ಅಪೊಸ್ತಲೊ 15:25 - ಕ್ಹುದಾನಿ ಕ್ಹರಿನಿ ವಾಕ್ಯಾ

²⁵ ತಿನಾಹುತಿ ಹಮೆಕ್ಹಾರಾ ದಕ್ಹಾ ಜ಼ನಾ ಸರ್ವಾನುಮತಕ್ಹು ಇನಲಿನ ತಮನೊ ಕನ ವಳಾವಾನೆ ಫೈಸಲೊ ಕರ‍್ಯಾ. ಮಾರಾ ಮಯಾನಾ ಭಾಯೊ ಥಯಲ ಬಾರ್ನಬ ವರಿ ಪೌಲಾನಾ ಕ್ಹಾತೆ ತ್ಯುನೆ ಆವಾಡಾಸ.

ಅಪೊಸ್ತಲೊ 15:25 ပူးပေါင်းရင်းမြစ်များ

ಮತ್ತಾಯ 11:26

ಹೊ ಬಾ, ಎ ಕ್ಹರಿಮಾಜ಼ ತಾರಿ ಚಿತ್ತ ವ್ಹೈ ಕೈನ ತು ಇಮ್ಮ ಕರ‍್ಯೊಸ.

ಲುಕ ಬರ್ದಲ ಸುವಾರ್ತಾ 1:3

ತಿನಾಹುತಿ ಹರಿಯಕ್ಕ ಸಂಗತಿಯೊ ಶುರುತಿಬಿ ಮಿಜ಼ ಮ್ಹೈನತ ಕರಿನ ಒದಿ ಬರ್ದಿನ ತಿಳದಿಲಿದಲ ಹುತಿ ತ್ಯುನೆ ಎ ಕ್ಹಾರು ತುನೆ ಯಕ್ಕ ಲೆವಲ (ಸಂವಾ) ತಿಳಸಾನಾ ಹುತಿ ಪುಸ್ತಕನಾ ರುಪಮಾ ಬರ್ದಿನ ಮ್ಹೆಲ್ಯೊಸ.

ಅಪೊಸ್ತಲೊ 1:14

ಅಪೊಸ್ತಲೊ ಕ್ಹಾರಾ ಮಳಿನ ವ್ಹತ್ತಾ. ತ್ಯುನೆ ಯಕ್ಕಜ಼ ಉದ್ದೆಶಕ್ಹು ಛೊಡ್ಯಾವಾಚಿ ಪ್ರಾಥನಾ ಕರಾಡಾತಾ. ದಕ್ಹಿಯೊ ಬಾಕ್ಡಿಯೊನೆ ಯೆಸುನಿ ಯಾ ಮರಿಯಳ ತಿನಾ ಭಾಯೊ ಅಪೊಸ್ತಲೊನಾ ಕ್ಹಾತೆ ವ್ಹತ್ತಾ.

ಅಪೊಸ್ತಲೊ 15:2

ಪೌಲಾ ಬಾರ್ನಬ ಎ ಉಪದೆಶನೆ ತ್ಯುನಾ ವಿರುದ್ದ ದೆಕಾಡಿನ ತ್ಯುನಾ ಕ್ಹಾತೆ ವಾದ ಕರ‍್ಯಾ. ಎ ಸಮಸ್ಯಾನಾ ಹುತಿ ಅಪೊಸ್ತಲೊನಾ ಕ್ಹಾತೆ ವರಿ ಬಿಜಾ಼ ಶಾನಾವೊನಾ ಕ್ಹಾತೆ ಚರ್ಚಾ ಕರಾನೆ ಪೌಲಾ ಬಾರ್ನಬನೆ ವರಿ ಬಿಜಾ಼ ದಕ್ಹಾ ಜ಼ನಾವೊನೆ ಯೆರುಸಲೆಮೆ ವಳಾವಾನೆ ಸಭೆ ಮಳಾನೆ ಫೈಸ್ಲೊ ಕರ‍್ಯಾ.

ಅಪೊಸ್ತಲೊ 15:22

ತೆಳಾಮಾ ಅಪೊಸ್ತಲೊ, ಸಭೆನಾ ಮ್ಹೊಟಾ ಮನಕ್ಹೊ ವರಿ ಕ್ಹಾರಿ ಸಬೆನಿ ಇಜಾಜತ ಲಿನ ತ್ಯುನಾಮಾ ದಕ್ಹಾಜ಼಼ನಾ ವೊನೆ ಇನಿಲಿನ ಪೌಲಾ ವರಿ ಬಾರ್ನಬನಾ ಕ್ಹಾತೆ ದಕ್ಹಾ ಮನಕ್ಹೊ ಅಂತಿಯೊಕ್ಯನೆ ವಳಾವಾನು ಚೊ಼ಕು ವ್ಹೈ ಕೈನ ನಿರ್ದಾರ ಕರ‍್ಯಾ. ತಿನಾಹುತಿ ಭಾಯೊಮಾ ಖಾಸ ವ್ಹೈ ಕೈನ ಕವೈಲಿವಾಲೊ ಬಾರಬನ ಕೈನ ಕವೈಲಿವಾಲಾ ಯುದನೆ ವರಿ ಶಿಲಾನೆ ಇನಿಲಿನ

ಅಪೊಸ್ತಲೊ 15:35

ತಿನಾಹುತಿ ಪೌಲಾ ವರಿ ಬಾರ್ನಬ ಅಂತಿಯೊಕ್ಯಮಾ ಹುಬ್ರೈನ ಬಿಜಾ಼ ದಕ್ಹಾಜ಼಼ನಾವೊನಾ ಕ್ಹಾತೆ ಉಪದೆಶ ಕರತ್ತಾ ಕರ್ತಾ ವಾಕ್ಯ ಕವಾನು ಸುವಾರ್ತೆ ಕತ್ತಾ ವ್ಹತ್ತಾ.

ಅಪೊಸ್ತಲೊ 15:6

ಪಾಚಾ಼ತಾ ಅಪೊಸ್ತಲೊ ವರಿ ಶಾನಾ ಎ ಸಮಸ್ಯಾನೆ ಪರಿಕ್ಷಾ ಕರಾನೆ ಮಳಿನ ಆಯಾ.

ಅಪೊಸ್ತಲೊ 2:1

ಪಂಚಾಶತ್ತಮ ಸನ್ನಮಾ ತ್ಯುನೆ ಕ್ಹಾರಾ ಜ಼ನಾ ಯಕ್ಕ ಜ಼ಗಾ ಮಳಿನ ಆಯಾ ತೆಳಾಮಾ, ಯಕ್ಕ ದುಮ್ಮ ಹಬಾಳಮಾತು ಯಕ್ಕ ಆವಾಜ಼ ಐಯು.

ಅಪೊಸ್ತಲೊ 2:46

ಹರಯಕ್ಕ ದಿನ್ನ ದೆವಾಲಯನೆ ಮಳಿನ ಆತಾತಾ. ತ್ಯುನಾ ಕ್ಹಾರಾವೊನು ಉದ್ದೆಶ ಯಕ್ಕಜ಼ ವ್ಹತ್ತು. ತ್ಯುನೆ ತ್ಯುನಾ ಘರೊಮಾನಾ ರೊಟ್ಲೊ ತೊಡಿನ ಮಳಿನ ಖಾತಾತಾ. ತ್ಯುನಾ ಮನಕ್ಹೊ ಖುಶಿಕ್ಹು ಭರಲವ್ಹತ್ತಾ.

ರೊಮಾಪೂರ 16:12

ತ್ರುಫೈನಳನೆ ತ್ರುಫೊಸಳನೆಬಿ ಮಾರು ನಮಸ್ಕಾರ ಕವೊ. ತ್ಯುನೆ ಪ್ರಭುನಾ ಹುತಿ ಘನ್ನು ತ್ರಾಸ ಖೈನ ಸೆವಾ ಕರ‍್ಯಾಸ. ಮಾರಿ ಮಯಾನಿ ಭೆನ ಥಯಲ ಪೆರಸಿಸಳನೆ ಮಾರಾ ನಮಸ್ಕಾರ ಕವೊ. ತೆಬಿ ಪ್ರಭುನಾ ಹುತಿ ಘನ್ನಿ ತ್ರಾಸ ಖೈನ ಸೆವಾ ಕರಾಡಾಸ.

1 ಕೊರಿಂಥ 1:10

ಭಾಯೊ ಭೆನೊ, ಅಪ್ನೊ ಪ್ರಭು ಥಯಲ ಯೆಸು ಕ್ರಿಸ್ತನಾ ನಾಮ ಪರ ಮಿ ತುಮೊಕನ ಮಾಂಗಿಲಿವಾನು ಸು ವ್ಹೈ ಕದ್ಯಾಮ, ವಾದವಿವಾದ ನೈಸೊ ಬಿನ್ನಭೆದ ನೈಸೊ ಯಕ್ಕಜ಼ ಮನಸ್ಸಕ್ಹು ಯಕ್ಕಜ಼ ಉದ್ದೆಶಕ್ಹು ತುಮೆ ಯಕ್ಕಜ಼ ಥೈನ ರ‍್ಹವೊ.

ಗಲಾತ್ಯ 2:9

ಕ್ಹುದಾ ಮನೆ ಎ ಖಾಸ ರ‍್ಹಯಲ ವರಾ ದಿದ್ಯೊಸ ಕವಾನು ಮ್ಹೊಟಾವ್ಹೈ ಕೈನ ಕವೈಲಿವಾಲಾ ಯಾಕೊಬ, ಪೆತ್ರಾ, ಯೊಹಾನ ಪಡ್ದಿಲಿದ್ಯಾ. ತಿನಾ ಹುತಿ ತ್ಯುನೆ ಬಾರನನೆ ವರಿ ಮನೆ ಸ್ವಿಕಾರ ಕರ‍್ಯಾ. ತ್ಯುನೆ ಹಮೊನೆ"ಪೌಲಾ ವರಿ ಬಾರನಬ, ತುಮೆ ಯಹುದ್ಯೊ ನೈ ರ‍್ಹಯಲವಾಲಾವೊಕನ ಜಾ಼ವೊ. ಹಮೆ ಯಹುದ್ಯೊಕನ ಗೈಯೆಸ್ ಕೈನ ಕದ್ಯಾ.

ಎಫೆಸ 6:21

ಅಪ್ನೊ ಮಯಾನೊ ಭೈ ಥಯಲ ತುಖಿಕನೆ ತುಮೊಕನ ವಳಾವಾಡೊಸ. ತೆ ಪ್ರಭುನಿ ಸೆವಾಮಾ ಬರೊಕ್ಹಾವಾಲೊ ಸೆವಕ ಥಯೊಸ. ನ್ಹ್ಯಾನಾ ಸಂಗತಿಯೊ ಕ್ಹಾರಿಯೊ ತೆ ತುಮೊನೆ ತಿಳ್ಸಾವಸ. ಮಿ ನ್ಹ್ಯಾ ಗಯೊಸ ವರಿ ಸು ಕರಾಡ್ಯೊಸ ಕವಾನು ತೆಳಾಮಾ ತುಮೊನೆ ಗ್ವತ್ತ ಥಾವಸ.

ಕೊಲೆಸ್ಸೆ 4:7

ಮಯಾನೊ ಭೈ ವರಿ ಬರೊಕ್ಹಾನೊ ಲಾಯಕ ರ‍್ಹಯಲ ಸೆವಕ ವರಿ ಕರ್ತಾಮಾ ಆಳ ಥಯಲ ತುಖಿಕ ಮಾರಾ ವಿಷಯಮಾ ತುಮೊನೆ ಪುರಾ ಕವಸ.

ಕೊಲೆಸ್ಸೆ 4:9

ತಿನೆ ಬರೊಕ್ಹಾನೆ ಲಾಯಕ ರ‍್ಹಯಲ ವರಿ ಮಯಾನೊ ಭೈ ಥಯಲ ತುಮಾರಾ ಉರಿನನ ಥಯಲ ಓಸಿಮನ ಕ್ಹಾತೆ ವಲಾಯೊಸ. ತ್ಯುನೆ ಹೈ ಥಾವಾನು ಹರ ಯಕ್ಕ ತುಮೊನೆ ಕವಸ.

ಫಿಲೊಮನ 1:16

ಇತ್ತಿಉಪ್ಪರ ತೆ ತಾರೊ ಗುಲಾ ಥಯಾವಾಚಿಜಾಸ್ತಿ ಮಯಾನೊ ಭೈ ಥಯೊಸ. ತೆ ಮಿ ಘನ್ನು ಮಯಾ ಕರುಸ. ತೆ ನೈಸೊ ತು ತಿನೆ ಘನ್ನು ಮಯಾ ಕರ. ತಿನೆ ತು ಯಕ್ಕ ಮನಕ್ಹ ವರಿ ಪ್ರಭುಮಾ ಯಕ್ಕ ಭೈ ವ್ಹೈ ಕೈನ ಮಯಾ ಕರ.

2 ಪೆತ್ರಾ 3:15

ಅಪೊನೆ ರಕ್ಷಣೆ ಮಳು ಕದ್ಯಾಮ ಕ್ಹುದಾನಿ ಸಮಾಧಾನ ಕ್ಹುಜ಼ ವ್ಹೈ ಕೈನ ತುಮೆ ತಿಳ್ದಿಲಿವೊ. ಅಪ್ನೊ ಮಯಾನೊ ಭೈ ಥಯಲ ಪೌಲಾನೆ ಕ್ಹುದಾನಿ ಗ್ಯಾನಕ್ಹುಜ಼ ಅಪೊನೆ ಪತ್ರ ಬರ್ದಿನ ಎಜ಼ ತಿಳ್ಸಾಯೊಸ.