ಅಪೊಸ್ತಲೊ 13:13 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹³ ಪೌಲಾ ವರಿ ತಿನಾ ಕ್ಹಾತೆ ರ‍್ಹಯಲವಾಲಾ ಪಾಫೊಸಿನತಾ ನೌಕಾಯಾನ ಕರ‍್ಯಾ. ಪಾಂಫಿಲಿನಾ ಪ್ರಾಂತ್ಯಮಾ ರ‍್ಹಯಲ ಪೆರ್ಗ ಕವಾನಾ ಗಾಮೆ ತ್ಯುನೆ ಆಯಾ. ತೆನೈಸೊ ಮಾರ್ಕ ಕವೈಲಿವಾಲೊ ಯೊಹಾನ ತ್ಯುನೊನೆ ಛೊಡಿನ ಯೆರುಸಲೆಮೆ ಫರಿನ ಗಯೊ.

ಅಪೊಸ್ತಲೊ 13:13 ပူးပေါင်းရင်းမြစ်များ

ಅಪೊಸ್ತಲೊ 12:12

ಪಾಚಲ್ತೊ ಪೆತ್ರಾ ಮರಿಯಳನಾ ಘರೆ ಗಯೊ. ತೆ ಯೊಹಾನನಿ ಯಾ ವ್ಹೈ. ಯೊಹಾನನೆ ಮಾರ್ಕ ಕೈನ ಬಲಾತಾತಾ. ಘನ್ನಾ ಮನಕ್ಹೊ ತ್ಯಾ ಮಳ್ಯಾ. ತ್ಯುನೆ ಕ್ಹಾರಾ ಪ್ರಾಥನಾ ಕರಾಡಾತಾ.

ಅಪೊಸ್ತಲೊ 15:36

ದಕ್ಹಾ ದಿನೊ ಥಯಲ ಪರ ಪೌಲಾ ಬಾರ್ನಬ; ಅಪೆ ಕರ್ತಾನಿ ವಾಕ್ಯ ಕೈನ ಕ್ಹಾರಾ ಗಾಮ್ಮೊನೆ ವರಿ ಗೈನ ತ್ಯಾ ರ‍್ಹಯಲ ಭಾಯೊ ಕಿಮ್ಮ ಛೆ ಕೈನ ದೆಕಾನೆ ಆ ಕೈನ ಕದ್ಯೊ.

ಅಪೊಸ್ತಲೊ 15:38

ತ್ಯುನಾ ಕ್ಹಾತೆ ಬಲೈಲಿನ ಜೌವು ಕತ್ತಾಮಾ ಪೌಲಾ; ಹಮಾರಾ ಕ್ಹಾತೆ ಸವೆ ನೈಸೊ ಪಂಫುಲ್ಯಮಾ ಹಮ್ಮನೊನೆ ಚ್ಹೊಡಿಪಾಡೆಲ ಬಲೈ ಲೌವು ಕೈನ ಜಾ಼ವಾನಾ ಹುತಿ ಚೊ಼ಕು ನ್ಹವೈ ಕೈನ ಶೆ ಕರಲಿದ್ಯಾ.

ಅಪೊಸ್ತಲೊ 2:10

ಫ್ರಿಜಿನಾ ಮನಕ್ಹೊ,ಪಾಂಫಿಲಿನಾ ಮನಕ್ಹೊ,ಇಜಿಪ್ತನಾ ವರಿ ಸಿರೆನಾ ಕ್ಹಾಮಾ ಲಿವಿನಾ ಕ್ಹಾಂದಾನಾ ರೊಮ್ನಾ ಮನಕ್ಹೊ ವ್ಹತ್ತಾ.

ಅಪೊಸ್ತಲೊ 27:13

ತೆ ಥಯಲ್ಪರ ಚೊ಼ಕೊ ವಾರೊ ದಕ್ಷಿಣ ಬಗಲ್ತಾ ಛುಟಾನು ಚಾಲು ಥಯೊತೊ. ಹಡಗಾಮಾ ರ‍್ಹಯಲ ಮನಕ್ಹೊ, ಅಪೊನೆ ಚಾ಼ಯೆ ಥಯಲ ಎಜ಼ ವಾರೊ ವ್ಹೈ, ಹಮ್ನಾ ತೆ ಹಮೊನೆ ಮಳ್ಯೊ! ಕೈನ ವಿಚಾರ ಕರ್ಲಿದ್ಯಾ. ತಿನಾ ಹುತಿ ತ್ಯುನೆ ಹಡಗಾನಾ ಲಂಗತ ಉಪ್ಪರ ಯಳದ್ಯಾ. ಹಮೆ ಕ್ರೆಟ ದ್ವಿಪನಾ ಕರಾವಾಳಿಮಾ ನೌಕಾಯಾನ ಕರ‍್ಯಾ.

ಅಪೊಸ್ತಲೊ 27:5

ಸಿಲಿಸಿಯಸನೆ ಪಾಂಫಿಯಾನೆ ಕ್ಹಾಮು ರ‍್ಹಯಲ ಸಮುಂದರ ದಾಟ್ಯಾ. ತೆ ಥಯಲ್ಪರ ಹಮೆ ಲುಸಿಯಾ ಪ್ರಾಂತ್ಯಮಾ ರ‍್ಹಯಲ "ಮುರ "ಕವಾನಾ ಗಾಮೆ ಆಯಾ.

ಕೊಲೆಸ್ಸೆ 4:10

ಮಾರಾ ಕ್ಹಾತೆ ಜೆಲಮಾ ರ‍್ಹಯಲ ಅರಿಸ್ತಾರ್ಕನ ವರಿ ಬಾರ್ನಬನ ಭೈಘೊವಾಲೊ ಮಾರ್ಕ ತುಮೊನೆ ನಮಸ್ಕಾರ ಕವಸ. ತೆ ತುಮೊನೆಕನ ಆಯಾರೆ ತಿನೆ ಮಳೈ ಲಿವೊ. ತಿವ್ನಾ ಹುತಿ ತುಮೆ ಆಗ್ಯಾ ಹೊಂದಿಲಿದ್ಯಾಸತೊ.

2 ತಿಮೊತಿ 4:11

ಲುಕ ಯಕ್ಲೊಜ಼ ಮಾರಾ ಕ್ಹಾತೆ ಛೆ. ತು ಆತಾಮಾ ಮಾರಕನೆ ತಾರಾ ಕ್ಹಾತೆ ಬಲೈಲಿನ ಆ. ಕಾಕದ್ಯಾಮ ತೆ ಮಾರಿ ಸೆವಾನೆ ಮದದ ಕರಸ.