ಅಪೊಸ್ತಲೊ 13:14 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹⁴ ತ್ಯುನೆ ತ್ಯುನು ಪ್ರಯಾಣ ಪೆರ್ಗತಾ ಅಗಾ ಬಡೈನ, ಪಿಸಿದಿ ಗಾಮನಿ ರ‍್ಹಯಲ ಅಂತಿಯೊಕ್ಯನೆ ಗಯಾ. ತ್ಯುನೆ ಅಂತಿಯೊಕ್ಯನೆ ಸಬ್ಬತ ದಿನ್ನೆ ಯೆಹುದಿನಾ ಸಭಾ ಮಂದಿರಮಾ ಗೈನ ಬೆಟ್ಯಾ.

ಅಪೊಸ್ತಲೊ 13:14 ပူးပေါင်းရင်းမြစ်များ

ಲುಕ ಬರ್ದಲ ಸುವಾರ್ತಾ 4:16

ಯೆಸು ತೆ ಮ್ಹೊಟೊ ಥಯಲ ನಜ಼ರೆತೆ ಕವಾನಾ ಗಾಮೆ ಐನ ಸಬ್ಬತ ದಿನಮಾ ಸಭಾಮಂದಿರಮಾ ಗೈನ. ತ್ಯುನಿಯೊ ಪದ್ದತಿ ಲಿಂಗತ ಯೆಸು ಒದಾನಾ ಹುತಿ ಉಟಿನ ಹುಬ್ರಯೊ.

ಅಪೊಸ್ತಲೊ 13:42

ಪೌಲಾ ವರಿ ಬಾರ್ನಬ ಸಭಾಮಂದಿರತಾ ಜಾ಼ತಾಮಾ, ಎ ಸಂಗತಿಯೊನಾ ಹುತಿ ಹಜು಼ನ ಜಾಸ್ತ ತಿಳ್ಸಾನಾ ಹುತಿ ಅಗಲ್ಯಾ ಸಬ್ಬತ್ ದಿನ್ನೆ ವರಿ ಔ ಕೈನ ಮನಕ್ಹೊ ತ್ಯುನೊ ಕನ ಮಾಂಗಿಲಿದ್ಯಾ.

ಅಪೊಸ್ತಲೊ 13:44

ಅಗಲ್ಯಾ ಸಬ್ಬತ ದಿನ್ನೆ, ಪ್ರಭುನಿ ವಾಕ್ಯಾ ಐಕಾನಾ ಹುತಿ ಘನ್ನಾ ಗಾಮನಾ ಕ್ಹಾರಾ ಮನಕ್ಹೊ ತ್ಯಾ ಆಯಾ.

ಅಪೊಸ್ತಲೊ 13:46

ತೆನೈಸೊ ಪೌಲಾ ಬಾರ್ನಬ ಘನ್ನಾ ಧೈರ್ಯಾಕ್ಹು ಬೊಲಿನ"ಹಮೆ ಕ್ಹುದಾನಿ ವಾಕ್ಯಾ ಯೆಹುದಿಯೊ ಥಯಲ ತುಮೊನೆ ಪೈಲಾ ಕೌ. ತೆನೈಸೊ ತುಮೆ ತುಮೊನೆ ಹಮೆಶಾನು ಜ಼ಲಮನೆ ಪಾತ್ರ ನ್ಹವೈ ಕೈನ ತಿರಸ್ಕಾರ ಕರಾಡಾಸ. ತಿನಾಹುತಿ ಹಮೆ ಬಿಜಾ಼ ಧರ್ಮವಾಲಾವೊ ಕನ ಗೈಯೆಸ!

ಅಪೊಸ್ತಲೊ 13:5

ಬಾರ್ನಬ ವರಿ ಸೌಲಾ ಸಲಾಮಿಸ ಗಾಮೆ ಆಯಲ್ಪರ ಯೆಹುದಿನಾ ಸಭಾ ಮಂದಿರಮಾ ಕ್ಹುದಾನಿ ಸಂದೆಶ ಕದ್ಯಾ. ಮಾರ್ಕ ಕವೈಲಿವಾಲೊ ಯೊಹಾನ ಮದತ ಕರಾನಾ ಹುತಿ ತ್ಯುನಾ ಕ್ಹಾತೆ ವ್ಹತ್ತೊ.

ಅಪೊಸ್ತಲೊ 14:19

ಪಾಚಾ಼ತಾ ದಕ್ಹಾ ಯೆಹುದಿಯೊ ಅಂತಿಯೊಕ್ಯತಾ ವರಿ ಇಕೊನಿಯತಾ ಐನ ಪೌಲಾನೆ ವಿರುದ್ದ ಮನಕ್ಹೊನೆ ಭಡಕೈನ ಪೌಲಾನೆ ದಗ್ಡಾ ನಾಕಿನ, ತೆ ಮರ‍್ಯೊ ಕೈನ ತಿಳ್ದಿಲಿನ ಗಾಮತಾ ಭಾರಾ ಜಗ್ಗಿನ ಕಾಡ್ಯಾ.

ಅಪೊಸ್ತಲೊ 16:13

ನದಿನಾ ದಂಡಿಯೆ ರ‍್ಹಯಲ ಕ್ಹುದಾನಿ ಪ್ರಾಥನಾ ಕರಾನಿ ಜ಼ಗಾ ಛೆ ಕೈನ ತಿಳ್ದಿನ ಸಬ್ಬತ ದಿನ್ಮಾ ಗಾಮ್ನಾ ಭಾರಾ ಗೈನ ತ್ಯಾ ಮಳಿನ ಆಯಲ ಬಾಕ್ಡಿಯೊನಾ ಕ್ಹಾತೆ ಬೈಟಿನ ಬೊಲ್ಯಾ.

ಅಪೊಸ್ತಲೊ 17:2

ಪೌಲ ತಿನಿ ಪದ್ದತನಿಂತ ತ್ಯಾ ರಹೆಲ ಮನಕ್ಹೊಕನ ಗೈನ ತನ ಐತವಾರೊ ಕ್ಹುದಾನಾ ವಾತೊ ತ್ಯುನಾ ಕ್ಹಾತೆ ವಾದಸಿನ

ಅಪೊಸ್ತಲೊ 18:4

ತ್ಯುನೆ ಹರಿ ಯಕ್ಕ ಸಬ್ಬತ ದಿನೆ ಸಬಾಮಂದಿಮಾ ಚರ್ಚೆ ಕರಿನ ಗ್ರಿಕವಾಲಾವೊನೆ ಯೆಹುದಿಯೊನೆ ಕೈನ ದೆತೊತೊ.

ಅಪೊಸ್ತಲೊ 19:8

ತೆ ಗಾಮ್ಮಾ ಪೌಲಾ ಸಬಾಮಂದಿರಮಾ ಗೈನ ತನ ಮ್ಹೈನಾ ತ್ಯಾ ಕ್ಹುದಾನಿ ರಾಜ್ಯನಾ ಹುತಿ ಕವಾಡೊತೊ. ಮನಕ್ಹೊನೆ ಧೈರ್ಯಕ್ಹು ಬೊಲ್ಯೊ.

ಅಪೊಸ್ತಲೊ 9:20

ತೆ ತೆಳಾಮಾಜ಼ ಸಬಾಮಂದಿರೊಮಾ ಯೆಸುನಾ ಹುತಿ ತೆಜ಼ ಕ್ಹುದಾನೊ ದಿಕ್ರೊ ವ್ಹೈ ಕವಾನು ಶುರು ಕರ‍್ಯೊ.

2 ತಿಮೊತಿ 3:11

ಮನೆ ಥಯಲ ತ್ರಾಸ ವರಿ ಕಷ್ಟನಾ ಹುತಿ ತುನೆ ಗ್ವತ್ತ ಛೆ. ಅಂತಿಯೊಕ್ಯ, ಇಕೊನ, ಲುಸ್ತ್ರಮಾ ಮನೆ ಥಯಲ ಕ್ಹಾರಿ ಸಂಗತಿಯೊ ತುನೆ ಗ್ವತ್ತ ಛೆ. ಮಿ ತೆ ಜ಼ಗಾವೊಪರ ಥಯಲ ತ್ರಾಸೊ ತಡ್ದಿಲಿದ್ಯೊ. ತೆನೈಸೊ ತೆ ಕ್ಹಾರಾ ತ್ರಾಸೊಮಾತೊ ಪ್ರಭು ಮನೆ ವಚಾ಼ಡ್ಯೊ.