ಅಪೊಸ್ತಲೊ 15:11 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹¹ ತಿನಾಹುತಿ ಹಮೆ ರ‍್ಹಂದೆ ತ್ಯುನಾಹುತಿ ರಕ್ಷಣೆ ಹೊಂದಾನಾ ಹುತಿ ಪ್ರಭು ಥಯಲ ಯೆಸುನಾ ಮರಗಾಕ್ಹು ಕೈನ ಹಮೆ ನಂಬ್ಯೆಸ! ಕದ್ಯೊ.

ಅಪೊಸ್ತಲೊ 15:11 ပူးပေါင်းရင်းမြစ်များ

ರೊಮಾಪೂರ 3:24

ತೆನೈಸೊ ಯೆಸು ಕ್ರಿಸ್ತನ ಬಿಡುಗಡೆನಾ ಮುಕಾಂತರ ಕ್ಹುದಾನಿ ಫ್ರಿ ಗಿಫ್ಟನಿ ವರಾ ಮರಗಾಕ್ಹು ತಿನಾ ಕ್ಹಾಮಾ ನಿತಿವಂತವಾಲಾ ವ್ಹೈ ಕೈನ ಫೈಸಲೊ ಥಯೊಸ.

ರೊಮಾಪೂರ 5:15

ತೆನೈಸೊ ಕ್ಹುದಾ ಗಿಫ್ಟ ಲಿಂಗತ ದಿದಲ ಆದಾಮ ಪಾಪ ಕವಾನು ನ್ಹವೈ. ತೆ ಯಕ್ಲೊ ಪಾಪ ಕರಲ ಹುತಿ ಘನ್ನಾ ಮನಕ್ಹೊ ಮರ‍್ಯಾ. ತೆನೈಸೊ ಕ್ಹುದಾನಿ ಮರಗಾ ಮನಕ್ಹೊನೆ ಮಳಲ ತಿತ್ತಿಬಿ ಮ್ಹೊಟಿ ವ್ಹೈ. ಯೆಸು ಕ್ರಿಸ್ತ ಕವಾಲಾ ಯಕ್ಕ ದಾಣ್ಗಾನಾ ಕೃಪಾನಾ ಮುಲಕ ಕ್ಹುದಾ ದಿವಾನೊ ಫ್ರಿನೊ ಜ಼ಲಮ ಘನ್ನಾ ಮನಕ್ಹೊ ಹೊಂದಿಲಿದ್ಯಾ.

ರೊಮಾಪೂರ 6:23

ಕಾ ಕದ್ಯಾ ಪಾಪನಿ ಪಗಾರ ಮರಣ ವ್ಹೈ. ತೆನೈಸೊ ಕ್ಹುದಾ ಫ್ರಿ ದಿವಾನು ಅಪ್ನೊ ಪ್ರಭು ಥಯಲ ಕ್ರಿಸ್ತ ಯೆಸುಮಾ ರ‍್ಹಯಲ ಹಮೆಶಾನೊ ಜ಼ಲಮ ವ್ಹೈ.

1 ಕೊರಿಂಥ 16:23

ಕರ್ತಾ ಥಯಲ ಯೆಸು ಕ್ರಿಸ್ತನಿ ಕೃಪಾ ತುಮಾರಾ ಕ್ಹಾತೆ ರ‍್ಹವಾದೆ.

2 ಕೊರಿಂಥ 13:14

ಅಪ್ನ ರ‍್ಹಯಲ ಪ್ರಭು ಲಿಂಗತ ಯೆಸು ಕ್ರಿಸ್ತ ಕೃಪಾ ಕ್ಹುದಾನಿ ಮಯಾ, ಪವಿತ್ರ ಆತ್ಮಾ ಖಾವ ತಾರ ರ‍್ಹ.

2 ಕೊರಿಂಥ 8:9

ಅಪ್ನ ರ‍್ಹಯಲ ಪ್ರಭು ಲಿಂಗತ ಯೆಸು ಕ್ರಿಸ್ತ ಮರ್ಗ ನೈ ತುಮ ನೈ ಗ್ವತ ಛೆ ದಿವ ನೈ. ಘನ್ನೊ ಸೌಕಾರ ಮನಕ್ಹ ರ‍್ಹ ತಿನಾ ಗರಿಬ ತುಮ ಸೌಕಾರ ಮನಕ್ಹ ರ‍್ಹೌ ಕೈನ ತಾರ ಹುತ ಹುತಿ ಗರಿಬ ಥಯೊ.

ಗಲಾತ್ಯ 1:6

ದಕ್ಹಾ ದಿನ್ನ ಪಾಚಾ಼ ತಿನಾ ಪಾಚಾ಼ ಆವಾನಾ ಹುತಿ ತುಮೊನೆ ಬಲೈಲವಾಲೊ ಕ್ಹುದಾಜ಼ ವ್ಹೈ. ತೆ ತುಮೊನೆ ಯೆಸು ಕ್ರಿಸ್ತನಾ ಮುಲಕ ಆಯಲ ತಿನಿ ಮರಗಾ ಮುಲಕ ಬಲಾಯೊ. ತೆನೈಸೊ ಹಮ್ನಾ ಮಿ ತುಮಾರಾ ವಿಷಯಮಾ ಘಾಬ್ರೊ ಥಯೊಸ. ತುಮೆ ಹಮ್ನಾ ಮ್ಹೊಡು ಪ್ಹರೈಲಿನ ಬಿಜಿ಼ ಸುವಾರ್ತೆಪರ ಬರೊಕ್ಹೊ ಕರ‍್ಯಾಸ.

ಗಲಾತ್ಯ 2:16

ಕ್ಹಾಲಿ ಧರಮಶಾಸ್ತ್ರಮಾ ರ‍್ಹಯಲ ಕರಾಲೊ ಯಕ್ಲೊಬಿ ಕ್ಹರಿಕ್ಹು ರ‍್ಹವಾನೆ ಸಾದ್ಯ ನತ್ತಿ ಹಮೊನೆ ಗ್ವತ್ತ ಛೆ. ಯೆಸು ಕ್ರಿಸ್ತಮಾ ಬರೊಕ್ಹೊ ಮ್ಹೆಲಾಕ್ಹುಜ಼ ಯಕ್ಲೊ ನಿತಿವಂತನೊ ಥಾವಾನೆ ಸಾದ್ಯೆ ಛೆ. ತಿನಾಹುತಿ ನಿತಿವಂತನೊ ಥಾವಾನೆ ಹಮೆ ಯೆಸು ಕ್ರಿಸ್ತಮಾ ಬರೊಕ್ಹೊ ಮ್ಹೆಲ್ಯಾ. ಇಮ ರ‍್ಹತಾಮಾ, ಹಮೆ ನಿತಿವಂತವಾಲಾ ಥಯಲ ಯೆಸು ಕ್ರಿಸ್ತಮಾ ಬರೊಕ್ಹೊ ಮ್ಹೆಲಲಕ್ಹುಜ಼ ವ್ಹರತಾಗಿ ಧರಮಶಾಸ್ತ್ರಮಾ ರ‍್ಹಯಲ ಲಿಂಗತ ಕರಲಕ್ಹು ಕುನ್ನಜ಼ ನಿತಿವಂತವಾಲಾ ಥಾವಾನೆ ಸಾದ್ಯ ನತ್ತಿ.

ತಿತನೆ 2:11

ಕಾಕದ್ಯಾಮ ಕ್ಹುದಾನಿ ಮರ್ಗಾ ಕ್ಹಾರಾ ಮನಕ್ಹೊನೆ ರಕ್ಷಣೆನಾ ಹುತಿ ದೆಕಾಡಿನ ದಿವಸ.

ಪ್ರಕಟನೆ 5:9

ತ್ಯುನೆ ಕ್ಹಾರಾ ಬಕ್ರಾನಾ ಬಚ್ಚಾ಼ನಾ ಹುತಿ ಯಕ್ಕ ನೌ ಗಿದ್ದ ಕದ್ಯಾ; ತು ಖಲಾಸ ಬಲಿ ಥಯಲ ಹುತಿ, ಸುರುಳಿ ಲಿನ, ತಿನಾ ಮುದ್ರೆನೆ ತೊಡಾನೆ ಯೊಗ್ಯ ಛೆ. ತು ತಾರಾ ರಗತಕ್ಹು ಘನ್ನಾ ಕುಲ, ಭಾಷಾ, ದೆಶೊ ಬಿಜಯೊ ಬಿಜಿಯೊ ಜಾ಼ತೊನಾ ಮನಕ್ಹೊನೆ ಕ್ಹುದಾನಾ ಹುತಿ ಕಿಮ್ಮತ ದಿನ ಲಿದ್ಯೊಸ.