ಅಪೊಸ್ತಲೊ 12:10 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹⁰ ಪೆತ್ರಾ ವರಿ ಕ್ಹುದಾನೊ ದುತ ಪಸ್ಟನು ವರಿ ಬೆವಾನು ಕೈದಾನಿ ಜ಼ಗಾ ದಾಟ್ಯಾ. ಪಾಚಾ಼ತಾ ತ್ಯುನೆ ತ್ಯುನೊನೆ ಗಾಮ ಕನ ಲಿನ ಜಾ಼ವಾನಾ ಲ್ಹೊಡಾನಾ ಬಾಕಲೆ ಆಯಾ. ತೆ ಬಾಕಲ ತ್ಯುನೊನೆ ತಿನಾಕ್ಹು ತೆಜ಼ ಕಡೈಯು. ಪೆತ್ರಾ ವರಿ ತೆ ಕ್ಹುದಾನೊ ದುತ ತೆ ಬಾಕಲನಾ ಮುಲಕ ಭಾರಾ ಐನ ಯಕ್ಕ ಒಣಿ ದಾಟ್ಯಾ. ತೆಳಾಮಾ ಅಚಾನಕ ತೆ ಕ್ಹುದಾನೊ ದುತ ತಿನೆ ಛೊಡಿನ ಗಯೊ.

ಅಪೊಸ್ತಲೊ 12:10 ပူးပေါင်းရင်းမြစ်များ

ಯೊಹಾನ 20:19

ತೆ ದಿನ್ನ ಐತ್ವಾರ ವ್ಹತ್ತೊ. ತೆ ದಿನ್ನಾ ಕ್ಹಾಂಜೆ ಶಿಷ್ಯಾ ಕುಡಿನ ವ್ಹತ್ತಾ. ಯೆಹುದಿಯೊನಾ ಅದಿಕಾರಿಯೊನೆ ಭುಚಿ಼ಕಿನ ಬಾಕಲೊ ಘಾಲ್ಲಿನ ಘರನಾ ಮ್ಹೈ ವ್ಹತ್ತಾ. ತೆಳಾಮಾ ಯೆಸು ತ್ಯುನಾ ವಚ್ಮಾ ಐನ ಹುಬ್ರೈನ ತ್ಯುನೊನೆ ಶಾಂತಿ ತುಮೊಮಾ ರ‍್ಹವಾದೆ ಕೈನ ಕದ್ಯೊ.

ಯೊಹಾನ 20:26

ಯಕ್ಕ ಹಪ್ತೊ ಥಯಲಪರ ಕ್ಹಾರಾ ಶಿಷ್ಯಾ ಯಕ್ಕ ಘರಮಾ ಮಳ್ಯಾತಾ. ತೊಮಾ ತ್ಯುನ ಕ್ಹಾತೆ ವ್ಹತ್ತೊ. ಪುರಾ ಬಾಕಲೊ ಘಾಲ್ಯಾತಾ ತೆಳಾಮಾ ಯೆಸು ಐನ ತ್ಯುನಾ ವಚ್ಮಾ ಹುಬ್ರೈನ ತ್ಯುನೊನೆ ಶಾಂತಿ ತುಮೊಮಾ ರ‍್ಹವಾದೆ ಕೈನ ಕದ್ಯೊ.

ಅಪೊಸ್ತಲೊ 12:4

ಕ್ಹೊಳಾ ಜ಼ನಾ ಸಿಪಾಯೊ ಪೆತ್ರಾನೆ ಕೈದಾಡಾತಾ. ಪಸ್ಕ ಸನ್ನನು ಕಾಲ ಕ್ಹರಲ ಪರ ಪೆತ್ರಾನೆ ಮನಕ್ಹೊನಾ ಕ್ಹಾಮಾ ಹುಬ್ರಾಡು ಕೈನ ವ್ಹತ್ತೊ.

ಅಪೊಸ್ತಲೊ 16:26

ಯಕ್ಕದುಮ್ಮ ಮ್ಹೊಟು ಭುಕಂಪ ಥೈಯು; ಜೆಲನಾ ಗೊಡಿಯೊ ಹಲ್ಲಿಯೊ. ತೆಳಾಮಾಜ಼ ಬಾಕಲೊ ಕ್ಹುಲಿ ಗಯಾ, ಕ್ಹಾರಾವೊನಾ ಬೆಡಿಯೊ ಚ್ಹುಟಿ ಗಯಾ.

ಅಪೊಸ್ತಲೊ 5:19

ತೆನೈಸೊ ಕರ್ತಾನೊ ದುತ ರಾತೆ ಜೆಲನಾ ಬಾಕ್ಲೊ ಖುಲ್ಲಾ ಕರಿನ ತ್ಯುನೊನೆ ಭಾರೊ ಬಲೈಲೈನ,

ಪ್ರಕಟನೆ 3:7

ಫಿಲಿದೆಲ್ಫಿಮಾ ರ‍್ಹಯಲ ಸಬೆನಾ ದುತನೆ ಎ ಕ್ಹಾರು ಬರದ "ಪವಿತ್ರ ವರಿ ಕ್ಹರಿಕ್ಹು ರ‍್ಹಯಲವಾಲೊ ದಿವಾನೊ ಎ ಸಂದೆಶ ವ್ಹೈ. ದಾವಿದನಾ ಘರದಾನಾನಿ ಚಾವಿ ಮಕನ ಛೆ. ಮಿ ಕಾಡಲ ಬಾಕಲ ಕುನ್ನಜ಼ ಝಾಕ್ಕತು ನೈ. ವರಿ ಮಿ ಬಾಕಲ ಝಾಕಲ ಕುನ್ನಜ಼ ಕಾಡ್ತು ನೈ.