ಅಪೊಸ್ತಲೊ 2:22 - ಕ್ಹುದಾನಿ ಕ್ಹರಿನಿ ವಾಕ್ಯಾ

²² ಇಸ್ರಾಯಲನಾ ಮನಕ್ಹೊ ಎ ವಾತೊ ಐಕೊ ಕ್ಹುದಾನಜರೆತನಾ ಯೆಸುನಾ ಮುಲಕ ಕರಲ ಮ್ಹೊಟಾ ಕಾಮೊ ವರಿ ಅದ್ಭುತ ಕಾಮೊನಾ ಮುಲಕ ತೆ ಚೊ಼ಕಿ ತರಾ ದೆಕಾಡಿನ ದಿದ್ಯೊಸ. ಎ ಸಂಗತಿಯೊ ತುಮೆ ಕ್ಹಾರಾ ಜ಼ನಾ ದೆಕ್ಯಾಸ. ತಿನಾಹುತಿ ಎ ಕ್ಹಾರು ಕ್ಹರಿಜ಼ ವ್ಹೈ ಕೈನ ತುಮೊನೆ ಗ್ವತ್ತ ಛೆ.

ಅಪೊಸ್ತಲೊ 2:22 ပူးပေါင်းရင်းမြစ်များ

ಮತ್ತಾಯ 12:28

ತೆನೈಸೊ ಮಿ ಕ್ಹುದಾನಿ ತಾಕತಕ್ಹು ಭುತ್ಡಾವೊನೆ ಛೊಡೌಸ. ಕ್ಹುದಾನಿ ರಾಜ್ಯ ತುಮಾರಾ ನಜಿಕ ಐಸ ಕವಾನು ಎ ದೆಕಾಡಿನ ದಿವಸ.

ಮತ್ತಾಯ 2:23

ನಜರೆತ ಕವಾನಾ ಗಾಮ್ಮಾ ರ‍್ಹಯಲೊ. ಕ್ರಿಸ್ತನನೆ ‘ನಜ಼ರೆತನೊ’ ವ್ಹೈ ಕೈನ ಬಲಾವಸ” ಕೈನ ಕ್ಹುದಾ ಪ್ರವಾದಿಯೊನಾ ಮುಲಕ ಕದಲ ಅಮ್ಮ ಪುರಾ ಥಯು.

ಮತ್ತಾಯ 9:8

ಮನಕ್ಹೊ ಎ ದೆಕಿನ ಘಾಬ್ರಾ ತಿಬ್ರ ಥಯಾ. ಮನಕ್ಹೊನೆ ಹೈ ಅದಿಕಾರ ದಿದಲಕ್ಹು ಮನಕ್ಹೊ ಕ್ಹುದಾನೆ ಸ್ತುತಿ ಕರ‍್ಯಾ

ಲುಕ ಬರ್ದಲ ಸುವಾರ್ತಾ 11:20

ತೆನೈಸೊ ಮಿ ಕೆಟ್ಟ ಆತ್ಮಾವೊನೆ ಕ್ಹುದಾನಿ ತಾಕತ ಕ್ಹು ಛೊಡಾವಾಡ್ಯುಸ್ತೊ ಕ್ಹುದಾನಿ ರಾಜ್ಯ ತುಮಾರಾ ಕ್ಹಾಮಿ ಐಸ ಕೈನ ಎಜ಼ ಸಾಕ್ಷಿ ವ್ಹೈ.

ಲುಕ ಬರ್ದಲ ಸುವಾರ್ತಾ 18:37

ಮನಕ್ಹೊ ತಿನೆ "ನಜ಼ರೆತನೊ ಯೆಸು ಆವಾಡ್ಯೊಸ" ಕೈನ ತಿಳಶ್ಯಾ.

ಲುಕ ಬರ್ದಲ ಸುವಾರ್ತಾ 24:18

ತ್ಯುನೊಮಾ ಕ್ಕಲೆಯೊಫಾ ಕವಾಲೊ"ತೆ ಯೆರುಸೆಲೆಮಾ ಥಯಲ ಕ್ಹಾರು ನೈ ತಿಳದಲವಾಲೊ ತು ಯಕ್ಲೊ ವ್ಹೈಸು" ಕೈನ ಕದ್ಯೊ.

ಯೊಹಾನ 1:45

ಫಿಲಿಪ್ಪ ನತಾನಿಯೆಲನೆ ಮಳಿನ ತಿನೆ"ಕಿನಾಹುತಿ ಮೊಶೆ ಧರಮಶಾಸ್ತ್ರಮಾ ಬರ್ದ್ಯೊ ವರಿ ಪ್ರವಾದಿಯೊ ಬರ್ದ್ಯಾ, ತೆ ಹಮೊನೆ ಮಳ್ಯೊಸ. ತೆ ಯೊಸೆಫನೊ ದಿಕ್ರೊ ಯೆಸು ನಜರೆತವಾಲೊ ವ್ಹೈ ಕೈನ ಕದ್ಯೊ.

ಯೊಹಾನ 10:37

ಮಾರೊ ಬಾ ಕಾಮೊ ಮಿ ನೈ ಕರ‍್ಯಾಮ, ಮಿ ಕವಾನು ಬರೊಕ್ಹೊ ಕರೊ ನಕೊ.

ಯೊಹಾನ 11:47

ತೆಳಾಮಾ ಯಾಜಕೊ ವರಿ ಫರಿಸಾಯರೊ ಯಹುದಿಯೊನಾ ವಿಚಾರ ಕರಾನಾ ಸಭೆಮಾ ಬಲೈನ"ಹಮೆ ಸು ಕರಿಯೆ? ಎ ಮನಕ್ಹ ಘನ್ನಾ ಸುಚಕ ಕಾಮೊ ಕರಾಡ್ಯೊಸ.

ಯೊಹಾನ 12:17

ಯೆಸು ಲಾಜರನೆ ಮರಣಮಾತೊ ತಿನೆ ಜಿವ್ತೊ ಕರಿನ ಉಟಾಡಲ ಪರ ಘನ್ನಾ ಮನಕ್ಹೊ ಯೆಸುನಾ ಕ್ಹಾತೆ ವ್ಹತ್ತಾ. ತ್ಯುನೆ ತಿನಿ ಸಾಕ್ಷಿ ವ್ಹತ್ತಾ..

ಯೊಹಾನ 15:24

ಯಕ್ಕೆಳೆ ಮಿ ತ್ಯುನಾ ವಚ್ಮಾ ತೆ ಕಾಮೊ ನೈ ಕರತೊ ವರಿ ತೆ ಕಾಮೊ ಕುನ್ನಜ಼ ನೈ ಕರಲ ರ‍್ಹವತ್ತೊ, ತ್ಯುನೆ ಪಾಪ ಕರಲವಾಲಾ ಥಾತಾ ನ್ಹೊತಾ. ಹಮ್ನಾ ತ್ಯುನೆ ಎ ದೆಕ್ಯಾಸ ರ‍್ಹೈತುಬಿ ತ್ಯುನೆ ಮನೆ ವರಿ ಮಾರಾ ಬಾನೆ ದ್ವೆಶ ಕರಸ.

ಯೊಹಾನ 19:19

ಪಿಲಾತನ ಯಕ್ಕ ಫಳಿಪರ ಬರ್ದಿನ ಶಿಲುಬೆನಾ ಉಪ್ಪರ ಲಗಾಡ್ಯೊ. ತೆ ಫಳಿಪರ"ನಜರೆತನೊ ಯೆಸು ಯಹುದಿಯೊನಾ ರಾಜ಼ೊ ಕವಾನು ಬರ್ದ್ಯೊತೊ.

ಯೊಹಾನ 3:2

ಯಕ್ಕ ರಾತೆ ನಿಕೊದೆಮ ಯೆಸುಕನ ಆಯೊ. ನಿಕೊದೆಮ"ಗುರು, ತು ಕ್ಹುದಾ ವಳಾಯಲ ಮಾಸ್ತರ ವ್ಹೈ ಕೈನ ಮನೆ ಗ್ವತ್ತ ಛೆ. ತು ಕರಾನಾ ಆ ತರಾನಾ ಅದ್ಭುತೊ ಕ್ಹುದಾನೊ ಆಸ್ರೊವಾಚಿ ಕುನ್ನಜ ನೈ ಕರತು "ಕೈನ ಕದ್ಯೊ.

ಯೊಹಾನ 4:48

ಯೆಸು ತಿನೆ"ಸುಚಕ ಕಾಮೊ ವರಿ ಘಾಬ್ರಾಥಾವಾನಾ ಕಾಮೊ ದೆಕ್ಯಾವಾಚಿ ಮನೆ ನಂಬತಾಜ಼ ನೈ" ಕೈನ ಕದ್ಯೊ.

ಯೊಹಾನ 5:36

ತೆನೈಸೊ ಮಾರಿ ಸಾಕ್ಷಿ ಯೊಹಾನತಿಬಿ ಮ್ಹೊಟಿ ಸಾಕ್ಷಿ ಛೆ. ಮಿ ಕರಾನಾ ಕಾಮೊಜ ಮಾರಿ ಸಾಕ್ಷಿಯೊ ಥಯೊಸ. ಬಾ ಮನೆ ದಿದಲ ಎ ಕಾಮೊಜ, ಬಾ ಮನೆ ವಳಾಯೊಸ ಕೈನ ದೆಕಾಡಸ.

ಯೊಹಾನ 6:14

ಯೆಸು ಕರಲ ಎ ಅದ್ಭುತ ಕಾಮ ದೆಕಲ ಕ್ಹಾರಾ ಮನಕ್ಹೊ"ಎ ದುನಿಯಾಮಾ ಆವಾನೊ ರ‍್ಹಯಲ ಪ್ರವಾದಿ ಕ್ಹರಿಮಾಜ಼ ಎಜ಼ ವ್ಹೈ" ಕೈನ ಕವಾಡಾತಾ.

ಯೊಹಾನ 6:27

ಹಾಳ ಥಾವಾನು ರ‍್ಹಯಲ ಅನ್ನನಾ ಹುತಿ ರಾಬೊ ನಕೊ ತೆನೈಸೊ ಹಮೆಶಾನಾ ಜ಼ಲಮ ದಿವಾನು ಅನ್ನನಾಹುತಿ ರಾಬೊ. ತೆ ಮನಕ್ಹನೊ ದಿಕ್ರೊ ದಿವಸ. ತಿಪರ ಬಾ ಥಯಲ ಕ್ಹುದಾ ಅದಿಕಾರನೊ ಶಿಕ್ಕೊ ಮಾರ‍್ಯೊಸ.

ಯೊಹಾನ 7:31

ತೆನೈಸೊ ಗುಂಪಮಾನಾ ಘನ್ನಾ ಮನಕ್ಹೊನು ಯೆಸುಪರ ಬರೊಕ್ಹೊ ಮ್ಹೆಲ್ಯಾ. ವರಿ ಕದ್ಯಾ ತ್ಯುನೆ"ಕ್ರಿಸ್ತ ಆವಾಡ್ಯೊಸ ಕೈನ ಹಮೆ ದೆಕಾಡ್ಯಾಸ. ಕ್ರಿಸ್ತ ಆತಾಮಾ ಎ ಮನಕ್ಹ (ಯೆಸು) ಕರ‍ಲತಿಬಿ ಹೆಚ್ಕಿ ಸುಚಕ ಕಾಮೊ ಕರಾಲೊ ವ್ಹೈ ಸು? ನ್ಹವೈ! ತಿನಾಹುತಿ ಎಜ಼ ಕ್ರಿಸ್ತ ವಸೆ" ಕದ್ಯಾ.

ಯೊಹಾನ 9:33

ಎ ಮನಕ್ಹ ಕ್ಹುದಾ ಕಂತೊ ನೈ ಆಯಲ ರ‍್ಹವತ್ತೊ ಇಕನ ಸುಜ಼ ಕರಾನೆ ಥಾತು ನ್ಹೊತು" ಕೈನ ಕದ್ಯೊ.

ಅಪೊಸ್ತಲೊ 13:16

ಪೌಲಾ ಉಟಿನ ಹುಬ್ರೈನ ತಿನಾ ವಾತೊ ಐಕು ಕೈನ ಮನಕ್ಹೊನೆ ಹತೆ ಇಶಾರೊ ಕರಿನ ಅಮ್ಮ ಕದ್ಯೊ; "ಮಾರಾ ಯೆಹುದಿನಾ ಭಾಯೊ, ಕ್ಹರಿನಾ ಕ್ಹುದಾನೆ ಆರಾಧನಾ ಕರಾಲಾ ಬಿಜಾ಼ ಮನಕ್ಹೊ, ಮಿ ಕವಾನು ಐಕೊ!

ಅಪೊಸ್ತಲೊ 14:27

ಪೌಲಾ ಬಾರ್ನಬ ನ್ಹ್ಯಾ ಆಯಲ್ಪರ, ಸಭೆವಾಲಾ ಕ್ಹಾರಾವೊನೆ ಮಳೈನ, ಕ್ಹುದಾ ತ್ಯುನಾ ಕ್ಹಾತೆ ರ‍್ಹೈನ ಕರಲ ಕ್ಹಾರಾ ಕಾಮೊನಾ ಹುತಿ ತ್ಯುನೊನೆ ಕದ್ಯಾ. ವರಿ "ಬಿಜಾ಼ ಜನಾಂಗವಾಲಾಬಿ ಬರೊಕ್ಹೊ ಕರೆ ಲಿಂಗತ ಕ್ಹುದಾ ಬಾಕಲ ಕಾಡ್ಯೊಸ" ಕೈನ ತಿಳ್ಸಾಯಾ.

ಅಪೊಸ್ತಲೊ 2:19

ಮಿ ಹಬಾಳ ಪರ ಅದ್ಭುತ ಕಾಮೊ ಕರಿನ ದೆಕಾಡುಸ, ಜಿಮಿನಪರ ಮ್ಹೊಟಾ ಕಾಮೊ ದೆಕೊಶಿ, ರಗತ ಆಗನು ವಾಪಲಿಂಗತ ಧವಾಂಡೊ ದೆಕೊಸಿ

ಅಪೊಸ್ತಲೊ 2:43

ಅಪೊಸ್ತಲೊ ಘನ್ನಾ ಚೊ಼ಕಾ ವರಿ ಅದ್ಭುತ ಕಾಮೊ ಕರಾಡಾತಾ; ವರಿ ಹರ ಯಕ್ಲಾನೆ ಕ್ಹುದಾ ಪರ ಭೆ ಐಯು.

ಅಪೊಸ್ತಲೊ 21:28

ಇಸ್ರಾಯೆಲನಾ ಮನಕ್ಹೊ, ಮನೆ ಮದತ ಕರೊ, ಅಪಾನಾ ಮನಕ್ಹೊನೆ, ಧರಮಶಾಸ್ತ್ರನೆ, ಯೆ ಆಲಯನಾ ವಿರುದ್ದ ಕ್ಹಾರಿ ಜ಼ಗಾ ಕ್ಹರವೊನೆ ಭೊದನೆ ಕವಾನು ಮನಕ್ಹ ಎಜ಼ ವ್ಹೈ. ಎನೈಸೊ ಗ್ರಿಕವಾಲಾವೊನೆ ದೆವಾಲಯಮಾ ಬಲಲೈನ ಯೆ ಪರಿಶುದ್ಧ ಜ಼ಗಾನೆ ಹೊಲಸ ಕರ‍್ಯೊಸ ಕೈನ ವದ್ರ್ಯಾ.

ಅಪೊಸ್ತಲೊ 22:8

ತಿನಾಹುತಿ ತೆ ಉತ್ತರ ದಿದ್ಯೊ; ಕರ್ತಾ, ತು ಕುನ ವ್ಹೈ? ಕೈನ ಪುಚ್ತಾ಼ಮಾ ತೆ; ತು ತ್ರಾಸ ದಿವಾನು ನಜ಼ರೆತನೊ ಯೆಸು ಮಿಜ಼ ಕೈನ ಕದ್ಯೊ.

ಅಪೊಸ್ತಲೊ 24:5

ಎ ಮನಕ್ಹಮಾ ಅಪಾಯ ದೆಕ್ಯಾ. ದುನಿಮ್ಮಾ ಕ್ಹಾರಿ ಜ಼ಗಾ ರ‍್ಹಯಲ ಯೆಹುದಿಯೊಮಾ ದಂಗೊ ಉಟಾಡಸ ಕವಾನು, ನಜರೆನ ಕವಾನು ಪಂಥನೊ ನಾಯಕ ವ್ಹೈ ಕೈನ ದೆಕ್ಯಾಸ.

ಅಪೊಸ್ತಲೊ 26:26

ರಾಜೊ಼ ಥಯಲ ಅಗ್ರಿಪ್ಪನೆ ತೆ ಸಂಗತಿಯೊ ಗೊತ್ತ ಛೆ. ತಿನಾಹುತಿ ತಿನಾ ಕ್ಹಾಮೊ ಮಿ ಧೈರ್ಯಕ್ಹು ಬೊಲುಸಕೈ. ತೆ ಸಂಗತಿಯೊಮ್ಮಾ ಯಕ್ಕಬಿ ಜ್ಹಾಕಿಲಿದೆಲ ನತ್ತಿ ನಂಬಾನು ಸುವೈ ಕದ್ಯಾಮ, ಕಾಕದ್ಯಾಮ್ಮಾ ತೆ ಯಕ್ಕ ಮೂಲಾಮ್ಮಾ ಥಯಲ ಕಾಮ್ಮ ನ್ಹವೈ.

ಅಪೊಸ್ತಲೊ 26:9

ಯಕ್ಕ ಕಾಲ್ಮಾ ನಜೆರೆತನಾ ಯೆಸುನಾ ನಾಮನೆ ವಿರುದ್ದ ಘನ್ನಾ ಕಾರ‍್ಯೊ ಕರು ಕೈನ ಹಮೆ ವಿಚಾರ ಕರ್ಲಿದ್ಯಾಸ.

ಅಪೊಸ್ತಲೊ 3:12

ಪೆತ್ರಾ ತಿನೆ ದೆಕಿನ ಇಸ್ರಾಯಲನಾ ಮನಕ್ಹೊ, ತುಮೆ ಕಾ ತಿಕ್ಹು ಘಾಬ್ರಾ ಥಾವೊಶಿ? ತುಮೆ ಹಮೊನೆ ಯಕ್ಕಸಂವಾ ದೆಕಾನು ಶಾನೆ ವ್ಹೈ. ಹಮೆ ಸ್ವಂತ ತಾಕತಕ್ಹು ರ‍್ಹವಾದೆ ಕ್ಹುದಾಪರ್ಲಿ ಭಕ್ತಿಕ್ಹು ಇನೆ ಚ಼ಾಲೆಲ ಲಿಂಗತ ಕರ‍್ಯಾಸ ಕೈನ ತಿಳ್ದಿಲಿವೊ ನಕೊ.

ಅಪೊಸ್ತಲೊ 3:6

ತೆಳಾಮಾ ಪೆತ್ರಾ ಕ್ಹೊನು ರುಪ್ಪುತೊ ಮಕನ ನತ್ತಿ, ಮಕನ ರವಾನು ತುನೆ ದ್ಯುಸ. ನಜರೆತನಾ ಯೆಸು ಕ್ರಿಸ್ತನಾ ನಾಮಪರ ಚಾ಼ಲ ಕದ್ಯೊ

ಅಪೊಸ್ತಲೊ 4:10

ನಜರೆತನಾ ಯೆಸು ಕ್ರಿಸ್ತನಾ ನಾಮಕ್ಹು ಎ ಮನಕ್ಹನೆ ಅರಾಮ ಥಯುಸ ಕವಾನು ತುಮೆ ವರಿ ಇಸ್ರಾಯೆನಾ ಕ್ಹಾರಾ ಮನಕ್ಹೊ ತಿಳ್ದಿಲಿವ ಕೈನ ಮಿ ಆಸ ಕರುಸ! ತುಮೆ ಯೆಸುನೆ ಶಿಲುಬಿ ಪರ ಘಾಲ್ಯಾ. ಕ್ಹುದಾ ತಿನೆ ಮರಲವಾಲಾವೊಮಾತೊ ಜಿವ್ತೊ ಕರಿನ ಉಟಾಡ್ಯೊ. ಎ ಮನಕ್ಹ ಲಂಗ್ಡೊ ವ್ಹತ್ತೊ, ತೆನೈಸೊ ಹಮ್ನಾ ಎ ಅರಾಮ ಥಯೊಸ ವರಿ ಯೆಸುನಾ ನಾಮಕ್ಹು ತುಮಾರಾ ಕ್ಹಾಮೊಜ಼ ಹುಬ್ರಯೊಸ!

ಅಪೊಸ್ತಲೊ 5:35

ತೆಳಾಮಾ ಸಬೆವಾಲಾವೊನೆ,ಇಸ್ರಾಯೆಲನಾ ಮನಕ್ಹೊ ತಮೆ ತೆ ಮನಕ್ಹೊನಾ ವಿಷಮಾ ಲಿವಾನು ನಿರ್ಧಾರನಾ ಹುತಿ ಹುಶಾರ ರ‍್ಹವೊ.

ಅಪೊಸ್ತಲೊ 6:14

ನಜೆರೆತನೊ ಯೆಸು ಎ ದೆವಾಲಯ ಪಾಡಿನ ಮೊಶೆನಾ ನಿಯೊಮೊನೆ ಬದಲಿ ಕರಸ ಕೈನ ಕವಾನು ಹಮೆ ಐಕ್ಯಾಸ "ಕೈನ ಕದ್ಯಾ.

2 ಕೊರಿಂಥ 12:12

ಮಿ ಕಾಲನಾ ಲೌಕಿಕಮಾನಾ ನೈ ಲೌಕಿಕಮಾನಾ ಮನಕ್ಹೊ ರ‍್ಹಯಲ ಲಿಂಗತ ರ‍್ಹೌ ಕೈನ ದಕ್ಹ ಮನಕ್ಹೊ ವಿಚಾರ ಕರಸ. ಮಿ

ಇಬ್ರಿಯ 2:4

ಎನೈಸೊ ಕ್ಹುದಾ ತಿನಾ ಅದ್ಭುತ ಕಾಮುಕ್ಹು, ಸುಚಕ ಕಾರ‍್ಯೊಕ್ಹು, ಘನ್ನಾ ತರಾನಾ ಮ್ಹೊಟಾ ಕಾಮೊಕ್ಹು ವರಿ ಪವಿತ್ರ ಆತ್ಮಾನಾ ವರಾಕ್ಹು ತಿನಾ ಮನಸೆ ಆಯಲ ತಿಮ್ಮ ದಿವಾನಾ ಮುಲಕ ತೆ ದೆಕಾಡಿನ ದಿದ್ಯೊ.