ಅಪೊಸ್ತಲೊ 2:27 - ಕ್ಹುದಾನಿ ಕ್ಹರಿನಿ ವಾಕ್ಯಾ

²⁷ ಕಾಕದ್ಯಾಮ ತು ಮಾರಿ ಜಿವ ಆತ್ಮಾನೆ ಪಾತಾಳಮಾ ಛೊಡತೊ ನೈ. ತಾರಾ ಮಯಾನಾ ಆಳನೆ ಪಡೆಲ ಜ಼ಗಾ ಪಡಾನೆ ದಿನ ಕ್ಹಡಾನೆ ದಿದ್ಯೊ ನೈ.

ಅಪೊಸ್ತಲೊ 2:27 ပူးပေါင်းရင်းမြစ်များ

ಮತ್ತಾಯ 11:23

ಕಪೆನೌರ್ಮಿ, ತು ಪರಲೊಕೆ ಜಾಶಿ ಕೈನ ವಿಚಾರ ಕರಶಿ ಸು? ನೈ! ತು ನರಕೆ ಜಾಶಿ. ಮಿ ತುಮೊಮಾ ಘನ್ನಾ ಅದ್ಭುತ ಕಾಮೊ ಕರ‍್ಯೊ. ಸೊದೊಮಮಾ ತೆ ಅದ್ಭುತ ಕಾಮೊ ಕರ‍ಲ ರ‍್ಹವತ್ತೊ ತೆ ಮನಕ್ಹೊ ಪಾಪ ಕರಾನು ಛೊಡಿಪಡತಾತಾ ವರಿ ಹಜು಼ನ ಲಕ್ಕಾ ತೆ ಗಾಮ ಉಗ್ರಲ ರ‍್ಹತುತು.

ಮಾರ್ಕ 1:24

ತೆ ಕೆಟ್ಟ ಆತ್ಮಾ , ನಜ಼ರೆತನಾ ಯೆಸು ಹಮಾರಿ ಉಸಾಬರಿ ತುನೆ ಕಾ? ಹಮ್ನೊನೆ ನಾಶ (ಹಾಳ) ಕರಾನೆ ಆಯೊ ಸು? ತುನೆ ವಳಕ್ಯಾಸ; ತು ಕ್ಹುದಾ ವಳಾಯಲ ಪರಿಶುದ್ಧ ವ್ಹೈ ಕೈನ ಹಮೊನೆ ಗ್ವತ್ತ ಛೆ ಕೈನ ವದ್ರಿನ ಕದ್ಯೊ.

ಲುಕ ಬರ್ದಲ ಸುವಾರ್ತಾ 1:35

ದೆವದುತ ಮರಿಯಳನೆ ಪವಿತ್ರ ಆತ್ಮಾ ತುಪರ ಆವಸ. ಕ್ಹಾರಾವೊತಿ ಮ್ಹೊಟೊ ರ‍್ಹಯಲ ಕ್ಹುದಾನಿ ತಾಕತನಿ ಛವ್ಲಿ ತುಪರ ಆವಸ. ತಿನಾ ಹುತಿ ಹುಟ್ಟಾನು ಪವಿತ್ರ ಬಚ್ಚು಼ ಕ್ಹುದಾನೊ ದಿಕ್ರೊ "ಕವೈಲಿವಸ.

ಲುಕ ಬರ್ದಲ ಸುವಾರ್ತಾ 16:23

ತೆನೈಸೊ ತೆ ಸೌಕಾರ ನರಕಮಾ ತ್ರಾಸ ಖಾತೊ ಘನ್ನೊ ದುರ ರ‍್ಹಯಲ ಅಬ್ರಹಾಮನಾ ಕ್ಹಾತೆ ಲಾಜ಼ರನೆ ದೆಕಿನ,

ಲುಕ ಬರ್ದಲ ಸುವಾರ್ತಾ 24:44

ಯೆಸು ತ್ಯುನೊನೆ ಮಿ ತುಮಾರಾ ಕ್ಹಾತೆ ರ‍್ಹಯಲ ಶೆಕರಿಲಿವೊ. ಮಾರಿ ವಿಷಯಮಾ ಮೊಶೆನು ಧರಮಶಾಸ್ತ್ರಮಾ ಪ್ರವಾದಿಯೊನಾ ಗ್ರಂಥಮಾ, ಕಿರತನೆಮಾ ಬರ್ದಲ ಹರಿ ಯಕ್ಕ ಸಂಗತಿಯೊ ಪುರಾ ಥೌ ಕೈನ ಮಿ "ಕದ್ಯೊ.

ಲುಕ ಬರ್ದಲ ಸುವಾರ್ತಾ 4:34

ತೆ ಯೆಸುನೆ ದೆಕಿನ ಜೊ಼ರ ವದ್ರಿನ ನಜ಼ರೆತನಾ ಯೆಸು! ಮಾರಿ ಉಸಾಬರಿ ತುನೆ ಕಾ? ಹಮೊನೆ ನಾಶಕರಾನೆ ಆಯೊಸು? ತುನೆ ವಳಕ್ಯೊಸ. ತು ಕ್ಹುದಾ ವಳಾಯಲ ಪರಿಶುದ್ಧ ವ್ಹೈ ಕದ್ಯು.

ಯೊಹಾನ 11:39

"ತೆ ದಗ್ಡೊ ಕಾಡಿ ಪಾಡೊ "ಕೈನ ಯೆಸು ಕದ್ಯೊ. ತೆಳಾಮಾ ಲಾಜರನಿ ಮ್ಹೊಟಿ ಭೆನ ಮಾರ್ಥಳ"ಲಾಜರ ಮರಿನ ಚಾರ ಥೈ ಗೈಯಾಸ. ತಿನಾಹುತಿ ತ್ಯಾ ಕೆಟ್ಟ ಬಾಸ ಛೆ" ಕೈನ ಕದಿ.

ಅಪೊಸ್ತಲೊ 2:26

ತಿನಾಹುತಿ ಮಾರಾ ಮನಸ್ಮಾ ಖುಶಿ ಥಾವಸ. ಮಾರಿ ಜಿಬ್ ಕೆಳಾಮಾಬಿ ಜೊಸಖು ತಿನೆ ಸ್ತೊತ್ರ ಕವಸ ಮಾರು ಅಂಗ ಕೆಳಾಮಾಬಿ ನಿರಾಸೆ ನೈ ಥಾತು.

ಅಪೊಸ್ತಲೊ 2:28

ತು ಮನೆ ಜ್ಯು ಮಳಾನಿ ವಾಟ ದೆಕಾಡಿನ ದಿದ್ಯೊ ತಾರಾ ಪ್ರಸನ್ನತೆಮಾ ಕ್ಹುಶಿ ಕರೊ. ಕಿರ್ತನೆ 16:8-11

ಅಪೊಸ್ತಲೊ 2:31

ತೆ ಥಾವಾತಿ ಪೈಲಾಜ಼ ದಾವಿದನೆ ಗ್ವತ್ತ ಥಯುತು. ತಿನಾಹುತಿ ದಾವಿದ ಮೌತಮಾತೊ ಜಿವ್ತೊ ಥಾವಾನಾ ಕ್ರಿಸ್ತನಾ ಹುತಿ ತಿನೆ ಪಾತಾಳಮಾ ಛೊಡತಾ ನೈ ತಿನು ಅಂಗ ನೈ ಕ್ಹಡತು ಕೈನ ಕದ್ಯೊ.

ಅಪೊಸ್ತಲೊ 3:14

ಯೆಸು ಪರಿಶುದ್ಧ ವ್ಹತ್ತೊ ವರಿ ಚೊ಼ಕು ವ್ಹತ್ತೊ. ತೆನೈಸೊ ತುಮೆ ತಿನೆ ಇನ್ಕಾರ‍್ಯಾ. ತಿನಾ ಬದ್ಲಿ ಕಲಾಸ ಕರಲವಾಲಾನೆ ಛೊಡು ಕೈನ ಪಿಲಾತನ ಕನ ಮಾಂಗಿಲಿದ್ಯಾ.

ಅಪೊಸ್ತಲೊ 4:27

ಕ್ಹರಿಬಿ ತಿನಾ ಲಿಂಗತ ಥಯು ಹೆರೊದನೊ ರಾಜೊ಼, ಪೊಂತಿಯಸ ಪಿಲಾತನ, ಸಂತತಿಯೊ ವರಿ ಇಸ್ರಾಯಲ ಗಾಮತಾ ಕ್ಹಾರಾ ಮಳಿನ ಯೆಸುನೆ ವಿರೊದ ಕರಲ ಪರ ಎ ಸಂಗತಿಯೊ ಕ್ಹರಿಜ಼ ಥಯಾ. ಕ್ರಿಸ್ತ ಥಯಲ ಯೆಸು ತಾರೊ ಪವಿತ್ರ ಸೆವಕ ಥಯೊಸ. ತು ತಿನೆ ಅಭಿಷೆಕ ಕರ‍್ಯೊಸ.

1 ಕೊರಿಂಥ 15:52

ಲಾಸ್ಟ ತುತ್ತುರಿನು ಆವಾಜ಼ ಡುಬ್ತಾಮಾ, ದಕ್ಹಿ ಯೆಳಮಾ, ಡೊಳಾ ಝಾಕೆ ಲಕ್ಕಾ ಬದಲಾವಣೆ ಅಪೆ ಕ್ಹಾರಾ ಥೈಯೆಸ. ಹೊ, ತುತ್ತುರಿ ಮೊಳಗಿ ಮರಲವಾಲಾ ನಿರ್ಣಯ ಥೈನ ಉಟಸ, ಅಪೆ ರುಪಾಂತರ ಥಯೆಸ.

1 ಕೊರಿಂಥ 15:55

ಎ! ಮರಣ ತಾರಿ ಝಿತ್ತ ಕಿಜಾ಼ ಛೆ? ಎ! ಮರಣ ತಾರಿ ಬಿಜಾ಼ವೊನೆ ಹಾಳ ಕರಾನಿ ತಾಕತ ಕಿಜಾ಼ ಛೆ?

1 ಯೊಹಾನ 2:20

ಪರಿಶುದ್ಧ ರ‍್ಹಯಲವಾಲೊ (ಕ್ಹುದಾ ನೈತೊ ಕ್ರಿಸ್ತ) ದಿದಲ ವರಾ ತುಮೊನೆ ಮಳಿಸ. ತಿನಾ ಹುತಿ ತುಮೆ ಕ್ಹಾರು ಕ್ಹರಿ ವಳಕ್ಯಾಸ.

ಪ್ರಕಟನೆ 1:18

ಮಿಜ಼ ಜಿವ್ತೊ ರ‍್ಹವಾಲೊ ವ್ಹೈ. ಮಿ ಮರ‍್ಯೊ. ತೆನೈಸೊ ಹಮ್ನಾ ದೆಕ ಮಿ ಯುಗ ಯುಗಾಂತರಮಾ ಜಿವ್ತೊ ರ‍್ಹವಾಲೊ ಥಯೊಸ. ಮರಣ ವರಿ ಪಾತಳನಿ ಅದಿಕಾರ ಮಕನ ಛೆ"

ಪ್ರಕಟನೆ 20:13

ಸುಮುದ್ರಮಾ ಪಡಿನ ಮರಲ ಮನಕ್ಹೊನೆ ತೆ ಸಮುಂದರ ವಪ್ಸಿನ ದಿದ್ಯು. ಮೃತ್ಯು ಪಾತಾಳಮಾ ರ‍್ಹಯಲ ಮನಕ್ಹೊನೆ ವಪ್ಸಿನ ದಿದ್ಯು. ಹರಿ ಯಕ್ಕ ಮನಕ್ಹೊನೆ ತ್ಯುನಾ ಕಾಮೊನಾ ತಕ್ಕ ಫಸ್ಲೊ ಥಯೊ.

ಪ್ರಕಟನೆ 3:7

ಫಿಲಿದೆಲ್ಫಿಮಾ ರ‍್ಹಯಲ ಸಬೆನಾ ದುತನೆ ಎ ಕ್ಹಾರು ಬರದ "ಪವಿತ್ರ ವರಿ ಕ್ಹರಿಕ್ಹು ರ‍್ಹಯಲವಾಲೊ ದಿವಾನೊ ಎ ಸಂದೆಶ ವ್ಹೈ. ದಾವಿದನಾ ಘರದಾನಾನಿ ಚಾವಿ ಮಕನ ಛೆ. ಮಿ ಕಾಡಲ ಬಾಕಲ ಕುನ್ನಜ಼ ಝಾಕ್ಕತು ನೈ. ವರಿ ಮಿ ಬಾಕಲ ಝಾಕಲ ಕುನ್ನಜ಼ ಕಾಡ್ತು ನೈ.