ಅಪೊಸ್ತಲೊ 2:38 - ಕ್ಹುದಾನಿ ಕ್ಹರಿನಿ ವಾಕ್ಯಾ

³⁸ ಪೆತ್ರಾ ತ್ಯುನೊನೆ"ತುಮೊಮಾನೊ ಹರಯಕ್ಲೊ ತುಮಾರಾ ಪಾಪೊನಾ ಹುತಿ ಪಶ್ಚಾತಾಪ ಪಡಿನ ಕ್ಹುದಾನಾ ಬಗಲ ಫರೊ ಯೆಸು ಕ್ರಿಸ್ತನಾ ನಾಮಮಾ ಬಾಪ್ತಿಸ್ಮ ಕರೈಲಿವೊ. ತೆಳಾಮಾ ಕ್ಹುದಾ ತುಮಾರಾ ಪಾಪೊ ಮಾಫ ಕರಸ. ತೆನೈಸೊ ಕ್ಹುದಾ ವಾಗ್ದಾನ ಕರಲ ಪವಿತ್ರ ಆತ್ಮಾನೆ ವ್ಹಂದಿಲಿವೊಶಿ.

ಅಪೊಸ್ತಲೊ 2:38 ပူးပေါင်းရင်းမြစ်များ

ಮತ್ತಾಯ 28:19

ತಿನಾಹುತಿ ತುಮೆ ಗೈನ, ದುನಿಯಾಮಾ ರ‍್ಹವಾನಾ ಕ್ಹಾರಾ ಮನಕ್ಹೊನೆ ಮಾರಾ ಶಿಶ್ಯಾ ಕರೊ. ಬಾನಾ, ದಿಕ್ರಾನಾ ವರಿ ಪವಿತ್ರ ಆತ್ಮಾನಾ ನಾಮಪರ ತ್ಯುನೊನೆ ಬಾಪ್ತಿಸ್ಮಾ ಕರಾವೊ.

ಮತ್ತಾಯ 3:2

ಸ್ವರ್ಗನೊ ರಾಜ್ಯ ನಜಿಕ ಆಯೊಸ. ತುಮೆ ತುಮಾರಾ ಪಾಪೊನಾ ಹುತಿ ಪಶ್ಚಾತಾಪ ಪಡ್ದಿನ ಕ್ಹುದಾಕನ ಫರೊ” ಕೈನ ತೆ ಬೊದನೆ ಕರ‍್ಯೊ.

ಮತ್ತಾಯ 3:6

ಮನಕ್ಹೊ ತ್ಯುನೆ ಕರಲ ಪಾಪ ವಪ್ಪಿ ಲಿದಲ್ಪರ ಯೊಹಾನ ತ್ಯುನೊನೆ ಯೊರ್ದನ ನದಿಮಾ ಬಾಪ್ತಿಸ್ಮಾ ದಿವಾಡೊತೊ.

ಮತ್ತಾಯ 4:17

ತೆ ದಿನತೊ ಯೆಸು ಬೊದನೆ ಕರಾನು ಸುರು ಕರ‍್ಯೊ, ಪರಲೊಕ ರಾಜ್ಯ ಜಲ್ದಿ ಆವಾನು ಶೆ, ತಿನಾಹುತಿ ತುಮೆ ಕ್ಹುದಾಕನ ತುಮಾರಾ ಮನಸೊ ಫರಾವೊ ವರಿ ತುಮಾರಿ ಪಾಪನಿ ಜಿವ್ನಾ ಬದ್ಲಿ ಕರಲಿವೊ” ಕೈನ ಯೆಸು ಬೊದನೆ ಕರ‍್ಯೊ.

ಮಾರ್ಕ 1:15

ತೆ ದಿನ್ನೊ ಪುರಾ ಥಯಾ ಕ್ಹುದಾನಿ ರಾಜ್ಯ ನಜಿ಼ಕ ಐ. ತುಮಾರಾ ಪಾಪನೆ ಪಶ್ಚಾತಾಪ ಪಡಿನ ಕ್ಹುದಾ ಬಗಲ ಫರಿನ ಸುವಾರ್ತೆ (ಸುವಾರ್ತೆ ಕದ್ಯಾಮ ಕ್ಹುದಾನಿಯೊ ವಾತೊ) ನಂಬೊ ಕೈನ ಕ್ಹುದಾನಿಯೊ ಚೊ಼ಕಿಯೊ ವಾತೊ ಕತೊ ಗಯೊ.

ಮಾರ್ಕ 16:16

ಕುನ್ನ ಬರೊಕ್ಹೊ ಕರಿನ ಬಾಪ್ತಿಸ್ಮ ಕರೈಲಿವಾಲಾನೆ ರಕ್ಷಣೆ ಮಳಸ ಬರೊಕ್ಹೊ ನೈ ಕರಲ ವಾಲಾನೆ ಶಿಕ್ಷಾನೆ ಗುರಿ ಥಾವಸ.

ಲುಕ ಬರ್ದಲ ಸುವಾರ್ತಾ 24:47

ಎಕ್ಹಾರು ಪುರಾ ಥಾವಾನು ತುಮೆ ದೆಕ್ಯಾಸ. ತುಮೆಜ಼ ಇನೆ ಸಾಕ್ಷಿ ವ್ಹೈ.

ಲುಕ ಬರ್ದಲ ಸುವಾರ್ತಾ 3:10

ತಿನಾ ಹುತಿ ಮನಕ್ಹೊ"ಹಮ್ನಾ ಹಮೆ ಸುಕರಿಯೆ? ಕೈನ ಯೊಹಾನೆನೆ ಪುಚ್ಯಾ.

ಅಪೊಸ್ತಲೊ 10:43

ಯೆಸು ಪರ ಬರೊಕ್ಹೊ ಮ್ಹೆಲಾಲಾ ಹರಯಕ್ಕನಾ ಪಾಪೊ ತಿನಾ ನಾಮನಾ ಮುಲಕ ಮಾಫ ಕರಸ. ಎ ಕ್ಹರಿಜ಼ ವ್ಹೈ ಕೈನ ಪ್ರವಾದಿಯೊ ಕದ್ಯಾಸ "ಕದ್ಯೊ.

ಅಪೊಸ್ತಲೊ 10:48

ತಿನಾಹುತಿ ಯೆಸು ಕ್ರಿಸ್ತನಾ ನಾಮಪರ ಬಾಪ್ತಿಸ್ಮ ಕರೈ ಲಿವಾನೆ ತ್ಯುನೊನೆ ಅಪ್ಪಣೆ ದಿದ್ಯೊ. ಪಾಚಾ಼ತಾ ತ್ಯುನೆ ತ್ಯುನಾ ಕ್ಹಾತೆ ದಕ್ಹಾ ದಿನ್ನ ಲಕ್ಕಾ ರ‍್ಹೌ ಕೈನ ಪೆತ್ರಾ ಕನ ಮಾಂಗಿಲಿದ್ಯಾ.

ಅಪೊಸ್ತಲೊ 13:38

ಭಾಯೊ ಭೆನೊ, ಎ ತುಮೊನೆ ಗ್ವತ್ತ ರ‍್ಹವಾದೆ; ತಿನಾ ಮುಲಕ ತುಮಾರಾ ಪಾಪೊನೆ ಮಾಫಿ ಮಳಸ. ಮೊಶೆ ಧರಮಶಾಸ್ತ್ರನೆ, ತುಮೊನೆ ತುಮಾರಾ ಪಾಪೊಕ್ಹು ಛೊಡಾವಾನೆ ಥಯು ನೈ. ತೆನೈಸೊ ಯೆಸು ಪರ ಬರೊಕ್ಹೊ ಮ್ಹೆಲಾಲೊ ಹರಯಕ್ಲೊ ತಿನಾ ಮುಲಕ ತಿನಾ ಕ್ಹಾರಾ ಪಾಪೊಕ್ಹು ಛುಟಸ.

ಅಪೊಸ್ತಲೊ 16:15

ತಿನಾ ಘರವಾಲಾ ಬಾಪ್ತಿಸ್ಮ ಕರೈಲಿದಲಪರ ತೆ ಕರ್ತಾನೆ ಬರೊಕ್ಹೊ ಕರಾಲಿ ವ್ಹೈ ಖಯನ ತುಮೆ ಮಾರಾ ಹುತಿತಿಳ್ದಿಲಿದಲ ರ‍್ಹವಾಮಾ ಮಾರಾ ಘರ್ಮಾ ಐನ ರ‍್ಹೌ ಕೈನ ಮಾಂಗಿಲಿನ ಹಮೊನೆ ವತ್ತಾಯ ಕರ‍್ಯೊ.

ಅಪೊಸ್ತಲೊ 17:30

ತೆ ಗ್ಯಾನ ನೈಸೊ ದಿನೊನೆ ಕ್ಹುದಾ ಲೆಕಾಮಾ ಲಿದ್ಯೊನೈ. ಕ್ಹುದಾ ಹಮ್ನಾ ಬಿ ಚಾರ ದಿಕೊಮಾ ಮನಕ್ಹೊನೆ ಪಚಾತಾಪ ಪಡಿನ ಮಕನ ಪ್ಹರೊ ಕೈನ ಕ್ಹುದಾ ಅಪ್ಪಣೆ ಕರ್ಯೊ.

ಅಪೊಸ್ತಲೊ 20:21

ಯೆಹುದಿಯೊನೆ ವರಿ ಗ್ರಿಕವಾಲಾಬಿ ಪಶ್ಚಾತಾಪ ಪಡಿನ ಕ್ಹುದಾ ಬಗಲ ಫರು ಕೈನ, ಅಪ್ನೊ ಕರ್ತಾ ಥಯಲ ಯೆಸುಪರ ಬರೊಕ್ಹೊ ಮ್ಹೆಲು ಕೈನ ಮಿಜ಼ ಕದ್ಯೊ.

ಅಪೊಸ್ತಲೊ 22:16

ಹಮ್ನಾ ತು ಕಾ ತಡಾ ಕರಡ್ಯೊಸ? ಉಟಿನ ಕರ್ತಾನು ನಾಮ ಕೈಲಿವಾಲೊ ಥೌ ಕೈನ ಬಾಪ್ತಿಸ್ಮ ಕರೈಲಿನ ತಾರು ಪಾಪ ಧವೈಲೆ ಕೈನ ಕದ್ಯೊ ತಿನಾಹುತಿ ಪ್ರಾರ್ಥನಾ ಕರ‍್ಯೊ.

ಅಪೊಸ್ತಲೊ 26:18

ತ್ಯುನೆ ಅಂದಾರಾಮಾತಾ ಉಜಾ಼ಲಾನೆ, ಸೈತನನಾ ಹತ್ಮಾತಾ ಕ್ಹುದಾಕನ ಫರಿನ, ಮಪರ ಬರೊಕ್ಹೊ ಮ್ಹೆಲಲಕ್ಹು ಪಾಪನಿ ಮಾಫಿ, ಪರಿಶುದ್ಧ ರ‍್ಹಯಲವಾಲಾವೊನಾ ಕ್ಹಾತೆ ತ್ಯುನು ಹಕ್ಕ ವ್ಹಂದಿಲಿವಾನಾ ಹುತಿ, ತ್ಯುನಾ ಡೊಳಾ ಕ್ಹುಲು ಕೈನ ಮಿ ತುನೆ ತ್ಯುನೊಕನ ವಳೌಸ” ಕದ್ಯೊ.

ಅಪೊಸ್ತಲೊ 26:20

ತೆಳಾಮಾ ದಮಸ್ಕಮ್ಮಾ ಬಿ ವರಿ ಯೆರುಸಲೆಮ್ಮಾ ಬಿ ಯುದಾಯಮ್ಮಾಬಿ ಕ್ಹಾರಾ ಸಿಮೆ ರ‍್ಹಹೆಲವಾಲಾವೊನೆ ಬಿ ಮನಕ್ಹೊನೆ"ತುಮಾರಾ ಪಾಪೊನಾ ಹುತಿ ಪಶ್ಚಾತಾಪ ಪಡಿನ

ಅಪೊಸ್ತಲೊ 3:19

ತಿನಾಹುತಿ ತುಮೆ ತುಮಾರಾ ಪಾಪೊನಾ ಹುತಿ ಪಶ್ಚಾತ್ತಾಪ ಪಡಿನ ಕ್ಹುದಾ ಬಗಲ ಫರೊ. ತೆಳಾಮಾ ತೆ ತುಮಾರಾ ಪಾಪೊ ಮಾಫ ಕರಸ.

ಅಪೊಸ್ತಲೊ 5:31

ಕ್ಹುದಾ ತಿನೆ ಇಸ್ರಾಯೆಲ ಮನಕ್ಹೊನೆ ಪಾಪ ಮಾಫ ಕರಾನಾಹುತಿ ತಿನೆ ಪ್ರಭು ಥೈನ, ರಕ್ಷಕ ಥೈನ ತಿನಾ ಶಿದಾ ಹತ್ತ ಬಗಲ ಉನ್ನತ ಸ್ಥಾನಪರ ಉಟಾಡ್ಯೊ.

ಅಪೊಸ್ತಲೊ 8:12

ತೆನೈಸೊ ಫಿಲಿಪ್ಪ ಕ್ಹುದಾನಿ ರಾಜ್ಯನಾ ಹುತಿ ವರಿ ಯೆಸು ಕ್ರಿಸ್ತನಾ ಹುತಿ ಚೊ಼ಕಿಯೊ ವಾತೊ ಕವಾಕ್ಹು ದಾಣ್ಗಾ ವರಿ ಬಾಕ್ಡಿಯೊ ಬರೊಕ್ಹೊ ಕರಿನ ಬಾಪ್ತಿಸ್ಮ ಕರೈಲಿದ್ಯಾ.

ಅಪೊಸ್ತಲೊ 8:20

ತೆಳಾಮಾ ಪೆತ್ರಾ ತಿನೆ, ತಾರು ರುಪ್ಪು ತಾರಾ ಕ್ಹಾತೆಜ಼ ಹಾಳ ಥೈನ ಜಾ಼ವಾದೆ. ಕ್ಹುದಾ ದಿವಾನಿ ವರಾ ದೊಕ್ಡಾ ದಿನ್ನ ಇಕ್ಕಾತು ಲಿವಾನು ವ್ಹೈ ಕೈನ ತಿಳ್ದಿಲಿದ್ಯೊಸ?

ರೊಮಾಪೂರ 6:3

ಅಪೆ ಬಾಪ್ತಿಸ್ಮ ಕರಲೆತಾಮಾ, ಕ್ರಿಸ್ತಮಾ ಪಾಲ ಲಿವಾಲಾ ಥಯಾ ಕವಾನು ತುಮೆ ಇಕ್ಹರಿ ಪಡ್ಯಾ ಸು? ಅಪ್ನಿ ಬಾಪ್ತಿಸ್ಮ ಕ್ಹು ತಿನಾ ಮರಣಮಾ ಪಾಲ ಲಿವಾಲಾ ಥಯಾ.

ಎಫೆಸ 1:7

ತಿನಾ ರಗತಕ್ಹು ಅಪೊನೆ ಬಿಡುಗಡೆ ಮಳಿ. ಕ್ಹುದಾನಿ ಮ್ಹೊಟಿ ಮರಗಾಕ್ಹು ಅಪ್ನಾ ಪಾಪೊ ಮಾಫ ಥಯಾ.

ತಿತನೆ 3:5

ತೆ ಅಪೊನೆ ವಚಾ಼ಡಲ ತಿನಿ ಮರಗಾಕ್ಹುಜ಼ ವ್ಹೈ ಚೊ಼ಕಾಥಾವಾನೆ ಅಪೆ ಕರ‍ಲ ಕಾಮೊಕ್ಹು ನ್ಹವೈ. ತೆ ಅಪೊನೆ ಅಂಗ ಧವಾಹುತಿ ಪವಿತ್ರ ಆತ್ಮಾಕ್ಹು ನವಾ ಕರಿನ ವಚಾ಼ಡ್ಯೊ.

1 ಪೆತ್ರಾ 3:21

ತೆ ಪಾನಿ ಹಮ್ನಾ ತುಮೊನೆ ವಚಾ಼ಡಾನು ರ‍್ಹಯಲ ತೆ ದಿಕ್ಕಷಾಸ್ನಾನ ರ‍್ಹಯಲ ಲಿಂಗತ ಛೆ. ಬಾಪ್ತಿಸ್ಮ ಅಂಗನಿ ರಾಡಿ ಧ್ವಯಲ ಲಿಂಗತ ನ್ಹವೈ. ತೆ ಚೊ಼ಕಿ ಮನಸ ಸಾಕ್ಷಿ ಚಾ಼ಯೆ ಕೈನ ಮಾಂಗಿಲಿದಲ ಲಿಂಗತ ಛೆ. ಯೆಸು ಕ್ರಿಸ್ತ ಮರಣಕ್ಹು ಉಟಿನ ಆಯಲಕ್ಹು ತೆ ತುಮೊನೆ ವಚಾ಼ಡಸ್.