ಅಪೊಸ್ತಲೊ 13:43 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁴³ ಸಭೆ ಕ್ಹರಲ ಪರ ಘನ್ನಾ ಯಹುದಿಯೊ ಪೌಲಾ ಬಾರ್ನಬನೆ ತೆ ಜ಼ಗಾತಾ ಪಾಚಾ಼ ಲಾಗ್ಯಾ. ಯೆಹುದಿಯೊನಾ ಧರ್ಮನೆ ಮಳಲ ಘನ್ನಾ ಬಿಜಾ಼ ಮತನಾ ತೆ ಯೆಹುದಿಯೊನಾ ಕ್ಹಾತೆ ವ್ಹತ್ತಾ. ಧರ್ಮ ಬದ್ಲಿ ಕರಲ ಇವ್ನೆಬಿ ಕ್ಹರಿನಾ ಕ್ಹುದಾನೆ ಆರಾಧನೆ ಕರಾಡಾತಾ. ಪೌಲಾ ಬಾರ್ನಬ ತ್ಯುನಾ ಕ್ಹಾತೆ ಬೊಲಿನ, ಕ್ಹುದಾನಿ ಕೃಪೆಮಾ ಬರೊಕ್ಹೊ ಮ್ಹೆಲಿನ ಅಗು ಬಡು ಕೈನ ಪ್ರೊತ್ಸಾಹ ಕರ‍್ಯಾ.

ಅಪೊಸ್ತಲೊ 13:43 ပူးပေါင်းရင်းမြစ်များ

ಮತ್ತಾಯ 23:15

ಅಯ್ಯೊ, ಕಪಟಿಯೊ ಥಯಲ ಶಾಸ್ತ್ರಿಯೊ, ಫರಿಸಾಯರೊತುಮೆ ಯಕ್ಕ ಮನಕ್ಹನೆ ಮತಾಂತರ ಕರಾನಾಹುತಿ ಜಿಮಿನ ವರಿ ಸಮುದ್ರನೆ ಸುತ್ತ ಮಾರಿನ ಆವೊಶಿ; ತೆ ತುಮೊಮಾ ಮಳಿನ ತೆ ತುಮೊತಿಬಿ ಜಾ಼ಸ್ತಿ ಬೆ ಯಕ್ಲಿ ನರಕ್ಮಾ ಶಿಕ್ಷಾ ಮಳಸ.

ಅಪೊಸ್ತಲೊ 11:23

ಬಾರ್ನಬ ಚೊ಼ಕೊ ಮನಕ್ಹ ವ್ಹತ್ತೊ. ತೆ ಪವಿತ್ರ ಆತ್ಮಾಕ್ಹು ಭರಲ ವ್ಹತ್ತೊ ವರಿ ಪುರಾ ಬರೊಕ್ಹೊ ರ‍್ಹಯಲವಾಲೊ ವ್ಹತ್ತೊ. ಬಾರ್ನಬ ಅಂತಿಯೊಕ್ಯನೆ ಗಯಲ್ಪರ, ಕ್ಹುದಾ ತೆ ಮನಕ್ಹೊನೆ ಘನ್ನೊ ಆಶಿರ್ವಾದ ಕರಾನು ದೆಕ್ಯೊ. ಇಕ್ಹು ಬಾರ್ಬನನೆ ಘನ್ನಿ ಖುಶಿ ಥಯು. ಅಂತಿಯೊಕ್ಯಮಾ ರ‍್ಹವಾಲಾ ವಿಶ್ವಾಸಿಯೊನೆ ಕ್ಹಾರಾ ತೆ ಪ್ರೊತ್ಸಾಹ ಕರ‍್ಯೊ.

ಅಪೊಸ್ತಲೊ 13:50

ತೆನೈಸೊ ಯೆಹುದಿಯೊ ದಕ್ಹಾ ಧಾರ್ಮಿಕ ಬಾಕ್ಡಿಯೊನೆ ಗಾಮನಾ ನಾಯಕೊನೆ ಪ್ರೊತ್ಸಾಹ ಕರಿನ, ಪೌಲಾ ಬಾರ್ನಬನಾ ಉಪ್ಪರ ತ್ಯುನೆ ಶಿಟ್ಟ ಥಾಯೆ ಲಿಂಗತ ತ್ಯುನೊನೆ ವಿರೊದಿಯೊ ಥಾಯೆ ಲಿಂಗತ ಕರಿನ ಪೌಲಾ ಬಾರ್ನಬನೆ ಗಾಮತಾ ಭಾರಾ ಘಾಲ್ಯಾ.

ಅಪೊಸ್ತಲೊ 14:22

ಯೆಸುನಾ ಶಿಷ್ಯಾವೊನೆ ಘಟ್ಟ ಕರಿನ, ಬರೊಕ್ಹಾಮಾ ಘಟ್ಟ ಥೈನ ರ‍್ಹವಾನೆ ತ್ಯುನೊನೆ ಪ್ರೊತ್ಸಾಹ ಕರ‍್ಯಾ"ಹಮೆ ಕ್ಹುದಾನಿ ರಾಜ್ಯನೆ ಘನ್ನಾ ತ್ರಾಸೊನಾ ಮುಲಕ ಜಾ಼ವಾನಾ ಛೆ "ಕೈನ ಬೊದನೆ ಕರ‍್ಯಾ.

ಅಪೊಸ್ತಲೊ 14:3

ತೆನೈಸೊ ಪೌಲಾ ಬಾರ್ನಬ ಇಕೊನಿಯಾಮಾ ಘನ್ನಾ ದಿನ್ನ ರ‍್ಹೈನ ಪ್ರಭುನಾ ಹುತಿ ಧೈರ್ಯಕ್ಹು ಬೊಲ್ಯಾ. ಪ್ರಭು ತ್ಯುನಾ ಮುಲಕ ಸುಚಕ ಕಾಮೊ ವರಿ ಅದ್ಭುತ ಕಾಮೊ ಕರಿನ ತಿನಿ ಕೃಪಾನಿ ಸಂದೆಶ ದೆಕಾಡಿನ ದಿದ್ಯಾ.

ಅಪೊಸ್ತಲೊ 16:14

ಹಮಾರಿಯೊ ವಾತೊ ಐಕಲವಾಲಾವೊಮಾ ಲುದ್ಯ ಕವಾಲಿ ಬಾಕ್ಡಿ ವ್ಹತ್ತಿ. ತೆ ಜಾ಼ಂಬ್ಳಾನೊ ಕಲರ್ನು ವಣ್ಣಾ ಇಕ್ಕಾಲಿ ಥುವತೈರ ಕವಾನಿ ಗಾಮವಾಲಿ ಕ್ಹುದಾನಿ ಪೌಲಾ ಕವಾನಿಯೊ ವಾತೊನೆ ಧ್ಯಾನ ದಿವಾಹುತಿ ಕರ್ತಾ ತಿನೆ ಮನಸ ಖುಲ್ಲಾ ಕರ‍್ಯೊ.

ಅಪೊಸ್ತಲೊ 17:17

ತಿನಾಹುತಿ ತೆ ಸಬಾಮಂದಿರಮಾ ಯಹುದ್ಯೊ ವರಿ ಭಕ್ತನಾ ಕ್ಹಾತೆ ವರಿ ತ್ಯಾ ಮಳೆಲ ಮನಕ್ಹೊನಾ ಕ್ಹಾತೆ ವರಿ ದಿನ್ಯೆಬಿ ಬಾಜಾರಮಾ ವರಿ ತ್ಯಾ ದಿಕ್ಹೆಲ ಮನಕ್ಹೊನೆ ವಾದಾ ಕರಾಡೊತೊ.

ಅಪೊಸ್ತಲೊ 17:34

ಬಿಜಾ಼ ದಕ್ಹಾಜ಼಼ನಾ ತಿನೆ ಮಳೆಲಿನ ನಂಬಾ ನಂಬೆಲವಾಲಾ ದಕ್ಹಾಜ಼಼ನಾ ಅರಿಯೊಪಾಯನಿ ಸಬೆಮಾ, ದಿಯೊನುಸ, ದಾಮರಿಯೆ ಕವಾಲಿ ವರಿ ದಕ್ಹಾಜ಼಼ನಾ ತ್ಯಾ ವ್ಹತ್ತಾ.

ಅಪೊಸ್ತಲೊ 17:4

ತಿಮಾ ದಕ್ಹಾಜ಼಼ನಾ ಕ್ಹುದಾನಾ ಭಕ್ತೊ ಥೈಯೆಲ ಗ್ರಿಕನು ಮ್ಹೊಟು ಗುಂಪ ವರಿ ಪ್ರಮುಖ ಬಾಕಡಿಯೊಮಾ ದಕ್ಹಜ಼ನಾ ವಾದಸಿನ ಪೌಲ ವರಿ ಸಿಲಾನೆ ಮಳೆಲಿದ್ಯಾ.

ಅಪೊಸ್ತಲೊ 18:7

ತೆ ಜ಼ಗಾ ಛೊಡಿನ ಕ್ಹುದಾಕ್ಹು ಭುಚ್ಕಾ಼ಲೊ ತಿತ ಯುಸ್ತ ಕವಾಲಾನಾ ಘರೆ ಗಯೊ. ತಿನು ಘರ ಸಭಾಮಂದಿರನಾ ಬಾಜು಼ಮಾ ವ್ಹತ್ತು.

ಅಪೊಸ್ತಲೊ 2:10

ಫ್ರಿಜಿನಾ ಮನಕ್ಹೊ,ಪಾಂಫಿಲಿನಾ ಮನಕ್ಹೊ,ಇಜಿಪ್ತನಾ ವರಿ ಸಿರೆನಾ ಕ್ಹಾಮಾ ಲಿವಿನಾ ಕ್ಹಾಂದಾನಾ ರೊಮ್ನಾ ಮನಕ್ಹೊ ವ್ಹತ್ತಾ.

ಅಪೊಸ್ತಲೊ 28:23

ತ್ಯುನೆ ತಿನೆ ಯಕ್ಕದಿನ್ನ ಪೌಲಾ ಗ್ವತ್ತ ಕರಾಯಲಕ್ಹು, ಘನ್ನಾ ಜ಼ನಾ ತಿನಾ ಝುಪ್ಡಾಮಾ ತಿಕನ ಆಯಾ. ತೆ ಪಾಟತೊ ಧರಿನ ಕ್ಹಾಂಜ ಮಟಾ ಕ್ಹುದಾನಾ ರಾಜ್ಯನಾ ಹುತಿ ಕ್ಹರಿಮ್ಮಾಜ಼ ಸಾಕ್ಷಿ ಕೈನ ಮೊಶೆನಾ ಧರಮಶಾಸ್ತ್ರನೆ ಪ್ರವಾದಿಯೊನಾ ಗ್ರಂಥತೊನೆ ಆದಾರ ಕರಲಿನ ಯೆಸುನಾ ವಿಷಯಮಾ ತ್ಯುನೊನೆ ಕತೊ ವ್ಹತ್ತೊ.

ಅಪೊಸ್ತಲೊ 6:5

ತೆಳಾಮಾ ಕ್ಹಾರಾ ವಿಶ್ವಾಸಿಯೊ ಎ ವಿಚಾರನೆ ವಪ್ಪಿಲಿದ್ಯಾ. ತಿನಾಹುತಿ ತ್ಯುನೆ ಪವಿತ್ರತ್ಮಾಕ್ಹು ಭರಲ ವರಿ ಬರೊಕ್ಹಾನಾ ಲಾಯಕ ರ‍್ಹಯಲ ಸ್ತೆಫನ, ಫಿಲಿಪ್ಪ, ಪ್ರೊಖೊರ, ನಿಕೊನೊರ ತಿಮೊನ ಪರ್ಮೆನ ವರಿ ನಿಕೊಲಾಯ ಮತಾಂತರ ಥೈನ ಯಹುದಿ ಥೈನ ಎ ಅಂತಿಯೊಕ್ಯಯವಾಲೊ ಥಯೊತೊ ಇವ್ನೊನೆ ಇನಿಲಿದ್ಯಾ.

ರೊಮಾಪೂರ 11:6

ಕ್ಹುದಾನಿ ಕೃಪಾಕ್ಹು ಇನಿಲಿದಲವಾಲೊ ಕದಲ್ಪರ ಪುಣ್ಯನಾ ಕಾಮೊನಾ ಹುತಿ ಇನಿಲಿದಲ ನ್ಹವೈ ತೆಕ್ಲುಜ಼; ತಿಮ್ಮ ನೈಸೊ ಪಕ್ಷನೆ ಕೃಪಾನೆ ಹಜು಼ನಬಿ ಕೃಪಾ ನೈ ಕವಾನೆ ಥಾತು.

ರೊಮಾಪೂರ 3:24

ತೆನೈಸೊ ಯೆಸು ಕ್ರಿಸ್ತನ ಬಿಡುಗಡೆನಾ ಮುಕಾಂತರ ಕ್ಹುದಾನಿ ಫ್ರಿ ಗಿಫ್ಟನಿ ವರಾ ಮರಗಾಕ್ಹು ತಿನಾ ಕ್ಹಾಮಾ ನಿತಿವಂತವಾಲಾ ವ್ಹೈ ಕೈನ ಫೈಸಲೊ ಥಯೊಸ.

ರೊಮಾಪೂರ 5:2

ಹಮ್ನಾ ಅಪೆ ಕ್ಹುಶಿ ಕರತಾ ರ‍್ಹಯಲ ಕ್ಹುದಾನಿ ಮರಗಾ ಕ್ಹು ಕ್ರಿಸ್ತಜ಼ ಅಪೊನೆ ಅಪ್ನೊ ಬರೊಕ್ಹಾನಾ ಮುಲಕ ಲಾಯೊಸ. ಕ್ಹುದಾನಿ ಮಹಿಮಾ ಹೊಂದಿಲಿಯೆಸ ಕವಾನು ಆಸ ಅಪೊನೆ ರ‍್ಹಯಲ ಹುತಿ ಅಪೆ ಬರೊಕ್ಹಾನಿ ಘಮಂಡಿ ಕ್ಹು ಛೆ.

ರೊಮಾಪೂರ 5:21

ಯಕ್ಕ ಕಾಲ್ಮಾ ಪಾಪ ಮರಣನಾ ಮುಲಕ ಅಪ್ನೊ ಪರ ರಾಜ಼ ಕರ‍್ಯು. ತೆನೈಸೊ ಕ್ಹುದಾ ಮನಕ್ಹೊನೆ ನಿತಿವಂತವಾಲಾ ಕರು ಕೈನ ತಿನಿ ಘನ್ನಿ ಮರಗಾ ದೆಕಾಡ್ಯೊ. ಎ ಮರಗಾ ಅಪ್ನೊ ಪ್ರಭು ಥಯಲ ಯೆಸು ಕ್ರಿಸ್ತನಾ ಮುಲಕ ಅಪೊನೆ ಹಮೆಶಾನೊ ಜ಼ಲಮ ಲಾವಸ.

2 ಕೊರಿಂಥ 5:11

ಪ್ರಭುನು ಭೆ ಸುವೈ ಕವಾನು ಅಪೊನೆ ಗ್ವತ್ತ ಛೆ. ತಿನಾಹುತಿ ಕ್ಹರಿನೆ ವಪ್ಪಿಲಿವಾನಾಹುತಿ ಮನಕ್ಹೊನೆ ಮದತ ಕರಾನೆ ಅಪೆ ಕೊಶಿಶ ಕರಿಯೆಸ.ಅಪೆ ಕೆವಾ ಛೆ ಕವಾನು ಕ್ಹುದಾನೆ ಗ್ವತ್ತ ಛೆ. ತುಮೆಬಿ ತುಮಾರಾ ಮನಸೊ ಕಿಮ ಛೆ ಕವಾನು ವಳಕ್ಯಾಸ ಕೈನ ಬರೊಕ್ಹೊ ಛೆ.

2 ಕೊರಿಂಥ 6:1

ಹಮೆ ಕ್ಹುದಾನಾ ಕ್ಹಾತೆ ಕಾಮ ಕರಾಲಾ ವ್ಹೈ. ಇನಾಹುತಿ ಹಮೆ ತುಮೊಕನ ಸು ಮಾಂಗಿಲಿಯೆಸ ಕದ್ಯಾಮ. ತುಮೆ ಕ್ಹುದಾಕಂತು ಹೊಂದಿಲಿದಲ ಕೃಪಾ ಉಪಯೊಗ ಥಾವಾ ವರಕ್ಹು ದೆಕಿಲಿವೊ.

ಗಲಾತ್ಯ 5:1

ಹಮ್ನಾ ಅಪೊನೆ ಸ್ವತಂತ್ರ ಛೆ. ಕ್ರಿಸ್ತ ಅಪೊನೆ ಸ್ವತಂತ್ರ ಕರ‍್ಯೊ. ತಿನಾಹುತಿ ಘಟ್ಟ ಥೈನ ರ‍್ಹವೊ. ಮನಸ ಬದಲಿ ಕರಲಿನ ವರಿಬಿ ಗುಲಾಮ ಗಿರಿಮಾ ರ‍್ಹವೊ ನಕೊ.

ಗಲಾತ್ಯ 5:4

ತುಮೊಮಾ ರ‍್ಹಯಲ ಕ್ಹಾರಾ ಮನಕ್ಹೊ ಧರಮ ಶಾಸ್ತ್ರಮಾ ಕ್ಹಾರು ಪಾಲನ ಕರಾಕ್ಹು ಧರಮ ಕರಾಲಾ ಲಿಂಗತ ಕೊಶಿಶ ಕರತಾ ರ‍್ಹಯಾಮ, ತ್ಯುನೆ ಕ್ಹಾರಾ ಕ್ರಿಸ್ತಕ್ಹು ದುರ ಥೈಗಯಾಸ ವರಿ ಕ್ಹುದಾನಾ ಆಶಿರ್ವಾದಕ್ಹು ಭಾರಾ ಛೆ.

ಎಫೆಸ 2:8

ತಿನಾಹುತಿ ತುಮೆ ಬರೊಕ್ಹಾನಾ ಮುಲಕ ಕ್ಹುದಾನಿ ಕೃಪಾಕ್ಹು ರಕ್ಷಣೆ ವ್ಹಂದಿಲಿದಲವಾಲಾ ಥಯಾಸ. ತೆ ರಕ್ಷಣೆ ತುಮೊಕ್ಹು ಥಯಲ ನ್ಹವ್ಹೈ, ತೆ ಕ್ಹುದಾನು ವರ ವ್ಹೈ.

ಫಿಲಿಪ್ಪಿ 3:16

ತೆತೊ, ಅಪೆ ಕಯೊ ತರಿಕಾನಿಂತ ಚಾ಼ಲಿನ ನ್ಹ್ಯಾಲಕ್ಕಾಬಿ ಆಯಾ ತಿನಾನಿಂತಜ ಚಾ಼ಲಿನ ಗಯೆ.

ಫಿಲಿಪ್ಪಿ 4:1

ಮಾರಾ ಭಾಯೊ ಭೆನೊ ಮಿ ತುಮೊನೆ ಮಯಾ ಕರುಸ ವರಿ ತುಮೊನೆ ದೆಕಾನೆ ಆಸ ಕರುಸ ಮನೆ ತುಮೆ ಕ್ಹುಶಿ ಕರೊ ಮಿ ತಮಾರಾ ಹುತಿ ಹೆಮೆ ಪಡಾನಿನಿಂತ ಕರ‍್ಯಾಸ. ಮಿ ಕದಲನಿಂತ ತುಮೆ ಪ್ರಭುನಿ ವಾಟಪರ ಚಾ಼ಲೊ.

ಕೊಲೆಸ್ಸೆ 1:23

ಹಬಾಳನಾ ಹೆಟು ರ‍್ಹಯಲ ಕ್ಹಾರಿ ಸೃಷ್ಟಿನೆ ಕದಲ ಸುವಾರ್ತೆಕ್ಹು ಹುಟ್ಟಲ ಆಸಕ್ಹು ಹಲ್ಲು ನೈ ಕೈನ ಬರೊಕ್ಹಾಮಾ ಘಟ್ಟ್ಟ ಹುಬ್ರಯಲ ರ‍್ಹಯಾಮ

ಕೊಲೆಸ್ಸೆ 1:28

ಅಪೆ ತಿನೆ ಕತಛೆ, ಕ್ಹಾರಾವೊನೆಬಿ ಗ್ಯಾನ ಕತಾ ವರಿ ಕ್ಹಾರಾವೊನೆ ರ‍್ಹಯಲ ಕ್ಹಾರುಜ಼ ಗ್ಯಾನ ಕತಾ

ತಿತನೆ 2:11

ಕಾಕದ್ಯಾಮ ಕ್ಹುದಾನಿ ಮರ್ಗಾ ಕ್ಹಾರಾ ಮನಕ್ಹೊನೆ ರಕ್ಷಣೆನಾ ಹುತಿ ದೆಕಾಡಿನ ದಿವಸ.

ಇಬ್ರಿಯ 12:15

ತುಮೊಮಾ ಕುನ್ನಜ಼ ಕ್ಹುದಾನಿ ಮರ್ಗಾ ಜ಼ವೈಲ್ಯು ನೈಸೊ ಹುಶಾರಕಿಮಾ ರ‍್ಹವೊ. ತಿನಾಕ್ಹು ತುಮಾರು ಗುಂಪಜ಼ ಹಾಳ ಥಾವಸ.

ಇಬ್ರಿಯ 13:9

ಬಿಜಾ಼ ಬಿಜಾ಼ ಉಪದೆಶೊನಾ ಬಲಿಮಾ ಖಾಪಡೊ ನಕೊ. ಕಾಕದ್ಯಾಮ ಕ್ಹುದಾನು ಕೃಪಾಕ್ಹು ಮನಸ್ಸ ಘಟ್ಟ ಕರಿಲಿವಾನು ಚೊ಼ಕುಜ಼ ವ್ಹೈ. ಕ್ಹಾವಾನಾ ಚಿಜೊ಼ನಾ ಹುತಿ ರ‍್ಹಯಲ ನಿಯಮೊ ಕರಾಲಾವೊನೆ ಸುಜ಼ ಫೈದೊ ನತ್ತಿ.

1 ಪೆತ್ರಾ 5:12

ಮಿ ಆ ನ್ಹಾನು ಪತ್ರ ಸಿಲ್ವಾನನಾ ಆಸ್ರಾಕ್ಹು ಬರ್ದ್ಯೊ. ತೆ ಕ್ರಿಸ್ತಮಾ ರ‍್ಹೈನ ಬರೊಕ್ಹಾವಾಲೊ ಭೈ ವ್ಹೈ ಕವಾನು ತುನೆ ಗ್ವತ್ತ ಛೆ. ಮಿ ತುನೆ ಪೊಕ್ಹಾಲಾವಾನೆ ವರಿ ಅಗೊ ಬಡಾನೆ ಎ ಪತ್ರ ಬರ್ದ್ಯೊಸ. ಎಜ಼ ಕ್ಹುದಾನಿ ಕ್ಹರಿನಿ ಮರಗಾ ಕವಾನು ತುಮೊನೆ ಕೌ ಕೈನಜ಼ ಮಾರಿ ಆಸ ವ್ಹತಿ. ತೆ ಮರಗಾಮಾ ಘಟ್ಟ ಥೈ ರ‍್ಹವೊ.

2 ಪೆತ್ರಾ 3:14

ಮಯಾನಾ ದೊಸ್ತೊ, ಇನಾಹುತಿ ಅಪೆ ಕ್ಹಾಮಾ ದೆಕಾಡ್ಯಾಸ. ತಿನಾಹುತಿ ತುಮೆ ಪಾಪ ನೈಸೊವಾಲಾ ಥೈನ ತುಮೊನೆ ಥಯಲ ತೆಕ್ಲು ಕೊಶಿಶ ಕರೊ. ಕ್ಹುದಾನಾ ಕ್ಹಾತೆ ಸಮಾಧಾನಕ್ಹು ರ‍್ಹವಾನು ಕರೊ.

1 ಯೊಹಾನ 2:28

ಹೊ, ಮಾರಾ ಮಯಾನಾ ದಿಕ್ರಾವೊ, ತಿನಾಮಾಜ಼ ರ‍್ಹಯ್ಯೆ. ಅಪೆ ಇಮ್ಮ ಕರ‍್ಯಾಮ. ಕ್ರಿಸ್ತ ಫ್ಹರಿನ ಆವಾನಾ ದಿನಮಾ ಅಪೆ ಭುಚ್ಕಾನಿ ಜ಼ರುರತ ನತ್ತಿ. ದಡಿ ರ‍್ಹವಾನಿ ಜ಼ರುರತ ನತ್ತಿ; ಸರಮಾವಾನಿ ಜ಼ರುರತ ರ‍್ಹತಿ ನೈ.

2 ಯೊಹಾನ 1:9

ಕ್ರಿಸ್ತನ ಉಪದೆಶಮಾ ನೈ ಘಟ ರ‍್ಹಯೆಲವಾಲಾವೊನೆ ತಿನೆ ದಾಟಿ ಜಾ಼ವಾಲಾವೊನೆ ತ್ಯುನಾ ಕ್ಹಾತೆ ಕ್ಹುದಾ ರ‍್ಹತೊ ನೈ. ತೆ ಉಪದೆಶಮಾ ಘಟ ರಹವಾಲಾವೊನಾ ಕ್ಹಾತೆ ಬಾ ಬಿ ರ‍್ಹವಸ ವರಿ ದಿಕ್ರೊ ಬಿ ರ‍್ಹವಸ.