ಅಪೊಸ್ತಲೊ 14:23 - ಕ್ಹುದಾನಿ ಕ್ಹರಿನಿ ವಾಕ್ಯಾ

²³ ಪೌಲಾ ಬಾರ್ನಬ ಹರ ಯಕ್ಕ ಸಭೆನೆ ಮ್ಹೊಟಾವೊನೆ ಇನಿ ಲಿದ್ಯಾ. ತ್ಯುನೆ ಎ ಮ್ಹೊಟಾವೊನಾ ಹುತಿ ಉಪಾಸ ರ‍್ಹೈನ ಪ್ರಾಥನಾ ಕರಿನ ತ್ಯುನೊನೆ ಪ್ರಭುನಾ ಹತ್ಮಾ ವಪ್ಸಿನ ದಿದ್ಯಾ.

ಅಪೊಸ್ತಲೊ 14:23 ပူးပေါင်းရင်းမြစ်များ

ಮತ್ತಾಯ 17:21

ಮಿ ತುಮೊನೆ ಕ್ಹರಿಜ಼ ಕೌಸ. ತುಮಾರೊ ಬರೊಕ್ಹೊ ಸಾಸವಿ ಕಾಳ ಯಕ್ಲಿ ರ‍್ಹೈ ತಬಿ, ಆ ಡೊಂಗರನೆ ನ್ಯಾಂತೊ ತ್ಯಾ ಜಾ಼ ಕೈನ ತುಮೆ ಕದ್ಯಾತಬಿ ತೆ ಜಾ಼ವಸ. ತುಮಾರಾ ಹತೆ ನೈ ಥಾವಾನು ಕಾಮೊಜ಼ ರ‍್ಹತು ನೈ ಕೈನ ಕದ್ಯೊ.

ಮಾರ್ಕ 3:14

ಯೆಸು ತಿನೆ ಚಾ಼ಯೆ ಥಯಲ ಬಾರಾ ಜ಼ನಾವೊನೆ ಇನಿಲಿನ ತ್ಯುನೊನೆ ಅಪೊಸ್ತಲೊ ಕೈನ ನಾಮ ಮ್ಹೆಲ್ಯೊ ತ್ಯುನೊನೆ ಸು ಕದ್ಯೊ ಕದ್ಯಾಮ ಮಿ ತುಮೊನೆ ಇನಿಲಿದಲ ವ್ಹೈ ತುಮೆ ಮಾರಾ ಕ್ಹಾತೆ ರ‍್ಹೌ ಕೈನ, ವರಿ ತುಮೆ ಗೈನ ಕ್ಹುದಾನಿಯೊ ವಾತೊ ಕವಾಹುತಿ ಮೊಕ್ಲುಸ,

ಲುಕ ಬರ್ದಲ ಸುವಾರ್ತಾ 2:37

ತೆ ಹೆಣ ಐಂಶಿಪರ ಚಾರ ವರಕ್ಹನಿ ವ್ಹತ್ತಿ. ತೆ ರಾಂಡಿ ವ್ಹತ್ತಿ. ವರಿ ದೆವಾಲಯ ಛೊಡಿನ ಗಯಾವಾಚಿ ಉಪಾಸ ಕರತಿತಿ. ವರಿ ದಿನ್ನ ರಾತ ಪ್ರಾಥನಾ ಕರತಿ ಕ್ಹುದಾನೆ ಸ್ತುತಿ ಕರತಿತಿ.

ಲುಕ ಬರ್ದಲ ಸುವಾರ್ತಾ 23:46

ಪಾಚಲ್ತೊ ಯೆಸು"ಬಾ, ಮಾರಿ ಆತ್ಮಾ ತಾರಾ ಹತೊಮಾ ವಪ್ಸುಸ, ಕೈನ ಝೊರ ವದ್ರಿನ ಜ಼ಲಮ ಛೊ಼ಡ್ಯೊ.

ಅಪೊಸ್ತಲೊ 1:22

ಯೊಹಾನ ಬಾಪ್ತಿಸ್ಮ ದಿವಾನಾ ಶುರು ಕರಲ ದಿನ್ನತೊ ಧರಿನ ಯೆಸು ಅಪ್ನೊಕಂತೊ ಸ್ವರ್ಗನೆ ಗಯಲ ದಿನ್ನ ಲಕ್ಕಾ ಅಪ್ನಾ ಕ್ಹಾತೆ ರ‍್ಹಯಲವಾಲೊ ರ‍್ಹೌ"

ಅಪೊಸ್ತಲೊ 1:24

ಮತ್ತಿಯವಾವೊನೆ ಬೆ ಜ಼ನಾವೊ ಹುಬ್ರಾಡಿನ ಪ್ರಾರ್ಥನೆ ಕರತ್ತೊ,ಕರ್ತಾ ಕ್ಹಾರಾವೊನಾ ಮನಸ್ಸ ವಳಾಕಾವಾಲೊ ಯುದ ಅಪೊಸ್ತಲ ಕವಾಲೊ ತೆ ಸೆವಾ ಜ಼ಗಾಕ್ಹು ಹಾಳ ಥೈನ ತೆ ನೈಜಾ಼ವಾನು ಜ಼ಗಾಕನ ಗಯೆಲಕ್ಹು ತೆ ಸ್ಥಾನ ಹೊಂದಾನಾಹುತಿ ತೆ ಬೆಜ಼ನಾವೊಮಾ ತು ಇನಿಲಿದಲ ದೆಕಾಡಿನ ದ್ಯುಕೈನ ಪ್ರಾರ್ಥಾನಾ ಕರ‍್ಯಾ.

ಅಪೊಸ್ತಲೊ 11:30

ತ್ಯುನೆ ದೊಕ್ಡಾ ಮಳೈನ ಬಾರ್ನಬ ವರಿ ಸೌಲಾನೆ ದಿದ್ಯಾ. ಪಾಚಾ಼ತಾ ಬಾರ್ನಬ ವರಿ ಸೌಲಾ ತಿನೆ ಲೈನ ಯುದೆಯಮಾ ರ‍್ಹಯಲ ಸಭೆನಾ. ಮ್ಹೊಟಾವೊನೆ ದಿದ್ಯಾ.

ಅಪೊಸ್ತಲೊ 14:26

ತ್ಯಾಂತಾ ತ್ಯುನೆ ಸಿರಿಯಾಮಾ ಅಂತಿಯೊಕ್ಯನೆ ನೌಕಾಯಾನ ಕರ‍್ಯಾ. ಹಜು಼ನ ಲಕ್ಕಾ ಕರಿನ ಕ್ಹರಾಯಲ ಸೆವಾನಾ ಕಾಮನಾ ಹುತಿ ಕ್ಹುದಾನಾ ಹತ್ಮಾ ವಪ್ಸಿನ ದಿದಲವಾಲಾ ಎ ಗಾಮನಾ ವಿಶ್ವಾಸಿಯೊಜ಼ ವ್ಹೈ.

ಅಪೊಸ್ತಲೊ 15:23

ತ್ಯುನಾ ಹತ್ತಮಾ ಪತ್ರನೆ ದಿನ ವಳಾಯಾ. ತೆ ಪತ್ರಮಾ ಅಮ್ಮ ಲಿಕ್ಯಾತ್ತಾ. ಭಾಯೊ, ಅಪೊಸ್ತಲೊ ವರಿ ಶಾನಾ, ಅಂತಿಯೊಕ್ಯ,ಸಿರಿಯ,ಕಿಲಿಕ್ಯ ರ‍್ಹವಾಲಾ ಯೆಹುದ್ಯ ನೈ ರ‍್ಹಯಲ ಭಾಯೊನೆ ನಮಸ್ಕಾರ.

ಅಪೊಸ್ತಲೊ 15:4

ಪೌಲಾ ಬಾರ್ನಬ ವರಿ ಬಿಜಾ಼ ಯೆರುಸಲೆಮ ಮುಟ್ಯಾ. ಅಪೊಸ್ತಲೊ, ಶಾನಾ ವರಿ ಸಭೆವಾಲಾ ಇವ್ನೊನೆ ಸ್ವಾಗತ ಕರ‍್ಯಾ. ಕ್ಹುದಾ ತ್ಯುನಾ ಕ್ಹಾತೆ ರ‍್ಹೈನ ಕರಲ ಕ್ಹಾರಾ ಕಾಮೊನಾ ಹುತಿ ಪೌಲಾ ಬಾರ್ನಬ ವರಿ ಬಿಜಾ಼ ಕದ್ಯಾ.

ಅಪೊಸ್ತಲೊ 15:6

ಪಾಚಾ಼ತಾ ಅಪೊಸ್ತಲೊ ವರಿ ಶಾನಾ ಎ ಸಮಸ್ಯಾನೆ ಪರಿಕ್ಷಾ ಕರಾನೆ ಮಳಿನ ಆಯಾ.

ಅಪೊಸ್ತಲೊ 20:17

ತೆ ಮಿಲೆತತೊ ಎಫೆಸೆಯೆ ಮೊಕ್ಲಿನ ತ್ಯಾನಾ ಸಭೆಮಾ ಮ್ಹೊಟಾವೊನೆ ಬಲಾವಾನಾಹುತಿ ಸಂದೆಶ ವಳಾಯೊಸ.

ಅಪೊಸ್ತಲೊ 20:32

ಮಿ ಹಮ್ನಾ ತುಮೊನೆ ವರಿ ಕ್ಹುದಾನೆ, ತಿನಾ ಕೃಪಾನಿ ವಾಕ್ಯಾಕ್ಹು ವಪ್ಸಿನ ದ್ಯುಸ. ತೆ ತುಮೊಮಾ ಭಕ್ತಿವೃದ್ದಿ ಕರಾನೆ, ಪರಿಶುದ್ಧನಾ ಕ್ಹಾತೆ ತುಮಾರಾ ಹಕ್ಕ ಅನುಗ್ರಹ ದಿವಾನೆ ಹಕ್ಕ ಥಯೊಸ.

2 ಕೊರಿಂಥ 8:19

ಎ ತಿನಾಹುತಿ ಯಕ್ ನೈಸೊ ಪ್ರಭು ಮಹಿಮಾನಾ ಹುತಿ ವರಿ ಅಪ್ನ ತಿನಾಹುತಿ ವ್ಹಂದಿಲಿವ ಮನಸ ದೆಕಾಡ ಹುತ ಹುತಿ ಅಪೆ ಕರಾ ರ‍್ಹಯಲ ಧರಮ ಕರಾ ಸಂಬಂಧ ಕೈನ ಹಮಾರಾ ರ‍್ಹ ಪ್ರಯಾಣ ನೈ ಕರಾ ಕವಾನು ಮಾ ಸಭೆ ತಿನೆ ತುನೆ ಇನಿ.

1 ತಿಮೊತಿ 5:1

ವೈಸ ಥಯಲ ಮನಕ್ಹೊನೆ ಸಿಟ್ಟೆ ಬೊಲ್ಯಾವಾಚಿ ತ್ಯುನೊನೆ ಬಾಪ ವ್ಹೈನ ತಿಳ್ದಿಲಿನ ತ್ಯುನಾ ಕ್ಹಾತೆ ಬೊಲ. ತಿನೆ ಮರ್ಯಾದಿ ದ್ಯು. ಕಾಕದ್ಯಾಮ ತ್ಯುನೆ ಯಕ್ಲಾಜ ಛೆ.

1 ತಿಮೊತಿ 5:22

ತು ತಾರಾ ಹತೊ ಕಿಪರಬಿ ಮ್ಹೆಲಿನ ತಿನೆ ಸಭಾಪರ ಮ್ಹೊಟೊ ಕರಾತಿ ಅಗ್ದುರ ಮನಸ ದಿನ್ನ ವಿಚಾರ ಕರ. ಬಿಜಾ಼ ಮನಕ್ಹೊನಾ ಪಾಪಮಾ ಪಡೆನೈಸೊ ಶುದ್ಧ ಥೈನ ರ‍್ಹೆ.

2 ತಿಮೊತಿ 1:12

ಎ ಸುವಾರ್ತೆನಾ ಹುತಿಜ಼ ಮಿ ಕಷ್ಟ ಖಾವಾಡೊಸ. ಮಿ ಬರೊಕ್ಹೊ ಕರಲ ವಾಲಾನೆ ವಳಕ್ಯೊಸ. ತೆ ಮನೆ ವಪ್ಸಲ ತೆ ದಿನೊ ಆಯೆಲಕ್ಕಾ ಜ಼ತ್ತನ ಕರಾನೆ ತೆ ತಾಕತವಾಲೊ ವ್ಹೈ ಕೈನ ಕ್ಹರಿಮಾಜ಼ ಮನೆ ಗ್ವತ್ತ ಛೆ.

2 ತಿಮೊತಿ 2:2

ಮಿ ಉಪದೆಶಕರಲ ಸಂಗತಿಯೊ ತು ಐಕ್ಯೊಸ. ತೆ ಬಿಜಾ಼ ಘನ್ನಾ ಮನಕ್ಹೊ ಐಕ್ಯಾಸ. ತು ತೆ ಸಂಗತಿಯೊ ಉಪದೆಶ ಕರ. ತುನೆ ಬರೊಕ್ಹೊ ಮ್ಹೆಲಾಲಾ ದಕ್ಹಾ ಜ಼ನಾವೊನೆ ತೆ ಉಪದೆಶೊ ದೆ. ತೆಳಾಮಾ ತ್ಯುನೆ ತೆ ಸಂಗತಿಯೊನೆ ಬಿಜಾ಼ವೊನೆ ಉಪದೆಶ ಕರಾನೆ ಥಾವಸ.

ತಿತನೆ 1:5

ಹಜು಼ನ ಪುರಾ ನೈ ಥಯಲ ಕಾಮೊ ಪುರಾ ಕರಾಹುತಿ ಹರಿಯಕ್ಕ ಗಾಮ್ಮಾ ಸಬಾಪಾಲಕೊನೆ ಇನಿಲಿವಾನಾಹುತಿ ವರಿ ಉಪದೆಶ ಕವಾಹುತಿ ಮಿ ತುನೆ ತೆ ಜ಼ಗಾ ಛೊಡಿನ ಆಯೊ.

ಯಾಕೊಬ 5:14

ತುಮೊಮಾ ಅರಾಮ ನೈಸೊವಾಲೊ ಛೆಸು? ತೆ ಸಭೆಮ ಮ್ಹೊಟಾ ರ‍್ಹಯಲವಾಲಾವೊನೆ ಬಲೈ ನೈಕಾ ತ್ಯುನೆ ಕರ್ತಾನಾ ನಾಮಪರ ಪ್ರಾಥಾನಾನು ತೆಲ ಲಗಾಡಿನ ತಿನಾ ಹುತಿ ಕ್ಹುದಾನೆ ಪ್ರಾಥನಾ ಕರಾದೆ.

1 ಪೆತ್ರಾ 5:1

ತುಮಾರಿ ಸಬೆಮಾ ಮ್ಹೊಟಾ ರ‍್ಹಯಲವಾಲಾವೊನಾ ಮಿ ದಕ್ಹಿಯೊ ವಾತೊ ಕೌ ಕೈನ ಛೆ. ಮಿ ಯಕ್ಲೊ ಮ್ಹೊಟೊ ಥಯೊಸ. ಮಿ ಕ್ರಿಸ್ತನೆ ತ್ರಾಸ ದಿವಾನು ಡೊಳೆ ದೆಕ್ಯೊಸ. ಹಮೊನೆ ದಿಕ್ಹಾನಾ ಟೈಮ್ಮಾ ಮಿ ತಿಮಾ ಭಾಗಿದಾರ ಥಯೊಸ.

1 ಪೆತ್ರಾ 5:10

ಹೊ, ತುಮೆ ದಕ್ಹಾಜ಼಼ ದಿನ್ನ ತ್ರಾಸ ಖಾವೊಸಿ, ತೆ ಥಯಲಪರ ಕ್ಹುದಾ ಕ್ಹಾರು ಕರೆಟ್ಟ ಕರಸ. ತೆ ತುಮೊನೆ ತಾಕತ ದಿವಸ. ತುಮೆ ಹೆಟಾ ಪಡೆನೈಸೊ ತೆ ತುಮೊನೆ ಅಸ್ರೊ ಥೈನ ರ‍್ಹವಸ. ಕ್ಹಾರಾವೊನೆ ಮರಗಾ ದೆಕಾಡಾಲೊ ಕ್ಹುದಾ ತೆಜ಼ ವ್ಹೈ. ತಿನಾ ತಾಕತಮಾ ಪಾಲ ಲಿವಾಲಾ ಕ್ರಿಸ್ತಜ಼ ತುಮೊನೆ ಬಲಾಯೊ. ತೆ ತಾಕತ ಹಮೆಶಾ ರ‍್ಹಯಲ ವ್ಹೈ.

2 ಯೊಹಾನ 1:1

ಸಭೆಮಾ ಮ್ಹೊಟೊ ಥಯಲ ಮಿ ಯಾವೊನೆ ವರಿ ತ್ಯುನಾ ಬಚಾವೊನೆ ಬರ್ದಾನು ಸುವೈ ಕದ್ಯಾಮ; ಅಪ್ನೊಮಾ ರ‍್ಹಯಲ ವರಿ ಅಪ್ನಾ ಕ್ಹಾತೆ ಕೆಳಾಮಾಬಿ ಹಮೆಶಾಬಿ ಅಪ್ನಾ ಕ್ಹಾತೆ ರ‍್ಹವಾನು ಕ್ಹರಿನಾ ಹುತಿ ಮಿ ತುಮೊನೆ ಕ್ಹರಿಕ್ಹು ಮಯಾ ಕರುಸ; ಮಿ ಯಕ್ಕಜ಼ ನೈ ಮಾರಾ ಕ್ಹಾತೆ ಕ್ಹರಿ ಸು ವ್ಹೈ ಕೈನ ತಿಳಿದಿಲಿದಲ ಕ್ಹಾರಾಜ಼ನಾ ತುಮೊನೆ ಮಯಾ ಕರಸ.

3 ಯೊಹಾನ 1:1

ಸಭೆಮಾ ಮ್ಹೊಟೊ ಥಯಲ ಮಿ ಕ್ಹರಿಕ್ಹು ಮಯಾ ಕರಲ ಮಯಾನಾ ಭೈನೆ ಗಾಯನನೆ ಬರ್ದಾನು ಸುವೈ ಕದ್ಯಾಮ ;