ಅಪೊಸ್ತಲೊ 22:14 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹⁴ ತೆಳಾಮಾ ತೆ; ಹಮಾರಾ ಪಿತೃವೊನೊ ಬಾ, ತಿನಿ ಚಿತ್ತ ತು ತಿಳ್ದಿಲಿವಾನೆ, ತೆ ಕ್ಹರಿ ರ‍್ಹಯಲವಾಲಾನೆ ದೆಕಾನೆ ತಿನಾ ಮ್ಹೊಡಾಮಾತಿಯೊ ಆವಾನಿಯೊ ವಾತು ಐಕಾನೆ ಮನೆ ನೆಮಶ್ಯೊಸ.

ಅಪೊಸ್ತಲೊ 22:14 ပူးပေါင်းရင်းမြစ်များ

ಯೊಹಾನ 15:16

"ತುಮೆ ಮನೆ ಇನಿಲಿದ್ಯಾ ನತ್ತಿ; ಮಿ ತುಮೊನೆ ಇನಿಲಿದ್ಯೊಸ. ತುಮೆ ಗೈನ ಘನ್ನು ಫಲ ದ್ಯು. ಎಜ಼ ಮಿ ತುಮೊನೆ ದಿದಲ ಕಾಮ ವ್ಹೈ. ತೆ ಕೆಳಾಮಾಬಿ ರ‍್ಹವಾನು ಫಲ ವ್ಹೈ. ಇಮ್ಮ ರ‍್ಹತಾಮಾ, ತುಮೆ ಮಾರಾ ನಾಮ ಪರ ಸುಬಿ ಪುಚ್ಯಾ ತಬಿ ಬಾ ತೆ ತುಮೊನೆ ದಿವಸ.

ಅಪೊಸ್ತಲೊ 13:17

ಇಸ್ರಾಯೆಲನೊ ಕ್ಹುದಾ ಅಪ್ನಾ ಪಿತೃವೊನೆ ಇನಿಲಿದ್ಯೊ. ಇಜಿಪ್ತಮಾ ಪ್ರವಾಸಿಯೊ ಥೈನ ರ‍್ಹವಾಲಾ ತಿನಾ ಮನಕ್ಹೊನೆ ಕ್ಹುದಾ ಮದತ ಕರಿನ ಅಭಿವೃದ್ದಿ ಕರ‍್ಯೊ. ಕ್ಹುದಾ ತಿನಿ ಮ್ಹೊಟಿ ತಾಕತ ಕ್ಹು ತ್ಯುನೊನೆ ತೆ ದೆಶತೊ ಚ಼ಲಾಯೊ.

ಅಪೊಸ್ತಲೊ 22:15

ತು ದೆಕಿನ ಐಕಲ ಕ್ಹಾರ ಮನಕ್ಹೊನಾ ಕ್ಹಾಮೊ ತು ಸಾಕ್ಷಿ ಕೌ

ಅಪೊಸ್ತಲೊ 22:18

ಮಿ ಪ್ರಭುನೆ ದೆಕ್ಯೊ ತೆ; ತು ಭೆಗಿನ ಯೆರುಸೆಲಿಮಾತೊ ಗೈಪಡ ಮರಾಹುತಿ ತು ಕವಾನಿ ಸಾಕ್ಷಿ ತ್ಯುನೆ ವಪ್ಪಿಲೆತಾ ನೈ ಕದ್ಯೊ.

ಅಪೊಸ್ತಲೊ 24:14

ಯಕ್ತೊ ತಾರಾ ಕ್ಹಾಮೊ ವಪ್ಪಿಲ್ಯುಸ, ತೆ ಸು ವ್ಹೈ ಕದ್ಯಾಮ;ಇವ್ನೆ ಮನೆ ಧರ್ಮನೊ ವಿರೊದಿ ವ್ಹೈ ಕೈನ ಕವಾನು, ಮಿತೊ ಮಾರಾ ಪಿತೃ ಆರಾಧನ ಕರಾನಾ ಕ್ಹುದಾನೆಜ಼ ಮಿ ಆರಾದಾನಾ ಕರಾಲೊ ಥಯೊಸ. ಮೊಶೆನು ಧರ್ಮ ಶಾಸ್ತ್ರನಾ ಲಿಂಗತ ರ‍್ಹಯಲ ವರಿ ಪ್ರವಾದಿಯೊನಾ ಗ್ರಂಥೊಮಾ ಬರ್ದಲ ಕ್ಹಾರಿ ವಿಷಯನಾ ಹುತಿ ಬರೊಕ್ಹೊ ಕರಿಯೆಸ.

ಅಪೊಸ್ತಲೊ 26:16

ತು ಉಟಿನ ತಾರಾ ಪಗೊಪರ ಹುಬ್ರೆ ತುನೆ ಮಾರೊ ಸೆವಕ ಕರಿನ ಸಾಕ್ಷಿನಾ ಹುತಿ ನೆಮಸಾನಾ ಹುತಿ ತುನೆ ದಿಕ್ಹ್ಯೊಸ ಹಮ್ನಾಬಿ ಅಗೊಬಿ ತುನೆ ದೆಕಾಡಾನು ದರ್ಶನೊಮಾ, ತುನೆ ದಿಕ್ಹಲನಾ ಹುತಿ ತು ಮಾರಿ ಸಾಕ್ಷಿ ಥೈನ ರ‍್ಹೌ.

ಅಪೊಸ್ತಲೊ 5:30

ತುಮೆ ಯೆಸುನೆ ಶಿಲುವಿಪರ ಘಾಲಿನ ಖಲಾಸ ಕರ‍್ಯಾ. ವರಿಬಿ ಕ್ಹುದಾ ಯೆಸುನೆ ಮರಲವಾಲಾವೊನೆ ಮಾತೊ ಜುತೊ ಕರ‍್ಯೊ!

ಅಪೊಸ್ತಲೊ 7:52

ಜುವತ್ತಾ ರ‍್ಹಯಲ ಪ್ರವಾದಿಯೊಮಾ ಹರಯಕ್ಲಾನೆ ತಮಾರಾ ಪಿತೃವೊ ತ್ರಾಸ ಕರ‍್ಯಾ. ನಿತಿವಾಲೊ ಯಕ್ಲೊ ಆವಸ ಕೈನ ಘನ್ನಾ ಟೈಮನಾ ಪಚಾ಼ಜ಼ ತೆ ಪ್ರವಾದಿಯೊ ಕದ್ಯಾ. ತಿನಾಹುತಿ ತಮಾರಾ ಪಿತೃವೊ ತೆ ಪ್ರವಾದಿಯೊನೆ ಖಲಾಸ ಕರಿ ಪಾಡ್ಯಾ. ಹಮ್ನಾ ತಿನಾಲಿಂಗತ ಸುಜ಼ ತಪ್ಪ ನೈ ಕರಲವಾಲಾ ಯೆಸು ಕ್ರಿಸ್ತನಾ ವಿರುದ್ದ ಥೈನ ತಿನೆಬಿ ಖಲಾಸ ಕರಿ ಪಡ್ಯಾ.

ಅಪೊಸ್ತಲೊ 9:15

ತೆನೈಸೊ ಕರ್ತಾ ತಿನೆ, ತು ಜಾ಼; ಮ್ಹೊಟಾ ಕಾಮನಾ ಹುತಿ ಮಿ ಸೌಲಾನೆ ಇನಿಲಿದ್ಯೊಸ. ತೆ ಮಾರಾ ಹುತಿ ರಾಜಾ಼ವೊನೆ ಯಹುದಿಯೊನೆ ವರಿ ಬಿಜಾ಼-ಬಿಜಾ಼ ಮನಕ್ಹೊವೊನೆಬಿ ತಿಳಸು ಕೈನ ಛೆ.

ಅಪೊಸ್ತಲೊ 9:17

ತೆಳಾಮಾ ಅನನಿಯಾ ಪೌಲಾ ರ‍್ಹಯಲ ಘರ್ಮಾ ಗೈನ ತಿನಾ ಮಾತಾಪರ ತಿನಾ ಹತೊ ಮ್ಹೆಲಿನ, ಮಾರಾ ಭೈ, ತು ಆಯಲ ವಾಟ್ಮಾ ತುನೆ ದಿಕ್ಹಲ ಪ್ರಭು ಥಯಲ ಯೆಸು ತುನೆ ಡೊಳಾ ದಿಕ್ಹಾ ವರಕ್ಹು, ತು ಪವಿತ್ರ ಆತ್ಮಾಕ್ಹು ಭರು ಕೈನ ಮನೆ ತುಕನ ಮೊಕ್ಲ್ಯೊಸ ಕೈನ ಕದ್ಯೊ.

ರೊಮಾಪೂರ 1:1

ಯೆಸು ಕ್ರಿಸ್ತನೊ ಸೆವಕ ಥಯಲ ಪೌಲಾ ಬರ್ದಾನು ಪತ್ರ. ಕ್ಹುದಾ ಮನೆ ಅಪೊಸ್ತಲ ಥಾವಾನಾ ಹುತಿ ಮನೆ ಬಲಾಯೊ. ಕ್ಹುದಾನಿ ಸುವಾರ್ತೆ ಕ್ಹಾರಾ ಮನಕ್ಹೊಕನ ಕವಾನಾ ಹುತಿ ಮನೆ ಇನಿಲಿದ್ಯೊ.

1 ಕೊರಿಂಥ 11:23

ತುಮೊನೆ ಕರಲ ಉಪದೆಶ ಮಿ ಪ್ರಭುಕ್ಹು ಲಿದ್ಯೊಸ. ತೆ ಸು ವ್ಹೈ ಕದ್ಯಾಮ; ಪ್ರಭು ಯೆಸು, ತಿನೆ ತೆ ಧರಿನ ದಿದಲ ತೆ ರಾತ, ರೊಕ್ಲೊ ಲಿನ ಕ್ಹುದಾನೆ ಸ್ತೊತ್ರಾ ಕರಿನ ತೆ ತೊಡಿನ

1 ಕೊರಿಂಥ 15:3

ಮಿ ಪಡ್ದಿಲಿದಲ ಖಾಸ ವ್ಹೈ ಕೈನ ತಿಳ್ದಿಲಿನ ತುಮೊನೆ ವಪ್ಪಸಾಯೊಸ. ತೆ ಕಯು ಕಯು ವ್ಹೈ ಕದ್ಯಾಮ, ಪವಿತ್ರ ಗ್ರಂಥಮಾ ಕದಲ ಪ್ರಕಾರ ಕ್ರಿಸ್ತ ಯೆಸು ಅಪ್ನಾ ಪಾಪೊನಾ ಪರಿಹಾರನಾ ಹುತಿ ಜ಼ಲಮ ದಿದ್ಯೊ.

1 ಕೊರಿಂಥ 15:8

ಲಾಸ್ಟೆ ದಿನ್ನ ಭರಾತಿ ಪೈಲಾಜ಼ ಹುಟ್ಟಲ ಬಚ್ಚಾ಼ ಲಿಂಗತ ಮನೆಬಿ ದಿಕ್ಹ್ಯೊ.

1 ಕೊರಿಂಥ 9:1

ಮಿ ಆಜಾ಼ದ ಮನಕ್ಹ ನ್ಹವೈ ಸು? ಅಪೊಸ್ತಲ ನ್ಹವೈ ಸು? ಅಪ್ನಾ ಪ್ರಭು ಯೆಸುನೆ ದೆಕಲವಾಲೊ ನ್ಹವೈ ಸು? ಪ್ರಭುಮಾ ಮಿ ಸೆವಾ ಕರಲ ಫಲ ತುಮೆ ನ್ಹವೈ ಸು?

2 ಕೊರಿಂಥ 5:21

ಕ್ರಿಸ್ತಮಾ ಪಾಪ ನ್ಹೊತು. ವರಿ ಅಪೆ ಕ್ಹುದಾನೆ ಸಮರ್ಪಕ ಥೈನ ನಿತಿವಾಲಾನಿಂಗತ ಕ್ಹುದಾ ತಿನಿ ಪಾಪನೊ ಸ್ವರುಪ ಕರ‍್ಯೊ.

ಗಲಾತ್ಯ 1:12

ತುಮೊನೆ ಸುವಾರ್ತೆ ಮಳಲ ಮನಕ್ಹೊ ನ್ಹವೈ. ಕುನ್ನಜ಼ ಮನೆ ಸುವಾರ್ತೆ ಕದ್ಯುನತ್ತಿ. ಮಿ ಮನಕ್ಹೊನೆ ಕವಾನು ಸುವಾರ್ತೆ ಯೆಸು ಕ್ರಿಸ್ತಜ಼ ಮನೆ ದಿದಲ ವ್ಹೈ.

ಗಲಾತ್ಯ 1:15

ತೆನೈಸೊ ಮಿ ಹುಟ್ಟಾತಿ ಅಗ್ದುರ ಮಾರಾ ಹುತಿ ಕ್ಹುದಾನಿ ಮ್ಹೊಟಿ ವಿಚಾರ ವ್ಹತ್ತಿ. ತಿನಾಹುತಿ ಕ್ಹುದಾನಿ ಮರಗಾಕ್ಹು ಮನೆ ಬಲಾಯೊ.

2 ತಿಮೊತಿ 1:1

ಯೆಸು ಕ್ರಿಸ್ತನೊ ಅಪೊಸ್ತಲ ಥಯಲ ಪೌಲಾ ತಿಮೊತಿನೆ ಬರ್ದಾನು ಬೆವಾ ಪತ್ರ. ಕ್ಹುದಾನಿ ಚಿ಼ತ್ತಲಿಂಗತ ಮಿ ಅಪೊಸ್ತಲ ಥಯೊ. ಕ್ರಿಸ್ತ ಯೆಸುಮಾ ರ‍್ಹಯಲ ಜ಼ಲಮನಿ ವಾಗ್ದಾನ ಮನಕ್ಹೊನೆ ಕವಾಹುತಿ ಕ್ಹುದಾ ಅಪೊನೆ ಮೊಕಲ್ಯೊ.

ತಿತನೆ 1:1

ಕ್ಹುದಾನೊ ಸೆವಕ ಥಯಲ ವರಿ ಯೆಸುನೊ ಅಪೊಸ್ತಲ ಥಯಲ ಪೌಲಾ ಬರ್ದಾನು ಪತ್ರ. ಕ್ಹುದಾ ಮನೆ ಇನಿಲಿನ ಮನಕ್ಹೊನೊ ಬರೊಕ್ಹೊ ಘಟ್ಟ ಕರಾಹುತಿ ವರಿ ಕ್ಹರಿ ಕವಾಹುತಿ ಮನೆ ಮೊಕಲ್ಯೊ. ಕ್ಹುದಾನಿ ಸೆವೆ ಕಿಮ ಕರು ಕೈನ ತೆ ಕ್ಹರಿ ದೆಕಾಡಿನ ದಿವಸ.

1 ಪೆತ್ರಾ 2:22

"ತೆ ಕಯುಜ಼ ಪಾಪ ಕರ‍್ಯೊನೈ. ತಿನಾ ಮ್ಹೊಡಾಮಾತು ಕೈಜ಼ ಸುಳ್ಳ ವಾತ ಐ ನೈ" ಯೆಶಾಯ 53:9

1 ಯೊಹಾನ 2:1

ಮಾರಾ ಮಯಾನಾ ಬಚ್ಚಾ಼ವೊ, ತುಮೆ ಪಾಪ ಕರು ನೈ ಕೈನ ಮಿ ತುಮೊನೆ ಪತ್ರ ಬರ್ದಾಡ್ಯೊಸ. ತೆನೈಸೊ ಕುನಬಿ ಪಾಪ ಕರ‍್ಯಾಮ ಅಪೊನೆ ಮದತ ಕರಾನೆ ಯೆಸು ಕ್ರಿಸ್ತ ಛೆ. ನಿತಿವಂತವಾಲೊ ಥಯಲ ತೆ ಬಾ ಅಪ್ನೊ ಬಾ ಥಯಲ ಕ್ಹುದಾನಾ ಕ್ಹಾತೆ ಛೆ.