ಅಪೊಸ್ತಲೊ 19:2 - ಕ್ಹುದಾನಿ ಕ್ಹರಿನಿ ವಾಕ್ಯಾ

² ತುಮೆ ನಂಬೆಲಪರ ಪವಿತ್ರ ಆತ್ಮಾನಿ ವರ ವ್ಹಂದಿಲಿದ್ಯಾಸು? ಕೈನ ತ್ಯುನೊನೆ ಪುಚ಼ತಾಮಾ ತ್ಯುನೆ ಕದ್ಯಾ ನತಿ ಕೈನ ಕದ್ಯಾ ಪವಿತ್ರ ಆತ್ಮಾ ಕವಾನು ಹಮೆ ಐಕ್ಯಾ ನತ್ತಿ ತ್ಯುನೊನೆ ಛೆ ಕೈನ ಗ್ವತ್ತ ನತಿ ಕೈನ.

ಅಪೊಸ್ತಲೊ 19:2 ပူးပေါင်းရင်းမြစ်များ

ಯೊಹಾನ 7:39

ಯೆಸು ಪವಿತ್ರಾ ಆತ್ಮಾನಾ ಹುತಿ ಎ ಕುನ್ನ ತಿಪರ ಬರೊಕ್ಹೊ ಮ್ಹೆಲಲವಾಲಾನೆ ತೆ ತ್ಯುನೆ ಪಡ್ದಿಲಿವಾನು ವ್ಹತ್ತು. ತೆಳಕ್ಕಾ ಪವಿತ್ರ ಆತ್ಮಾ ದಿದಲ ನ್ಹೊತಿ ಕಾಕದ್ಯಾಮ ಹಜುಬಿ ಯೆಸು ಮಹಿಮಾತು ಜಿವ್ತೊ ಥೈನ ಉಟ್ಯೊ ನ್ಹೊತೊ. ಕದ್ಯೊತೊ ತಿನೆ ಬರೊಕ್ಹೊ ಕರಲವಾಲಾ ವ್ಹಂದಿಲಿವಾನು ಪವಿತ್ರ ಆತ್ಮಾನಾ ಹುತಿ ಕದ್ಯೊ. ತೆ ಹಜು಼ನ ತಿನಿ ಮಹಿಮಾ ನೈ ವ್ಹಂದಿಲಿದಲಕ್ಹು ಪವಿತ್ರ ಆತ್ಮಾ ಹಜು಼ನ ದಿದ್ಯೊ ನ್ಹೊತೊ.

ಅಪೊಸ್ತಲೊ 10:44

ಪೆತ್ರಾ ಹಜು಼ನ ತಿಮ್ಮ ಕತಾಮಾಜ಼, ತಿನು ಸಂದೆಶ ಐಕಾಲಾವೊನಾ ಉಪ್ಪರ ಪವಿತ್ರ ಆತ್ಮಾ ಉತ್ರಿನ ಆಯೊ.

ಅಪೊಸ್ತಲೊ 19:5

ತ್ಯುನೆ ತೆ ವಾತೊ ಐಕಿನ ಕರ್ತಾ ಥಯಲ ಯೆಸು ನಾಮಪರ ಬಾಪ್ತಿಸ್ಮ ಕರಲಿದ್ಯಾ.

ಅಪೊಸ್ತಲೊ 2:17

ಕ್ಹುದಾ ಅಮ್ಮ ಕವಸ; ಲಾಸ್ಟನಾ ದಿನೊಮಾ ಮಾರಿ ಆತ್ಮಾ ಖಾರಾವೊಪರ ಆವಸ ತೆನೈಸೊ ತುಮಾರಾ ಕ್ಹಾತೆ ರ‍್ಹಯಲ ದಾಣ್ಗಾ ವರಿ ಬಾಕ್ಡಿಯೊ ಪ್ರವಾದನೆ ಕರಸ ವರಿ ಜಾಂಜಿಮಾನೊನೆ ದರ್ಶನ ಥಾವಸ ತುಮಾರಾ ಮ್ಹೊಟಾ ಮನಕ್ಹೊನೆ ಕ್ಹಪನೊ ಪಡಸ

ರೊಮಾಪೂರ 1:11

ಮಿ ತುಮೊನೆ ದೆಕಾನೆ, ತುಮೊನೆ ಆತ್ಮಿಕನಾ ಆಶಿರ್ವಾದೊ ವಾಟಿ ಲಿವಾನೆ ವರಿ ತುಮೊನೆ ಘಟ್ಟ ಕರಾನೆ ಮಾರು ಘನ್ನು ಮನಸ ಛೆ.

1 ಕೊರಿಂಥ 6:19

ಕ್ಹುದಾ ತುಮೊನೆ ದಿದಲ ಪವಿತ್ರ ಆತ್ಮಾನೆ ತುಮಾರು ಅಂಗ ಗರ್ಭಗುಡಿ ಥಯುಸ; ತೆ ಪವಿತ್ರ ಆತ್ಮಾ ತುಮಾರಾಮಾ ರ‍್ಹವಾಡೊಸ ಕವಾನು ತುಮೊನೆ ಗ್ವತ್ತ ನತ್ತಿ ಸು? ತುಮೆ ತುಮಾರಾ ಕ್ಹುದ್ದನಾ ನ್ಹವೈ. ತೆನೈಸೊ ಕ್ಹುದಾನಾ ವ್ಹೈ.

ಗಲಾತ್ಯ 3:5

ತಿನಾಹುತಿ ಕ್ಹುದಾ ಪವಿತ್ರ ಆತ್ಮಾನೆ ದಿವಾನು ತುಮೆ ಧರಮಶಾಸ್ತ್ರಮಾ ರ‍್ಹಯಲ ತಿಮ್ಮ ಕರಾಕ್ಹು ವ್ಹೈ ಸು? ಕ್ಹುದಾ ಮ್ಹೊಟಾ ಕಾಮೊ ಕರಾನು ತುಮೆ ಧರಮಶಾಸ್ತ್ರಮಾ ರ‍್ಹಯಲ ತಿಮ್ಮ ಕರಾಕ್ಹು ವ್ಹೈಸು? ನ್ಹವೈ. ಸುವಾರ್ತೆ ಐಕಿನ ತಿಪರ ಬರೊಕ್ಹೊ ಮ್ಹೆಲಲ ಹುತಿ ಕ್ಹುದಾ ತುಮೊನೆ ಪವಿತ್ರ ಆತ್ಮಾ ದಿವಸ. ವರಿ ಮ್ಹೊಟಾ ಕಾಮೊ ಕರಸ.