ಅಪೊಸ್ತಲೊ 13:48 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁴⁸ ಪೌಲಾ ಎ ವಾತೊ ಐಕಿನ ಯೆಹುದಿ ನೈಸೊ ಮನಕ್ಹೊ ಘನ್ನಾ ಖುಶಿ ಥೈನ ಪ್ರಭುನಿ ಸಂದೆಶನಾ ಹುತಿ ಸ್ತುತಿ ಕರ‍್ಯಾ. ಹಮೆಶಾನು ಜ಼ಲಮ ವ್ಹಂದಿಲಿವಾನೆ ಇನಿಲಿದಲ ಕ್ಹಾರಾ ಬರೊಕ್ಹೊ ಕರ‍್ಯಾ.

ಅಪೊಸ್ತಲೊ 13:48 ပူးပေါင်းရင်းမြစ်များ

ಎಫೆಸ 1:4

ಜಗತ್ತ ಸೃಷ್ಟಿ ಥಾವಾತಿ ಪೈಲಾಜ಼ ಕ್ಹುದಾ ಅಪೊನೆ ಕ್ರಿಸ್ತಮಾ ಇನಿಲಿದ್ಯೊ. ತಿನಿ ಸನ್ನಿಧಿಮಾ ಅಪೆ ಮಯಾಕ್ಹು ರ‍್ಹೈನ ಪರಿಶುದ್ಧ ನಿರದೊಷಿಯೊ ರ‍್ಹಯಲ ರ‍್ಹೌಕೈನ ತಿನು ಉದ್ದೆಶ ವ್ಹತ್ತು.

ರೊಮಾಪೂರ 11:7

ಇನಾಕ್ಹು ತಿಳದಿಲಿವಾನು ಸುವೈ? ಇಸ್ರೆಲೊ ಹುಡ್ಕಲ ತ್ಯುನೊನೆ ಮಳ್ಯು ನೈ, ತ್ಯುನೊಮಾ ಇನಿಲಿದಲವಾಲಾವೊನೆ ಮಳ್ಯು. ಬಿಜಾ಼-ಜ಼ನಾ ಪಿಸಾಳಾ ಥಯಾ.

ಯೊಹಾನ 10:16

ತೆ ಬಕ್ರಾ ಮಾರಿ ಸ್ವರ ಐಕಸ. ತೆಳಾಮಾ ಯಕ್ಕಜ಼ ಗುಂಪ ರ‍್ಹವಸ ವರಿ ಯಕ್ಲೊಜ ಕುರಬುರ‍್ಯೊ ರ‍್ಹವಸ.

ಯೊಹಾನ 11:52

ಹೊ, ಯೆಹುದಿಯೊನಾ ಹುತಿ ಕ್ಹಾರಿ ದುನಿಯಾಮಾ ಜುದಾ ಥಯಲ ಕ್ಹುದಾನಾ ಕ್ಹಾರಾ ಬಚ್ಚಾವೊನೆ ಮಳೌ ಕೈನ ತೆ ಮರಾಲೊ ವ್ಹತ್ತೊ.

ಎಫೆಸ 1:19

ಬರೊಕ್ಹೊ ಮ್ಹೆಲಾನು ಅಪೊನೆ ಕ್ಹುದಾನಿ ತಾಕತ ಕೆಕ್ಲೊ ಮ್ಹೊಟು ವ್ಹೈ ಕವಾನು ತೆಳಾಮಾ ತುಮೆ ತಿಳದಿಲಿವೊಸಿ. ಕ್ರಿಸ್ತನೆ ಮರಣಮಾತೊ ಜಿವ್ತೊ ಕರಿನ ಉಟಾಡಾನೆ ಕ್ಹುದಾ ಉಪಯೊಗ ಕರಲ ಮ್ಹೊಟಿ ತಾಕತ ತೆಜ಼ ವ್ಹೈ.

ಅಪೊಸ್ತಲೊ 2:41

ಪೆತ್ರಾನಿ ವಾತೊನೆ ವಪ್ಪಿಲಿದ್ಯಲವಾಲಾ ಬಾಪ್ತಿಸ್ಮ ಕರೈಲಿದ್ಯಾ. ತೆ ದಿನ್ನ ತನ್ನ ಹಜಾ಼ರ ಮನಕ್ಹೊ ತ್ಯಾ ಮಳ್ಯಾತಾ.

ಅಪೊಸ್ತಲೊ 22:10

ತೆಳಾಮಾ ಮಿ; ಕರ್ತಾ, ಮಿ ಸು ಕರು? ಕೈನ ಪುಚ್ತಾ಼ಮಾ ಕರ್ತಾ ಮನೆ; ತು ಉಟಿನ ದಮಸ್ಕಮಾ ಜಾ಼. ತು ಸು ಕರು ಕೈನ ಕವಾನು ತುನೆ ತ್ಯಾ ಕವಸ ಕದ್ಯೊ.

ಲುಕ ಬರ್ದಲ ಸುವಾರ್ತಾ 7:8

ತಾರೊ ಯಕ್ಕ ಅದಿಕಾರ ಮಿ ತಿಳದಿಲಿದ್ಯೊಸ. ಮಿಬಿ ಬಿಜೆ಼ಕ್ಲಾನಾ ಅದಿಕಾರಿನಾ ಹತ್ಮಾ ಛೆ, ಮಾರಾ ಹತಮಾ ಸೈನಿಕೊ ಛೆ, ಮಿಬಿ ಯಕ್ಕ ಸೈನಿಕನೆ ಜಾ಼ ಕದ್ಯಾಮ ತೆ ಜಾ಼ವಸ, ವರಿ ಯಕ್ಲಾನೆ ಆ ಕದ್ಯಾಮ ತೆ ಆವಸ. ಮಾರಾ ಆಳನೆ, ಆ ಕರ ಕದ್ಯಾಮ ಮನೆ ತೆ ವಿಧೆಯ ಥಾವಸ "ಕೈನ ಯೆಸುಕನ ಕೆ ಕೈನ ತಿನಾ ಆಳನೆ ಮೊಕಲ್ಯೊ.

ರೊಮಾಪೂರ 13:1

ತುಮೆ ಕ್ಹಾರಾ ಅದಿಕಾರಿಯೊನೆ ವಿದೆಯ ಥೈನ ರ‍್ಹೌ. ಕಾಕದ್ಯಾಮ ಕ್ಹುದಾನಿ ಅನುಮತಿ ನೈಸೊ ಕುನ್ನಜ಼ ಅದಿಕಾರಿ ಥಾತೊ ನೈ. ಹರಿ ಯಕ್ಕ ಅದಿಕಾರಿನೆ ಅದಿಕಾರ ದಿದಲ ಕ್ಹುದಾಜ಼ ವ್ಹೈ.

ಅಪೊಸ್ತಲೊ 28:23

ತ್ಯುನೆ ತಿನೆ ಯಕ್ಕದಿನ್ನ ಪೌಲಾ ಗ್ವತ್ತ ಕರಾಯಲಕ್ಹು, ಘನ್ನಾ ಜ಼ನಾ ತಿನಾ ಝುಪ್ಡಾಮಾ ತಿಕನ ಆಯಾ. ತೆ ಪಾಟತೊ ಧರಿನ ಕ್ಹಾಂಜ ಮಟಾ ಕ್ಹುದಾನಾ ರಾಜ್ಯನಾ ಹುತಿ ಕ್ಹರಿಮ್ಮಾಜ಼ ಸಾಕ್ಷಿ ಕೈನ ಮೊಶೆನಾ ಧರಮಶಾಸ್ತ್ರನೆ ಪ್ರವಾದಿಯೊನಾ ಗ್ರಂಥತೊನೆ ಆದಾರ ಕರಲಿನ ಯೆಸುನಾ ವಿಷಯಮಾ ತ್ಯುನೊನೆ ಕತೊ ವ್ಹತ್ತೊ.

ಅಪೊಸ್ತಲೊ 2:47

ತ್ಯುನೆ ಕ್ಹುದಾನೆ ಸ್ತುತಿ ಕತಾರ‍್ಹತಾತಾ ವರಿ ಕ್ಹಾರಾ ಮನಕ್ಹೊ ತಿನೆ ಪಸಂದ ಕತಾರ‍್ಹತಾತಾ ದಿನ್ನೆಬಿ ಘನ್ನಾ-ಘನ್ನಾ ಮನಕ್ಹೊ ರಕ್ಷಣೆ ವ್ಹಂದಿಲೆತಾತಾ; ಪ್ರಭು ತ್ಯುನೊನೆ ಕ್ಹಾರಾವೊನೆ ಸಭೆನೆ ಮಳಾತೊತೊ.

ಅಪೊಸ್ತಲೊ 20:13

ಅಪೆ ತ್ಯಾ ಪೈಲಾಜ಼ ಗೈನ ಅಸ್ಸೊಸಿಮಾ ಪೌಲಾನೆ ತ್ಯುನಾ ಕ್ಹಾತೆ ಚ಼ಡೈಲ್ಯು ಕೈನ ವ್ಹತ್ತಾ. ಸಮುಂದರನಿ ವಾಟತ್ತಾ ಪ್ರಯಾಣ ಕರ‍್ಯಾ. ಪೌಲಾ ತಿಮ್ಮಜ಼ ಅಪ್ಪಣೆ ದಿನ ಚಾ಼ಲ್ತೊ ಜೌ಼ ಕೈನ ಮನಸ ಕರ‍್ಯೊ.

ಮತ್ತಾಯ 28:16

ತೆ ಥಯಲ್ಪರ ಗ್ಯಾರಾ ಜ಼ನಾ ಶಿಷ್ಯಾ ಗಲಿಲಾಯನೆ ಗೈನ ಯೆಸು ಕದ್ಯಲ ಡೊಂಗರಪರ ಗಯಾ.

2 ಥೆಸಲೊನಿಕ 3:1

ಲಾಸ್ಟಮಾ ಹಮಾರಾ ಭಾಯೊ ಭೆನೊ, ಹಮಾರಾ ಹುತಿ ಪ್ರಾಥನಾ ಕರೊ. ಪ್ರಭುನಿ ಉಪದೆಶ ಘನಿ ಫೈಲಿಜೌ಼ ಕೈನ ಪ್ರಾಥನಾ ಕರೊ. ತುಮಾರಾ ಲಿಂಗತ ಬಿಜಾ಼ ಮನಕ್ಹೊ ಎ ಉಪದೆಶ ಮರ್ಯಾದಿ ದ್ಯು ಕೈನ.

1 ಕೊರಿಂಥ 16:15

ಸ್ತೆಫನನಾ ಘರವಾಲಾ ಅಖಾಯಮಾನಾ ಪೈಲಾನೊ ವಿಸ್ವಾಸಿ ವ್ಹೈ ಕೈನ ವರಿ ತ್ಯುನೆ ಕ್ಹುದಾನಾ ಮನಕ್ಹೊನಿ ಸೆವಾನಾ ಹುತಿ ತ್ಯುನೊನೆ ಒಪ್ಸಿನ ದಿದಲವಾಲಾ ವ್ಹೈ ಕೈನ ತುಮೆ ಗ್ವತ್ತ ರ‍್ಹಯಲವಾಲಾ ಛೆ.

ಅಪೊಸ್ತಲೊ 15:31

ತ್ಯುನೆ ಒದಿನ ತ್ಯುನಾಕ್ಹು ಧೈರ್ಯ ಲಿನ ಕ್ಹುಶಿ ಥಯಾ.

ಅಪೊಸ್ತಲೊ 15:2

ಪೌಲಾ ಬಾರ್ನಬ ಎ ಉಪದೆಶನೆ ತ್ಯುನಾ ವಿರುದ್ದ ದೆಕಾಡಿನ ತ್ಯುನಾ ಕ್ಹಾತೆ ವಾದ ಕರ‍್ಯಾ. ಎ ಸಮಸ್ಯಾನಾ ಹುತಿ ಅಪೊಸ್ತಲೊನಾ ಕ್ಹಾತೆ ವರಿ ಬಿಜಾ಼ ಶಾನಾವೊನಾ ಕ್ಹಾತೆ ಚರ್ಚಾ ಕರಾನೆ ಪೌಲಾ ಬಾರ್ನಬನೆ ವರಿ ಬಿಜಾ಼ ದಕ್ಹಾ ಜ಼ನಾವೊನೆ ಯೆರುಸಲೆಮೆ ವಳಾವಾನೆ ಸಭೆ ಮಳಾನೆ ಫೈಸ್ಲೊ ಕರ‍್ಯಾ.

ಅಪೊಸ್ತಲೊ 13:42

ಪೌಲಾ ವರಿ ಬಾರ್ನಬ ಸಭಾಮಂದಿರತಾ ಜಾ಼ತಾಮಾ, ಎ ಸಂಗತಿಯೊನಾ ಹುತಿ ಹಜು಼ನ ಜಾಸ್ತ ತಿಳ್ಸಾನಾ ಹುತಿ ಅಗಲ್ಯಾ ಸಬ್ಬತ್ ದಿನ್ನೆ ವರಿ ಔ ಕೈನ ಮನಕ್ಹೊ ತ್ಯುನೊ ಕನ ಮಾಂಗಿಲಿದ್ಯಾ.

ಅಪೊಸ್ತಲೊ 8:8

ತಿನಾಹುತಿ ತೆ ಗಾಮನಾ ಮನಕ್ಹೊ ಘನ್ನಾ ಖುಶಿ ಥಯಾ.

ಮತ್ತಾಯ 25:46

ವರಿ ಅನಿತಿವಂತವಾಲಾ ರ‍್ಹಯಲ ಇವ್ನೆ ಹಮೆಶಾನಿ ದಂಡನೆಮಾ ಜಾ಼ವಸ ತೆನೈಸೊ ನಿತಿವಂತವಾಲಾ ಹಮೆಶಾನೊ ಜ಼ಲಮಾ ರ‍್ಹಯಲ ಜ಼ಗಾ ಜಾ಼ವಸ ಕೈನ ಕದ್ಯೊ.

ಅಪೊಸ್ತಲೊ 13:12

ಇನೆ ದೆಕಲ ರಾಜ್ಯಪಾಲ ಪ್ರಭುನೆ ಬರೊಕ್ಹೊ ಕರ‍್ಯೊ. ಪ್ರಭುನಿ ವಿಶಯ ಥಯಲ ಉಪದೆಶ ಐಕಿನ ಘಾಬ್ರೊ ಥಯೊ.

ರೊಮಾಪೂರ 8:28

ಕ್ಹುದಾ ತಿನೆ ಮಯಾ ಕರಾಲಾವೊನಾ ಹುತಿ ಚೊ಼ಕಾ ಕ್ಹು ಹರಿ ಯಕ್ಕ ಕಾಮ ಆಸಾನ ಕರಸ ಕೈನ ತುಮೊನೆ ಗ್ವತ್ತ ಛೆ. ತೆ ಮನಕ್ಹೊ ಕ್ಹುದಾಜ಼ ಇನಿಲಿದ್ಯೊಸ, ಕಾಕದ್ಯಾಮ ತೆ ತಿನು ಉದ್ದೆಶ ವ್ಹತ್ತು.

ಎಫೆಸ 1:5

ಅಪೊಪರ ರ‍್ಹಯಲ ಮಯಾಕ್ಹು ಕ್ರಿಸ್ತ ಯೆಸುನಾ ಮುಲಕ ಅಪೊನೆ ತಿನಾ ಸ್ವಂತ ಬಚ್ಚಾ ಥೈನ ಕರಿಲಿವಾನೆ ತೆ ಪೈಲಾಜ಼ ನಿರಧಾರ ಕರ‍್ಯೊತೊ. ತೆ ತಿನಿ ಚಿತ್ತ ವರಿ ಉದ್ದೆಶ ವ್ಹತ್ತಿ.

ಎಫೆಸ 1:11

ತೆನೈಸೊ ಅಪೆ ಕ್ಹುದಾನಾ ಬಚ್ಚಾ಼ ಥೈಯೆ ಕೈನ ಕ್ರಿಸ್ತಮಾ ಅಪೊನೆ ಇನಿಲಿದ್ಯಾ. ಅಪೆ ತಿನಾ ಬಚ್ಚಾ಼ ಥೈಯೆಕೈನ ಕ್ಹುದಾ ತಿನಿ ಚಿ಼ತ್ತಲಿಂಗತ ಪೈಲಾಜ಼ ಪ್ಲಾನ ಕರ‍್ಯೊತೊ.