ಅಪೊಸ್ತಲೊ 15:13 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹³ ತೆನೈಸೊ ಯಾಕೊಬ, ಮಾರಾ ಭಾಯೊ ಮನೆ ಕಾನ ದಿನ್ನ ಐಕೊ.

ಅಪೊಸ್ತಲೊ 15:13 ပူးပေါင်းရင်းမြစ်များ

ಮಾರ್ಕ 15:40

ತ್ಯಾ ದಕ್ಹಿಯೊ ಹೆಣ ಮನಕ್ಹೊಬಿ ದುರತಿಯೊ ದೆಕಾಡಿಯೊತ್ಯೊ ತಿಮಾನಿಯೊ, ತೆ ಮಗ್ದಲನಿ ಮರಿಯಳ, ನ್ಹಾನಾ ಯಾಕೊಬ ವರಿ ಯೊಸೆಫನಿ ಯಾ ಮರಿಯಳ ವರಿ ಸಲೊಮಿ ತ್ಯಾ ವ್ಹತ್ತಿಯೊ.

ಅಪೊಸ್ತಲೊ 12:17

ಪೆತ್ರಾ ತ್ಯುನೊನೆ ಗಪ್ಪ ರ‍್ಹೌ ಕೈನ ಇಶಾರೊ ಕರ‍್ಯೊ. ಪ್ರಭು ತಿನೆ ಜೈಲಮಾತೊ ಛೊಡಾಯಲ ತರಿಕಾನೆ ತೆ ತ್ಯುನೊನೆ ಕೈನ "ಯಾಕೊಬನೆಬಿ ವರಿ ಭಾಯೊನೆಬಿ ಎ ಸಂಗತಿ ಕವೊ" ಕೈನ ಕದ್ಯೊ. ಪಾಚಲ್ತೊ ಪೆತ್ರಾ ಬಿಜೆಕ್ಕ ಜ಼ಗಾನೆ ತ್ಯಾಂತೊ ಗಯೊ.

ಅಪೊಸ್ತಲೊ 15:14

ಯೆಹುದಿ ನೈಸೊ ಮನಕ್ಹೊ ಕ್ಹುದಾ ತಿನಿ ಮಯಾ ಕಿಮ್ಮ ದೆಕಲಾಡ್ಯೊ ಸಿಮೊನ ಹಮನೊನೆ ತಿಳಸಾಯೊ ಪೈಲಾಜ ಹಮನಾಜ, ಕ್ಹುದಾ ಯೆಹುದಿಯೊ ನೈಸೊ ಮನಕ್ಹೊನೆ ಮಳೆಲಿದ್ಯಾಸ. ತ್ಯುನೊನೆ ತ್ಯುನಾ ಮನಕ್ಹೊ ವ್ಹೈ ಕೈನ ಕರಲಿದ್ಯೊ.

ಅಪೊಸ್ತಲೊ 2:14

ತೆಳಾಮಾ ಪೆತ್ರಾ ಗ್ಯಾರಾ ಜ಼ನಾ ಅಪೊಸ್ತಲೊನಾ ಕ್ಹಾತೆ ಉಟಿನ ಹುಬ್ರಯೊ. ಕ್ಹಾರಾ ಮನಕ್ಹೊನೆ ಘಟ್ಟ ಆವಾಜ಼ಕ್ಹು ಅಮ್ಮ ಕದ್ಯೊ "ಯೆಹುದ್ಯೊ, ಯೆರುಸಲೆಮಮಾ ರ‍್ಹವಾನಾ ಕ್ಹಾರಾ ಮನಕ್ಹೊ, ಮಿ ಕವಾನು ಕಾನ ದಿನ ಐಕೊ. ತುಮೆ ತಿಳ್ದಿಲಿವಾನಿಯೊ ಸಂಗತಿಯೊ ಮಿ ತುಮೊನೆ ಕೌಸ.

ಅಪೊಸ್ತಲೊ 2:22

ಇಸ್ರಾಯಲನಾ ಮನಕ್ಹೊ ಎ ವಾತೊ ಐಕೊ ಕ್ಹುದಾನಜರೆತನಾ ಯೆಸುನಾ ಮುಲಕ ಕರಲ ಮ್ಹೊಟಾ ಕಾಮೊ ವರಿ ಅದ್ಭುತ ಕಾಮೊನಾ ಮುಲಕ ತೆ ಚೊ಼ಕಿ ತರಾ ದೆಕಾಡಿನ ದಿದ್ಯೊಸ. ಎ ಸಂಗತಿಯೊ ತುಮೆ ಕ್ಹಾರಾ ಜ಼ನಾ ದೆಕ್ಯಾಸ. ತಿನಾಹುತಿ ಎ ಕ್ಹಾರು ಕ್ಹರಿಜ಼ ವ್ಹೈ ಕೈನ ತುಮೊನೆ ಗ್ವತ್ತ ಛೆ.

ಅಪೊಸ್ತಲೊ 2:29

"ಮಾರಾ ಭಾಯೊ ಭೆನ, ಅಪ್ನೊ ಮುಲ ಪಿತೃ ಥಯಲ ದಾವಿದನಾ ವಿಷಯಮಾ ಮಿ ತುಮೊನೆ ಕ್ಹರಿಜ಼ ಕೌಸ. ತೆ ಮರಿ ಗಯೊ ವರಿ ತಿನಿ ಸಮಾದಿ ಥೈ. ತಿನಿ ಸಮಾದಿ ಅಪ್ನಾ ವಚ್ಮಾ಼ ಎ ದಿನ್ನ ಲಕ್ಕಾ ಛೆ.

ಅಪೊಸ್ತಲೊ 21:18

ಮರನ್ನಾ ದಿನ್ನೆ ಪೌಲಾ ಹಮನೊನೆ ಬಲೆಲಿನ ಯಾಕೊಬನೆ ದೆಕಾನಾಹುತಿ ಗಯಾ ತ್ಯಾ ಸಭೆನಾ ಮ್ಹೊಟಾ ಮನಕ್ಹೊ ವ್ಹತ್ತಾ.

ಅಪೊಸ್ತಲೊ 22:1

"ವಿಶ್ವಾಸಿಯೊ ವರಿ ಬಾಪೊ, ಹಮ್ನಾ ಮಿ ಕವಾನಿ ಸಮರ್ಥನೆನಿ ವಾತ ವ್ಹೈ ಕೈನ ಕದ್ಯೊ.

ಅಪೊಸ್ತಲೊ 7:2

ತೆ ವಾತೆ ಸ್ತೆಫನ ಅಮ್ಮ ಉತ್ತರ ದಿದ್ಯೊ; "ಮಾರಾ ಬಾವೊ, ಭಾಯೊ, ಮಿ ಕವಾನು ಧ್ಯಾನ ದಿನ್ನ ಐಕೊ. ಅಪ್ನೊ ಪಿತೃ ಥಯಲ ಅಬ್ರಹಾಮನೆ ಸ್ವರ್ಗಮಾತೊ ಕ್ಹುದಾ ದಿಕ್ಹ್ಯೊ. ಅಬ್ರಹಾಮ ಹಾರಾನಮಾ ರ‍್ಹವಾತಿ ಅಗ್ದುರ ಮೆಸಪೊಟೆಮಾ ವ್ಹತ್ತೊ.

ಗಲಾತ್ಯ 1:19

ಪ್ರಭುನಾ ಭೈ ಥಯಲ ಯಾಕೊಬನೆ ಛೊಡಿನ ಬಿಜಾ಼ ಕಯಾಜ಼ ಅಪೊಸ್ತಲೊನೆ ಮಿ ಮಳ್ಯೊನೈ.

ಗಲಾತ್ಯ 2:12

ಥಯಲ ಸಂಗತಿಯೊ ಸುವೈ ಕದ್ಯಾಮ ; ಪೆತ್ರಾ ಪೈಲಾ ಅಂತಿಯೊಕ್ಯನೆ ಆಯಲ ಟೈಮಾ ತೆ ಯಹುದ್ಯೊ ನೈ ರ‍್ಹಯಲವಾಲಾವೊನೆ ಕ್ಹಾತೆ ಖಾದ್ಯೊ ವರಿ ಮಳಿನ ವ್ಹತ್ತೊ. ತೆ ಥಯಲಪರ ಯಾಕೊಬ ಮೊಕ್ಲಲ ದಕ್ಹಾ ಯಹುದ್ಯೊ ಆಯಾ. ತೆಳಾಮಾ, ಪೆತ್ರಾ ಯಹುದ್ಯೊ ನೈರ‍್ಹಯಲವಾವೊ ಕ್ಹಾತೆ ಖಾವಾನು ದೆಕಿನ ತಿನೆ ಹುಬ್ರಾಡ್ಯೊ. ಪೆತ್ರಾ ತಿನಾಕ್ಹು ತೆ ಯಹುದ್ಯೊ ನೈ ರ‍್ಹಯಲವಾವೊನಾ ಕಂತೊ ಸರಕ್ಯೊ. ಯಹುದ್ಯೊ ನೈ ರ‍್ಹಯಲವಾಲಾ ಕ್ಹಾರಾ ಮನಕ್ಹೊ ಸುನ್ನಿತಿ ಕರೈಲ್ಯು ಕೈನ ಬರೊಕ್ಹೊ ಕರಲ ಯಹುದಿಯೊನೆ ತೆ ಭುಚ಼ಕ್ಯೊ.

ಗಲಾತ್ಯ 2:9

ಕ್ಹುದಾ ಮನೆ ಎ ಖಾಸ ರ‍್ಹಯಲ ವರಾ ದಿದ್ಯೊಸ ಕವಾನು ಮ್ಹೊಟಾವ್ಹೈ ಕೈನ ಕವೈಲಿವಾಲಾ ಯಾಕೊಬ, ಪೆತ್ರಾ, ಯೊಹಾನ ಪಡ್ದಿಲಿದ್ಯಾ. ತಿನಾ ಹುತಿ ತ್ಯುನೆ ಬಾರನನೆ ವರಿ ಮನೆ ಸ್ವಿಕಾರ ಕರ‍್ಯಾ. ತ್ಯುನೆ ಹಮೊನೆ"ಪೌಲಾ ವರಿ ಬಾರನಬ, ತುಮೆ ಯಹುದ್ಯೊ ನೈ ರ‍್ಹಯಲವಾಲಾವೊಕನ ಜಾ಼ವೊ. ಹಮೆ ಯಹುದ್ಯೊಕನ ಗೈಯೆಸ್ ಕೈನ ಕದ್ಯಾ.

ಯಾಕೊಬ 1:1

ಕ್ಹುದಾನೆಬಿ ವರಿ ಯೆಸು ಕ್ರಿಸ್ತನೆಬಿ ದಾಸ ಥಯಲ ಯಾಕೊಬ ಬಿಜಾ಼ ದೆಶಮಾ ಫೈಲಿಗಯಲ ಇಸ್ರಾಯೆಲೊನಾ ಬಾರಾ ಖಾಂದಾನವಾಲಾವೊನೆ ಬರ್ದಾನು ಸು ವ್ಹೈ ಕದ್ಯಾಮ, ತುಮೊನೆ ಚೊ಼ಕು ಥಾವಾದೆ.

ಯಾಕೊಬ 1:19

ಮಾರಾ ಮಯಾನಾ ಭಾಯೊ ಭೆನೊ, ತುಮೆ ಆ ವಾತ ಚೊ಼ಕಿತರಾ ತಿಳ್ದಿಲಿವೊ, ಹರಯಕ್ಲೊ ಕಾನದಿನ ಐಕಾಮಾ ಚುರುಕ ರ‍್ಹವಾದೆ, ಬೊಲಾಮಾ ರ‍್ಹೈನಕಾ ಶಿಟ್ಟ ಕರಾಮಾ ರ‍್ಹೈನಕಾ ತಾಳ್ಮೆಕ್ಹು ವರಿ ನಿದಾನ ರ‍್ಹವಾದೆ.