ಅಪೊಸ್ತಲೊ 11:14 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹⁴ ತೆ ತುಮೊಕನ ಸಂದೆಶ ಲಾವಸ. ತೆ ಸಂದೆಕ್ಹು ತುನೆ ತಾರಾ ಘರವಾಲಾವೊನೆ ರಕ್ಷಣೆ ಕರಸ’ ಕೈನ ಕದ್ಯೊ.

ಅಪೊಸ್ತಲೊ 11:14 ပူးပေါင်းရင်းမြစ်များ

ಮಾರ್ಕ 16:16

ಕುನ್ನ ಬರೊಕ್ಹೊ ಕರಿನ ಬಾಪ್ತಿಸ್ಮ ಕರೈಲಿವಾಲಾನೆ ರಕ್ಷಣೆ ಮಳಸ ಬರೊಕ್ಹೊ ನೈ ಕರಲ ವಾಲಾನೆ ಶಿಕ್ಷಾನೆ ಗುರಿ ಥಾವಸ.

ಲುಕ ಬರ್ದಲ ಸುವಾರ್ತಾ 19:10

ತಿನಾಹುತಿ ಮನಕ್ಹನೊ ದಿಕ್ರೊ ಜ಼ವೈ ಗಯಲ ಮನಕ್ಹೊನೆ ಹುಡಕಿನ ರಕ್ಷಣೆ ದಿವಾನೆ ಆಯೊಸ,

ಯೊಹಾನ 12:50

ಬಾನಿ ಆಗನ್ಯಾ ಹಮೆಶಾನಾ ಜ಼ಲಮ ಕನ ಚ಼ಲಾವಸ ಕೈನ ಮನೆ ಗ್ವತ್ತ ಛೆ. ತಿನಾಹುತಿ ಬಾ ಮನೆ ಕದಲ ಸಂಗತಿಯೊಜ ಮಿ ಕೌಸ"

ಯೊಹಾನ 20:31

ಯೆಸು ಹಜು಼ನ ಬಿಜಾ಼ ಅದ್ಭುತ ಕಾಮೊ ತಿನಾ ಶಿಷ್ಯಾನಾ ಕ್ಹಾಮೊ ಕರ‍್ಯೊಸ. ತೆನೈಸೊ ಎ ಬುಕ್ಮಾ ನತ್ತಿ ಬರ್ದ್ಯಾ. ವರಿ ಅಕ್ಲು ಕ್ಹಾರು ಬರ್ದಲ ಛೆ. ಕಾಕದ್ಯಾಮ ತುಮೆ ತಿಪರ ಬರೊಕ್ಹೊ ಮ್ಹೆಲು ಕೈನ ಎ ಕ್ಹಾರು ಬರ್ದಲ ವ್ಹೈ.

ಯೊಹಾನ 4:53

ತಾರೊ ದಿಕ್ರೊ ವಾಚಸ" ಕೈನ ಯೆಸು ಕದಲ ಎಜ಼ ಟೈಮೆ ವ್ಹೈ ಕೈನ ತೆ ದಿಕ್ರಾನಾ ಬಾನೆ ಗ್ವತ್ತ ವ್ಹತ್ತು. ತಿನಾಹುತಿ ತೆ ವರಿ ತಿನಾ ಘರವಾಲಾ ಕ್ಹಾರಾ ಯೆಸುನೆ ನಂಬ್ಯಾತಾ.

ಯೊಹಾನ 6:63

ಜ಼ಲಮ ದಿವಾನು ಕ್ಹುದಾನಿ ಆತ್ಮಾ ವ್ಹೈ. ಮನಕ್ಹನಿ ಸಾಮರ್ಥನು ಸುಜ಼ ನತ್ತಿ. ಮಿ ತುಮೊನೆ ಕಯ್ಯೊ ವಾತೊ ಕದ್ಯೊತೊ ತೆ ಕ್ಹುದಾನಿ ಆತ್ಮಾ ವ್ಹೈ ವರಿ ತೆ ಜ಼ಲಮ ದಿವಸ.

ಯೊಹಾನ 6:68

ಸಿಮೊನ ಪೆತ್ರಾ ಯೆಸುನೆ"ಪ್ರಭು, ಹಮೆ ಕಿಕನ ಗಯ್ಯೆ? ಹಮೆಶಾನೊ ಜ಼ಲಮ ದಿವಾನಾ ವಾತೊ ತಾರಾಮಾ ಛೆ.

ಅಪೊಸ್ತಲೊ 10:2

ಕೊರ್ನೆಲಿಯ ಕ್ಹುದಾನೊ ಭಕ್ತ ವ್ಹತ್ತೊ. ತೆ ವರಿ ತಿನಾ ಘರಮಾ ರ‍್ಹಯಲ ಬಿಜಾ಼ ಕ್ಹಾರಾ ಜ಼ನಾ ಕ್ಹರಿನಾ ಕ್ಹುದಾನೆ ಆರಾಧನಾ ಕರ‍್ತಾತಾ. ತೆ ಗರಿಬೊನೆ ದೊಕ್ಡಾವೊನಿ ಮದತ ಕರ್ತೊತೊ. ಕೆಳಾಮಾಬಿ ಕ್ಹುದಾನೆ ಪ್ರಾಥನಾ ಕರ್ತೊತೊ.

ಅಪೊಸ್ತಲೊ 10:22

ತೆ ಮನಕ್ಹೊ "ಕೊರ್ನೆಲಿಯ ಕವಾನಾ ಯಕ್ಕ ಶತಾದಿಪತಿ ಛೆ. ತೆ ಧಾರ್ಮಿಕ ಮನಕ್ಹ ವ್ಹೈ. ತೆ ಕ್ಹುದಾನೆ ಆರಾಧನಾ ಕರಸ. ಯೆಹುದಿ ಮನಕ್ಹೊ ಕ್ಹಾರಾ ತಿನೆ ಮರ್ಯಾದಿ ದಿವಸ. ತುನೆ ತಿನಾ ಘರೆ ಬಲಾವಾನೆ ಕರಿನ ತು ಕವಾನಿಯೊ ಸಂಗತಿಯೊ ಐಕು ಕೈನ ಕ್ಹುದಾನೊ ದುತ ಯಕ್ಲೊ ಕೊರ್ನೆಲಿಯನೆ ಕದ್ಯೊಸ "ಕೈನ ಕದ್ಯಾ.

ಅಪೊಸ್ತಲೊ 10:43

ಯೆಸು ಪರ ಬರೊಕ್ಹೊ ಮ್ಹೆಲಾಲಾ ಹರಯಕ್ಕನಾ ಪಾಪೊ ತಿನಾ ನಾಮನಾ ಮುಲಕ ಮಾಫ ಕರಸ. ಎ ಕ್ಹರಿಜ಼ ವ್ಹೈ ಕೈನ ಪ್ರವಾದಿಯೊ ಕದ್ಯಾಸ "ಕದ್ಯೊ.

ಅಪೊಸ್ತಲೊ 10:6

ಸಿಮೊನ ಚಾ಼ಮ್ಡಾನು ಕಾಮ ಕರಾಲಾನಾ ಘರಮಾ ಛೆ. ತಿನು ಘರ ಸಮುಂದರನಾ ದಂಡಿಯೆ ಛೆ "ಕೈನ ಕದ್ಯೊ.

ಅಪೊಸ್ತಲೊ 11:13

ತಿನಾ ಘರಮಾ ಕ್ಹುದಾನು ದುತ ಯಕ್ಲೊ ಹುಬ್ರಯಲ ತೆ ದೆಕಲ ಕೊರ್ನೆಲಿಯ ಮನೆ ಕದ್ಯೊ. ತೆ ಕ್ಹುದಾನೊ ದುತ ಕೊರ್ನೆಲಿಯನೆ, ‘ದಕ್ಹಾ ಮನಕ್ಹೊನೆ ಯೊಪ್ಪ ಗಾಮೆ ವಳಾ. ಸಿಮೊನ ಪೆತ್ರಾನೆ ಬಲಾವಾನೆ ಕರಿನ ತುಮೊಕನ ಬಲಾವಾನು ಕರಲೆ.

ಅಪೊಸ್ತಲೊ 16:15

ತಿನಾ ಘರವಾಲಾ ಬಾಪ್ತಿಸ್ಮ ಕರೈಲಿದಲಪರ ತೆ ಕರ್ತಾನೆ ಬರೊಕ್ಹೊ ಕರಾಲಿ ವ್ಹೈ ಖಯನ ತುಮೆ ಮಾರಾ ಹುತಿತಿಳ್ದಿಲಿದಲ ರ‍್ಹವಾಮಾ ಮಾರಾ ಘರ್ಮಾ ಐನ ರ‍್ಹೌ ಕೈನ ಮಾಂಗಿಲಿನ ಹಮೊನೆ ವತ್ತಾಯ ಕರ‍್ಯೊ.

ಅಪೊಸ್ತಲೊ 18:8

ಸಭಾಮಂದಿರನೊ ಅದಿಕಾರಿ ರ‍್ಹಯಲ ಕ್ರಿಸ್ಪನ ತಿನಾ ಘರಲ್ಯಾ ಕ್ಹಾರಾ ಮನಕ್ಹೊ ಕರ್ತಾಪರ ಬರೊಕ್ಹೊ ಮ್ಹೆಲ್ಯೊ. ವರಿ ಕೊರಿಂಥೆಮಾ ಘನ್ನಾ ಮನಕ್ಹೊ ಪೌಲಾ ಕದಲ ಐಕಿನ ಬರೊಕ್ಹೊ ಮ್ಹೆಲಿನ ಬಾಪ್ತಿಸ್ಮ ಕರೈಲಿದ್ಯಾ.

ಅಪೊಸ್ತಲೊ 2:39

ತೆ ವಾಗ್ದಾನ ತುಮೊನೆ ತುಮಾರಾ ಬಚ್ಚಾವೊನೆ ದುರ ರ‍್ಹಯಲ ಮನಕ್ಹೊನೆಬಿ ದಿದಲ ಛೆ. ಅಪ್ನೊ ಕ್ಹುದಾ ಥಯಲ ಪ್ರಭು ತಿಕನ ಬಲಾವಾನಾ ಹರ ಯಕ್ಲಾನೆ ಎ ವಾಗ್ದಾನ ದಿದ್ಯೊಸ" ಕೈನ ಕದ್ಯೊ.

1 ಕೊರಿಂಥ 1:16

(ಹೊ, ಸ್ತೆಫನನಾ ಘರವಾಲಾವೊನೆ ಬಾಪ್ತಿಸ್ಮ ದಿದ್ಯೊಸ. ಇವ್ನೊನೆ ನೈಸೊ ವರಿ ಕಿನೆಜ಼ ಬಾಪ್ತಿಸ್ಮ ದಿದಲ ಮನೆ ಶೆ ನತ್ತಿ)