ಅಪೊಸ್ತಲೊ 13:30 - ಕ್ಹುದಾನಿ ಕ್ಹರಿನಿ ವಾಕ್ಯಾ

³⁰ ತೆನೈಸೊ ಕ್ಹುದಾ ತಿನೆ ಮರಲವಾಲಾವೊಮಾತೊ ಜಿವ್ತೊ ಕರಿನ ಉಟಾಡ್ಯೊ!

ಅಪೊಸ್ತಲೊ 13:30 ပူးပေါင်းရင်းမြစ်များ

ಮತ್ತಾಯ 28:6

ತೆನೈಸೊ ಯೆಸು ನ್ಹ್ಯಾ ನತ್ತಿ. ತೆ ಕದಲ ತಿಮ್ಮ ಪುನರುತ್ಥಾನ ವ್ಹಂದ್ಯೊಸ. ಆವೊ, ತಿನು ಅಂಗ ರ‍್ಹಯಲ ಜ಼ಗಾ ದೆಕೊ.

ಯೊಹಾನ 10:17

ಬಾ ಮನೆ ಮಯಾ ಕರಸ. ಕಾಕದ್ಯಾಮ ಮಿ ಮಾರೊ ಜ಼ಲಮ ವರಿ ವ್ಹಂದಿಲಿವಾನಾ ಹುತಿ ದಿವ್ಸ.

ಯೊಹಾನ 2:19

ಯೆಸು"ಎ ದೆವಾಲಯ ಪಾಡಿಪಾಡೊ, ಅಗಲ್ಯಾ ತನ್ನ ದಿನ್ಮಾ ವರಿ ಫರಿನ ತೆ ಭಾಂದುಸ" ಕೈನ ಕದ್ಯೊ.

ಅಪೊಸ್ತಲೊ 10:40

ತೆನೈಸೊ, ಕ್ಹುದಾ ತಿನೆ ತನ್ವಾ ದಿನ್ನೆ ಮೌತಮಾತೊ ಜಿವ್ತೊ ಕರಿನ ಉಟಾಡ್ಯೊ! ಯೆಸುನೆ ದೆಕಾನೊ ಮೌಕೊ ಕ್ಹುದಾ ದಿದ್ಯೊ.

ಅಪೊಸ್ತಲೊ 13:33

ಹಮೆ ತ್ಯುನಾ ತ್ಯುನಾ ಸಂತತಿವಾಲಾ ಥಯಾಸ. ಕ್ಹುದಾ ಯೆಸುನೆ ಮರಲವಾಲಾವೊಮಾತೊ ಜಿವ್ತೊ ಕರಿನ ಉಟಾಡಾನಾ ಮುಲಕ ತೆ ವಾಗ್ದಾನ ಅಪ್ನಾ ಹುತಿ ಪುರಾ ಕರ‍್ಯೊಸ. ಇನಾ ಹುತಿ ಬೆಂವಾ ಕಿರ್ತನೆಮಾ ಅಮ್ಮ ಬರ್ದಲ ಛೆ, ತುಜ಼಼ ಮಾರೊ ದಿಕ್ರೊ ವ್ಹೈ. ಆಜ಼ಜ಼ ಮಿ ತುನೆ ಪಡ್ದಿಲಿದ್ಯೊ. ಕಿರ್ತನೆ 2:7

ಅಪೊಸ್ತಲೊ 13:34

ಕ್ಹುದಾ ಯೆಸುನೆ ಮರಲವಾಲಾವೊಮಾತೊ ಜಿವ್ತೊ ಕರಿನ ಉಟಾಡಲ ಹುತಿ ತೆ ವರಿ ಕೆಳಾಮಾಜ಼ ಸಮಾದಿಮಾ ಗೈನ ಖಡ್ತು ನೈ ಕವಾನಿ ವಿಷಯಮಾ ಕ್ಹುದಾ ಅಮ್ಮ ಕದ್ಯೊಸ. ‘ಮಿ ದಾವಿದನೆ ಕರಲ ಕ್ಹರಿ ಪವಿತ್ರ ರ‍್ಹಯಲ ವಾಗ್ದಾನೊ ತುನೆ ದಿವ್ಸ. ಯೆಶಾಯ 55:3

ಅಪೊಸ್ತಲೊ 13:37

ತೆನೈಸೊ ಕ್ಹುದಾಕ್ಹು ಜಿವ್ತೊ ಥೈನ ಉಟಾಡಲ ಯೆಸುನು ಅಂಗ ಸಮಾದಿಮಾ ಕ್ಹಡ್ಯು ನೈ.

ಅಪೊಸ್ತಲೊ 17:31

ಕಾಕದ್ಯಾಮ ತೆ‍ಸೃಷ್ಟಿ ಕರಲ ದಾಣಗಾನೊ ಹತಕ್ಹೊ ನಿತಿಕ್ಹು ಭುಲೊಕಮಾ ಫೈಸಲೊ ಕರನಾ ಹುತಿ ಎಕ ದಿನ್ನ ಗೊತ ಕರ್ಯೊ. ತಿನೆ ಮರೆಲ ಮಾತೊ ಜುತೊ ಕರಲ ವ್ಹೈ ಕೈನ ನಂಬಾ ಹುತಿ ಕ್ಹಾರಾವೊನೆ ಆ ಕಾನಿ ದಿದೊಸ ಕೈನ ಕದ್ಯೊ.

ಅಪೊಸ್ತಲೊ 2:24

ಯೆಸು ಮೌತನೊ ತ್ರಾಸ ಖಾದ್ಯೊ. ತೆನೈಸೊ ಕ್ಹುದಾ ತಿನೆ ಛೊಡಾಯೊ. ಕ್ಹುದಾ ಯೆಸುನೆ ಮರಲವಾಲಾವೊಮಾತೊ ಜಿವ್ತೊ ಕರಿನ ಉಟಾಡ್ಯೊ. ಮೌತನೆಬಿ ಯೆಸುನೆ ಧರಲಿವಾನೆ ಥಯು ನೈ.

ಅಪೊಸ್ತಲೊ 2:32

ತಿನಾಹುತಿ ಕ್ಹುದಾ ಮರಲವಾಲಾವೊಮಾತೊ ಜಿವ್ತೊ ಕರಿನ ಉಟಾಡಲ ಯೆಸುನೆಜ಼ ಅಪೆ ಕ್ಹಾರಾ ಜ಼ನಾ ಸಾಕ್ಷಿಯೊ ಥಯಾಸ.

ಅಪೊಸ್ತಲೊ 3:13

ಆ ಕಾರ್ಯ ಕರಲ ಹಮೆ ನ್ಹವೈ ಕ್ಹುದಾ ವ್ಹೈ. ಅಬ್ರಹಾಮನೊ ಕ್ಹುದಾ, ಇಸಾಕನೊ ಕ್ಹುದಾ, ವರಿ ಯಾಕೊಬ್ನೊ ಕ್ಹುದಾ. ತೆಜ಼ ಅಪ್ನಾ ಕ್ಹಾರಾ ಪಿತೃವೊನೊ ಕ್ಹುದಾ ವ್ಹೈ. ತೆ ತಿನೊ ಖಾಸ ಸೆವಕ ಥಯಲ ಯೆಸುನೆ ಮಹಿಮಾ ಕರೆಯೆಸ. ತೆನೈಸೊ ತುಮೆ ಯೆಸುನೆ ಖಲಾಸ ಕರಾನೆ ವಪ್ಸಿನ ದಿದ್ಯಾ. ಯೆಸುನೆ ಛೊಡಾನೆ ಪಿಲಾತನ ಫೈಸ್ಲೊ ಕರ‍್ಯೊತೊ. ತೆನೈಸೊ ಪಿಲಾತನನೆ, ಹಮೊನೆ ಯೆಸು ನಕೊ ಕೈನ ಇನ್ಕಾರ‍ ಕರ‍್ಯಾ.

ಅಪೊಸ್ತಲೊ 3:15

ಇಮ್ಮ ತುಮೆ ಜ಼ಲಮ ದಿವಾಲಾನೆ ಖಲಾಸ ಕರಾಯಾಸ! ತೆನೈಸೊ ಕ್ಹುದಾ ತಿನೆ ಮರಲವಾಲಾವೊಮಾತೊ ಉಟಾಡ್ಯೊ. ಇನೆ ಹಮೆಜ಼ ಸಾಕ್ಷಿಯೊ ವ್ಹೈ.

ಅಪೊಸ್ತಲೊ 3:26

ಕ್ಹುದಾ ತಿನಾ ಖಾಸ ಸೆವಕನೆ ಮೌತಮಾತೊ ಉಟಾಡಿನ ಪೈಲಾ ತುಮೊಕನ ವಳಾಯೊ. ತುಮೊನೆ ಆಶಿರ್ವಾದ ದಿವಾನಾ ಹುತಿ ಕ್ಹುದಾ ಯೆಸುನೆ ವಳಾಯೊ. ತೆ ತುಮೊನೆ ತುಮಾರಾ ಕೆಟ್ಟಕಾಮೊಕ್ಹು ದುರ ಕರಿನ ಆಶಿರ್ವಾದ ಕರಸ"

ಅಪೊಸ್ತಲೊ 4:10

ನಜರೆತನಾ ಯೆಸು ಕ್ರಿಸ್ತನಾ ನಾಮಕ್ಹು ಎ ಮನಕ್ಹನೆ ಅರಾಮ ಥಯುಸ ಕವಾನು ತುಮೆ ವರಿ ಇಸ್ರಾಯೆನಾ ಕ್ಹಾರಾ ಮನಕ್ಹೊ ತಿಳ್ದಿಲಿವ ಕೈನ ಮಿ ಆಸ ಕರುಸ! ತುಮೆ ಯೆಸುನೆ ಶಿಲುಬಿ ಪರ ಘಾಲ್ಯಾ. ಕ್ಹುದಾ ತಿನೆ ಮರಲವಾಲಾವೊಮಾತೊ ಜಿವ್ತೊ ಕರಿನ ಉಟಾಡ್ಯೊ. ಎ ಮನಕ್ಹ ಲಂಗ್ಡೊ ವ್ಹತ್ತೊ, ತೆನೈಸೊ ಹಮ್ನಾ ಎ ಅರಾಮ ಥಯೊಸ ವರಿ ಯೆಸುನಾ ನಾಮಕ್ಹು ತುಮಾರಾ ಕ್ಹಾಮೊಜ಼ ಹುಬ್ರಯೊಸ!

ಇಬ್ರಿಯ 13:20

ಹಮೆಶಾ ರ‍್ಹಯಲ ವಡಂಬಡಿಕೆನೆ, ರಗತಕ್ಹು ಪುರಾ ಕರಾನಾ ಹುತಿ, ಸಭೆ ಕವಾನು ಹಿಂಡನೆ ಮ್ಹೊಟೊ ಪಾಲಕ ಥಯಲ ಅಪ್ನೊ ಕರ್ತಾ ಥಯಲ ಯೆಸುನೆ ಮರಲವಾಲಾಮಾತೊ ಆವಾಲಗಾಡ್ಯಲ, ಶಾಂತಿದಾಯಕ ಥಯಲ ಕ್ಹುದಾ,