ಅಪೊಸ್ತಲೊ 17:3 - ಕ್ಹುದಾನಿ ಕ್ಹರಿನಿ ವಾಕ್ಯಾ

³ ತೆ ವಾಕ್ಯನು ಅರ್ಥ ತಿಳಸಾಯಾ. ಕ್ರಿಸ್ತ ತರಾಸ ಕ್ಹಯಿನ ಮರಿನ ಉಟಿನ ಆವಾನು ಜ಼ರುರತ ಛೆ ಕೈನ ಮಿ ತಮನೊನೆ ಪ್ರಸಿದ್ದಿಪಡಿಸಾನಾ ಹುತಿ ಯೆಸು ತೆ ಕ್ರಿಸ್ತ ವ್ಹೈ ಕೈನ ಸ್ಥಿರಪಡಿಸ್ಯಾ.

ಅಪೊಸ್ತಲೊ 17:3 ပူးပေါင်းရင်းမြစ်များ

ಲುಕ ಬರ್ದಲ ಸುವಾರ್ತಾ 24:32

ತ್ಯುನೆ ಭಂಬಿಜ಼ನಾ"ತೆ ಅಪ್ನಾ ಕ್ಹಾತೆ ಬೊಲ್ತಾಮಾ ಅಪೊಮಾ ಆಗ ಲಾಗಲ ಲಿಂಗತ ಥೈನೈ? ಪವಿತ್ರ ಗ್ರಂಥಮಾ ರ‍್ಹಯಲ ಕ್ಹರಿಮಾನು ಮತ್ಲಬ್ ತೆ ಕತಾಮಾ ಘನ್ನು ಚೊ಼ಕು ಲಾಗ್ಯುನೈ?

ಲುಕ ಬರ್ದಲ ಸುವಾರ್ತಾ 24:44

ಯೆಸು ತ್ಯುನೊನೆ ಮಿ ತುಮಾರಾ ಕ್ಹಾತೆ ರ‍್ಹಯಲ ಶೆಕರಿಲಿವೊ. ಮಾರಿ ವಿಷಯಮಾ ಮೊಶೆನು ಧರಮಶಾಸ್ತ್ರಮಾ ಪ್ರವಾದಿಯೊನಾ ಗ್ರಂಥಮಾ, ಕಿರತನೆಮಾ ಬರ್ದಲ ಹರಿ ಯಕ್ಕ ಸಂಗತಿಯೊ ಪುರಾ ಥೌ ಕೈನ ಮಿ "ಕದ್ಯೊ.

ಲುಕ ಬರ್ದಲ ಸುವಾರ್ತಾ 24:46

ಪಾಚಲ್ತೊ, ಯೆಸು ತ್ಯುನೊನೆ "ಕ್ರಿಸ್ತ ಮರಿನ ತನ ದಿನ್ಪರ‍ ತೆ ಮರಲವಾಲಾವೊಮಾತೊ ಜಿವ್ತೊ ಥೈನ ಉಟಿನ ಆವಸ ಕೈನ ಬರ್ದಲ ಛೆ.

ಯೊಹಾನ 20:9

ತೆ ಮರಿನ ವರಿ ಜಿವ್ತೊ ಥೈನ ಆವಸ ಕವಾನು ಪವಿತ್ರ ಗ್ರಂಥಮಾ ಬರ್ದಲ ಎ ಶಿಷ್ಯಾವೊನೆ ಹಜು಼ನ ಗ್ವತ್ತ ನ್ಹೊತು.

ಅಪೊಸ್ತಲೊ 1:4

ಯಕ್ಕ ಸಲಾ, ಯೆಸು ತ್ಯುನಾ ಕ್ಹಾತೆ ಅನ್ನ ಖಾತಾಮ, ಯೆರುಸಲೆಮ ಛೊಡಿನ ಜೌ಼ ನೈ ಕೈನ ತ್ಯುನೊನೆ ಕದ್ಯೊ" ಬಾ ತುಮೊನೆ ಯಕ್ಕ ವಾಗ್ದಾನ ಕರ‍್ಯೊಸ. ಮಿ ಪೈಲಾಜ಼ ತಿನಾ ಹುತಿ ತುಮೊನೆ ತಿಳ್ಸಾಯೊಸ. ಎ ವಾಗ್ದಾನನು ವರ್ದಾನ ಲಿವಾನಾ ಹುತಿ ಯೆರುಸಲೆಮಮಾ ಕೈದತ್ತಾ ರ‍್ಹವೊ.

ಅಪೊಸ್ತಲೊ 18:28

ಕಾಕದ್ಯಾಮ ತೆ ತ್ಯಾ ಗಯೆಲ ಪರ ಯೆಸುಜ಼ ಕ್ರಿಸ್ತ ವ್ಹೈ ಕೈನ ಕ್ಹುದಾನಿ ವಾಕ್ಯಾ ಕ್ಹು ಯೆಹುದಿಯೊನೆ ದೆಕಾಡಿನ ದಿನ್ನ ಕ್ಹಾರಾವೊನಾ ಕ್ಹಾಮೊ ಧರಮಶಾಸ್ತ್ರಾನಿ ತಾಕತಕ್ಹು ಇನಾಹುತಿ ದೆಕಾಡಿನ ದೆತಾ ಯೆಹುದಿಯೊನೆ ಖಂಡನೆ ಕರಿನ ಕ್ಹುದಾನಿ ಮರ್ಗಾಕ್ಹು ಬರೊಕ್ಹೊ ಕರಲವಾಲವೊನೆ ಘನ್ನೊ ಮದತ ಕರ‍್ಯೊ.

ಅಪೊಸ್ತಲೊ 18:5

ಸಿಲಾ ವರಿ ತಿಮೊಥಿ ಮೆಕೆದೊನಿಯೆ ಆತಾಮಾ ಪೌಲಾ ಕ್ಹುದಾನಿ ವಾಕ್ಯಾ ಕವಾಮಾ ಡುಬಿನ ಯೆಸುಜ಼ ಕ್ರಿಸ್ತ ವ್ಹೈ ಕೈನ ಯೆಹುದಿಯೊನೆ ಖಾಸ ಸಾಕ್ಷಿ ದಿದ್ಯೊ.

ಅಪೊಸ್ತಲೊ 3:18

ಕ್ರಿಸ್ತ ತ್ರಾಸ ಖೈನ ಮರಸ ಕೈನ ಕ್ಹುದಾ ತಿನಾ ಪ್ರವಾದಿಯೊನಾ ಮುಲಕ ಪೈಲಾಜ಼ ಕದಲ ಇಮ್ಮ ಪುರಾ ಕರ‍್ಯೊಸ.

ಅಪೊಸ್ತಲೊ 9:22

ಸೌಲಾ ವರಿ ಯೆಸುಜ಼ ಕ್ರಿಸ್ತ ವ್ಹೈ ಕೈನ ಘನ್ನಾ ಬರೊಕ್ಹಾಕ್ಹು ಜೊ಼ರ-ಜೊ಼ರ ಕವಾಡೊತೊ. ತೆ ಕವಾನಾ ವಾತೊ ಕ್ಹರಿ ರ‍್ಹಯಲಕ್ಹು ದಮಸ್ಕಮಾ ರ‍್ಹಯಲ ಯೆಹುದಿಯೊ ತಿನೆ ಸುಜ಼ ಬೊಲ್ಯಾ ನೈ.

ಗಲಾತ್ಯ 3:1

ಯೆಸು ಕ್ರಿಸ್ತ ಶಿಲುವಿಪರ ಮರಲ ಹುತಿ ಗಲಾತ್ಯಮಾ ರ‍್ಹಯಲ ತುಮೊನೆ ಘನ್ನಿ ಚೊ಼ಕಿತರಾ ಕದ್ಯಾ. ತೆನೈಸೊ ತುಮೆ ವಟ್ಟಜ಼ ಗ್ಯಾನ ನೈಸೊವಾಲಾ ವ್ಹೈ. ತುಮೊನೆ ಮೊಸ ಕರಾನೆ ಬಿಜೆ಼ಕ್ಲಾನೆ ಮೌಕೊ ಕರಿನ ದಿದ್ಯಾ.