ಅಪೊಸ್ತಲೊ 11:16 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹⁶ ತೆಳಾಮಾ ಮಿ ಪ್ರಭುನಾ ವಾತೊ ಶೆಂ ಕರ‍್ಯೊ. ‘ಯೊಹಾನ ಮನಕ್ಹೊನೆ ಪಾನಿಮಾ ಬಾಪ್ತಿಸ್ಮ ಕರಾಯೊ, ತೆನೈಸೊ ತುಮೆ ಪವಿತ್ರ ಆತ್ಮಾಮಾ ಬಾಪ್ತಿಸ್ಮ ಲಿವೊಶಿ. ಕೈನ ಪ್ರಭು ಕದ್ಯೊತೊ.

ಅಪೊಸ್ತಲೊ 11:16 ပူးပေါင်းရင်းမြစ်များ

ಮತ್ತಾಯ 3:11

ತುಮಾರಾ ಮನಸೊ ಕ್ಹುದಾ ಬಗಲ ಫರ್xಯಾಸ ಕವಾನೆ ದೆಕಾಡಾನಾ ಹುತಿ ಮಿ ತುಮೊನೆ ಪಾನಿಮಾ ಬಾಪ್ತಿಸ್ಮಾ ಕರೌಸ. ತೆನೈಸೊ ಮಾರಾ ಪಾಚೊ಼ ಆವಾಲೊ ಮಾರಾತಿ ತಾಕತವಾಲೊ ವ್ಹೈ. ತಿನಾ ಚಪ್ಲೊ ಛೊಡಾವಾನೆಬಿ ಮಿ ಯೊಗ್ಯ ನ್ಹವೈ. ತೆ ತುಮೊನೆ ಪವಿತ್ರ ಆತ್ಮಾಮಾ ಆಗಮಾ ಬಾಪ್ತಿಸ್ಮಾ ಕರಾವಸ.

ಮತ್ತಾಯ 3:6

ಮನಕ್ಹೊ ತ್ಯುನೆ ಕರಲ ಪಾಪ ವಪ್ಪಿ ಲಿದಲ್ಪರ ಯೊಹಾನ ತ್ಯುನೊನೆ ಯೊರ್ದನ ನದಿಮಾ ಬಾಪ್ತಿಸ್ಮಾ ದಿವಾಡೊತೊ.

ಮಾರ್ಕ 1:8

ಮಿ ತುಮೊನೆ ಪಾನಿಕ್ಹು ಬಾಪ್ತಿಸ್ಮ ಕರಾಯೊಸ. ತೆ ತುಮೊನೆ ಪವಿತ್ರ ಆತ್ಮಾಕ್ಹು ಬಾಪ್ತಿಸ್ಮ ಕರಾವಸ ಕೈನ ಕದ್ಯೊ.

ಲುಕ ಬರ್ದಲ ಸುವಾರ್ತಾ 24:8

ತೆಳಾಮಾ ತೆ ಹೆಣ ಮನಕ್ಹೊ ಯೆಸು ಕದಲ ವಾತ ಶೆ ಕರಲಿದಿಯೊ.

ಲುಕ ಬರ್ದಲ ಸುವಾರ್ತಾ 3:16

ಯೊಹಾನ, ತ್ಯುನೊನೆ "ಮಿತೊ ತುಮೊನೆ ಪಾನಿಕ್ಹು ಅಂಗ ಧವೌಸ. ವರಿ ಮಾರಾತಿ ಹೆಚ್ಕಿ ತಾಕತವಾಲೊ ಆವಸ. ಮಿ ತಿನಿಯೊ ಚಪ್ಲೊನಿಯೊ ದೊರಿಯೊ ಛೊಡಾನೆಬಿ ಮಿ ಯೊಗ್ಯ ನತ್ತಿ. ತೆ ತುಮೊನೆ ಪವಿತ್ರ ಆತ್ಮಾಕ್ಹು, ಆಗಕ್ಹು ಅಂಗ ಧವಾವಸ.

ಯೊಹಾನ 1:26

ಯೊಹಾನ ಕದ್ಯೊ"ಮಿ ಮನಕ್ಹೊನೆ ಪಾನಿಕ್ಹು ಬಾಪ್ತಿಸ್ಮ ಕರೌಸ. ತೆನೈಸೊ ತುಮೊನೆ ಗ್ವತ ನೈ ರ‍್ಹಯಲವಾಲೊ ನ್ಹ್ಯಾ ಛೆ.

ಯೊಹಾನ 1:33

ಪವಿತ್ರ ಆತ್ಮಾಕ್ಹು ಬಾಪ್ತಿಸ್ಮ ದಿಲಾವಾಲೊ ತೆಜ಼ ಮನಕ್ಹ ವ್ಹೈ "ಕೈನ ಕದಲ ಎ ಥಾವಾನು ಮಿ ಡೊಳಾ ಕ್ಹಾಮೊ ದೆಕ್ಯೊಸ. ಪವಿತ್ರ ಆತ್ಮಾ ಸ್ವರ್ಗತೊ ಕ್ಹಬುತರನಾ ರುಪಮಾ ಉತ್ರಿನ ಐನ ತಿನಾ ಉಪ್ಪರ ಆವಾನು ಮಿ ದೆಕ್ಯೊ.

ಯೊಹಾನ 14:26

ತೆನೈಸೊ ಬಾ ಮಾರಾ ನಾಮ ಪರ ವಳೈನ ದಿವಾನು ಪವಿತ್ರ ಆತ್ಮಾ ತುಮೊನೆ ಹರಿ ಯಕ್ಕಬಿ ಉಪದೆಶ ಕರಸ. ವರಿ ಮಿ ತುಮೊನೆ ಕದಲ ಕ್ಹಾರಾ ಸಂಗತಿಯೊ ತುಮೊನೆ ಶೆ ದಿಲಾವಸ.

ಯೊಹಾನ 16:4

ತೆನೈಸೊ ಹಮ್ನಾ ಮಿ ತುಮೊನೆ ಎ ಕ್ಹಾರಾ ಸಂಗತಿ ಕದ್ಯೊಸ. ಇಮ್ಮ ರ‍್ಹತಾಮಾ, ಎ ಕ್ಹಾರಾ ಸಂಗತಿಯೊ ಪುರಾ ಥಾವಾನೊ ಟೈಮ ಆಯಲ ಪರ ತೆಳಾಮಾ ತ್ಯುನಾ ಹುತಿ ತುಮೊನೆ ಪೈಲಾಜ ಕದಲ ಶೆ ಮ್ಹೆಲೊ" ಮಿ ಎ ಸಂಗತಿಯೊ ಕ್ಹಾರಾ ತುಮೊನೆ ಪೈಲಾತೊ ತಿಳ್ಸಾಯೊ ನೈ. ಕಾಕದ್ಯಾಮ, ತೆಳಾಮಾ ಮಿ ತುಮಾರಾ ಕ್ಹಾತೆ ವ್ಹತ್ತೊ.

ಅಪೊಸ್ತಲೊ 1:5

ಯೊಹಾನ ಮನಕ್ಹೊನೆ ಪಾನಿಮಾ ಬಾಪ್ತಿಸ್ಮ ಕರಾಯೊ, ತೆನೈಸೊ ಹಜು಼ನ ದಕ್ಹಾ ದಿನೊಮಾ ತುಮೊನೆ ಪವಿತ್ರ ಆತ್ಮಾಮಾ ಬಾಪ್ತಿಸ್ಮ ಥಾವಸ" ಕದ್ಯೊ.

ಅಪೊಸ್ತಲೊ 20:35

ಕ್ಹಾರಿ ವಿಷಯಮಾ ಮಿ ತುಮೊನೆ ವಾಟ ದೆಕಾಡ್ಯೊಸ. ತುಮೆ ತಿಮ್ಮಜ಼ ರಾಬಿನ ತಾಕತ ನೈಸೊವಾಲಾವೊನೆ ಮದತ ಕರು; ವರಿ; ಪಡ್ದಿಲಿವಾತಿಬಿ ದಿವಾನುಜ಼ ಹೆಚ್ಕಿ಼ ಆಶಿರ್ವಾದ ವ್ಹೈ, ಕರ್ತಾ ಥಯಲ ಯೆಸು ಕ್ರಿಸ್ತ ತೆಜ಼ ಕದಲ ವಾತೊ ಶೆ ಮ್ಹೆಲ್ಯು ಕೈನ ಕದ್ಯೊ.

1 ಕೊರಿಂಥ 12:13

ಯಹುದ್ಯೊ ರ‍್ಹವಾದೆ, ಗ್ರಿಕವಾಲಾ ರ‍್ಹವಾದೆ, ಗುಲಾಮೊ ರ‍್ಹವಾದೆ, ಆಜಾ಼ದ ರ‍್ಹಯಲವಾಲಾ ರ‍್ಹವಾದೆ- ಅಪೆ ಕ್ಹಾರಾ ಯಕ್ಕಜ಼ ಅಂಗ ಥೌ ಕೈನ ಯಕ್ಕಜ಼ ಆತ್ಮಾಕ್ಹು ಬಾಪ್ತಿಸ್ಮ ಹೊಂದಿಲಿದ್ಯಾಸ. ಯಕ್ಕಜ಼ ಆತ್ಮಾನೆ ಅಪೊನೆ ಕ್ಹಾರಾವೊನೆ ಪಾನ ಥೈನ ದಿದಲ ಛೆ.

2 ಪೆತ್ರಾ 3:1

ಮಾರಾ ಮಯಾನ ದೊಸ್ತೊ, ಮಿ ತುಮೊನೆ ಬರ್ದಾನು ಎ ಬೆವಾ ಪತ್ರ ವ್ಹೈ. ತುಮಾರು ಯಕ್ಕಜ಼ ಮನಸ ರ‍್ಹಯಲ ವರಿ ತುಮೆ ಶೆ ಕರಲಿವೊ ಕೈನ ಎ ಬೆಬಿ ಪತ್ರ ಬರ್ದ್ಯೊಸ.