25 ಅರದಿ ರಾತೆ ಪೌಲ ವರಿ ಸಿಲಾ ಪ್ರಾರ್ಥನಾ ಕರ್ತಾಮಾ ಕ್ಹುದಾನೆ ಸ್ತುತಿನಾ ಗಿದ್ದೊ ಕವಾಡ್ಯಾತಾ; ಜೆಲಮಾ ರ್ಹಹೆಲವಾಲಾ ಕ್ಹಾರಾ ಲಕ್ಷ ದಿನ ಐಕಾಡಾತ್ತಾ.
ಯೆಸುನೆ ಘನ್ನು ತ್ರಾಸ ಥಯು. ತೆ ಪ್ರಾಥನಾಮಾ ಘನ್ನೊ ಕಷ್ಟ ಖಾದ್ಯೊ. ತಿನೊ ಘಾಮ ರಗತ ಲಿಂಗತ ಚಾ಼ಲ್ಯು.
ತೆಳಾಮಾ ಅಪೊಸ್ತಲೊ, ಸಭೆನಾ ಮ್ಹೊಟಾ ಮನಕ್ಹೊ ವರಿ ಕ್ಹಾರಿ ಸಬೆನಿ ಇಜಾಜತ ಲಿನ ತ್ಯುನಾಮಾ ದಕ್ಹಾಜ಼಼ನಾ ವೊನೆ ಇನಿಲಿನ ಪೌಲಾ ವರಿ ಬಾರ್ನಬನಾ ಕ್ಹಾತೆ ದಕ್ಹಾ ಮನಕ್ಹೊ ಅಂತಿಯೊಕ್ಯನೆ ವಳಾವಾನು ಚೊ಼ಕು ವ್ಹೈ ಕೈನ ನಿರ್ದಾರ ಕರ್ಯಾ. ತಿನಾಹುತಿ ಭಾಯೊಮಾ ಖಾಸ ವ್ಹೈ ಕೈನ ಕವೈಲಿವಾಲೊ ಬಾರಬನ ಕೈನ ಕವೈಲಿವಾಲಾ ಯುದನೆ ವರಿ ಶಿಲಾನೆ ಇನಿಲಿನ
ತಿನಾ ಮಾಟಿಯೊ ತ್ಯುನಿ ಆಸ್ತಿನು ಕೈದಾನು ತಪ್ಪೆಲ ನ್ಹವೈ ಕೈನ ತಿಳ್ದಿನ ಪೌಲಾನೆ ವರಿ ಸಿಲಾನೆ ಧರಿನ ಬಾಜಾರಮಾ ಅದಿಕಾರಿಯೊ ಕನ ಯಳದಿಲಿನ ಗಯಾ.
ತೆಳಾಮಾ ತೆ ರಾತ್ತನಾ ತೆಜ಼ ಟೈಮ್ಮಾ ತ್ಯುನೊನೆ ಬಲೈಲಿನ ಗೈನ ತ್ಯುನಾ ದುಕೊ ಕ್ಹಾರಾ ನುಚಿನ ತೆಳಾಮಾ ತೆ ತ್ಯುನಾ ಕ್ಹಾರಾವೊನಾ ಕ್ಹಾತೆ ಮಳಿನ ಬಾಪ್ತಿಸ್ಮ ಲಿದ್ಯೊ.
ಅಪೊಸ್ತಲೊ ತ್ಯುನೆ ಯೆಸುನು ನಾಮಕ್ಹು ಮರ್ಯಾದಿ ಕಾಡಾನಾಹುತಿ ಯೊಗ್ಯ ನತ್ತಿ ಕೈನ ಕ್ಹುಶಿ ಥಯಾ.
ತುಮೊನೆ ನಿರಿಕ್ಷೆ ರ್ಹವಾಕ್ಹು ಖುಶಿ ರ್ಹವೊ. ತುಮೊನೆ ತ್ರಾಸ ರ್ಹತಾಮಾ ತಡ್ದಿಲಿನ ರ್ಹವೊ. ಕ್ಹಾರಾ ಟೈಮಮಾ ಪ್ರಾಥನಾ ಕರೊ.
ತೆನೈಸೊ ಅಪೊನಾ ತ್ರಾಸೊಮಾಬಿ ಖುಶಿ ಕ್ಹು ಛೆ. ಕಾಕದ್ಯಾಮ ಎ ತ್ರಾಸೊ ಅಪೊನೆ ಹೆಚ್ಕಿ಼ ತಡ್ದಿಲಿವಾನು ಶಿಕ್ಲಾವಸ.
ದುಖ ರ್ಹ ಸೆವ ಹಮೆಶಾ ಖುಶಿ ರ್ಹ. ಗರಿಬ ಛೆ ಕೈನ ರ್ಹ ಬಿಜಾ಼ ಮನಕ್ಹೊ ಸೌಕಾರ ಮನಕ್ಹ ಕರಾ. ಸುಜ಼ ಕುನ ನೈ ರ್ಹ ಕ್ಹಾರ ಅಪೆ ಛೆ ಕೈನ ಕೈ ರ್ಹ.
ಕಿರತನೆಕ್ಹು ಗಿದ್ದೊಕ್ಹು ಆತ್ಮಿಕ ಗಿದ್ದೊಕ್ಹು ಯಕ್ನೆ ಯಕ್ಕ ಬೊಲೊ. ತುಮಾರಾ ಮನಸೊಮಾ ಪ್ರಭುನೆ ಮೆಜಿಕ ವಜಾ಼ಡಿನ ಗಿದ್ದೊ ಕವೊ.
ತಮಾರೊ ಭರೊಕ್ಹೊ ಕವಾನು ಯಜ್ಞ ಕ್ಹುದಾನೆ ಚ಼ಡಾವಾನು ಸೆವಾಮ್ಮಾ ಮಿಜ಼ ಬಲಿಥೈನ ಅರ್ಪಿತ ಥೈವು ಕೈನ ಮನೆ ಖುಶಿ ವ್ಹೈ,ತಮಾರಾ ಕ್ಹಾತೆಬಿ ಷಿ ಕರುಸ,
ಮಿ ಹಮ್ನಾ ತುಮಾರಾ ಹುತಿ ಅನುಭವಿಸ್ತೊ ರ್ಹಯಲ ತ್ರಾಸಮಾ ಖುಶಿ ರ್ಹೈನ ಕ್ರಿಸ್ತನಾ ತ್ರಾಸಮಾ ಹಜುಸನ ಉಗ್ರಲ ಸಭೆ ಕವಾನಿ ತಿನಾ ಅಂಗನಾ ಹುತಿ
ಕ್ರಿಸ್ತ ಭುಲೊಕಮಾ ಜಿವನಾ ಕರತಾಮಾ, ಕ್ಹುದಾಕನ ಪ್ರಾಥನಾ ಕರಿನ ಮದತ ಮಾಂಗಿಲಿದ್ಯೊ. ತೆ ಘನ್ನೊ ಹಲಬ್ತೊ ಜೊ಼ರ ರೊತೊ ಕ್ಹುದಾಕನ ಪ್ರಾರ್ಥನಾ ಕರ್ಯೊ. ತಿನೆ ಮೌತಮಾತೊ ವಚಾ಼ಡ ಕೈನ ತಿನಾಹುತಿ ತೆ ಕ್ಹುದಾನಾ ಚಿತ್ತ ಲಿಂಗತ ತೆ ಕ್ಹಾರು ಕರಲವಾಲೊ ಥಯೊ. ವರಿ ಸ್ವಭಾವಕ್ಹು ವ್ಹಂದ್ಯೊ. ತಿನಾಹುತಿ ಕ್ಹುದಾ ತಿನಾ ಪ್ರಾರ್ಥನಾನೆ ಜವಾಬ ದಿದ್ಯೊ.
ಮಾರ ಭಾಯೊ ಭೆನೊ, ತುಮೆ ಬಿಜಾ಼-ಬಿಜಾ಼ ತರಾನಾ ಕಷ್ಟ ಖಾತಾಮಾ ತೆ ಕ್ಹಾರು ಚೊ಼ಕುಜ಼ ವ್ಹೈ ಕೈನ ತಿಳಿದಿಲಿವೊ.
ತಾರ ದುಕ ಮ್ಹೈ ಕರಲ ಪ್ರಾರ್ಥ ಕರಾ. ತಾರ ಕ್ಹ ಕರಸ ಕೌ.
ತುಮೆ ಕ್ರಿಸ್ತಮಾ ರ್ಹಯಲ ಹುತಿ ತುಮಾರಾ ಹುತಿ ಮನಕ್ಹೊ ಕೆಟ್ಟ ಬೊಲ್ಯಾಮ ತುಮೆ ಭಾಗ್ಯವಂತವಾಲಾ ವ್ಹೈ. ಘನ್ನು ಉಜಾಲಾನು ಆತ್ಮಾ ತುಮೊಮಾ ಛೆ. ತೆ ಕ್ಹುದಾನಿ ಆತ್ಮಾ ವ್ಹೈ.