿಶ್ವಾಸಿಯೊ ಯುದಾಯಮಾ, ಸಮಾರ್ಯಮಾ ಬಿಕರೈಗಯಾ.

ರೊಮಾಪೂರ 1:32

ಹೆವಾವೊನೆ ಮರವಾನಿ ಶಿಕ್ಷಾ ಮಳು ಕೈನ ಧರಮಶಾಸ್ತ್ರ ಕವಸ ಕವಾನು ತ್ಯುನೊನೆ ಗ್ವತ್ತ ಛೆ. ತಿಮ್ಮ ರ‍್ಹಯುತಬಿ ಹವಾ ಕಾಮೊ ಕರ‍್ತಾಜ಼ ರ‍್ಹವಸ. ವರಿ ಹವಾ ಕಾಮೊ ಕರಾನಾ ಮನಕ್ಹೊನೆ ಪ್ರೊತ್ಸಾಹಾ ಕರಸ.

ಪ್ರಕಟನೆ 17:6

ತೆ ಬಾಕ್ಡಿ ಪಿನ ನಿಶಾಮಾ ರ‍್ಹಯಲ ಮಿ ದೆಕ್ಯೊ. ತೆ ಕ್ಹುದಾನಾ ಪರಶುದ್ಧ ರ‍್ಹಯಲ ಮನಕ್ಹೊನು ರಗತ ಪಿನ ನಿಶಾಮಾ ವ್ಹತ್ತಿ. ಯೆಸುಮಾ ತ್ಯುನೊನೆ ರ‍್ಹಯಲ ಬರೊಕ್ಹೊನಾ ಹುತಿ ಕದಲ ಮನಕ್ಹೊನು ರಗತ ತೆ ಪಿನ ನಿಶಾಮಾ ವ್ಹತ್ತಿ. ತೆ ಬಾಕ್ಡಿನೆ ಮಿ ದೆಕ್ತಾಮಾ ಮಿ ಘನ್ನೊ ಘಾಬ್ರೊ ಥಯೊ.

ಪ್ರಕಟನೆ 2:13

"ತು, ಕಿಜ್ಗಾ ರ‍್ಹಸಿ ಕವಾನು ಮನೆ ಗ್ವತ್ತ ಛೆ. ಸೈತಾನನು ಸಿಂಹಾಸನ ಕಿಜ್ಗಾ ಛೆ ತು ತ್ಯಾ ಛೆ. ವರಿಬಿ ತು ಮನೆ ಬರೊಕ್ಹಾವಾಲೊ ರ‍್ಹಸಿ. ಅಂತಿಪಸ್ನಾ ಕಾಲ್ಮಾ ತು ಮಪರ ಮ್ಹೆಲಲ ಬರೊಕ್ಹೊ ಕವಾನೆ ತು ಪಾಚೊ಼ ಸರಕ್ಯೊ ನೈ. ತಾರಾ ಗಾಮ್ಮಾ ಖಲಾಸ ಥಯಲ ಅಂತಿಪನ ಮಾರಾ ಬರೊಕ್ಹೊನಾ ಸಾಕ್ಷಿ ಥಯೊ. ತು ರ‍್ಹಯಲ ಗಾಮ ಸೈತಾನನು ಗಾಮ ಥೈಯುಸ.