ಅಪೊಸ್ತಲೊ 10:35 - ಕ್ಹುದಾನಿ ಕ್ಹರಿನಿ ವಾಕ್ಯಾ

³⁵ ತಿನೆ ಆರಾಧನೆ ಕರಾಲಾ ನಿತಿವಂತ ಕುನ್ನಬಿ ರ‍್ಹೈನಕಾ ತ್ಯುನೊನೆ ಕ್ಹುದಾ ಸ್ವಿಕಾರ ಕರಿ ಲಿವಸ. ತೆ ಕೈ ಜಾ಼ತನಾ ಮನಕ್ಹೊ ವ್ಹೈ ಕವಾನು ಖಾಸ ನ್ಹವ್ಹೈ.

ಅಪೊಸ್ತಲೊ 10:35 ပူးပေါင်းရင်းမြစ်များ

1 ಯೊಹಾನ 2:29

ಕ್ರಿಸ್ತ ನಿತಿವಂತವಾಲೊ ವ್ಹೈ ಕವಾನು ತುಮೊನೆ ಗ್ವತ್ತ ಛೆ. ತಿನಾಹುತಿ ಚೊ಼ಕು ಕರಾಲಾ ಮನಕ್ಹೊ ಕ್ಹುದಾನಾ ಬಚ್ಚಾ಼ ವ್ಹೈ ಕವಾನು ತುಮೊನೆ ಗ್ವತ್ತ ಛೆ.

ಅಪೊಸ್ತಲೊ 10:2

ಕೊರ್ನೆಲಿಯ ಕ್ಹುದಾನೊ ಭಕ್ತ ವ್ಹತ್ತೊ. ತೆ ವರಿ ತಿನಾ ಘರಮಾ ರ‍್ಹಯಲ ಬಿಜಾ಼ ಕ್ಹಾರಾ ಜ಼ನಾ ಕ್ಹರಿನಾ ಕ್ಹುದಾನೆ ಆರಾಧನಾ ಕರ‍್ತಾತಾ. ತೆ ಗರಿಬೊನೆ ದೊಕ್ಡಾವೊನಿ ಮದತ ಕರ್ತೊತೊ. ಕೆಳಾಮಾಬಿ ಕ್ಹುದಾನೆ ಪ್ರಾಥನಾ ಕರ್ತೊತೊ.

ಕೊಲೆಸ್ಸೆ 3:11

ಆ ಗ್ಯಾನ ಮಾ ಮಿ ಗ್ರಿಕ ವ್ಹೈ ಮಿ ಯಹುದ್ಯನೊ ವ್ಹೈ ಕೈನ ಫರಕ್ ನತ್ತಿ, ಖತ್ನಾ ಕರಿಲಿದಲವಲೊ ಖತ್ನಾ ನೈಕರಿಲಿದನವಾಲೊ ಕೈನ ಸುಜ಼ ಫರಕ ನತ್ತಿ, ಮಾರೊ ಮನಕ್ಹ ವ್ಹೈ ಮಾರೊ ಮನಕ್ಹ ನವೈ, ಆಳ ವ್ಹೈ ಆಳ ನವೈ ಕವಾನು ಸುಜ಼ ಫರಕ ನತ್ತಿ, ತಿನಾಹುತಿ ಕ್ರಿಸ್ತಜ ಕ್ಹಾರು ವ್ಹೈ ವರಿ ಪುರಾವೊಮಾ ರ‍್ಹವಾಲೊ ವ್ಹೈ.

ಅಪೊಸ್ತಲೊ 15:9

ಕ್ಹುದಾ ದೃಶ್ಟಿಮಾ ತ್ಯುನೊನೆಬಿ ಹಮೊನೆಬಿ ಕಯು ಫರಕ ನತ್ತಿ. ತ್ಯುನೆ ಬರೊಕ್ಹೊ ಕರಲ್ಪರ, ಕ್ಹುದಾ ತ್ಯುನಾ ಮನಸೊ ಶುದ್ಧ ಕರ‍್ಯೊ.

2 ಕೊರಿಂಥ 7:1

ಮರಾ ಮಯಾನಾ ಭಾಯೊ ಭೆನೊ ಎ ವಾಗ್ದಾನ ತುನೆ ಅಪೊನೆ ಛೆ ಕೈನ ಅಪೆ ಮಾ ಅಂಗ ವರಿ ಆತ್ಮಾ ರ‍್ಹಯಲ ಕೆಟ್ಟ ಕೈನ ನೈ ಕರಾ ತುನೆ ಅಪೊನೆ ಹಸಾ ಕರಾ ಕ್ಹುದಾ ಭೆನ ರ‍್ಹಯಲ ಕರ್ಲ ಕ್ಹಾರ ಪವಿತ್ರ ರ‍್ಹ ಕೊಶಿಶ ಕರಾ.

ಕೊಲೆಸ್ಸೆ 1:6

ತಮೆ ಸುವಾರ್ತೆ ಐಕಿ ಕ್ಹುದಾನಿ ಮರಗಾನಿ ಕ್ಹರಿ ತಿಳ್ದಿಲಿದಲಕ್ಹು ಸುವಾರ್ತೆ ತುಮೊಮ್ಮಾ ಘನಿ ಥಾವಾಡಿಸ ವರಿ ಮನಕ್ಹೊನೆ ಆಶಿರ್ವಾದ ಥೈನ ರ‍್ಹೈಯುಸ. ತಿನಾಲಿಂಗತಜ಼ ದುನಿಯಾಮಾ ಕ್ಹಾರಿ ಜ಼ಗಾಬಿ ಸುವಾರ್ತೆ ಘನಿ ಥಾವಾಡಿಸ ವರಿ ಆಶಿರ್ವಾದ ಥೈನ ರ‍್ಹವಸ.

ಅಪೊಸ್ತಲೊ 9:31

ಇಮ್ಮ ರ‍್ಹತಾಮಾ ಯುದಾಯ ವರಿ ಗಲಿಲಾಯ ಸಮಾರ್ಯಾ ಸಿಮೆಮಾ ರ‍್ಹಯಲ ಸಬೆ ಸಮಾಧಾನ ವ್ಹಂದ್ಯು ವರಿ ಕರ್ತಾನಿ ಭೆಮಾ ಪವಿತ್ರ ಆತ್ಮಾ ಕ್ಹು ಪ್ರೊತ್ಸಾಹ ಹೊಂದಿನ ಬೆಳದತು ಆಯು.

ಎಫೆಸ 5:21

ತುಮೆ ಯಕ್ಕನೆ ಯಕ್ಕ ಅಧಿನ ಥೈನ ರ‍್ಹೌ. ಕಾಕದ್ಯಾಮ ತುಮೆ ಕ್ರಿಸ್ತಮಾ ಭೆ ಭಕ್ತಿಕ್ಹು ಛೆ.

ಎಫೆಸ 1:6

ಕ್ಹುದಾನಿ ಮರಗಾಕ್ಹು ಥಯಲ ಎ ನಿರಧಾರ ತಿನೆ ಸ್ತೊತ್ರಾ ಥಾವಾನೆ ಕಾರಣ ವ್ಹೈ. ಕ್ಹುದಾ ತೆ ಮರಗಾ ತಿನಾ ಮಯಾನಾ ದಿಕ್ರಾನಾ ಮುಕಾಂತರ ಅಪೊನೆ ಉಪಾರ ಮನಸ್ಸಕ್ಹು ದಿದ್ಯೊಸ.

ಗಲಾತ್ಯ 3:28

ಹಮ್ನಾ ಕ್ರಿಸ್ತಮಾ ಯಹುದಿ, ಗ್ರಿಕ ಕವಾನು ಫರಕ ನತ್ತಿ; ಸ್ವತಂತ್ರ ರ‍್ಹಯಲವಾಲಾ ವರಿ ಗುಲಾಮೊ ಕವಾನು ಫರಕ ನತ್ತಿ; ಬಾಕಡಿಯೊ ವರಿ ದಾಣಗಾಮಾ ಫರಕ ನತ್ತಿ. ತುಮೆ ಕ್ಹಾರಾ ಕ್ರಿಸ್ತ ಯೆಸುಮಾ ಯಕಜ಼ ಥಯಾಸ.

1 ಕೊರಿಂಥ 12:13

ಯಹುದ್ಯೊ ರ‍್ಹವಾದೆ, ಗ್ರಿಕವಾಲಾ ರ‍್ಹವಾದೆ, ಗುಲಾಮೊ ರ‍್ಹವಾದೆ, ಆಜಾ಼ದ ರ‍್ಹಯಲವಾಲಾ ರ‍್ಹವಾದೆ- ಅಪೆ ಕ್ಹಾರಾ ಯಕ್ಕಜ಼ ಅಂಗ ಥೌ ಕೈನ ಯಕ್ಕಜ಼ ಆತ್ಮಾಕ್ಹು ಬಾಪ್ತಿಸ್ಮ ಹೊಂದಿಲಿದ್ಯಾಸ. ಯಕ್ಕಜ಼ ಆತ್ಮಾನೆ ಅಪೊನೆ ಕ್ಹಾರಾವೊನೆ ಪಾನ ಥೈನ ದಿದಲ ಛೆ.

ರೊಮಾಪೂರ 3:22

ಬರೊಕ್ಹಾನಾ ಮುಲಕ ಕದ್ಯಾಮ ಯೆಸು ಕ್ರಿಸ್ತಪರ ಬರೊಕ್ಹೊ ಮ್ಹೆಲಾಲಾ ಕ್ಹಾರಾ ಮನಕ್ಹೊನೆ ಕ್ಹುದಾ ನಿತಿವಂತವಾಲಾ ಕರಸ. ಕ್ಹಾರಾ ಮನಕ್ಹೊ ಯಕ್ಕಜ಼ ವ್ಹೈ.

ರೊಮಾಪೂರ 2:13

ಧರಮಶಾಸ್ತ್ರನೆ ಐಕಲಕ್ಹು ಮನಕ್ಹೊ ಕ್ಹುದಾನಿ ನಜ಼ರಮಾ ನಿತಿವಂತವಾಲಾ ಥಾತಾ ನೈ. ತೆನೈಸೊ ಧರಮಶಾಸ್ತ್ರ ಕವಾನಿ ಹರಿ ಯಕ್ಕ ವಾತನೆ ವಿಧೆಯ ಥಾವಾಲಾ ಮನಕ್ಹೊನೆ ಧರಮಶಾಸ್ತ್ರ ನಿತಿವಂತವಾಲಾ ಕರಸ.

ಲುಕ ಬರ್ದಲ ಸುವಾರ್ತಾ 1:28

ದೆವದುತ ತಿನಾ ಕ್ಹಾಮೊ ಐನ "ಕ್ಹುದಾನೊ ಆಶಿರ್ವಾದ ವ್ಹಂದಲವಾಲಿ. ತುನೆ ಚೊ಼ಕು ಥಾವಾದೆ ಕರತಾ ತಾರಾ ಕ್ಹಾತೆ ಛೆ "ಕದ್ಯೊ.

ಫಿಲಿಪ್ಪಿ 3:3

ಕ್ಹರಿನಾಜ ಖತ್ನಾ ಕರಾವಾಲಾ ಕುವೈ ಕದ್ಯಾಮ್ಮಾ ಕ್ಹುದಾನಿ ಆತ್ಮಾಕ್ಹು ಭರಲವಾಲಾ ಆರಾಧನಾ ಕರಾವಾಲಾ ಕ್ರಿಸ್ತ ಯೆಸುಮ್ಮಾ ಖುಶಿ ಕರಾವಾಲಾ ಅಂಗನು ಸಂಬಂಧರ‍್ಹಹೆಲೊಮ್ಮಾ ಭರೊಕ್ಹೊ ನೈರ‍್ಹಹೆಲವಾಲಾ ಹಮೆಜ಼ ವ್ಹೈ.

ಅಪೊಸ್ತಲೊ 10:28

ಪೆತ್ರಾ ತ್ಯುನೊನೆ"ಯಕ್ಲೊ ಯೆಹುದಿ ಬಿಜಾ಼ ಮನಕ್ಹೊನಾ ಕ್ಹಾತೆ ಸಂಬಂಧ ಮ್ಹೆಲ್ಯಾನು ರ‍್ಹವಾದೆ ತ್ಯುನೊನೆ ಮಳಾನು ರ‍್ಹವಾದೆ ಅಪ್ನಾ ಯೆಹುದಿ ಧರಮಶಾಸ್ತ್ರನಾ ವಿರುದ್ದ ವ್ಹೈ ಕೈನ ತುಮೊನೆ ಗ್ವತ್ತ ಛೆ. ತೆನೈಸೊ ಕಯಾಬಿ ಮನಕ್ಹನೆ ಪವಿತ್ರ ನೈ ರ‍್ಹಯಲ ವ್ಹೈ ಕೈನ ಶುದ್ಧ ನೈ ರ‍್ಹಯಲ ವ್ಹೈ ಕೈನ ಬಲೌ ನೈ ಕೈನ ಕ್ಹುದಾ ಮನೆ ದೆಕಾಡಿನ ದಿದ್ಯೊಸ.

ರೊಮಾಪೂರ 2:14

ಯಹುದ್ಯೊ ನೈ ರ‍್ಹಯಲವಾಲಾ ಧರಮಶಾಸ್ತ್ರ ಹೊಂದ್ಯಾ ನತ್ತಿ. ತೆನೈಸೊ ತ್ಯುನೆ ಧರಮಶಾಸ್ತ್ರನಾ ಲಿಂಗತ ಚಾ಼ಲಿನ ಜಾ಼ವತ್ತೊ, ತ್ಯುನೊನೆ ಧರಮಶಾಸ್ತ್ರನಿ ಜ಼ರುರತ್ತಜ಼ ನ್ಹೊತಿ.