ಅಪೊಸ್ತಲೊ 14:2 - ಕ್ಹುದಾನಿ ಕ್ಹರಿನಿ ವಾಕ್ಯಾ

² ತೆನೈಸೊ ಯೆಹುದಿಯೊಮಾ ನೈ ಬರೊಕ್ಹೊ ಕರಲ ದಕ್ಹಾ ಯೆಹುದಿ ನೈಸೊವಾಲಾವೊನೆ ಮನಸ ಭಾಯೊನೆ ವಿರುದ್ದ ಥೈನ ಮನಕ್ಹೊನೆ ಕದ್ರೈನ ಕೆಡ್ಸಿ ಪಡ್ಯಾ.

ಅಪೊಸ್ತಲೊ 14:2 ပူးပေါင်းရင်းမြစ်များ

ಯೊಹಾನ 3:36

ಕುನ್ನ ದಿಕ್ರಾ ಪರ ಬರೊಕ್ಹೊ ಮ್ಹೆಲಸ ತಿನೆ ಹಮೆಶಾನೊ ಜ಼ಲಮ ಮಳಸ. ತೆನೈಸೊ ದಿಕ್ರಾನೆ ವಿಧೆಯ ನೈ ಥಾತೊ ತಿನೆ ತೆ ಜ಼ಲಮ ಕೆಳಾಮಾಜ ಮಳ್ತೊ ನೈ. ಕ್ಹುದಾನಿ ಶಿಟ್ಟ ತಿನಾ ಉಪ್ಪರ ರ‍್ಹವಸ" ಕೈನ ಉತ್ತರ ದಿದ್ಯೊ.

ಅಪೊಸ್ತಲೊ 1:15

ದಕ್ಹಾ ದಿನ್ನ ಥಯಲ್ಪರ ವಿಸ್ವಾಸಿಮಾ ಭಾಯೊ ಥಯಲ ಸಭೆ ಥೈನ ಮಳ್ಯಾತಾ. ತ್ಯಾ ಕಮ್ಸಿ ಕಮ್ಮ ಯಕ್ಹೊನ ಇಕ್ಹ ಜ಼ನಾ ವ್ಹತ್ತಾ. ಪೆತ್ರಾ ಉಟಿನ ಹುಬ್ರೈನ ಅಮ್ಮ ಕದ್ಯೊ;

ಅಪೊಸ್ತಲೊ 13:45

ಇನೆ ದೆಕಿನ ಯಹುದಿಯೊನೆ ಘನ್ನು ಅಸೈ ಥಯು. ತ್ಯುನೆ ಪೌಲಾನಾ ವಾತಾ ದೊಶ ಕರಿನ ತಿನೆ ವಿರುದ್ದ ವಾದ-ವಿವಾದ ಕರ‍್ಯಾ.

ಅಪೊಸ್ತಲೊ 13:50

ತೆನೈಸೊ ಯೆಹುದಿಯೊ ದಕ್ಹಾ ಧಾರ್ಮಿಕ ಬಾಕ್ಡಿಯೊನೆ ಗಾಮನಾ ನಾಯಕೊನೆ ಪ್ರೊತ್ಸಾಹ ಕರಿನ, ಪೌಲಾ ಬಾರ್ನಬನಾ ಉಪ್ಪರ ತ್ಯುನೆ ಶಿಟ್ಟ ಥಾಯೆ ಲಿಂಗತ ತ್ಯುನೊನೆ ವಿರೊದಿಯೊ ಥಾಯೆ ಲಿಂಗತ ಕರಿನ ಪೌಲಾ ಬಾರ್ನಬನೆ ಗಾಮತಾ ಭಾರಾ ಘಾಲ್ಯಾ.

ಅಪೊಸ್ತಲೊ 14:19

ಪಾಚಾ಼ತಾ ದಕ್ಹಾ ಯೆಹುದಿಯೊ ಅಂತಿಯೊಕ್ಯತಾ ವರಿ ಇಕೊನಿಯತಾ ಐನ ಪೌಲಾನೆ ವಿರುದ್ದ ಮನಕ್ಹೊನೆ ಭಡಕೈನ ಪೌಲಾನೆ ದಗ್ಡಾ ನಾಕಿನ, ತೆ ಮರ‍್ಯೊ ಕೈನ ತಿಳ್ದಿಲಿನ ಗಾಮತಾ ಭಾರಾ ಜಗ್ಗಿನ ಕಾಡ್ಯಾ.

ಅಪೊಸ್ತಲೊ 14:4

ತೆನೈಸೊ ತೆ ಗಾಮನಾ ಮನಕ್ಹೊ ಬೆ ಭಾಗ ಥಯಾ ದಕ್ಹಾ ಜ಼ನಾ ಯೆಹುದಿವಾಲಾ ಕಂತಾ ಥಯಾ ದಕ್ಹಾ ಮನಕ್ಹೊ ಅಪೊಸ್ತಲೊಕನ ಥಯಾ.

ಅಪೊಸ್ತಲೊ 14:5

ಯೆಹುದಿಯೊ ನೈಸೊಲಾವಾವೊಮಾ ವರಿ ಯೆಹುದಿಯೊಮಾ ದಕ್ಹಾ ತ್ಯುನಾ ನಾಯಕೊನಾ ಕ್ಹಾತೆ ಮಳಿನ ಅಪೊಸ್ತಲೊನೆ ದಗ್ಡಾ ನಾಕಿನ ಖಲಾಸ ಕರು ಕೈನ ವ್ಹತ್ತಾ.

ಅಪೊಸ್ತಲೊ 17:13

ವರಿ ಪೌಲಾ ಬೆರೆಯೊಮಾಬಿ ಕ್ಹುದಾನಿ ವಾಕ್ಯ ಪ್ರಸಿದ್ದಿಪಡಿಸಾನಾಹುತಿ ವರ್ತಮಾನಬಿ ಥೆಸೆಲೊನಿಕನಾ ಯಹುದಿಯೊನೆ ಗ್ವತ್ತ ಥಾತಾಮಾ ತ್ಯುನೆ ತ್ಯಾ ಐನ ಮನಕ್ಹೊನಾ ಗುಂಪನೆ ಪ್ರಚೊದ ಕರಿನ ತಡಾಯಾತಾ.

ಅಪೊಸ್ತಲೊ 17:5

ನಂಬೆಲವಾಲ ಯಹುದ್ಯೊ ಸಂಗಟ ಪಡಿನ ಬಾಜಾ಼ರಮಾ ಫರಾವಾಲಾ ದಕ್ಹಾಜ಼಼ನಾ ಪಾಲತು ಮನಕ್ಹೊನೆ ಬಲೈನ ಗುಂಪ ಕರಿನ ಗಾಮ್ಮಾ ಗದ್ದಲ ಕರಿನ ಪೌಲ ವರಿ ಸಿಲನೆ ಗಾಮಾನಾ ಸಬೆನಾ ಕ್ಹಾಮಾ ಲೌ ಕೈನೈ ತ್ಯುನೊನೆ ಹುಡಕತ್ತಾ ಯಾಸೊನಾ ಘರಕನ ಐನ ಮುಟ್ಯಾ.

ಅಪೊಸ್ತಲೊ 18:12

ಗಲ್ಲಿಯೊನಾ ಅಖಾಯಾ ಪ್ರಾಂತ್ಯನೆ ಅದಿಪತಿ ರ‍್ಹತಾಮಾ ಯೆಹುದಿಯೊ ಮಳಿನ ಪೌಲಾಪರ ಪಡಿನ ತಿನೆ ಫೈಸ್ಲೊ ಕರಾನಿ ಜ಼ಗಾ ಲಾಯಾ.

1 ಥೆಸಲೊನಿಕ 2:14

ಹಮಾರಾ ಭಾಯೊ ವರಿ ಭೆನೊ, ತುಮೆ ಯುದಾಯಮ್ಮಾ ರ‍್ಹಯಲ ಕ್ಹುದಾನಿ ಸಬೆ ಲಿಂಗತ ಛೆ. ಯೆಸು ಕ್ರಿಸ್ತಮಾ ಬರೊಕ್ಹೊ ಮ್ಹೆಲಲ ಹುತಿ ತ್ಯುನೆ ಬಿಜಾ಼ ಯೆಹುದಿಯೊನಾ ಮನಕ್ಹೊನಾ ಹತೆ ತ್ರಾಸ ಖಾದ್ಯಾ. ತಿಮ್ಮಜ ತಮೆಬಿ ತಮಾರಾ ಸ್ವಂತ ಮನಕ್ಹು ತ್ರಾಸ ಕ್ಹಾವೊ.