ಅಪೊಸ್ತಲೊ 2:42 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁴² ಇವ್ನೆ ಅಪೊಸ್ತಲೊನಿ ಬೊಧನೆ ಐಕಾಮಾಬಿ ಭಾಯೊನಾ ಕ್ಹಾತೆ ರೊಕ್ಲೊ ತೊಡಾಮಾಬಿ ಪ್ರಾಥನಾ ಕರಾಮಾ ವ್ಹತ್ತಾ.

ಅಪೊಸ್ತಲೊ 2:42 ပူးပေါင်းရင်းမြစ်များ

ಲುಕ ಬರ್ದಲ ಸುವಾರ್ತಾ 24:30

ಯೆಸು ತಿವ್ನಾ ಕ್ಹಾತೆ ರೊಕ್ಲೊ ಖಾವಾನೆ ಬೈಟ್ಯೊ. ತೆ ರೊಕ್ಲೊ ಲಿನ ಕ್ಹುದಾನೆ ಸ್ತೊತ್ರಾ ಕೈನ ತೆ ಭಾಗಿನ ತ್ಯುನೊನೆ ದಿದ್ಯೊ.

ಲುಕ ಬರ್ದಲ ಸುವಾರ್ತಾ 24:35

ತೆಳಾಮಾ ವಾಟ್ಮಾ ಜಾ಼ವಾಲಾ ತ್ಯುನಾ ಕ್ಹಾತೆ ಥಯಲ ತ್ಯುನೆ ತ್ಯುನೊಕನ ಕದ್ಯಾ. ವರಿ ಹಮೆ ತೆ ರೊಕ್ಲೊ ಭಾಗತಾಮಾ ತಿನೆ ವಳಕ್ಯಾ ಕೈನ ಕದ್ಯಾ.

ಅಪೊಸ್ತಲೊ 1:14

ಅಪೊಸ್ತಲೊ ಕ್ಹಾರಾ ಮಳಿನ ವ್ಹತ್ತಾ. ತ್ಯುನೆ ಯಕ್ಕಜ಼ ಉದ್ದೆಶಕ್ಹು ಛೊಡ್ಯಾವಾಚಿ ಪ್ರಾಥನಾ ಕರಾಡಾತಾ. ದಕ್ಹಿಯೊ ಬಾಕ್ಡಿಯೊನೆ ಯೆಸುನಿ ಯಾ ಮರಿಯಳ ತಿನಾ ಭಾಯೊ ಅಪೊಸ್ತಲೊನಾ ಕ್ಹಾತೆ ವ್ಹತ್ತಾ.

ಅಪೊಸ್ತಲೊ 11:23

ಬಾರ್ನಬ ಚೊ಼ಕೊ ಮನಕ್ಹ ವ್ಹತ್ತೊ. ತೆ ಪವಿತ್ರ ಆತ್ಮಾಕ್ಹು ಭರಲ ವ್ಹತ್ತೊ ವರಿ ಪುರಾ ಬರೊಕ್ಹೊ ರ‍್ಹಯಲವಾಲೊ ವ್ಹತ್ತೊ. ಬಾರ್ನಬ ಅಂತಿಯೊಕ್ಯನೆ ಗಯಲ್ಪರ, ಕ್ಹುದಾ ತೆ ಮನಕ್ಹೊನೆ ಘನ್ನೊ ಆಶಿರ್ವಾದ ಕರಾನು ದೆಕ್ಯೊ. ಇಕ್ಹು ಬಾರ್ಬನನೆ ಘನ್ನಿ ಖುಶಿ ಥಯು. ಅಂತಿಯೊಕ್ಯಮಾ ರ‍್ಹವಾಲಾ ವಿಶ್ವಾಸಿಯೊನೆ ಕ್ಹಾರಾ ತೆ ಪ್ರೊತ್ಸಾಹ ಕರ‍್ಯೊ.

ಅಪೊಸ್ತಲೊ 14:22

ಯೆಸುನಾ ಶಿಷ್ಯಾವೊನೆ ಘಟ್ಟ ಕರಿನ, ಬರೊಕ್ಹಾಮಾ ಘಟ್ಟ ಥೈನ ರ‍್ಹವಾನೆ ತ್ಯುನೊನೆ ಪ್ರೊತ್ಸಾಹ ಕರ‍್ಯಾ"ಹಮೆ ಕ್ಹುದಾನಿ ರಾಜ್ಯನೆ ಘನ್ನಾ ತ್ರಾಸೊನಾ ಮುಲಕ ಜಾ಼ವಾನಾ ಛೆ "ಕೈನ ಬೊದನೆ ಕರ‍್ಯಾ.

ಅಪೊಸ್ತಲೊ 2:46

ಹರಯಕ್ಕ ದಿನ್ನ ದೆವಾಲಯನೆ ಮಳಿನ ಆತಾತಾ. ತ್ಯುನಾ ಕ್ಹಾರಾವೊನು ಉದ್ದೆಶ ಯಕ್ಕಜ಼ ವ್ಹತ್ತು. ತ್ಯುನೆ ತ್ಯುನಾ ಘರೊಮಾನಾ ರೊಟ್ಲೊ ತೊಡಿನ ಮಳಿನ ಖಾತಾತಾ. ತ್ಯುನಾ ಮನಕ್ಹೊ ಖುಶಿಕ್ಹು ಭರಲವ್ಹತ್ತಾ.

ಅಪೊಸ್ತಲೊ 20:11

ತೆಳಾಮಾ ತೆ ಉಪ್ಪರ ಗೈನ ರೊಕ್ಲೊ ತೊಡಿನ ಖೈನ ದಿನ್ನ ನಿಕ್ಹಳೆ ಲಕ್ಕಾಬಿ ತಿನಾ ಕ್ಹಾತೆ ಬೊಲಿನ ಗೈಪಡ್ಯೊ.

ಅಪೊಸ್ತಲೊ 20:7

ಹಪ್ತಾನಾ ಪಸ್ಟಲ್ಯಾ ದಿನ್ಮಾ ರೊಕ್ಲೊ ತೊಡಿನ ಖಾವಾನಾ ನಿಯಮನಾ ಹುತಿ ಮಳಿನ ಆತಾಮಾ ಪೌಲಾ ತ್ಯಾ ಮಳಿನ ಆಯಲ ವಿಸ್ವಾಸಿಯೊನೆ ಭೊದನ ಕರ್ತೊ ಅರ್ದಿ ರಾತಲಕ್ಕಾ ಉಪನ್ಯಾಸ ದಿದ್ಯೊ.

ಅಪೊಸ್ತಲೊ 4:23

ಪೆತ್ರಾ ವರಿ ಯೊಹಾನ ಯೆಹುದಿಯೊನಾ ನಾಯಕೊ ತ್ಯುನೊನೆ ಛೊಡ್ತಾಮಾ ತ್ಯುನೆ ಸಭೆತಾ ಗೈನ ತ್ಯುನಿ ಸಮುದಾಯನೆ ಗಯಾ. ಮ್ಹೊಟಾ ಯಾಜಕೊ ವರಿ ಯೆಹುದಿಯೊನಾ ಶಾನಾ ನಾಯಕೊ ತ್ಯುನೊನೆ ಕದಲ ಹರಯಕ್ಕ ತ್ಯುನೆ ತ್ಯುನಿ ಸಮುದಾಯಮಾ ತಿಳ್ಸಾಯಾ.

ಅಪೊಸ್ತಲೊ 4:31

ಇಮ್ಮ ವಿಶ್ವಾಸಿಯೊ ಪ್ರಾಥನಾ ಕರ‍್ತಾಮಾ, ತ್ಯುನೆ ಸಭೆ ಮಳಲ ಜ಼ಗಾ ಹಲ್ಯು. ತ್ಯುನೆ ಕ್ಹಾರಾ ಪವಿತ್ರ ಆತ್ಮಾಕ್ಹು ಭರಿನ ವರಿ ಕ್ಹುದಾನಿ ವಾಕ್ಯಾ ಭೆ ವಾಚಿ ಕದ್ಯಾ.

ಅಪೊಸ್ತಲೊ 6:4

ತೆಳಾಮಾ ಹಮ್ನೊನೆ ಕ್ಹಾರೊ ಟೈಮ ಪ್ರಾಥನಾನೆ ವರಿ ಉಪದೆಶ ಕವಾನೆ ಥಾವಸ ಕೈನ ಕದ್ಯಾ.

ರೊಮಾಪೂರ 12:12

ತುಮೊನೆ ನಿರಿಕ್ಷೆ ರ‍್ಹವಾಕ್ಹು ಖುಶಿ ರ‍್ಹವೊ. ತುಮೊನೆ ತ್ರಾಸ ರ‍್ಹತಾಮಾ ತಡ್ದಿಲಿನ ರ‍್ಹವೊ. ಕ್ಹಾರಾ ಟೈಮಮಾ ಪ್ರಾಥನಾ ಕರೊ.

1 ಕೊರಿಂಥ 10:21

ತುಮೆ ಪ್ರಭುನಾ ಪಾತ್ರೆತು ವರಿ ಭುತ್ಡಾವೊನಾ ಪಾತ್ರೆತು ಪಿವಾನೆ ಥಾತು ನೈ. ಪ್ರಭುನಾ ಪಂಕ್ಕತಿಮಾ ತಿನಾ ಲಿಂಗತ ಭುತ್ಡಾವೊನಾ ಪಂಕ್ಕತಿಮಾ ಖಾವಾನೆ ಥಾತು ನೈ.

1 ಕೊರಿಂಥ 11:2

ತುಮೆ ಹಮೆಶಾಬಿ ಮನೆ ಶೆ ಕರಿನ ಮಿ ತುಮೊನೆ ಕೈನ ದಿದಲ ಪದ್ದತನಾ ತರಿಕಾ ಕರೆಟ್ಟ ಚಾ಼ಲಿನ ಆವಾಡ್ಯಾಸ; ಇನಾ ಹುತಿ ತುಮೊನೆ ಮೆಚ್ಚುಸ.

1 ಕೊರಿಂಥ 14:6

ಭಾಯೊ ಭೆನೊ, ಮಿ ಬಿಜಿ಼ ಬಿಜಿ಼ ಭಾಶಾಮಾ ಬೊಲಾಲೊ ಥೈನ ತುಮೊಕನ ಆಯೊಮ ತಿನಾಕ್ಹು ತುಮೊನೆ ಮದತ ಥಾವಸ ಸು? ನೈ! ಮಿ ತುಮೊನೆ ನವು ಕ್ಹರಿ ರ‍್ಹಯಲ ದೆಕಾಡಾನು, ಗ್ಯಾನ, ಪ್ರವಾದನೆ ವರಿ ಉಪದೆಶ ಲಾಯೊಮ ತುಮೊನೆ ಮದತ ಥಾತುತು.

ಗಲಾತ್ಯ 1:6

ದಕ್ಹಾ ದಿನ್ನ ಪಾಚಾ಼ ತಿನಾ ಪಾಚಾ಼ ಆವಾನಾ ಹುತಿ ತುಮೊನೆ ಬಲೈಲವಾಲೊ ಕ್ಹುದಾಜ಼ ವ್ಹೈ. ತೆ ತುಮೊನೆ ಯೆಸು ಕ್ರಿಸ್ತನಾ ಮುಲಕ ಆಯಲ ತಿನಿ ಮರಗಾ ಮುಲಕ ಬಲಾಯೊ. ತೆನೈಸೊ ಹಮ್ನಾ ಮಿ ತುಮಾರಾ ವಿಷಯಮಾ ಘಾಬ್ರೊ ಥಯೊಸ. ತುಮೆ ಹಮ್ನಾ ಮ್ಹೊಡು ಪ್ಹರೈಲಿನ ಬಿಜಿ಼ ಸುವಾರ್ತೆಪರ ಬರೊಕ್ಹೊ ಕರ‍್ಯಾಸ.

ಎಫೆಸ 2:20

ವಿಶ್ವಾಸಿಯೊ ಥಯಲ ತುಮೆ ಕ್ಹುದಾನು ಸ್ವಂತ ಘರ ಥಯಾಸ. ಅಪೊಸ್ತಲೊ ಪ್ರವಾದಿಯೊ ಕವಾನಿ ಫಾಯಾನಾ ಉಪ್ಪರ ತೆ ಘರ ಭಾಂದಲ ಛೆ. ಕ್ರಿಸ್ತಜ಼ ತೆ ಘರನೊ ಮುಲಾಮಾನೊ ದಗ್ಡೊ ಥಯೊಸ.

ಎಫೆಸ 6:18

ತುಮೆ ಪವಿತ್ರ ಆತ್ಮಾನಿ ಸಹಾಯಕ್ಹು ಕೆಳಾಮಾಬಿ ಕ್ಹುದಾನೆ ಪ್ರಾಥನಾ ಕರ‍್ತಾ ಕ್ಹಾರಿ ತರಾನಾ ಪ್ರಾಥನಾ ಕರೊ ವರಿ ತುಮೊನೆ ಚಾ಼ಯೆ ಥಯಲ ಹುತಿ ಮಾಂಗಿಲಿವೊ. ಇನಾಹುತಿ ಕೆಳಾಮಾಬಿ ತಯ್ಯಾರ ಥೈನ ರ‍್ಹವೊ. ಪ್ರಾಥನಾ ಛೊಡಿನ ದಿವೊ ನಕೊ. ಕ್ಹುದಾನಾ ಮನಕ್ಹುನಾ ಹುತಿ ಕೆಳಾಮಾಬಿ ಪ್ರಾಥನಾ ಕರೊ.

ಫಿಲಿಪ್ಪಿ 1:5

ಕಾಕದ್ಯಾಮ ತುಮೆ ಪೈಲಾತಾಬಿ ಹಜು಼ನ ಲಕ್ಕಾಬಿ ಸುವಾರ್ತೆ ಪ್ರಚಾರಮಾ ಮದತ ಕರಾಲಾ ಥಯಾಸ ಕೈನ ಮಾರಾ ಕ್ಹುದಾನೆ ಕೃತದನ್ಯತಾ ಸುತ್ತಿ ಕೌಸ.

ಕೊಲೆಸ್ಸೆ 1:23

ಹಬಾಳನಾ ಹೆಟು ರ‍್ಹಯಲ ಕ್ಹಾರಿ ಸೃಷ್ಟಿನೆ ಕದಲ ಸುವಾರ್ತೆಕ್ಹು ಹುಟ್ಟಲ ಆಸಕ್ಹು ಹಲ್ಲು ನೈ ಕೈನ ಬರೊಕ್ಹಾಮಾ ಘಟ್ಟ್ಟ ಹುಬ್ರಯಲ ರ‍್ಹಯಾಮ

ಕೊಲೆಸ್ಸೆ 4:2

ಪ್ರಾರ್ಥನಾ ತಪ್ಯಾ ಬಗರ ಕರೊ, ಹುಶಾರ ರ‍್ಹೈನ ಕ್ಹುದಾನೆ ತೆ ಕರಲ ಉಪಕಾರ ನೆನಸ್ತಾ ರ‍್ಹವೊ.

2 ತಿಮೊತಿ 3:14

ತೆನೈಸೊ ತು ಶಿಕ್ಕಲ ಉಪದೆಶೊನೆ ಚಾ಼ಲಿಲಿನಜಾ಼. ತೆ ಕ್ಹರಿಜ಼ ವ್ಹೈ ಕೈನ ತುನೆ ಗ್ವತ್ತ ಛೆ. ತೆ ತುನೆ ಶಿಕ್ಲಾಯಲ ಮನಕ್ಹೊ ಬರೊಕ್ಹೊಮಾ ಘಟ್ಟ ಥೈನ ರ‍್ಹೆ ತುಮೊನೆ ಗ್ವತ್ತ ಛೆ ತುಮೊನೆ ಶಿಕ್ಲಾಯಲವಾಲು ಕುನ ವ್ಹೈ ಕವಾನು.

ಇಬ್ರಿಯ 10:25

ಸಬೆ ಮಳಾನಿ ರುಡಾನೆ ದಕ್ಹಾಜ಼಼ನಾ ಛೊ಼ಡಿಪಡಲ ಲಿಂಗತ ಅಪೆಬಿ ಛೊಡ್ಯಾವಾಚಿ ತೆ ದಿನ್ನ ನಜಿಕ ಆವಸ ಕೈನ ತುಮೆ ತಿಳದಿಲಿದಲಕ್ಹು ಯಕ್ನಾ ಯಕ್ಕ ವರಿ ಜಾಸ್ತಿ ಅಗು ಬಡಾನು ಕೊಶಿಶ ಕರಿಯೆ.

ಇಬ್ರಿಯ 10:39

ಅಪೆತೊ ಪಾಚಾ಼ ಸರಕ್ಯಾಚಿ ರ‍್ಹೈನ ಹಾಳ ಥಾತಾ ನೈ ಬರೊಕ್ಹೊ ಕರಾಲಾ ಥೈನ ಆತ್ಮಾ ರಕ್ಷಣೆ ವ್ಹಂದಾಲಾ ಥಯಾಸ.

1 ಯೊಹಾನ 1:3

ಹಮೆ ದೆಕಲ ಕ್ಹಾರು ವರಿ ಐಕಲ ಹಮ್ನಾ ಹಮೆ ತುಮೊನೆ ಕವಾಡ್ಯಾಸ. ಕಾ ಕದ್ಯಾಮ ತುಮೆ ಹಮಾರಿ ಅನ್ಯುನತೆಮಾ ಪಾಲ ಲಿವಾಲಾ ಥೌ ಕೈನ ಹಮಾರಿ ಆಸ ವ್ಹೈ. ಅಪ್ನಿ ಅನ್ಯುನೆತೆ ಬಾ ಥಯಲ ಕ್ಹುದಾ ವರಿ ತಿನೊ ದಿಕ್ರೊ ಯೆಸು ಕ್ರಿಸ್ತನಾ ಕ್ಹಾತೆ ರ‍್ಹವಾನು ವ್ಹೈ.

1 ಯೊಹಾನ 1:7

ಕ್ಹುದಾ ಉಜಾಲು ಥೈನ ಛೆ. ತಿನಾಹುತಿ ಅಪೆ ಉಜಾಲಾಮಾ ಜಿವ್ನಾ ಕರು. ಅಪೆ ಉಜಾಲಾಮಾ ಜಿವ್ನಾ ಕರಾಲಾ ರ‍್ಹಯಾಮ ಯಕ್ನಾ ಯಕ್ಕ ಅನ್ಯುನ್ಯೆತಾಮಾ ಛೆ ಕೈನ ವರಿ ಕ್ಹುದಾನೊ ದಿಕ್ರೊ ಯೆಸು ರಗತ ಅಪ್ನಾ ಕ್ಹಾರಾ ಪಾಪೊಕ್ಹು ಛೊಡಾವಸ.

1 ಯೊಹಾನ 2:19

ಕ್ರಿಸ್ತನೊ ದುಶ್ಮನೊ ಅಪ್ನಾ ಗುಂಪಮಾ ರ‍್ಹಯಾತಬಿ. ತ್ಯುನೆ ಅಪೊನೆ ಛೊಡಿನ ಗಯಾ. ತ್ಯುನೆ ಕ್ಹರಿಮಾಜ಼ ಅಪ್ನಾ ನ್ಹೊತಾ. ತ್ಯುನೆ ಕ್ಹರಿಮಾಜ಼ ಅಪ್ನಾ ಸಭೆವಾಲಾ ರ‍್ಹವತ್ತೊ ಅಪ್ನಾ ಕ್ಹಾತೆ ರ‍್ಹತಾತಾ. ತೆನೈಸೊ ತ್ಯುನೆ ಗೈ ಪಡ್ಯಾ. ತ್ಯುನೆ ಕ್ಹರಿಮಾಜ಼ ಅಪ್ನಾ ನ್ಹೊತಾ ಕವಾನು ಇಕ್ಹು ದೆಕಾಡಿನ ದಿವಸ.

ಯುದ ಬರ್ದಲ ಪತ್ರ 1:20

ತೆ ನೈಸೊ ಮಯಾನಾ ಭಾಯೊ, ತುಮೊಮಾ ರ‍್ಹಯಲ ಪರಿಶುದ್ದ ಬರೊಕ್ಹಾನಾ ಮುಲಕ ಪವಿತ್ರ ಆತ್ಮಾ ಭರಿತ ಥೈನ ಪ್ರಾಥನಾ ಕರೊ.