ಅಪೊಸ್ತಲೊ 2:10 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹⁰ ಫ್ರಿಜಿನಾ ಮನಕ್ಹೊ,ಪಾಂಫಿಲಿನಾ ಮನಕ್ಹೊ,ಇಜಿಪ್ತನಾ ವರಿ ಸಿರೆನಾ ಕ್ಹಾಮಾ ಲಿವಿನಾ ಕ್ಹಾಂದಾನಾ ರೊಮ್ನಾ ಮನಕ್ಹೊ ವ್ಹತ್ತಾ.

ಅಪೊಸ್ತಲೊ 2:10 ပူးပေါင်းရင်းမြစ်များ

ಮತ್ತಾಯ 2:15

ಹೆರೊದ ಮರೆಲಕ್ಕಾ ಯೊಸೆಫ ಇಜಿಪ್ಟಮಾಜ ವ್ಹತ್ತೊ. ಮಿ ಮಾರಾ ದಿಕ್ರಾನೆ ಇಜಿಪ್ಟಮಾತೊ ಬಲಾಯೊ ಕೀನ ಪ್ರವಾದಿ ನಾ ಮುಲಕ ಪ್ರಭು ಕದಲ ವಾತ ಇನಾಕ್ಹು ಪುರಾ ಥೈ.

ಮತ್ತಾಯ 23:15

ಅಯ್ಯೊ, ಕಪಟಿಯೊ ಥಯಲ ಶಾಸ್ತ್ರಿಯೊ, ಫರಿಸಾಯರೊತುಮೆ ಯಕ್ಕ ಮನಕ್ಹನೆ ಮತಾಂತರ ಕರಾನಾಹುತಿ ಜಿಮಿನ ವರಿ ಸಮುದ್ರನೆ ಸುತ್ತ ಮಾರಿನ ಆವೊಶಿ; ತೆ ತುಮೊಮಾ ಮಳಿನ ತೆ ತುಮೊತಿಬಿ ಜಾ಼ಸ್ತಿ ಬೆ ಯಕ್ಲಿ ನರಕ್ಮಾ ಶಿಕ್ಷಾ ಮಳಸ.

ಮತ್ತಾಯ 27:32

ಸೈನಿಕೊ ಯೆಸುನಾ ಕ್ಹಾತೆ ಗಾಮತಾ ಭಾರಾ ಜಾ಼ತಾಮಾ ಸಿರೆನ ಗಾಮನಾ "ಸಿಮೊನ” ಕವಾಲಾ ಮನಕ್ಹನೆ ದೆಕ್ಯಾ. ತಿನಿ ಶಿಲುವಿ ಉಚೈಲಿವಾನಾಹುತಿ ತ್ಯುನೆ ತಿನೆ ಜ಼ಬರದಸ್ತಿ ಕರ‍್ಯಾ.

ಮಾರ್ಕ 15:21

ತೆಳಾಮಾ ಖೆತರನಿ ವಾಟಮಾತಾ ಜಾ಼ತಾಮಾ ತೆಜ಼ ವಾಟಮಾತೊ ಯಕ್ಕ ದಾಣಗೊ ಆವಾಡ್ಯೊತೊ ಯೆಸುನಿ ಶಿಲುವಿ ಉಚೈಲೆ ಕೈನ ತಿನೆ ಜ಼ಬರದಸ್ತಿ ಕರ‍್ಯಾ ತೆ ಕುನ್ನ ವ್ಹೈ ಕದ್ಯಾಮ ಅಲೆಕ್ಸಾಂಡರ ವರಿ ರುಫಸನೊ ಬಾ ಥಯಲ ಸಿಮೊನ ಕವಾಲೊ ಕುರೆನ ಗಾಮವಾಲೊ ವ್ಹೈ.

ಅಪೊಸ್ತಲೊ 11:20

ಎ ವಿಶ್ವಾಸಿಯೊಮಾ ದಕ್ಹಾ ಜ಼ನಾ ಸೈಪ್ರನ್ ವರಿ ಸಿರೆನ್ ಜ಼ಗಾವಾಲಾ ವ್ಹತ್ತಾ. ಎ ಮನಕ್ಹೊ ಅಂತಿಯೊಕ್ಯನೆ ಆಯಲ್ಪರ ತ್ಯುನೆ, ಪ್ರಭು ಥಯಲ ಯೆಸುನಿ ವಿಷಯಮಾ ರ‍್ಹಯಲ ಸುವಾರ್ತೆ ತ್ಯಾನಾ ಗ್ರಿಕ ಮನಕ್ಹೊನೆಬಿ ತಿಳಸಾಯಾ.

ಅಪೊಸ್ತಲೊ 13:1

ಅಂತಿಯೊಕ್ಯನಾ ಸಭೆಮಾ ದಕ್ಹಾ ಪ್ರವಾದಿಯೊ ವರಿ ಉಪದೆಶ ಕರಾಲಾ ವ್ಹತ್ತಾ. ತ್ಯುನೆ ಕುನ್ ವ್ಹೈ ಕದ್ಯಾಮ; ಬಾರ್ನಬ, ಸಿಮೆಯೊನ್ ಇನೆ ನಿಗರ ಕೈನಬಿ ಬಲಾತಾತಾ. ಲುಸಿಯಸ ಸಿರೆನ ಗಾಮ ವಾಲೊ ವ್ಹೈ. ಮೆನಹೆನ ಹೆರೊದ ರಾಜಾ಼ನಾ ಕ್ಹಾತೆ ಬೆಳದಲವಾಲೊ ವರಿ ಸೌಲಾ ವ್ಹೈ.

ಅಪೊಸ್ತಲೊ 13:13

ಪೌಲಾ ವರಿ ತಿನಾ ಕ್ಹಾತೆ ರ‍್ಹಯಲವಾಲಾ ಪಾಫೊಸಿನತಾ ನೌಕಾಯಾನ ಕರ‍್ಯಾ. ಪಾಂಫಿಲಿನಾ ಪ್ರಾಂತ್ಯಮಾ ರ‍್ಹಯಲ ಪೆರ್ಗ ಕವಾನಾ ಗಾಮೆ ತ್ಯುನೆ ಆಯಾ. ತೆನೈಸೊ ಮಾರ್ಕ ಕವೈಲಿವಾಲೊ ಯೊಹಾನ ತ್ಯುನೊನೆ ಛೊಡಿನ ಯೆರುಸಲೆಮೆ ಫರಿನ ಗಯೊ.

ಅಪೊಸ್ತಲೊ 13:43

ಸಭೆ ಕ್ಹರಲ ಪರ ಘನ್ನಾ ಯಹುದಿಯೊ ಪೌಲಾ ಬಾರ್ನಬನೆ ತೆ ಜ಼ಗಾತಾ ಪಾಚಾ಼ ಲಾಗ್ಯಾ. ಯೆಹುದಿಯೊನಾ ಧರ್ಮನೆ ಮಳಲ ಘನ್ನಾ ಬಿಜಾ಼ ಮತನಾ ತೆ ಯೆಹುದಿಯೊನಾ ಕ್ಹಾತೆ ವ್ಹತ್ತಾ. ಧರ್ಮ ಬದ್ಲಿ ಕರಲ ಇವ್ನೆಬಿ ಕ್ಹರಿನಾ ಕ್ಹುದಾನೆ ಆರಾಧನೆ ಕರಾಡಾತಾ. ಪೌಲಾ ಬಾರ್ನಬ ತ್ಯುನಾ ಕ್ಹಾತೆ ಬೊಲಿನ, ಕ್ಹುದಾನಿ ಕೃಪೆಮಾ ಬರೊಕ್ಹೊ ಮ್ಹೆಲಿನ ಅಗು ಬಡು ಕೈನ ಪ್ರೊತ್ಸಾಹ ಕರ‍್ಯಾ.

ಅಪೊಸ್ತಲೊ 14:24

ಪೌಲಾ ಬಾರ್ನಬ ಪಿಸಿದಿ ಗಾಮತಾ ಪಾಂಪಿಲಿಯ ಗಾಮೆ ಆಯಾ.

ಅಪೊಸ್ತಲೊ 15:38

ತ್ಯುನಾ ಕ್ಹಾತೆ ಬಲೈಲಿನ ಜೌವು ಕತ್ತಾಮಾ ಪೌಲಾ; ಹಮಾರಾ ಕ್ಹಾತೆ ಸವೆ ನೈಸೊ ಪಂಫುಲ್ಯಮಾ ಹಮ್ಮನೊನೆ ಚ್ಹೊಡಿಪಾಡೆಲ ಬಲೈ ಲೌವು ಕೈನ ಜಾ಼ವಾನಾ ಹುತಿ ಚೊ಼ಕು ನ್ಹವೈ ಕೈನ ಶೆ ಕರಲಿದ್ಯಾ.

ಅಪೊಸ್ತಲೊ 16:6

ಪೌಲಾ ವರಿ ಕ್ಹಾತೆ ರ‍್ಹಯಲವಾಲಾ ಫ್ರಿಜಿಯಾ ವರಿ ಗಲಾತ್ಯ ಪ್ರಾಂತ್ಯನಾ ಮುಲಕ ಗಯಾ. ಎಶ್ಯಾ ಸಿಮೆಮಾ ಸುವಾರ್ತೆ ಕೌ ನೈಸೊ ಪವಿತ್ರ ಆತ್ಮಾ ತ್ಯುನೊನೆ ತರ್ಬ್ಯೊ.

ಅಪೊಸ್ತಲೊ 17:21

ಅಥೆನೆಯೊನೊ ರಹೆಲ ಗಾಮ್ಮಾ ಬಿಜಾ಼ ಗಾಮಾವಾಲಾ ನವಾ ನವಾ ಸಂಗತಿಯೊ ಕವಾನು ವರಿ ಐಕಾನು ಛೊಡಿನ ವರಿ ಬಿಜಾ಼ ಕಾಮನೆ ಟೈಮ ನೈ ದೆತಾತಾ.

ಅಪೊಸ್ತಲೊ 18:2

ಪೊಂತಮಾ ಕವನಾ ಗಾಮಮಾ ಹುಟ್ಟಲ ಅಕ್ವಿಳ ಕವಾನಾ ಯಕ್ಕ ಯೆಹುದಿನೆ ಪೌಲಾ ದೆಕ್ಯೊ. ಯೆಹುದಿಯೊ ಕ್ಹಾರಾ ರೊಮಾಪುರ ಛೊಡಿನ ಜೌ ಕೈನ ಕ್ಲೌದಿಯನೊ ಚಕ್ರವರ್ತಿ ಆಗನ್ಯಾ ದಿದಲ ಶಾನಾಹುತಿ ಕದ್ಯಾಮ ಅಕ್ವಿಳನೆ ತಿನಿ ಬೈಕೊ ಪ್ರಿಸ್ಕಿಳ ದಕ್ಹಾ ದಿನ್ನ ಪೈಲಾಜ಼ ಇತ್ಯಾಳ ದೆಶತಾ ಆಯಾತಾ.

ಅಪೊಸ್ತಲೊ 18:23

ಪೌಲಾ ಅಂತಿಯೊಕ್ಯಮಾ ದಕ್ಹಾ ದಿನ್ನ ರ‍್ಹೈನ ವರಿ ತ್ಯಾಂತೊ ಗೈನ ಗಲಾತ್ಯ ಸಿಮೆಮಾ ಫ್ರಗ್ಯಮಾ ಸಂಚಾರ ಕರ್ತಾ ಕ್ಹಾರಾ ವಿಶ್ವಾಸಿಯೊನೆ ಘಟ್ಟ ಕರ‍್ಯೊ.

ಅಪೊಸ್ತಲೊ 2:11

ಧರಮನೆ ಚಾ಼ಲಾಲಾ ಕ್ರೆತ್ಯವಾಲಾ ವರಿ ಅರಬಿ ದೆಶನಾ ಛೆ. ಅಪೊಮಾ ದಕ್ಹಾ ಜ಼ನಾ ಹುಟ್ಟಲತಾಬಿ ಯೆಹುದಿಯೊ ವ್ಹೈ. ಬಾಕಿನಾ ಪರಿವರ್ತನ ವ್ಹಂದಲವಾಲಾ ವ್ಹೈ. ಅಪೆ ಬಿಜಾ಼ ಬಿಜಾ಼ ದೆಶನಾ ವ್ಹೈ. ತೆನೈಸೊ ಎ ಮನಕ್ಹೊ ಬೊಲಾನು ಅಪ್ನಿ ಸ್ವಂತ ಭಾಶಾಮಾ ಅಪೊನೆ ಐಕು ಆವಾಡುಸ! ತ್ಯುನೆ ಕ್ಹುದಾನಾ ಹುತಿ ಕವಾನಿ ಮ್ಹೊಟಿಯೊ ಸಂಗತಿಯೊ ಅಪೊನೆ ಕ್ಹಾರಾವೊನೆ ಗ್ವತ್ತ ಥಾವಾಡುಸ" ಕೈನ ಕದ್ಯಾ.

ಅಪೊಸ್ತಲೊ 23:11

ಕೈನ ತೆ ರಾತೆ ಕರ್ತಾ ಪೌಲಾನಾ ಕ್ಹಾತೆ ಹುಬರೈನ "ಧೈರ್ಯಕ್ಹು ರ‍್ಹೊ; ತು ಯೆರುಸೆಲಿಮ್ಮಾ ಮಾರಾ ಸಂಗತಿಯೊ ಸಾಕ್ಷಿಯೊ ಥೈಯೆಲ ಕ್ಹು ರೊಮಾಪುರಮಾ ಬಿ ಸಾಕ್ಷಿ ಥೌ ಕೈನ ಕದ್ಯೊ.

ಅಪೊಸ್ತಲೊ 27:5

ಸಿಲಿಸಿಯಸನೆ ಪಾಂಫಿಯಾನೆ ಕ್ಹಾಮು ರ‍್ಹಯಲ ಸಮುಂದರ ದಾಟ್ಯಾ. ತೆ ಥಯಲ್ಪರ ಹಮೆ ಲುಸಿಯಾ ಪ್ರಾಂತ್ಯಮಾ ರ‍್ಹಯಲ "ಮುರ "ಕವಾನಾ ಗಾಮೆ ಆಯಾ.

ಅಪೊಸ್ತಲೊ 28:15

ತ್ಯಾ ರಹೆಲ ಭಾಯೊ ಹಮ್ಮಾರು ಸಮಾಚಾರ ಐಕಿನ ಹಮ್ಮನೊನೆ ಮಳಾನೆ ದಕ್ಹಜ಼ನಾ ಅಪ್ಪಿಯಪೆಟೆಲಕುನ ವರಿ ದಕ್ಹಾಜ಼಼ನಾ ತ್ರಿ ಛತ್ರಕವಾನು ಜ಼ಗಾಮಟಾ ಆಯಾ. ಪೌಲಾ ತ್ಯುನೊನೆ ದೆಕಿನ ಕ್ಹುದಾನೆ ಸ್ತೊತ್ರಾ ಕರಿನ ಧೈರ‍್ಯಕ್ಹು ರ‍್ಹಯೊ.

ಅಪೊಸ್ತಲೊ 6:5

ತೆಳಾಮಾ ಕ್ಹಾರಾ ವಿಶ್ವಾಸಿಯೊ ಎ ವಿಚಾರನೆ ವಪ್ಪಿಲಿದ್ಯಾ. ತಿನಾಹುತಿ ತ್ಯುನೆ ಪವಿತ್ರತ್ಮಾಕ್ಹು ಭರಲ ವರಿ ಬರೊಕ್ಹಾನಾ ಲಾಯಕ ರ‍್ಹಯಲ ಸ್ತೆಫನ, ಫಿಲಿಪ್ಪ, ಪ್ರೊಖೊರ, ನಿಕೊನೊರ ತಿಮೊನ ಪರ್ಮೆನ ವರಿ ನಿಕೊಲಾಯ ಮತಾಂತರ ಥೈನ ಯಹುದಿ ಥೈನ ಎ ಅಂತಿಯೊಕ್ಯಯವಾಲೊ ಥಯೊತೊ ಇವ್ನೊನೆ ಇನಿಲಿದ್ಯಾ.

ಅಪೊಸ್ತಲೊ 6:9

ತೆನೈಸೊ ದಕ್ಹಾ ಯೆಹುದಿಯೊ ಐನ ತಿನಾಕ್ಹಾತೆ ವಾದ ವಿವಾದ ಕರಾಡ್ಯಾ. ಇವ್ನೆ ಸಭಾಮಂದಿರನಾ ವ್ಹತಾ. ಸಿರೆನ ವರಿ ಅಲೆಕ್ಸಾಂಡ್ರಿಯಾತಾ ಆಯಲ ಯೆಹುದಿಯೊನಾ ಹುತಿ ತೆ ಸಭಾಮಂದಿರ ವ್ಹತ್ತಿ. ಸಿಲಿಸಿನಾ ವರಿ ಎಶ್ಯಾತಾ ಆಯಲ ಯೆಹುದಿಯೊ ತ್ಯುನಾ ಕ್ಹಾತೆ ವ್ಹತ್ತಾ.

ರೊಮಾಪೂರ 1:15

ತಿನಾಹುತಿ ರೊಮಮಾ ರ‍್ಹಯಲ ತುಮೊನೆ ಸುವಾರ್ತೆ ಕವಾನೆ ಮನೆ ಘನ್ನಿ ಆಸ ಛೆ.

ರೊಮಾಪೂರ 1:7

ರೊಮಮಾ ರ‍್ಹಯಲವಾಲಾ ಕ್ಹುದಾನಾ ಸ್ವಂತ ಮನಕ್ಹೊ ಥಾವಾನಾ ಹುತಿ ಕ್ಹುದಾಜ಼ ಬಲಾಯಲವಾಲಾ ಥಯಲ ತುಮೊನೆ ಕ್ಹಾರಾ ಮನಕ್ಹೊನೆ ಎ ಪತ್ರ ಬರ್ದಾಡ್ಯೊಸ. ತುಮೆ ಕ್ಹುದಾನೆ ಮಯಾನಾ ಮನಕ್ಹೊ ಥಯಾಸ. ಅಪ್ನೊ ಬಾ ಥಯಲ ಕ್ಹುದಾಕ್ಹು ಪ್ರಭು ಥಯಲ ಯೆಸು ಕ್ರಿಸ್ತಕ್ಹು ತುಮೊನೆ ಕೃಪಾ ವರಿ ಶಾಂತಿ ಮಳಾದೆ.

2 ತಿಮೊತಿ 1:17

ತೆ ರೊಮೆ ಆಯಲ ಬರಬ್ಬರ ಘನ್ನು ಹುಡ್ಕಿನ ಮನೆ ಕಾಡ್ಯೊ.

ಪ್ರಕಟನೆ 11:8

ಎ ಸಾಕ್ಷಿಯೊನಾ ಬೆ ಮುರದಾ ಮ್ಹೊಟಾ ಗಾಮ್ನಾ ವಾಟಮಾ ಪಡಲ ರ‍್ಹವಸ. ಎ ಗಾಮನೆ ಸೊದೊಮ ವರಿ ಇಜಿಪ್ತ ಕೈನ ನಾಮ ಥಾವಸ. ತೆ ಗಾಮನಾ ನಾಮೊನೆ ಖಾಸ ಮತ್ಲಬ ಛೆ. ಪ್ರಭು ಎ ನಗರಮಾಜ಼ ಶಿಲುಬಿ ಪರ ಘಾಲ್ಯಾ.