ಅಪೊಸ್ತಲೊ 13:2 - ಕ್ಹುದಾನಿ ಕ್ಹರಿನಿ ವಾಕ್ಯಾ

² ಇವ್ನೆ ಕ್ಹಾರಾ ಪ್ರಭುನಿ ಸೆವೆ ಕರಾಡಾತಾ ವರಿ ಉಪಾಸ ಕರಾಡಾತಾ. ಪವಿತ್ರ ಆತ್ಮಾ ತ್ಯುನೊನೆ"ಮಿ ಖಾಸ ರ‍್ಹಯಲ ಕಾಮೊನಾ ಹುತಿ ಬಾರ್ನಬ ವರಿ ಸೌಲಾನೆ ಇನಿಲಿದ್ಯೊ. ತೆ ಕಾಮೊನಾ ಹುತಿ ತ್ಯುನೊನೆ ಪ್ರೊತ್ಸಾಹ ಕರೊ "ಕೈನ ಕದ್ಯೊ.

ಅಪೊಸ್ತಲೊ 13:2 ပူးပေါင်းရင်းမြစ်များ

ಮತ್ತಾಯ 17:21

ಮಿ ತುಮೊನೆ ಕ್ಹರಿಜ಼ ಕೌಸ. ತುಮಾರೊ ಬರೊಕ್ಹೊ ಸಾಸವಿ ಕಾಳ ಯಕ್ಲಿ ರ‍್ಹೈ ತಬಿ, ಆ ಡೊಂಗರನೆ ನ್ಯಾಂತೊ ತ್ಯಾ ಜಾ಼ ಕೈನ ತುಮೆ ಕದ್ಯಾತಬಿ ತೆ ಜಾ಼ವಸ. ತುಮಾರಾ ಹತೆ ನೈ ಥಾವಾನು ಕಾಮೊಜ಼ ರ‍್ಹತು ನೈ ಕೈನ ಕದ್ಯೊ.

ಮತ್ತಾಯ 6:16

ತುಮೆ ಉಪಾಸ ಕರತಾಮಾ ತುಮಾರಾ ಮ್ಹೊಡು ಉತಾರಿಲಿವೊ ನಕೊ. ಕಪಟಿಯೊ ತಿಮ್ಮಜ ಕರಸ. ತೆನೈಸೊ ತುಮೆ ಕಪಟಿಯೊ ಲಿಂಗತ ರ‍್ಹವೊ ನಕೊ. ತ್ಯುನೆ ಉಪಾಸ ಕರಾಡಾಸ ಕವಾನು ಮನಕ್ಹೊನೆ ದೆಕಾಡಾನಾ ಹುತಿ ತ್ಯುನಾ ಮ್ಹೊಡಾ ಉತಾರಿ ಲಿವಸ. ತೆ ಕಪಟಿಯೊ ತ್ಯುನೊನೆ ಆವಾನು ಪ್ರತಿಫಲ ಪುರಾ ಹೊಂದಿಲಿದ್ಯಾಸ ಕೈನ ಮಿ ತುಮೊನೆ ಕ್ಹರಿ ಕವುಸ.

ಮತ್ತಾಯ 9:38

ಬೆಳಿನೊ ಮಾಲಕ ಕ್ಹುದಾಜ ವ್ಹೈ. ತಿನಾ ಹುತಿ ಘನ್ನಾ ಕಾಮವಾಲಾವೊನೆ ಸುಗ್ಗಿ ಕಾಲನಾ ಹುತಿ ವಳೌಕೈನ ತಿನೆ ಪ್ರಾಥನಾ ಕರೊ” ಕೈನ ಕದ್ಯೊ.

ಲುಕ ಬರ್ದಲ ಸುವಾರ್ತಾ 10:1

ತೆ ಥಯಲ್ಪರ ಯೆಸು ಸತ್ತರಪರ ಬೆ ಜ಼ನಾವೊನೆ ಇನಿಲಿನ ತೆ ಜೌ಼ ಕೈನ ವಿಚಾರ ಕರಲಿದಲ ಗಾಮೊಯೆ ತ್ಯುನೊನೆ ಬೆ-ಬೆ ಜ಼ನಾವೊನೆ ಪೈಲಾಜ಼ ಮೊಕ್ಲಿಪಾಡ್ಯೊ.

ಲುಕ ಬರ್ದಲ ಸುವಾರ್ತಾ 2:37

ತೆ ಹೆಣ ಐಂಶಿಪರ ಚಾರ ವರಕ್ಹನಿ ವ್ಹತ್ತಿ. ತೆ ರಾಂಡಿ ವ್ಹತ್ತಿ. ವರಿ ದೆವಾಲಯ ಛೊಡಿನ ಗಯಾವಾಚಿ ಉಪಾಸ ಕರತಿತಿ. ವರಿ ದಿನ್ನ ರಾತ ಪ್ರಾಥನಾ ಕರತಿ ಕ್ಹುದಾನೆ ಸ್ತುತಿ ಕರತಿತಿ.

ಅಪೊಸ್ತಲೊ 10:19

ಎ ದರ್ಶನನಾ ಹುತಿ ಪೆತ್ರಾ ಹಜು಼ನ ಸೊಚಾ಼ಡೊತೊ. ತೆನೈಸೊ ಪವಿತ್ರ ಆತ್ಮಾ ತಿನೆ"ಸಿಮೊನ, ತುನೆ ತನ್ನ ಜ಼ನಾ ಹುಡಕ್ತಾ ಆಯಾಸ.

ಅಪೊಸ್ತಲೊ 10:30

ತೆಳಾಮಾ ಕೊರ್ನೆಲಿಯ, ತನ್ನ ದಿನ್ನನಾ ಪಾಚೊ಼, ಮಿ ಮಾರಾ ಘರಮಾ ಪ್ರಾಥನಾ ಕರಾಡೊತೊ. ತೆಳಾಮಾ ದುಪ್ಪಾರನಾ ತನ್ನ ವಾಜ್ಯಾತಾ. ತಿನಾಕ್ಹು ತೆ ಯಕ್ಕ ಮನಕ್ಹ ಮಾರಾ ಕ್ಹಾಮೊ ಹುಬ್ರಯೊ. ತೆ ಘಾಲ್ಲಿದಲ ವಣ್ಣಾ ಘನ್ನಾ ಚಮ್ಕಾಡಾತಾ.

ಅಪೊಸ್ತಲೊ 13:3

ತಿನಾಹುತಿ ಸಭೆವಾಲಾ ಉಪಾಸ ರ‍್ಹೈನ ಪ್ರಾಥನಾ ಕರ‍್ಯಾ. ತ್ಯುನೆ ಬಾರ್ನಬ ವರಿ ಸೌಲಾನಾ ಉಪ್ಪರ ಹಸ್ತಾರ್ಪಣೆ ಕರಿನ ತ್ಯುನೊನೆ ವಳೈನ ದಿದ್ಯಾ.

ಅಪೊಸ್ತಲೊ 13:4

ಬಾರ್ನಬ ವರಿ ಸೌಲಾನೆ ಪವಿತ್ರ ಆತ್ಮಾಜ಼಼ ವಳೈನ ದಿದ್ಯೊ. ತ್ಯುನೆ ಸೆಲುಸಿಯಾ ಗಾಮೆ ಗಯಾ. ಪಾಚಾ಼ತಾ ತ್ಯುನೆ ಸೆಲುಸಿಯಾತಾ ಸೈಪ್ರಸ ದ್ವಿಪೆ ಹಡಗಾಮಾ ಪ್ರಯಾಣ ಕರ‍್ಯಾ.

ಅಪೊಸ್ತಲೊ 14:26

ತ್ಯಾಂತಾ ತ್ಯುನೆ ಸಿರಿಯಾಮಾ ಅಂತಿಯೊಕ್ಯನೆ ನೌಕಾಯಾನ ಕರ‍್ಯಾ. ಹಜು಼ನ ಲಕ್ಕಾ ಕರಿನ ಕ್ಹರಾಯಲ ಸೆವಾನಾ ಕಾಮನಾ ಹುತಿ ಕ್ಹುದಾನಾ ಹತ್ಮಾ ವಪ್ಸಿನ ದಿದಲವಾಲಾ ಎ ಗಾಮನಾ ವಿಶ್ವಾಸಿಯೊಜ಼ ವ್ಹೈ.

ಅಪೊಸ್ತಲೊ 20:28

ಕರ್ತಾ ತಿನಾ ಸ್ವಂತನು ರಗತಕ್ಹು ಕಮಾಯಲ ಕ್ಹುದಾನಿ ಸಬೆವಾಲಾ ಪಾಲನ ಕರಾನಾಹುತಿ ಪವಿತ್ರ ಆತ್ಮಾ ತುಮೊನೆ ಎ ಗುಂಪಮಾ ಸಭಾದಕ್ಷ ಕರಿನ ಮ್ಹೆಲಲ ಹುತಿ ತುಮಾರಾ ಹುತಿ, ಕ್ಹಾರಿ ಗುಂಪನಾ ಹುತಿ ಹುಷಾರಮಾ ರ‍್ಹವೊ.

ಅಪೊಸ್ತಲೊ 22:21

ತೆಳಾಮಾ ಪ್ರಭು ಮನೆ ಕದ್ಯೊ; ತು ಜಾ಼,ಮಿ ದುರ ಯೆಹುದಿಯೊ ನೈಸೊ ಮನಕ್ಹೊ ಕನ ವಳಾವಸ ಕೈನ ಕದ್ಯೊ.

ಅಪೊಸ್ತಲೊ 4:36

ತೆ ವಿಶ್ವಾಸಿಯೊಮಾ ಯೊಸೆಫ ಕವಾಲೊ ವ್ಹತ್ತೊ. ಅಪೊಸ್ತಲೊ ತಿನೆ ಬಾರ್ನಬ ಕೈನ ಬಲಾತಾತಾ. ಬಾರ್ನಬ ಕದ್ಯಾಮ ‘ಧೈರೈವಾಲೊ’ ಸೈಪ್ರಸ್ಮಾ ಹುಟ್ಟಲ ಎ ಲೆವಿ ವ್ಹತ್ತೊ.

ಅಪೊಸ್ತಲೊ 6:4

ತೆಳಾಮಾ ಹಮ್ನೊನೆ ಕ್ಹಾರೊ ಟೈಮ ಪ್ರಾಥನಾನೆ ವರಿ ಉಪದೆಶ ಕವಾನೆ ಥಾವಸ ಕೈನ ಕದ್ಯಾ.

ಅಪೊಸ್ತಲೊ 8:29

ಪವಿತ್ರ ಆತ್ಮಾ ಫಿಲಿಪ್ಪನೆ, ತು ಅಗೊ ಗೈನ ರಥಾನಾ ಕ್ಹಾಮೊ ಹುಬ್ರೆ" ಕದ್ಯೊ.

ಅಪೊಸ್ತಲೊ 9:15

ತೆನೈಸೊ ಕರ್ತಾ ತಿನೆ, ತು ಜಾ಼; ಮ್ಹೊಟಾ ಕಾಮನಾ ಹುತಿ ಮಿ ಸೌಲಾನೆ ಇನಿಲಿದ್ಯೊಸ. ತೆ ಮಾರಾ ಹುತಿ ರಾಜಾ಼ವೊನೆ ಯಹುದಿಯೊನೆ ವರಿ ಬಿಜಾ಼-ಬಿಜಾ಼ ಮನಕ್ಹೊವೊನೆಬಿ ತಿಳಸು ಕೈನ ಛೆ.

ರೊಮಾಪೂರ 1:1

ಯೆಸು ಕ್ರಿಸ್ತನೊ ಸೆವಕ ಥಯಲ ಪೌಲಾ ಬರ್ದಾನು ಪತ್ರ. ಕ್ಹುದಾ ಮನೆ ಅಪೊಸ್ತಲ ಥಾವಾನಾ ಹುತಿ ಮನೆ ಬಲಾಯೊ. ಕ್ಹುದಾನಿ ಸುವಾರ್ತೆ ಕ್ಹಾರಾ ಮನಕ್ಹೊಕನ ಕವಾನಾ ಹುತಿ ಮನೆ ಇನಿಲಿದ್ಯೊ.

ರೊಮಾಪೂರ 10:15

ಇನೆ ಕರೆಟ್ಟ ಚೊ಼ಕಿ ಸುವಾರ್ತೆ ಕವಾಲಾವೊನಾ ಪಗೊ ಕೆಕ್ಲಾಕಿ ಚೊ಼ಕಾ ಶೆ ಕೈನ ಬರ್ದಲ ಶೆ. ತಿಮ್ಮ ರ‍್ಹಯುತಬಿ ಚೊ಼ಕಿಯೊ ವಾತ ಕ್ಹಾರಾ ಜ಼ನಾ ಐಕ್ತಾ ನೈ.

ರೊಮಾಪೂರ 15:16

ಯಹುದಿ ನೈ ರ‍್ಹಯಲ ಪವಿತ್ರ ಆತ್ಮಾನಾ ಮುಲಕ ಪವಿತ್ರ ಥಯಾ. ಮನಕ್ಹೊನೆ ಮದದ ಕರಾನಾ ಹುತಿ ಕ್ಹುದಾ ಮನೆ ಯಾಜಕನಿ ಸೆವಾ ವ್ಹೈ ಕೈ ಕರಲ್ದಯ. ಕ್ಹುದಾನೆ ಸುವಾರ್ತೆ ಕೈನ ಉಪದೆಶ ಕರಿನ ಮಿ ತಿನೆ ಸೆವಕ ಥಾವಾ ವರಕ್ಹು ಕರ‍್ಯೊ. ಯಹುದ್ಯೊ ನೈ ರ‍್ಹಯಲ ಮನಕ್ಹೊನೆ ಕ್ಹುದಾಕನ ಔ ಕೈನ ಮಿ ಸೆವೆ ಕರಾ ವರಕ್ಹು ಥಯೊ. ತೆ ಮನಕ್ಹೊ ಕ್ಹುದಾನಾ ಹುತಿ

1 ಕೊರಿಂಥ 12:11

ಎ ವರಾ ಕ್ಹಾರಾ ತೆ ಪವಿತ್ರ ಆತ್ಮಾ ಯಕ್ಕಜ಼ ತಿನಿ ಪಸಂದ ಲಿಂಗತ ಹರ ಯಕ್ಲಾನೆ ವಾಟಸ.

1 ಕೊರಿಂಥ 7:5

ತಿನಾಹುತಿ ಮಾಟಿ ಬೈಕೊ ಯಕ್ಕನೆ ಯಕ್ಕ ದಾಂಪತ್ಯನಾ ಕಾಮೊ ಕರಾನೆ ಇನ್ಕಾರು ನೈ. ಧ್ಯಾನ, ಪ್ರಾಥನಾ ಕರಾಮಾ, ದಕ್ಹಿಯೆಳ ಯಕ್ಕನೆ ಯಕ್ಲಾ ದುರ ರ‍್ಹೆ ಸಕಸ, ತೆನೈಸೊ ತಿನೆ ಯಕ್ಕನೆ ಯಕ್ಕ ವಪ್ಪಗಿ ರ‍್ಹೌ. ತೆ ಥಯಲ ಪರ ಯಕ್ಕ ಥೌ. ನೈ ಥಯಾರೆ, ತುಮೊಮಾ ಹೊಂದಾಣಕಿ ನೈ ರ‍್ಹಯಲ ದೆಕಿನ ಸೈತಾನ ಶೊದನೆಮಾ ಪಾಡಸಕಸ.

2 ಕೊರಿಂಥ 11:27

ತೆನೈಸೊ ತೆ ಮನಕ್ಹೊ ತ್ಯುನಾ ಒದತಾ ಮನಕ್ಹೊ ಥೈಗೈ. ತೆ ದಿನ ಹುತಿ ಲಕ್ಕಾ ಜು಼ನ್ನ ವಡಂಬಡಿಕೆ ಒದತಾ ಟೈಮ.

2 ಕೊರಿಂಥ 6:5

ಜೆಲ ಎ ಕ್ಹಾರ. ಅಂಗ ಭಾಗಿನ ಕಾಮ ಕರಾ. ನಿಂದರ ನೈಸೊ. ಭುಕ್ಕ ಟೈಮ ಮಾ ಬಲಹಿನ ಮಾ ಭುಕ್ಕ. ಎ ಕ್ಹಾರ ರ‍್ಹಯಲ ವಿಷಯಮಾ ಘನ್ನ ಸಮಾಧಾನ ದೆಕಾಡ ದಿವ;

ಗಲಾತ್ಯ 1:15

ತೆನೈಸೊ ಮಿ ಹುಟ್ಟಾತಿ ಅಗ್ದುರ ಮಾರಾ ಹುತಿ ಕ್ಹುದಾನಿ ಮ್ಹೊಟಿ ವಿಚಾರ ವ್ಹತ್ತಿ. ತಿನಾಹುತಿ ಕ್ಹುದಾನಿ ಮರಗಾಕ್ಹು ಮನೆ ಬಲಾಯೊ.

ಎಫೆಸ 3:7

ಕ್ಹುದಾ ದಿದಲ ಖಾಸ ಕೃಪಾ ವರಕ್ಹು ಮಿ ಸುವಾರ್ತೆ ತಿಳಸಾನಾ ಹುತಿ ಸೆವಕ ಥಯೊ. ಕ್ಹುದಾ ತಿನಿ ತಾಕತ ಉಪಯೊಗ ಕರಿನ ಮನೆ ತೆ ಕೃಪಾ ವರ ದಿದ್ಯೊ.

ಕೊಲೆಸ್ಸೆ 4:17

ಅರ್ಖಿಪ್ಪನೆಬಿ ಕರ್ತಾಖು ಹೊಂದಿಲಿದಲ ಸೆವೆನಾ ವಿಷಯಮಾ ಹುಶಾರಕ್ಹು ರ‍್ಹೈನ ಪುರಾಕರ ಕೈನ ಕವೊ.

1 ತಿಮೊತಿ 2:7

ತಿನಾ ಹುತಿ ಸುವಾರ್ತೆ ಕವಾನಾ ಹುತಿ ಅಪೊಸ್ತಲೊ ಥಾವಾಹುತಿ ಯಹುದ್ಯೊ ನೈರ‍್ಹಯಲ ಮನಕ್ಹೊನೆ ಸುವಾರ್ತೆ ಕವಾಹುತಿ ಮನೆ ಇನಿಲಿದ್ಯೊ. ಎ ಕ್ಹರಿ ವ್ಹೈ ಎ ವಾತ ಸುಳ್ಳ ನ್ಹವೈ. ಕ್ಹರಿ ವಳಕಾದೆ ಕೈನ ಬರೊಕ್ಹೊ ಕರು ಕೈನ ಮಿ ತ್ಯುನೊನೆ ಸುವಾರ್ತೆ ಕದ್ಯೊ.

2 ತಿಮೊತಿ 1:11

ತೆ ಸುವಾರ್ತೆನಾ ಹುತಿ ಮನೆ ಅಪೊಸ್ತಲ ಥೈನ ಮಾಸ್ತರ ಥೈನ ಇನಿಲಿದ್ಯೊ.

2 ತಿಮೊತಿ 2:2

ಮಿ ಉಪದೆಶಕರಲ ಸಂಗತಿಯೊ ತು ಐಕ್ಯೊಸ. ತೆ ಬಿಜಾ಼ ಘನ್ನಾ ಮನಕ್ಹೊ ಐಕ್ಯಾಸ. ತು ತೆ ಸಂಗತಿಯೊ ಉಪದೆಶ ಕರ. ತುನೆ ಬರೊಕ್ಹೊ ಮ್ಹೆಲಾಲಾ ದಕ್ಹಾ ಜ಼ನಾವೊನೆ ತೆ ಉಪದೆಶೊ ದೆ. ತೆಳಾಮಾ ತ್ಯುನೆ ತೆ ಸಂಗತಿಯೊನೆ ಬಿಜಾ಼ವೊನೆ ಉಪದೆಶ ಕರಾನೆ ಥಾವಸ.

2 ತಿಮೊತಿ 4:11

ಲುಕ ಯಕ್ಲೊಜ಼ ಮಾರಾ ಕ್ಹಾತೆ ಛೆ. ತು ಆತಾಮಾ ಮಾರಕನೆ ತಾರಾ ಕ್ಹಾತೆ ಬಲೈಲಿನ ಆ. ಕಾಕದ್ಯಾಮ ತೆ ಮಾರಿ ಸೆವಾನೆ ಮದದ ಕರಸ.

2 ತಿಮೊತಿ 4:5

ತೆನೈಸೊ ತು ಕ್ಹಾರಾ ಟೈಮಮಾ ತಾರಾಕ್ಹು ತುನೆ ಹತೊಟಿಮಾ ಮ್ಹೆಲ್ಲೆ. ತ್ರಾಸೊ ಐಯುಮ ತಡದಿಲೆ. ಸುರವಾತೆ ಕೆ. ಕ್ಹುದಾನಾ ಸೆವಕನೆ ಯೊಗ್ಯ ಥಯಲ ಕ್ಹಾರಾ ಕಾಮೊ ಕರ‍್ತೊ ರ‍್ಹೆ.

ಇಬ್ರಿಯ 5:4

ಕುನ್ನಜ ತಿನಾಕ್ಹು ತೆಜ಼ ಮ್ಹೊಟೊ ಯಾಜಕ ಥಾವಾನೆ ಥಾತು ನೈ, ಕೆಳ್ಳಕಾ ಕ್ಹುದಾ ತಿನೆ ಇನಿಲೆತೊ ನೈ. ಕಿಮ್ಮ ಆರೊನನೆ ಇನಿಲಿದಲ ಲಿಂಗತ ತೆ ಮನಕ್ಹನೆ ಇನಿಲಿವಸ.