ಅಪೊಸ್ತಲೊ 2:23 - ಕ್ಹುದಾನಿ ಕ್ಹರಿನಿ ವಾಕ್ಯಾ

²³ ಯೆಸುನೆ ತುಮೊಕನ ವಪ್ಸಾಯಾ. ತುಮೆ ಕೆಟ್ಟ ಮನಕ್ಹೊನಾ ಮದತಕ್ಹು ತಿನೆ ಶಿಲುಬಿ ಪರ ಘಾಲ್ಯಾ. ತೆನೈಸೊ ಎ ಕ್ಹಾರು ಥಾವಸ ಕವಾನು ಕ್ಹುದಾನೆ ಗ್ವತ್ತ ವ್ಹತ್ತು. ಎ ಕ್ಹುದಾನಿ ಚಿತ್ತ ವ್ಹತ್ತಿ. ಘನ್ನಾ ಟೈಮನಾ ಪಾಚೊ಼ಜ಼ ಎ ಫೈಸ್ಲೊ ಥಯಲ ವ್ಹತ್ತೊ.

ಅಪೊಸ್ತಲೊ 2:23 ပူးပေါင်းရင်းမြစ်များ

ಮತ್ತಾಯ 20:19

ತಿನೆ ಅಪಹಾಸ್ಯ ಕರಾನಾಹುತಿಬಿ ಬಾರಕೊಲಕ್ಹು ಮಾರಾನಾಹುತಿಬಿ ಶಿಲುವಿಪರ ಘಾಲಾನಾಹುತಿಬಿ ಬಿಜಾ಼ ಮನಕ್ಹೊನಾ ಹತೊಮಾ ಒಪ್ಸಿಪಡಸ. ತೆನೈಸೊ ತೆ ತನ್ನ ದಿನ್ನಮಾ ಜಿವ್ತೊ ಥೈನ ಉಟಸ ಕೈನ ಕದ್ಯೊ.

ಮತ್ತಾಯ 26:24

ಮನಕ್ಹನೊ ದಿಕ್ರೊ ತಿನಾ ವಿಷಯಮಾ ಬರದಲ ನಿಂಗತ ಗೈ ಪಡಸ; ತೆನೈಸೊ ಕುನಬಿ ಮನಕ್ಹನಾ ದಿಕ್ರಾನೆ ಧರಿನ ದಿವಸ್ತೊ ತಿನೆ ಆಯೊ. ತೆ ಮನಕ್ಹ ನೈ ಹುಟ್ಟಾರೆ ಕೆಕ್ಲುಕಿ ಚೊಕೊ ರ‍್ಹತುತು ಕದ್ಯೊ.

ಮತ್ತಾಯ 27:35

ಸೈನಿಕೊ ತಿನೆ ಶಿಲುವಿಪರ ಮೊಳಾವೊಕ್ಹು ಮಾರ‍್ಯಾ. ಪಾಚ಼ಲ್ತಾ ವಣ್ಣಾವೊನಾಹುತಿ ತ್ಯುನಾಮಾಜ಼ ಚಿಟಿ ಘಾಲಿನ ಲಿದ್ಯಾ.

ಮಾರ್ಕ 15:24

ಪಾಚಾ಼ತಾ ಯೆಸುನೆ ತ್ಯುನೆ ಶಿಲುವಿಪರ ಚ಼ಡೈನ ತಿನಾ ವಣ್ಣಾವೊನೆ ಕಿನೆ-ಕಿನೆ ಸು-ಸು ಆವಸ ಕೈನ ತ್ಯುನೆ ಚಿ಼ಟಿಯೊ ಘಾಲಿನ ವಾಟಿಲಿದ್ಯಾ.

ಲುಕ ಬರ್ದಲ ಸುವಾರ್ತಾ 22:22

ಮನಕ್ಹನೊ ದಿಕ್ರೊ ಕ್ಹುದಾನಿ ಮರ್ಜಿ ಲಿಂಗತ ಮರಸ, ತೆನೈಸೊ ಮನಕ್ಹನಾ ದಿಕ್ರಾನೆ ಮರಾನಾ ಹುತಿ ವಪ್ಸಿನ ದಿವಾಲಾ ಮನಕ್ಹನೆ ಘನ್ನು ಕೆಟ್ಟ ಥಾವಸ. ಕೈನ ಕದ್ಯೊ.

ಲುಕ ಬರ್ದಲ ಸುವಾರ್ತಾ 22:37

ತೆ ಅಪರಾದಿಮಾನೊ ಯಕ್ಲೊ ವ್ಹೈ ಕೈನ ಕವೈಲಿದ್ಯೊ. ಕೈನ ಪ್ರವಾದಿಯೊನಾ ಗ್ರಂಥಮಾ ಬರ್ದಲ ಛೆ. ಮಾರಾ ಹುತಿ ಬರ್ದಲ ಪುರಾ ಥೌ ವರಿ ತೆ ಹಮ್ನಾ ಪುರಾ ಥಾವಸ "ಕೈನ ಕದ್ಯೊ.

ಲುಕ ಬರ್ದಲ ಸುವಾರ್ತಾ 23:33

ಯೆಸುನೆ ವರಿ ಬೆ ಚ್ವಟ್ಟಾವೊನೆ ತ್ಯುನೊನೆ "ಕಪಾಲ "ಕವಾನಿ ಜ಼ಗಾಪರ ಬಲೈ ಲಿನಗಯಾ. ತ್ಯಾ ಯೆಸುನೆ ಶಿಲುವಿಪರ ಚ಼ಡಾಯಾ ಬೆ ಚ್ವಟ್ಟಾವೊಮಾ ಯಕ್ಲಾನೆ ಯೆಸುನಾ ಶಿದಾಬಗಲ ಯಕ್ಲಾನೆ ಡಾವಾ ಬಗಲ ಚ಼ಡಾಯಾ,

ಲುಕ ಬರ್ದಲ ಸುವಾರ್ತಾ 24:20

ಹಮಾರಾ ಯೆಹುದಿಯೊನಾ ನಾಯಕೊ ವರಿ ಪ್ರದಾನ ಯಾಜಕೊ. ತಿನೆ ಮರವಾನಿ ಶಿಕ್ಷಾ ದಿಲಾಯಾ ವರಿ ತಿನೆ ಶಿಲುವಿಪರ ಘಾಲ್ಯಾ.

ಯೊಹಾನ 19:18

ತ್ಯುನೆ ತ್ಯಾ ಯೆಸುನಿ ತಿನಾ ಕ್ಹಾತೆ ಬಿಜಕ್ಲಾ ಬೆ ಜ಼ನಾವೊನೆ ಶಿಲುಬಿಪರ ಘಾಲ್ಯಾ. ತ್ಯುನೆ ಭಂಬಿಜ಼ನಾ ಆಜು಼ ಬಾಜು಼ಮಾ ಘಾಲಿನ, ಯೆಸುನೆ ತ್ಯುನಾ ವಚ್ಮಾ ಘಾಲ್ಯಾ.

ಯೊಹಾನ 19:24

ತಿನಾಹುತಿ ಸೈನಿಕೊ"ಅಪೆ ಅನೆ ಫಾಡಿನ ಪಾಲ ಕರು ನೈ. ಅಪೆ ಚಿಟಿ ಘಾಲಿನ ತೆ ಕಿನೆ ಆವಸ ದೆಕೆ" ಕೈನ ಬೊಲಿನ ಅಮ್ಮ ಕರ‍್ಯಾ" ತ್ಯುನೆ ಮಾರಾ ವಣ್ಣಾ ತ್ಯುನಾಮಾ ಪಾಲ ಕರಿಲಿದ್ಯಾ" ಮಾರಾ ಅಂಗ್ಡಾನಾ ಹುತಿ ಚಿಟಿ ಘಾಲ್ಯಾ" ಕಿರ್ತನೆ 22:18 ಕೈನ ಪವಿತ್ರ ಗ್ರಂಥಮಾ ಬರ್ದಲ ವಾತ ಅಮ್ಮ ಪುರಾ ಥೈ.

ಅಪೊಸ್ತಲೊ 13:27

ಯೆರುಸಲೆಮಮಾ ರ‍್ಹಯಲ ಯೆಹುದಿಯೊ ವರಿ ಯೆಹುದಿನಾ ನಾಯಕೊ ಯೆಸುಜ಼ ರಕ್ಷಕ ವ್ಹೈ ಕವಾನು ತಿಳ್ದಿಲಿದ್ಯಾ ನೈ. ಪ್ರವಾದಿಯೊ ಯೆಸುನಾ ಹುತಿ ಬರ್ದಲ ವಾತೊ ಹರ ಸಬ್ಬತ್ತನಾ ದಿನ್ನೆ ಒದತಾತಾ. ತೆನೈಸೊ ತ್ಯುನೆ ತಿಳ್ದಿಲಿದ್ಯಾ ನೈ. ತೆ ಯೆಹುದಿಯೊ ಯೆಸುನೆ ಅಪರಾದಿ ವ್ಹೈ ಕೈನ ಪೈಸ್ಲೊ ಕರ‍್ಯಾ. ಇಮ್ಮ ಕರಾನಾ ಮುಲಕ ತ್ಯುನೆ ಪ್ರವಾದಿ ಕದಲ ಪುರಾ ಕರ‍್ಯಾ!

ಅಪೊಸ್ತಲೊ 15:18

ಪೈಲಾತೊಜ ಯೆ ಕ್ಹಾರಾ ಕಾಮೊ ತಿಳಸಾಡೊಸ.

ಅಪೊಸ್ತಲೊ 2:36

"ತಿನಾಹುತಿ ಯೆಹುದಿಯೊ ಕ್ಹಾರಾ ಎ ಕ್ಹರಿಬಿ ತಿಳದಿಲಿವ. ಕ್ಹುದಾ ಯೆಸುನೆ ಪ್ರಭು ಥೈನ ಕ್ರಿಸ್ತ ಥೈನ ಕರ‍್ಯೊಸ. ತುಮೆ ಶಿಲುಬಿ ಪರ ಘಾಲ್ಯಲ ಮನಕ್ಹಜ಼ ತೆ ವ್ಹೈ"

ಅಪೊಸ್ತಲೊ 3:18

ಕ್ರಿಸ್ತ ತ್ರಾಸ ಖೈನ ಮರಸ ಕೈನ ಕ್ಹುದಾ ತಿನಾ ಪ್ರವಾದಿಯೊನಾ ಮುಲಕ ಪೈಲಾಜ಼ ಕದಲ ಇಮ್ಮ ಪುರಾ ಕರ‍್ಯೊಸ.

ಅಪೊಸ್ತಲೊ 4:28

ಯೆಸುನೆ ವಿರುದ್ಧ ಥೈನ ಮಳಿನ ಆಯಲ ಎ ಮನಕ್ಹೊ ತಾರಿ ವಿಚಾರ ಪುರಾ ಥಾಯೆ ಲಿಂಗತ ಕರ‍್ಯಾ. ತಾರಿ ತಾಕತಕ್ಹು ತಾರಿ ಚಿತ್ತಕ್ಹು ಎ ಥಯು.

ಅಪೊಸ್ತಲೊ 5:28

"ಎ ಮನಕ್ಹನು ವಾಸ್ತರ ತುಮೆ ಬೊದನೆ ಕರುನೈ ಕೈನ ಹಮೆ ತುಮೊನೆ ಅಪ್ಪಣೆ. ವರಿಬಿ ತುಮೆ ರ‍್ಹಯಲ ಸುವೈ? ತುಮೆ ಜೆರುಸೆಲಿಮಾ ತುಮಾರಿ ಉಪದೆಶನೆ ಕರಿಪಾಡ್ಯಾಸ. ಎ ಮನಕ್ಹನೆ (ಯೆಸುನಾ) ಮೌತನೆ ಜವಾಬ್ದಾರ ತಯಿನ ತುಮೆ ಕೊಶಿಶ" ಕದ್ಯಾ.

ಅಪೊಸ್ತಲೊ 5:30

ತುಮೆ ಯೆಸುನೆ ಶಿಲುವಿಪರ ಘಾಲಿನ ಖಲಾಸ ಕರ‍್ಯಾ. ವರಿಬಿ ಕ್ಹುದಾ ಯೆಸುನೆ ಮರಲವಾಲಾವೊನೆ ಮಾತೊ ಜುತೊ ಕರ‍್ಯೊ!

ಅಪೊಸ್ತಲೊ 7:52

ಜುವತ್ತಾ ರ‍್ಹಯಲ ಪ್ರವಾದಿಯೊಮಾ ಹರಯಕ್ಲಾನೆ ತಮಾರಾ ಪಿತೃವೊ ತ್ರಾಸ ಕರ‍್ಯಾ. ನಿತಿವಾಲೊ ಯಕ್ಲೊ ಆವಸ ಕೈನ ಘನ್ನಾ ಟೈಮನಾ ಪಚಾ಼ಜ಼ ತೆ ಪ್ರವಾದಿಯೊ ಕದ್ಯಾ. ತಿನಾಹುತಿ ತಮಾರಾ ಪಿತೃವೊ ತೆ ಪ್ರವಾದಿಯೊನೆ ಖಲಾಸ ಕರಿ ಪಾಡ್ಯಾ. ಹಮ್ನಾ ತಿನಾಲಿಂಗತ ಸುಜ಼ ತಪ್ಪ ನೈ ಕರಲವಾಲಾ ಯೆಸು ಕ್ರಿಸ್ತನಾ ವಿರುದ್ದ ಥೈನ ತಿನೆಬಿ ಖಲಾಸ ಕರಿ ಪಡ್ಯಾ.

ರೊಮಾಪೂರ 2:12

ಯೆಹುದಿ ನೈಸೊ ಮನಕ್ಹೊಕನ ಮೊಶೆನಾ ನಿಯಮೊ ನತ್ತಿ. ತೆ ಮನಕ್ಹೊ ಧರಮಶಾಸ್ತ್ರ ಗ್ವತ್ತ ನೈಸೊ ಪಾಪ ಕರಸ. ಯಹುದ್ಯೊಕನ ಧರಮಶಾಸ್ತ್ರ ಛೆ ತ್ಯುನೆಬಿ ಪಾಪ ಕರಸ ವರಿ ತ್ಯುನೊ ನ್ಯಾಯನೊ ಫೈಸಲೊ ಧರಮಶಾಸ್ತ್ರನಾ ನಿಯಮ ಪ್ರಕಾರ ಫೈಸಲೊ ಥಾವಸ.

ರೊಮಾಪೂರ 4:17

"ಮಿ ತುನೆ ಘನ್ನಿ ಜನಾಂಗನಾ ಮನಕ್ಹೊನೆ ಬಾ ಥಾವಾ ವರಕ್ಹು ಕರ‍್ಯೊಸ "ಕೈನ ಪವಿತ್ರ ಗ್ರಂಥಮಾ ಬರ್ದಲ ಛೆ. ಎ ಕ್ಹುದಾನಿ ಸನ್ನಿದಿಮಾ ಕ್ಹರಿ ವ್ಹೈ. ಮರಲವಾಲಾವೊನೆ ಜ಼ಲಮ ದಿವಾನು ಹಜು಼ನಬಿ ನೈ ಥಯಲ ಕಾಮೊ ಕರಾಲಾ ಕ್ಹುದಾನೆ ಅಬ್ರಹಾಮ ನಂಬ್ಯೊ.

1 ಥೆಸಲೊನಿಕ 2:15

ತೆ ಮನಕ್ಹೊ ಪ್ರಭು ಥಯಲ ಯೆಸುನೆ ವರಿ ಪ್ರವಾದಿಯೊನೆ ಖಲಾಸ ಕರಿಪಾಡ್ಯಾ. ತ್ಯುನಾ ದೆಶಮಾತಾ (ಜುದೆಯ) ಹಮೊನೆ ಜ಼ಬರದಸ್ತಿಕ್ಹು ಭಾರಾ ಘಾಲಿಪಾಡ್ಯಾ. ತ್ಯುನೆ ಕ್ಹುದಾನೆ ಪಸಂದ ನ್ಹೊತಾ ವರಿ ಕ್ಹಾರಾ ಮನಕ್ಹೊನಾ ವಿರುದ್ಧ ಛೆ.

1 ಪೆತ್ರಾ 1:2

ಕ್ಹುದಾ ತುಮೊನೆ ಪರಿಶುದ್ಧ ಕರಾನಾ ಹುತಿ ಘನ್ನಾ ದಿನ್ನ ಪಾಚೊ಼ ವಿಚಾರ ಕರಲಿದ್ಯೊತೊ. ತುಮೊನೆ ಪರಿಶುದ್ದ ಕರಾನೆ ಪರಿಶುದ್ದ ಆತ್ಮಾನು ತುಮೆ ಯೆಸು ಕ್ರಿಸ್ತನಾ ರಗತಕ್ಹು ಪರಿಶುದ್ದ ಥೈನ ತಿನೆ ವಧೆಯ ಥೌ ಕೈನ ಕ್ಹುದಾನಿ ವಿಚಾರ ವ್ಹತಿ. ಮರ್ಗಾ ವರಿ ಶಾಂತಿ ತುಮೊನೆ ಜಾಸ್ತಿ ಥಾವಾದೆ.

1 ಪೆತ್ರಾ 1:20

ಎ ಜಗತ್ತ ರಡಿ ಥಾವಾತಿ ಅಗ್ದುರಜ಼ ಯೆಸು ಇನೈಲಿದ್ಯೊ. ತೆನೈಸೊ ಎ ಜಗತ ಅಂತೆ ಥಾವಾನಾ ಟೈಮ್ಮಾ ತುಮೊನೆ ದಿಕ್ಹ್ಯೊಯೊ.

1 ಪೆತ್ರಾ 2:8

ನೈ ಬರೊಕ್ಹೊ ಕರಾಲಾವೊನೆ ತೆ; "ಮನಕ್ಹೊನೆ ಟೆಕ್ಹ ಲಾಗಾನೊ ದಗ್ಡೊ ಮನಕ್ಹೊನೆ ಪಾಡಾನೊ ದಗ್ಡೊ ಥಯೊಸ" ಯೆಶಾಯ 8:14 ಕ್ಹುದಾನಿ ವಾತ ನೈ ಐಕಾಕ್ಹು ಮನಕ್ಹೊ ಟೆಕ್ಹ ಲಗಾಡ್ಲಿನ್ ಪಡಸ. ತೆ ಮನಕ್ಹೊನೆ ಇಮ್ಮಥೌ ಕೈನ ಕ್ಹುದಾನಿ ವಿಚಾ಼ರ ವ್ಹತ್ತಿ.

ಯುದ ಬರ್ದಲ ಪತ್ರ 1:4

ದಕ್ಹಾ ಜ಼ನಾ ಮನಕ್ಹೊ ಗ್ವತ್ತವಾಚಿ ತುಮಾರಿ ಸಬೆಮಾ ಆಯಾಸ. ಇವ್ನೊನೆ ಥಾವಾನಿ ಶಿಕ್ಷಾನಾ ಹುತಿ ಘನ್ನಾ ದಿನ್ನಾ ಪಾಚಾ಼ಜ಼ ಪ್ರವಾದಿಯೊ ಬರ್ದ್ಯಾಸ. ಎ ಮನಕ್ಹೊ ಕ್ಹುದಾನಾ ವಿರುದ್ದ ಥಯಾಸ.ತ್ಯುನೆ ಪಾಪನಾ ಕಾಮೊ ಕರಾನಾ ಹುತಿ ಅಪ್ನಾ ಕ್ಹುದಾನಿ ಮರ್ಗಾನಿ ನೈವಾ ಕರ್ಲಿನ ತ್ಯುನೆ ಅಪ್ನೊ ಯಕ್ಕಜ಼ ಮಾಲಕ ಥಯಲ ವರಿ ಪ್ರಭು ಥಯಲ ಯೆಸು ಕ್ರಿಸ್ತನಾ ಪಾಚಾ಼ ಆವಾಲಾ ಥಯಾಸ.

ಪ್ರಕಟನೆ 13:8

ದುನಿಯಾಮಾ ರ‍್ಹಯಲ ಕ್ಹಾರಾ ಮನಕ್ಹೊ ತೆ ಖತರ್ನಾಕ ಜಾನ್ವರನೆ ಆರಾಧನಾ ಕರಸ. ದುನಿಯಾ ಶುರುತಿಬಿ ಖಲಾಸ ಥಯಲ ಬಕ್ರಾನಾ ಬಚ್ಚು಼ ಥಯಲ ಜಿವಭಾದ್ಯ ಪುಸ್ತಕಮಾ ಕಿನು ನಾಮ ಬರ್ದಲ ನತ್ತಿ ತೆಜ಼ ಎ ಮನಕ್ಹೊ ವ್ಹೈ.