ಅಪೊಸ್ತಲೊ 11:19 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹⁹ ಸ್ತೆಫನನೆ ಖಲಾಸ ಕರ‍ಲ್ಪರ ಥಯಲ ತ್ರಾಸಕ್ಹು ವಿಶ್ವಾಸಿಯೊ ದುರ ದುರ ಥಯಾ. ವಿಶ್ವಾಸಿಯೊಮಾ ದಕ್ಹಾ ಜ಼ನಾ ಘನ್ನಾ ದುರ ರ‍್ಹಯಲ ಫೆನಿಶ್ಯ, ಸೈಪ್ರಸ್ ವರಿ ಅಂತಿಯೊಕ್ಯನೆ ಗಯಾ. ವಿಶ್ವಾಸಿಯೊ ಎ ಜ಼ಗಾವೊಮಾ ಸುವಾರ್ತೆ ತಿಳಸಾಯಾ. ತೆನೈಸೊ ತ್ಯುನೆ ಯೆಹುದಿಯೊನೆಜ಼ ತಿಳಸಾಯಾ.

ಅಪೊಸ್ತಲೊ 11:19 ပူးပေါင်းရင်းမြစ်များ

ಮತ್ತಾಯ 10:6

ತೆನೈಸೊ ತ್ಯುನೊಕ್ಹು ಚುಕೈಲಿನ ಬಕ್ರಾವೊಲಿಂಗತ ರ‍್ಹಯಲ ಇಸ್ರಾಯೆಲರೊಕನ ಜಾ಼ವೊ,

ಯೊಹಾನ 7:35

ಯಹುದ್ಯೊನಾ ಅದಿಕಾರಿಯೊ ತ್ಯುನೊ ತ್ಯುನೊಮಾಜ಼"ಇನೆ ಅಪೆ ವಳಕೆ ನೈಸೊ ಎ ಕಿಜಾ಼ ಜಾ಼ವಸ? ಅಪ್ನಾ ರ‍್ಹಯಲ ಗ್ರಿಕ ಮನಕ್ಹೊನಾ ಗಾಮ್ಮಾ ಗೈನ ಗ್ರಿಕ ವಾಲಾವೊನೆ ಉಪದೆಶ ಕರಸ ಸು?

ಅಪೊಸ್ತಲೊ 11:20

ಎ ವಿಶ್ವಾಸಿಯೊಮಾ ದಕ್ಹಾ ಜ಼ನಾ ಸೈಪ್ರನ್ ವರಿ ಸಿರೆನ್ ಜ಼ಗಾವಾಲಾ ವ್ಹತ್ತಾ. ಎ ಮನಕ್ಹೊ ಅಂತಿಯೊಕ್ಯನೆ ಆಯಲ್ಪರ ತ್ಯುನೆ, ಪ್ರಭು ಥಯಲ ಯೆಸುನಿ ವಿಷಯಮಾ ರ‍್ಹಯಲ ಸುವಾರ್ತೆ ತ್ಯಾನಾ ಗ್ರಿಕ ಮನಕ್ಹೊನೆಬಿ ತಿಳಸಾಯಾ.

ಅಪೊಸ್ತಲೊ 11:22

ಅಂತಿಯೊಕ್ಯಮಾ ರ‍್ಹಯಲ ಎ ನವಾ ವಿಶ್ವಾಸಿಯೊನಾ ಹುತಿ ಯೆರುಸಲೆಮನೆ ಸಬೆವಾಲಾವೊನೆ ಗ್ವತ್ತ ಥಯು. ತಿನಾಹುತಿ ಜೆರುಸಲೆಮನಾ ವಿಶ್ವಾಸಿಯೊ ಬಾರ್ನಬನೆ ಅಂತಿಯೊಕ್ಯನೆ ವಳಾಯಾ.

ಅಪೊಸ್ತಲೊ 13:1

ಅಂತಿಯೊಕ್ಯನಾ ಸಭೆಮಾ ದಕ್ಹಾ ಪ್ರವಾದಿಯೊ ವರಿ ಉಪದೆಶ ಕರಾಲಾ ವ್ಹತ್ತಾ. ತ್ಯುನೆ ಕುನ್ ವ್ಹೈ ಕದ್ಯಾಮ; ಬಾರ್ನಬ, ಸಿಮೆಯೊನ್ ಇನೆ ನಿಗರ ಕೈನಬಿ ಬಲಾತಾತಾ. ಲುಸಿಯಸ ಸಿರೆನ ಗಾಮ ವಾಲೊ ವ್ಹೈ. ಮೆನಹೆನ ಹೆರೊದ ರಾಜಾ಼ನಾ ಕ್ಹಾತೆ ಬೆಳದಲವಾಲೊ ವರಿ ಸೌಲಾ ವ್ಹೈ.

ಅಪೊಸ್ತಲೊ 13:4

ಬಾರ್ನಬ ವರಿ ಸೌಲಾನೆ ಪವಿತ್ರ ಆತ್ಮಾಜ಼಼ ವಳೈನ ದಿದ್ಯೊ. ತ್ಯುನೆ ಸೆಲುಸಿಯಾ ಗಾಮೆ ಗಯಾ. ಪಾಚಾ಼ತಾ ತ್ಯುನೆ ಸೆಲುಸಿಯಾತಾ ಸೈಪ್ರಸ ದ್ವಿಪೆ ಹಡಗಾಮಾ ಪ್ರಯಾಣ ಕರ‍್ಯಾ.

ಅಪೊಸ್ತಲೊ 13:46

ತೆನೈಸೊ ಪೌಲಾ ಬಾರ್ನಬ ಘನ್ನಾ ಧೈರ್ಯಾಕ್ಹು ಬೊಲಿನ"ಹಮೆ ಕ್ಹುದಾನಿ ವಾಕ್ಯಾ ಯೆಹುದಿಯೊ ಥಯಲ ತುಮೊನೆ ಪೈಲಾ ಕೌ. ತೆನೈಸೊ ತುಮೆ ತುಮೊನೆ ಹಮೆಶಾನು ಜ಼ಲಮನೆ ಪಾತ್ರ ನ್ಹವೈ ಕೈನ ತಿರಸ್ಕಾರ ಕರಾಡಾಸ. ತಿನಾಹುತಿ ಹಮೆ ಬಿಜಾ಼ ಧರ್ಮವಾಲಾವೊ ಕನ ಗೈಯೆಸ!

ಅಪೊಸ್ತಲೊ 14:26

ತ್ಯಾಂತಾ ತ್ಯುನೆ ಸಿರಿಯಾಮಾ ಅಂತಿಯೊಕ್ಯನೆ ನೌಕಾಯಾನ ಕರ‍್ಯಾ. ಹಜು಼ನ ಲಕ್ಕಾ ಕರಿನ ಕ್ಹರಾಯಲ ಸೆವಾನಾ ಕಾಮನಾ ಹುತಿ ಕ್ಹುದಾನಾ ಹತ್ಮಾ ವಪ್ಸಿನ ದಿದಲವಾಲಾ ಎ ಗಾಮನಾ ವಿಶ್ವಾಸಿಯೊಜ಼ ವ್ಹೈ.

ಅಪೊಸ್ತಲೊ 15:22

ತೆಳಾಮಾ ಅಪೊಸ್ತಲೊ, ಸಭೆನಾ ಮ್ಹೊಟಾ ಮನಕ್ಹೊ ವರಿ ಕ್ಹಾರಿ ಸಬೆನಿ ಇಜಾಜತ ಲಿನ ತ್ಯುನಾಮಾ ದಕ್ಹಾಜ಼಼ನಾ ವೊನೆ ಇನಿಲಿನ ಪೌಲಾ ವರಿ ಬಾರ್ನಬನಾ ಕ್ಹಾತೆ ದಕ್ಹಾ ಮನಕ್ಹೊ ಅಂತಿಯೊಕ್ಯನೆ ವಳಾವಾನು ಚೊ಼ಕು ವ್ಹೈ ಕೈನ ನಿರ್ದಾರ ಕರ‍್ಯಾ. ತಿನಾಹುತಿ ಭಾಯೊಮಾ ಖಾಸ ವ್ಹೈ ಕೈನ ಕವೈಲಿವಾಲೊ ಬಾರಬನ ಕೈನ ಕವೈಲಿವಾಲಾ ಯುದನೆ ವರಿ ಶಿಲಾನೆ ಇನಿಲಿನ

ಅಪೊಸ್ತಲೊ 15:3

ತಿನಾಲಿಂಗತ ಸಭೆವಾಲಾ ಇವ್ನೊನೆ ಸಭೆ ವಳೈಯು. ಇವ್ನೆ ಫೆನಿಶ್ಯ ವರಿ ಸಮಾರ್ಯ ವಾಟತಾ ಗಯಾ. ಯೆಹುದಿ ನೈಸೊ ಮನಕ್ಹೊ ಕ್ಹರಿನೊ ಕ್ಹುದಾ ಕನ ಫರಲನಾ ಹುತಿ ಎ ಗಾಮೊಮಾ ಕದ್ಯಾ. ಎ ಐಕಿನ ಭಾಯೊನೆಬಿ ಘನ್ನಿ ಖುಶಿ ಥೈ.

ಅಪೊಸ್ತಲೊ 15:30

ತ್ಯುನೆ ಅಮ್ಮ ಅಪ್ಪಣೆ ಲಿನ ಅಂತಿಯೊಕ್ಯನೆ ಐನ ಸಭೆನೆ ಮಳೈನ ತೆ ಪತ್ರನೆ ತ್ಯುನೊನೆ ಒಪ್ಪಸ್ಯಾ.

ಅಪೊಸ್ತಲೊ 15:35

ತಿನಾಹುತಿ ಪೌಲಾ ವರಿ ಬಾರ್ನಬ ಅಂತಿಯೊಕ್ಯಮಾ ಹುಬ್ರೈನ ಬಿಜಾ಼ ದಕ್ಹಾಜ಼಼ನಾವೊನಾ ಕ್ಹಾತೆ ಉಪದೆಶ ಕರತ್ತಾ ಕರ್ತಾ ವಾಕ್ಯ ಕವಾನು ಸುವಾರ್ತೆ ಕತ್ತಾ ವ್ಹತ್ತಾ.

ಅಪೊಸ್ತಲೊ 15:39

ತೆ ವಿಷಯಮಾ ಘನ್ನು ವಾಗ್ವಾದ ಥಯಲಕ್ಹು ತ್ಯುನೆ ಯಕ್ನಾ ಯಕ್ಕ ಲಡಾಡಾತ್ತಾ. ಬಾರ್ನಬ ಮಾರ್ಕನೆ ಬಲೈಲಿಂಗೈನ ಸಮುಂದರನಿ ವಾಟತ್ತಾ ಕುಪ್ರದ್ವಿಪನೆ ಗಯಾ.

ಅಪೊಸ್ತಲೊ 18:22

ತೆ ಕೈಸರೈನೆ ಐನ ಮುಟ್ಟಲ ಪರ ಯೆರೊಸೆಲಿಮೆ ಗೈನ ಸಭೆನೆ ವಂದನೆ ಕರಿನ ತೆಳಾಮಾ ಅಂತಿಯೊಕ್ಯನೆ ಆಯೊ.

ಅಪೊಸ್ತಲೊ 21:16

ಕೈಸರೈನಕ್ಹು ದಕ್ಹಾ ಶಿಷ್ಯಾ ಹಮಾರಾ ಕ್ಹಾತೆ ಐನ ಹಮೆ ರ‍್ಹವಾಲಾನಾ ಘರಮಟ್ಟಾ ಹಮ್ನೊನೆ ಬಲೈಲಿನ ಗಯಾ ತೆ ಘರವಾಲಾ ಪೈಲಾ ಶಿಷ್ಯಾಮಾ ಎಕಲೊ ಥಯಲ ಮ್ನಾಸೊನ ಕವಾಲೊ.

ಅಪೊಸ್ತಲೊ 21:2

ತ್ಯಾ ಫೊಯಿನಿಕೆನೆ ಜಾ಼ವಾಲೊ ಎಕ ಹಡಗನೆ ದೆಕ್ಯಾ. ತಿನಾ ಕ್ಹಾತೆ ಜಾ಼ವಾನು ಅಗಾ ಬಡಾಯಾ.

ಅಪೊಸ್ತಲೊ 3:26

ಕ್ಹುದಾ ತಿನಾ ಖಾಸ ಸೆವಕನೆ ಮೌತಮಾತೊ ಉಟಾಡಿನ ಪೈಲಾ ತುಮೊಕನ ವಳಾಯೊ. ತುಮೊನೆ ಆಶಿರ್ವಾದ ದಿವಾನಾ ಹುತಿ ಕ್ಹುದಾ ಯೆಸುನೆ ವಳಾಯೊ. ತೆ ತುಮೊನೆ ತುಮಾರಾ ಕೆಟ್ಟಕಾಮೊಕ್ಹು ದುರ ಕರಿನ ಆಶಿರ್ವಾದ ಕರಸ"

ಅಪೊಸ್ತಲೊ 4:36

ತೆ ವಿಶ್ವಾಸಿಯೊಮಾ ಯೊಸೆಫ ಕವಾಲೊ ವ್ಹತ್ತೊ. ಅಪೊಸ್ತಲೊ ತಿನೆ ಬಾರ್ನಬ ಕೈನ ಬಲಾತಾತಾ. ಬಾರ್ನಬ ಕದ್ಯಾಮ ‘ಧೈರೈವಾಲೊ’ ಸೈಪ್ರಸ್ಮಾ ಹುಟ್ಟಲ ಎ ಲೆವಿ ವ್ಹತ್ತೊ.

ಅಪೊಸ್ತಲೊ 6:5

ತೆಳಾಮಾ ಕ್ಹಾರಾ ವಿಶ್ವಾಸಿಯೊ ಎ ವಿಚಾರನೆ ವಪ್ಪಿಲಿದ್ಯಾ. ತಿನಾಹುತಿ ತ್ಯುನೆ ಪವಿತ್ರತ್ಮಾಕ್ಹು ಭರಲ ವರಿ ಬರೊಕ್ಹಾನಾ ಲಾಯಕ ರ‍್ಹಯಲ ಸ್ತೆಫನ, ಫಿಲಿಪ್ಪ, ಪ್ರೊಖೊರ, ನಿಕೊನೊರ ತಿಮೊನ ಪರ್ಮೆನ ವರಿ ನಿಕೊಲಾಯ ಮತಾಂತರ ಥೈನ ಯಹುದಿ ಥೈನ ಎ ಅಂತಿಯೊಕ್ಯಯವಾಲೊ ಥಯೊತೊ ಇವ್ನೊನೆ ಇನಿಲಿದ್ಯಾ.

ಗಲಾತ್ಯ 2:11

ಪೆತ್ರಾ ಅಂತಿಯೊಕ್ಯನೆ ಆಯಲ ಟೈಮ್ಮಾ, ತೆ ತಪ್ಪ ಕರಲವಾಲೊ ವ್ಹೈ ಕೈನ ಕರೆಟ್ಟ ದಿಕ್ಹಲ ಹುತಿ ಮಿ ತಿನೆ ಕ್ಹಾಮೊ ಹುಬ್ರೈನ ತು ಕರಾನು ತಪ್ಪ ವ್ಹೈ ಕೈನ ಕದ್ಯೊ.