ಅಪೊಸ್ತಲೊ 20:21 - ಕ್ಹುದಾನಿ ಕ್ಹರಿನಿ ವಾಕ್ಯಾ

²¹ ಯೆಹುದಿಯೊನೆ ವರಿ ಗ್ರಿಕವಾಲಾಬಿ ಪಶ್ಚಾತಾಪ ಪಡಿನ ಕ್ಹುದಾ ಬಗಲ ಫರು ಕೈನ, ಅಪ್ನೊ ಕರ್ತಾ ಥಯಲ ಯೆಸುಪರ ಬರೊಕ್ಹೊ ಮ್ಹೆಲು ಕೈನ ಮಿಜ಼ ಕದ್ಯೊ.

ಅಪೊಸ್ತಲೊ 20:21 ပူးပေါင်းရင်းမြစ်များ

ಮತ್ತಾಯ 3:2

ಸ್ವರ್ಗನೊ ರಾಜ್ಯ ನಜಿಕ ಆಯೊಸ. ತುಮೆ ತುಮಾರಾ ಪಾಪೊನಾ ಹುತಿ ಪಶ್ಚಾತಾಪ ಪಡ್ದಿನ ಕ್ಹುದಾಕನ ಫರೊ” ಕೈನ ತೆ ಬೊದನೆ ಕರ‍್ಯೊ.

ಮತ್ತಾಯ 4:17

ತೆ ದಿನತೊ ಯೆಸು ಬೊದನೆ ಕರಾನು ಸುರು ಕರ‍್ಯೊ, ಪರಲೊಕ ರಾಜ್ಯ ಜಲ್ದಿ ಆವಾನು ಶೆ, ತಿನಾಹುತಿ ತುಮೆ ಕ್ಹುದಾಕನ ತುಮಾರಾ ಮನಸೊ ಫರಾವೊ ವರಿ ತುಮಾರಿ ಪಾಪನಿ ಜಿವ್ನಾ ಬದ್ಲಿ ಕರಲಿವೊ” ಕೈನ ಯೆಸು ಬೊದನೆ ಕರ‍್ಯೊ.

ಮಾರ್ಕ 1:15

ತೆ ದಿನ್ನೊ ಪುರಾ ಥಯಾ ಕ್ಹುದಾನಿ ರಾಜ್ಯ ನಜಿ಼ಕ ಐ. ತುಮಾರಾ ಪಾಪನೆ ಪಶ್ಚಾತಾಪ ಪಡಿನ ಕ್ಹುದಾ ಬಗಲ ಫರಿನ ಸುವಾರ್ತೆ (ಸುವಾರ್ತೆ ಕದ್ಯಾಮ ಕ್ಹುದಾನಿಯೊ ವಾತೊ) ನಂಬೊ ಕೈನ ಕ್ಹುದಾನಿಯೊ ಚೊ಼ಕಿಯೊ ವಾತೊ ಕತೊ ಗಯೊ.

ಮಾರ್ಕ 6:12

ತ್ಯುನೆ ಗೈನ ಮನಕ್ಹೊನೆ ಪಾಪೊ ಕರಾನು ಛೊಡಿಪಾಡೊ ಕೈನ ಕವಾಡಾತಾ.

ಲುಕ ಬರ್ದಲ ಸುವಾರ್ತಾ 13:3

ಮಿ ನ್ಹವೈ "ತ್ಯುನೆ ತೆವಾ ಪಾಪಿಯೊ ನ್ಹೊತಾ, ತೆನೈಸೊ ತುಮೆ ತಮಾರಾ ಪಾಪನೆ ಪಶ್ಚಾತಾಪ ಪಡಿನ ಕ್ಹುದಾ ಬಗಲ ನೈ ಫರಯಾಮ ತ್ಯುನಾ ಲಿಂಗತಜ಼ ಹಾಳ ಥಾವೊಸಿ!

ಲುಕ ಬರ್ದಲ ಸುವಾರ್ತಾ 13:5

ನ್ಹವೈ, ತ್ಯುನೆ ತೆವಾ ಪಾಪಿಯೊ ನ್ಹೊತಾ! ತುಮೆ ತಮಾರಾ ಪಾಪೊ ಪಶ್ಚಾತಾಪ ಪಡಿನ ಕ್ಹುದಾ ಬಗಲ ನೈ ಫರಯಾಮ ತ್ಯುನಾ ಲಿಂಗತಜ಼ ತುಮೆ ಹಾಳ ಥಾವೊಸಿ"ಕದ್ಯೊ.

ಲುಕ ಬರ್ದಲ ಸುವಾರ್ತಾ 15:10

ತಿನಾ ಲಿಂಗತಜ಼ ಯಕ್ಕ ಪಾಪಿ ತಿನಾ ಪಾಪನೆ ಪಶ್ಚಾತಾಪ ಪಡಿನ ಕ್ಹುದಾಬಗಲ ಫರಯೊಮ ಸ್ವರ್ಗಮಾ ರ‍್ಹಯಲ ದೆವದುತೊ ಘನ್ನಾ ಖುಶಿ ಥಾವಸ.

ಲುಕ ಬರ್ದಲ ಸುವಾರ್ತಾ 15:7

ತಿನಾ ಲಿಂಗತಜ಼, ಯಕ್ಕ ಪಾಪಿ ತಿನು ಮನಸ. ಕ್ಹುದಾ ಬಗಲ ಫರಯೊಮ ಸ್ವರಗಾಮಾ ಘನ್ನಾ ಖುಶಿ ಥಾವಸ ಕೈನ ಮಿ ತುಮೊನೆ ಕೌಸ. ನೌವ್ವದಪರ ನೌ ಮನಕ್ಹೊ ಕ್ಹುದಾಬಗಲ ಫರಲ ವಾಲಾತಿಬಿ ಯಕ್ಕ ಪಾಪಿ ಕ್ಹುದಾ ಬಗಲ ಫರಯೊಮ ತಿನಾ ವಾಸ್ತರ ಘನ್ನಾ ಖುಶಿ ಥಾವಸ.

ಲುಕ ಬರ್ದಲ ಸುವಾರ್ತಾ 16:28

ಮಾರಾ ಪಾಂಚ಼ ಭಾಯೊ ಛೆ ತ್ಯುನೆ ಮಿ ತ್ರಾಸ ಖಾವಾನ ಜ಼ಗಾ ಆವಾನು ನಕೊ, ಕೈನ ತ್ಯುನೊನೆ ಹುಶಾರ ಕರಾದೆ ಕದ್ಯೊ.

ಲುಕ ಬರ್ದಲ ಸುವಾರ್ತಾ 24:47

ಎಕ್ಹಾರು ಪುರಾ ಥಾವಾನು ತುಮೆ ದೆಕ್ಯಾಸ. ತುಮೆಜ಼ ಇನೆ ಸಾಕ್ಷಿ ವ್ಹೈ.

ಯೊಹಾನ 20:31

ಯೆಸು ಹಜು಼ನ ಬಿಜಾ಼ ಅದ್ಭುತ ಕಾಮೊ ತಿನಾ ಶಿಷ್ಯಾನಾ ಕ್ಹಾಮೊ ಕರ‍್ಯೊಸ. ತೆನೈಸೊ ಎ ಬುಕ್ಮಾ ನತ್ತಿ ಬರ್ದ್ಯಾ. ವರಿ ಅಕ್ಲು ಕ್ಹಾರು ಬರ್ದಲ ಛೆ. ಕಾಕದ್ಯಾಮ ತುಮೆ ತಿಪರ ಬರೊಕ್ಹೊ ಮ್ಹೆಲು ಕೈನ ಎ ಕ್ಹಾರು ಬರ್ದಲ ವ್ಹೈ.

ಯೊಹಾನ 3:36

ಕುನ್ನ ದಿಕ್ರಾ ಪರ ಬರೊಕ್ಹೊ ಮ್ಹೆಲಸ ತಿನೆ ಹಮೆಶಾನೊ ಜ಼ಲಮ ಮಳಸ. ತೆನೈಸೊ ದಿಕ್ರಾನೆ ವಿಧೆಯ ನೈ ಥಾತೊ ತಿನೆ ತೆ ಜ಼ಲಮ ಕೆಳಾಮಾಜ ಮಳ್ತೊ ನೈ. ಕ್ಹುದಾನಿ ಶಿಟ್ಟ ತಿನಾ ಉಪ್ಪರ ರ‍್ಹವಸ" ಕೈನ ಉತ್ತರ ದಿದ್ಯೊ.

ಅಪೊಸ್ತಲೊ 10:43

ಯೆಸು ಪರ ಬರೊಕ್ಹೊ ಮ್ಹೆಲಾಲಾ ಹರಯಕ್ಕನಾ ಪಾಪೊ ತಿನಾ ನಾಮನಾ ಮುಲಕ ಮಾಫ ಕರಸ. ಎ ಕ್ಹರಿಜ಼ ವ್ಹೈ ಕೈನ ಪ್ರವಾದಿಯೊ ಕದ್ಯಾಸ "ಕದ್ಯೊ.

ಅಪೊಸ್ತಲೊ 11:18

ಯಹುದ್ಯ ವಿಶ್ವಾಸಿಯೊ ಎ ಸಂಗತಿಯೊ ಐಕಲ್ಪರ ವಾದ-ವಿವಾದ ಹುಬ್ರಾಡೊ, ಕ್ಹುದಾನೆ ಸ್ತುತಿ ಕರ್ತಾ"ತಿಮ್ಮ ರ‍್ಹಯಮ ಅಪ್ನಾ ಲಿಂಗತಜ಼ ತ್ಯುನಾ ಮನಸೊ ಫರೈಲಿನ ಜ಼ಲಮ ಹೊಂದಿಲಿವಾನೆ ಕ್ಹುದಾ ಯೆಹುದಿ ನೈ ರ‍್ಹಯಲವಾಲಾವೊನೆ ಮೌಕೊ ದಿದ್ಯೊಸ "ಕದ್ಯೊ.

ಅಪೊಸ್ತಲೊ 16:31

ತ್ಯುನೆ ಕರ್ತಾ ಥಯಲ ಯೆಸುನಾ ಉಪ್ಪರ ಬರೊಕ್ಹೊ ಮ್ಹೆಲ,ತೆಳಾಮಾ ತು ರಕ್ಷಣೆ ಹೊಂದಶಿ, ತಾರಾ ಘರನಾ ಕ್ಹರಾ ರಕ್ಷಣೆ ಥಾವಸ ಕೈನ,

ಅಪೊಸ್ತಲೊ 17:30

ತೆ ಗ್ಯಾನ ನೈಸೊ ದಿನೊನೆ ಕ್ಹುದಾ ಲೆಕಾಮಾ ಲಿದ್ಯೊನೈ. ಕ್ಹುದಾ ಹಮ್ನಾ ಬಿ ಚಾರ ದಿಕೊಮಾ ಮನಕ್ಹೊನೆ ಪಚಾತಾಪ ಪಡಿನ ಮಕನ ಪ್ಹರೊ ಕೈನ ಕ್ಹುದಾ ಅಪ್ಪಣೆ ಕರ್ಯೊ.

ಅಪೊಸ್ತಲೊ 19:17

ತೆ ಸಂಗತಿಯೊ ಎಪೆಸಮಾ ರಹೆಲ ಕ್ಹಾರಾ ಯೆಹುದಿಯೊನೆ ವರಿ ಗ್ರಿಕರೊನೆ ತಿಳ್ದಿನ ಆತಾಮಾ ತ್ಯುನೆ ಘನಾ ಭುಚ಼ಕಿ ಗಯಾ ವರಿ ಕರ್ತಾ ಯೆಸುನು ನಾಮ ಘನ್ನು ಉಚ್ಚು಼ ಥಯು.

ಅಪೊಸ್ತಲೊ 2:38

ಪೆತ್ರಾ ತ್ಯುನೊನೆ"ತುಮೊಮಾನೊ ಹರಯಕ್ಲೊ ತುಮಾರಾ ಪಾಪೊನಾ ಹುತಿ ಪಶ್ಚಾತಾಪ ಪಡಿನ ಕ್ಹುದಾನಾ ಬಗಲ ಫರೊ ಯೆಸು ಕ್ರಿಸ್ತನಾ ನಾಮಮಾ ಬಾಪ್ತಿಸ್ಮ ಕರೈಲಿವೊ. ತೆಳಾಮಾ ಕ್ಹುದಾ ತುಮಾರಾ ಪಾಪೊ ಮಾಫ ಕರಸ. ತೆನೈಸೊ ಕ್ಹುದಾ ವಾಗ್ದಾನ ಕರಲ ಪವಿತ್ರ ಆತ್ಮಾನೆ ವ್ಹಂದಿಲಿವೊಶಿ.

ಅಪೊಸ್ತಲೊ 2:40

ಪೆತ್ರಾ ಹಜು಼ನ ಘನ್ನಾ ವಾತೊಕ್ಹು ತ್ಯುನೊನೆ ಹುಶಾರ ಕರಿನ"ಎ ಕೆಟ್ಟ ಸಂತತಿವಾಲಾಕ್ಹು ಚು಼ಕೈಲಿವೊ" ಕೈನ ಮಾಂಗಿಲಿದ್ಯೊ.

ಅಪೊಸ್ತಲೊ 20:23

ತುನೆ ಜೆಲಮಾ ಬೆಡಿಯೊ ವರಿ ತ್ರಾಸೊ ಕೈದಾಡ್ಯಾಸ. ಕೈನ ಪವಿತ್ರ ಆತ್ಮಾ ಹರಯಕ್ಕ ಗಾಮೊಮಾ ಮನೆ ಎಚ್ಚರಿಕೆ ದಿದ್ಯೊಸ ಕವಾನು ಮಿ ವಳಕ್ಯೊಸ.

ಅಪೊಸ್ತಲೊ 20:24

ತೆನೈಸೊ ಜ಼ಲಮ ವಚಾ಼ಡಿಲಿವಾನು ಶ್ರೆಷ್ಠೆ ವ್ಹೈ ಕೈನ ಮಿ ವಿಚಾರ ಕರ್ತೊ ನೈ; ಕ್ಹುದಾನಿ ಮರ್ಗಾನಾ ಹುತಿ ಸುವಾರ್ತೆ ಆಸಕ್ತಿ ಕ್ಹು ಸಾಕ್ಷಿನಾ ರೊಪಮಾ ಕವಾನು ನಿಯೊಗ ಕರ್ತಾ ಥಯಲ ಯೆಸುಕ್ಹು ಮಿ ವ್ಹಂದ್ಯೊಸ. ಎಜ಼ ನಿಯೊಗ ಉಪಯೊಗ ಕರಾನು ಮಾರಿ ಆಸ ವ್ಹೈ.

ಅಪೊಸ್ತಲೊ 24:24

ದಕ್ಹಾ ದಿನ್ನ ಥಯಲ್ಪರ ಫೆಲಿಕ್ಸ, ಯಹುದಿಯೊನೆ ರ‍್ಹಯಲ ದ್ರೊಸಿಲ್ಲ ಕವಾಲಿ ಬಾಕ್ಡಿ ತಿನಾ ಕ್ಹಾತೆ ಐನ, ಪೌಲಾನೆ ಬಲೈನ ಕ್ರಿಸ್ತ ಯೆಸುಮಾ ಮ್ಹೆಲಾನಾ ಬರೊಕ್ಹಾನಾ ಹುತಿ ತೆ ಕವಾನಿ ವಾತೊ ಐಕ್ಯೊ.

ಅಪೊಸ್ತಲೊ 26:18

ತ್ಯುನೆ ಅಂದಾರಾಮಾತಾ ಉಜಾ಼ಲಾನೆ, ಸೈತನನಾ ಹತ್ಮಾತಾ ಕ್ಹುದಾಕನ ಫರಿನ, ಮಪರ ಬರೊಕ್ಹೊ ಮ್ಹೆಲಲಕ್ಹು ಪಾಪನಿ ಮಾಫಿ, ಪರಿಶುದ್ಧ ರ‍್ಹಯಲವಾಲಾವೊನಾ ಕ್ಹಾತೆ ತ್ಯುನು ಹಕ್ಕ ವ್ಹಂದಿಲಿವಾನಾ ಹುತಿ, ತ್ಯುನಾ ಡೊಳಾ ಕ್ಹುಲು ಕೈನ ಮಿ ತುನೆ ತ್ಯುನೊಕನ ವಳೌಸ” ಕದ್ಯೊ.

ಅಪೊಸ್ತಲೊ 26:20

ತೆಳಾಮಾ ದಮಸ್ಕಮ್ಮಾ ಬಿ ವರಿ ಯೆರುಸಲೆಮ್ಮಾ ಬಿ ಯುದಾಯಮ್ಮಾಬಿ ಕ್ಹಾರಾ ಸಿಮೆ ರ‍್ಹಹೆಲವಾಲಾವೊನೆ ಬಿ ಮನಕ್ಹೊನೆ"ತುಮಾರಾ ಪಾಪೊನಾ ಹುತಿ ಪಶ್ಚಾತಾಪ ಪಡಿನ

ಅಪೊಸ್ತಲೊ 28:23

ತ್ಯುನೆ ತಿನೆ ಯಕ್ಕದಿನ್ನ ಪೌಲಾ ಗ್ವತ್ತ ಕರಾಯಲಕ್ಹು, ಘನ್ನಾ ಜ಼ನಾ ತಿನಾ ಝುಪ್ಡಾಮಾ ತಿಕನ ಆಯಾ. ತೆ ಪಾಟತೊ ಧರಿನ ಕ್ಹಾಂಜ ಮಟಾ ಕ್ಹುದಾನಾ ರಾಜ್ಯನಾ ಹುತಿ ಕ್ಹರಿಮ್ಮಾಜ಼ ಸಾಕ್ಷಿ ಕೈನ ಮೊಶೆನಾ ಧರಮಶಾಸ್ತ್ರನೆ ಪ್ರವಾದಿಯೊನಾ ಗ್ರಂಥತೊನೆ ಆದಾರ ಕರಲಿನ ಯೆಸುನಾ ವಿಷಯಮಾ ತ್ಯುನೊನೆ ಕತೊ ವ್ಹತ್ತೊ.

ಅಪೊಸ್ತಲೊ 3:19

ತಿನಾಹುತಿ ತುಮೆ ತುಮಾರಾ ಪಾಪೊನಾ ಹುತಿ ಪಶ್ಚಾತ್ತಾಪ ಪಡಿನ ಕ್ಹುದಾ ಬಗಲ ಫರೊ. ತೆಳಾಮಾ ತೆ ತುಮಾರಾ ಪಾಪೊ ಮಾಫ ಕರಸ.

ಅಪೊಸ್ತಲೊ 8:25

ಇಮ್ಮ ರ‍್ಹೈನ ತ್ಯುನೆ ಕರ್ತಾನಿ ವಾಕ್ಯಾ ತ್ಯುನೆ ರ‍್ಹಯಲ ಕ್ಹಾರಿ ಜ಼ಗಾ ಕದಲ್ಪರ ಯೆರುಸೆಲೆಮ ಫರಿನ ಐನ ಸಮರ್ಯಾಮಾ ರ‍್ಹಯಲ ಮನಕ್ಹೊನಾ ಗಾಮೊಯೆ ಗೈನ ಸುವಾರ್ತೆ ಕದ್ಯಾ.

ರೊಮಾಪೂರ 1:14

ಮಿ ಕ್ಹಾರಾ ಮನಕ್ಹೊನೆ ಕದ್ಯಾಮ ಗ್ರಿಕವಾಲಾ ವರಿ ಗ್ರಿಕ ನೈಸೊವಾಲಾ ಮನಕ್ಹೊನೆ, ವರಿ ಗ್ಯಾನಿಯೊನೆ ವರಿ ಗ್ಯಾನ ನೈಸೊವಾಲಾವೊನೆ ಸುವಾರ್ತೆ ಕವಾನು ಭಾರ ಛೆ.

ರೊಮಾಪೂರ 1:16

ಮಿ ಸುವಾರ್ತೆನಾ ಹುತಿ ಆತ್ಮ ವಿಸ್ವಾಸಕ್ಹು ಛೆ. ಬರೊಕ್ಹೊ ಮ್ಹೆಲಲ ಹರ ಯಕ್ಲಾನಾ ರಕ್ಷಣೆನಾ ಹುತಿ ಕದ್ಯಾಮ ಪೈಲಾ, ಯಹುದಿಯೊನೆ ಪಾಚಾ಼ತಾ ಯೆಹುದಿ ನೈಸೊವಾಲಾವೊನೆ ಬರೊಕ್ಹೊ ಮ್ಹೆಲಲ ವಾಲಾವೊನೆ ರಕ್ಷಣೆ ಕ್ಹುದಾನಿ ತಾಕತ ಥೈಸ.

ರೊಮಾಪೂರ 10:9

ತೆ ಸುವೈ ಕದ್ಯಾಮ ತು ಯೆಸುನೆಜ಼ ಕರತಾ ವ್ಹೈ ಕೈನ ಮ್ಹೊಡಾಕ್ಹು ಕೈನ ಕ್ಹುದಾ ತಿನೆ ಮರಲ ವಾಲಾವೊಮಾತೊ ಉಟಾಡ್ಯೊಸ ಕೈನ ಮನಸಕ್ಹು ಬರೊಕ್ಹೊ ಮುಕ್ಯಾಮ ತುನೆ ರಕ್ಷಣೆ ಥಾವಸ ಕೈನ.

ರೊಮಾಪೂರ 2:4

ಕ್ಹುದಾ ತುಮಾರಿ ವಿಷಯಮಾ ಘನ್ನು ಮರಗಾಲೊ ಥಯೊಸ; ತಡ್ದಿಲಿವಾಲೊ ವ್ಹೈ. ತುಮೆ ಬದಲಿ ಥೌ ಕೈನ ಕ್ಹುದಾ ತುಮಾರಾ ಹುತಿ ಕೈದಾಡ್ಯೊಸ. ವರಿಬಿ ತುಮೆ ತಿನಿ ಮರಗಾನಾ ಹುತಿ ವಿಚಾರ ಕರತಾ ನೈ. ತುಮೆ ತುಮಾರಿ ಮನಸೊ ಜಿವ್ನಾ ಬದಲಿ ಕರಲಿವಾನೆ ಥಾವಸ ಕೈನ ಕ್ಹುದಾನಿ ಮರಗಾನೆ ತಿಳ್ದಿಲಿದ್ಯಾವಾಚಿ ಛೆ.

ರೊಮಾಪೂರ 4:24

ತೆ ಅಪ್ನಾ ಹುತಿಬಿ ಬರ್ದಲ ವ್ಹೈ. ಅಪೆ ಬರೊಕ್ಹೊ ಕರಿಯೆಸ. ಅಪ್ನೊ ಪ್ರಭು ಥಯಲ ಯೆಸು ಕ್ರಿಸ್ತನೆ ಮರಲವಾಲಾವೊಮಾತೊ ಜಿವ್ತೊ ಕರಿನ ಉಟಾಡಲ ವಾಲಾನೆ ಅಪೆ ಬರೊಕ್ಹೊ ಮ್ಹೆಲಿಯೆಸ.

ರೊಮಾಪೂರ 5:1

ಇಮ್ಮ ರ‍್ಹತಾಮಾ, ಅಪೆ ಬರೊಕ್ಹಾ ಕ್ಹು ನಿತಿವಂತವಾಲಾ ಥಯಾಸ. ತಿನಾಹುತಿ ಅಪ್ನೊ ಪ್ರಬು ಥಯಲ ಯೆಸು ಕ್ರಿಸ್ತನಾ ಮುಲಕ ಅಪೊನೆ ಕ್ಹುದಾನಾ ಕ್ಹಾತೆ ಸಮಾಧಾನ ಕ್ಹು ಛೆ

1 ಕೊರಿಂಥ 1:22

ಯಹುದ್ಯೊ ಅದ್ಭುತ ಕಾಮೊ ಪುಚ಼್ಚಸ. ಗ್ರಿಕವಾಲಾವೊನೆ ಗ್ಯಾನ ಚಾ಼ಯೆ.

2 ಕೊರಿಂಥ 7:10

ಕ್ಹುದಾನಿ ಛೆ ತ್ರಾಸ ರಕ್ಷಣೆ ಕಾರ ಕರಲ. ಪಶ್ಚಾತಾಪ ಹುಟ್ಟ. ತೆ ಪಶ್ಚಾತಾಪ ಪಾಪ ಮದತ ನೈ. ತೆನ ದುನಿಯಾ ವರಿ ರ‍್ಹಯಲ ದುಖ ಮರಲ.

ಗಲಾತ್ಯ 2:16

ಕ್ಹಾಲಿ ಧರಮಶಾಸ್ತ್ರಮಾ ರ‍್ಹಯಲ ಕರಾಲೊ ಯಕ್ಲೊಬಿ ಕ್ಹರಿಕ್ಹು ರ‍್ಹವಾನೆ ಸಾದ್ಯ ನತ್ತಿ ಹಮೊನೆ ಗ್ವತ್ತ ಛೆ. ಯೆಸು ಕ್ರಿಸ್ತಮಾ ಬರೊಕ್ಹೊ ಮ್ಹೆಲಾಕ್ಹುಜ಼ ಯಕ್ಲೊ ನಿತಿವಂತನೊ ಥಾವಾನೆ ಸಾದ್ಯೆ ಛೆ. ತಿನಾಹುತಿ ನಿತಿವಂತನೊ ಥಾವಾನೆ ಹಮೆ ಯೆಸು ಕ್ರಿಸ್ತಮಾ ಬರೊಕ್ಹೊ ಮ್ಹೆಲ್ಯಾ. ಇಮ ರ‍್ಹತಾಮಾ, ಹಮೆ ನಿತಿವಂತವಾಲಾ ಥಯಲ ಯೆಸು ಕ್ರಿಸ್ತಮಾ ಬರೊಕ್ಹೊ ಮ್ಹೆಲಲಕ್ಹುಜ಼ ವ್ಹರತಾಗಿ ಧರಮಶಾಸ್ತ್ರಮಾ ರ‍್ಹಯಲ ಲಿಂಗತ ಕರಲಕ್ಹು ಕುನ್ನಜ಼ ನಿತಿವಂತವಾಲಾ ಥಾವಾನೆ ಸಾದ್ಯ ನತ್ತಿ.

ಗಲಾತ್ಯ 2:20

ತಿನಾಹುತಿ ಮಾರಾಮಾ ಜಿವ್ತೊ ರ‍್ಹಯಲ ಕ್ಹರಿಮಾಜ಼ ಮಿ ನ್ಹವೈ, ಕ್ರಿಸ್ತಜ಼ ಮಾರಾಮಾ ಜಿವ್ತೊ ಛೆ. ಮಿ ತೊ ಖಾಲಿ ಅಂಗ ವ್ಹೈ. ವರಿ ಮಿ ಜಿವ್ತೊ ರ‍್ಹಯಲ ಕ್ಹುದಾನೊ ದಿಕ್ರಾಪರ ಬರೊಕ್ಹೊ ರ‍್ಹಯಲ ಕ್ಹುಜ಼ ವ್ಹೈ. ಮನೆ ಮಯಾ ಕರಲವಾಲೊ ಯೆಸುಜ಼ ವ್ಹೈ ವರಿ ತೆ ಮನೆ ವಚಾ಼ಡಾನ ಹುತಿ ತಿನಾಕ್ಹು ತಿನೆ ವಪ್ಸಿನ ದಿದ್ಯೊ.

ಗಲಾತ್ಯ 3:22

ತೆನೈಸೊ ಎ ಕ್ಹರಿ ನ್ಹವೈ. ಕಾಕದ್ಯಾಮ ಕ್ಹಾರುಜ಼ ಪಾಪಮಾ ಪಡ್ಯುಸ. ಕೈನ ಪವಿತ್ರ ಗ್ರಂಥ ದೆಕಾಡಿನ ದಿವಸ. ಯೆಸು ಕ್ರಿಸ್ತಮಾ ಬರೊಕ್ಹೊ ಮ್ಹೆಲಾಲಾವೊನೆ ತ್ಯುನೊ ಬರೊಕ್ಹಾ ಆದಾರ ಥಯ್ಯುಸ. ವಾಗ್ದನಿ ಫಲಾ ಮಳು ಕೈನ ಪವಿತ್ರ ಗ್ರಂಥ ದೆಕಾಡಿನ ದಿದ್ಯುಸ.

ಎಫೆಸ 1:15

ಕರ್ತಾ ತಿನಾಹುತಿಜ಼ ಮಾರಿ ಪ್ರಾಥನಾಮಾ ಮಿ ತುಮೊನೆ ಶೆ ಕರಿಲಿನ ತುಮಾರಿ ವಿಷಯಮಾ ಕ್ಹುದಾನೆ ಹಮೆಶಾಬಿ ಸ್ತೊತ್ರ ಕೌಸ ಪ್ರಭು ಥಯಲ ಯೆಸುಮಾ ತುಮೊನೆ ರ‍್ಹಯಲ ಬರೊಕ್ಹಾನಾ ಹುತಿ

ಕೊಲೆಸ್ಸೆ 2:5

ಮಿ ತ್ಯಾ ತುಮೊಕೊನ ನೈ ರ‍್ಹೈತಬಿ ಆತ್ಮಾಕ್ಹು ತುಮಾರಾ ಕ್ಹಾತೆ ರ‍್ಹೈನ ತುಮೆ ಯಕ್ ತೊರ್ ತರಿಕಾಕ್ಹು ಚಾಲನು ವರಿ ತುಮೆ ಬರೊಕ್ಹಾಮಾ ಘಟ್ಟ್ಟ ಹುಬ್ರಯಲ ದೆಕಿನ ಘನ್ನೊ ಖುಶಿ ಥೌಸ.

ಫಿಲೊಮನ 1:5

ಕ್ಹುದಾನಾ ಪವಿತ್ರ ಮನಕ್ಹೊಪರ ತುನೆ ಮಯಾ. ವರಿ ಪ್ರಭು ಯೆಸುಮಾ ರ‍್ಹಯಲ ತಾರೊ ಬರೊಕ್ಹೊ ದೆಕಿನ ಕ್ಹುದಾನೆ ಸ್ತೊತ್ರಾ ಕೌಸ.

1 ಯೊಹಾನ 5:1

ಯೆಸು ಕ್ರಿಸ್ತ ವ್ಹೈ ಕೈನ ಬರೊಕ್ಹೊ ಕರಾಲೊ ಹರಯಕ್ಲೊ ಕ್ಹುದಾಕ್ಹು ಹುಟ್ಟಲವಾಲೊ ವ್ಹೈ, ಕುನ್ನ ಹುಟ್ಸಯಲ ಬಾಪನೆ ಮಯಾ ಕರಸ ತೆ ತಿನಾ ಬಾಪಕ್ಹು ಹುಟ್ಟಲವಾಲಾ ಹರಯಕ್ಲಾನೆ ಮಯಾ ಕರಸ.

1 ಯೊಹಾನ 5:5

ಜಾಜಿಮಾನೆ ಮಿ ತುಮೊನೆ ದಕ್ಹಿಯೊ ವಾತೊ ಕೌಕಯಿನ. ಆಯೊಸ. ತುಮೆ ಮೊಟಾಹೊನೆ ಅದಿನ ಥಹೊ. ತುಮೆ ಕ್ಹಾರಾ ಯಕ್ಕನೆ ಯಕ್ಕಲೊ ತಗಿಲಿ ಚಲು.