ಅಪೊಸ್ತಲೊ 10:28 - ಕ್ಹುದಾನಿ ಕ್ಹರಿನಿ ವಾಕ್ಯಾ

²⁸ ಪೆತ್ರಾ ತ್ಯುನೊನೆ"ಯಕ್ಲೊ ಯೆಹುದಿ ಬಿಜಾ಼ ಮನಕ್ಹೊನಾ ಕ್ಹಾತೆ ಸಂಬಂಧ ಮ್ಹೆಲ್ಯಾನು ರ‍್ಹವಾದೆ ತ್ಯುನೊನೆ ಮಳಾನು ರ‍್ಹವಾದೆ ಅಪ್ನಾ ಯೆಹುದಿ ಧರಮಶಾಸ್ತ್ರನಾ ವಿರುದ್ದ ವ್ಹೈ ಕೈನ ತುಮೊನೆ ಗ್ವತ್ತ ಛೆ. ತೆನೈಸೊ ಕಯಾಬಿ ಮನಕ್ಹನೆ ಪವಿತ್ರ ನೈ ರ‍್ಹಯಲ ವ್ಹೈ ಕೈನ ಶುದ್ಧ ನೈ ರ‍್ಹಯಲ ವ್ಹೈ ಕೈನ ಬಲೌ ನೈ ಕೈನ ಕ್ಹುದಾ ಮನೆ ದೆಕಾಡಿನ ದಿದ್ಯೊಸ.

ಅಪೊಸ್ತಲೊ 10:28 ပူးပေါင်းရင်းမြစ်များ

ಮಾರ್ಕ 7:2

ವರಿ ಯೆಸುನಾ ಶಿಷ್ಯಾ ತಿವ್ನಿ ಪದ್ದತಿನಿOಗತ ಹತ್ ಧ್ವಯಾವಾಚಿ ಅನ್ನ ಖಾವಾನು ದೆಕ್ಯಾ ತ್ಯುನೆ ಕಾಕದ್ಯಾಮ ತ್ಯುನಿ ಪದ್ದತ್ ಲಿಂಗತ ಖಾವಾತಿ ಅಗ್ದುರ ಹತ್ ಧ್ವಯಾನ್ಹೊತಾ.

ಲುಕ ಬರ್ದಲ ಸುವಾರ್ತಾ 18:11

ತೆಳಾಮಾ ಫರಿಸಾಯರವಾಲೊ ಭು ಭಾಡೊಲಿವಾಲಾನೆ ದೆಕಿನ ದುರ ಹುಬ್ರೈನ ಅಮ್ಮ ಪ್ರಾಥನಾ ಕರ‍್ಯೊ. ಕ್ಹುದಾ, ಮಿ ಬಿಜಾ಼ವೊ ಲಿಂಗತ ಭು ಭಾಡೊಲಿವಾಲೊ ನ್ಹವೈ. ಮೊಸ ಕರಾಲೊ ನ್ಹವೈ, ವೈಭಿಚಾರ ಕರಾಲೊ ನ್ಹವೈ. ತಿನಾ ಹುತಿ ಮಿ ತುನೆ ಸ್ತೊತ್ರಾ ಕೌಸ,

ಯೊಹಾನ 18:28

ಪಾಚಾ಼ತಾ ಯಹುದ್ಯೊ ಯೆಸುನೆ ಕಾಯಫನಾ ಘರತಾ ರೊಮ ರಾಜ್ಯಪಾಲನಾ ಭವನ ಕನ ಲಿನ ಆಯಾ. ತೆಳಾಮಾ ಪಾಟ ಥೈತಿ. ಯಹುದ್ಯೊ ಭವನನಾ ಮ್ಹೈ ಗಯಾ ನೈ. ತ್ಯುನೆ ಪಸ್ಕ ಸನ್ನನು ಅನ್ನ ಚಾ಼ಯೆ ಕೈನ ರ‍್ಹಯಲ ಹುತಿ ತ್ಯುನೊನೆ ಅಶುದ್ಧೊ ಥೈನ ಕರಿಲಿವಾನೆ ಪಸಂದ ಕರ‍್ಯಾ ನೈ.

ಯೊಹಾನ 4:27

ತೆ ಟೈಮ್ಮಾ ತಿನಾ ಶಿಷ್ಯಾ ಫರಿನ ಆಯಾ. ಯೆಸು ಯಕ್ಕ ಬಾಕ್ಡಿನಾ ಕ್ಹಾತೆ ಬೊಲಾನು ದೆಕಿನ ಘನ್ನಾ ಘಾಬ್ರಾ ಥಯಾ. ತೆನೈಸೊ ತ್ಯುನೆ, ತುನೆ ಸು ಚಾ಼ಯೆ? ಕೈನ ತು ತಿನಾ ಕ್ಹಾತೆ ಸು ಬೊಲಾಡೊಸ? ಕೈನ ತ್ಯುನೆ ಕುನ್ನಜ ತ್ಯುನೊನೆ ಪುಚ್ಯಾ ನೈ.

ಯೊಹಾನ 4:9

ಸಮಾರ್ಯಾವಾಲಿ ತೆ ಬಾಕ್ಡಿ ತುತೊ ಯಹುದಿ ವ್ಹೈ. ಮಿತೊ ಸಮಾರ್ಯಾವಾಲಿ ವ್ಹೈ" ಪಿವಾನೆ ಪಾನಿ ತು ಮಕನ ಪುಚ್ಚಾನು ಕಾ? ಕದಿ. ಯೆಹುದಿಯೊನಾ ಮನಕ್ಹೊ ಸಮಾರ್ಯಾವಾಲಾನಾ ಕ್ಹಾತೆ ಕಯುಜ಼ ಸಂಭಂದ ಮ್ಹೆಲ್ತಾ ನ್ಹೊತಾ..

ಅಪೊಸ್ತಲೊ 10:29

ತಿನಾಹುತಿ, ಮನೆ ನ್ಹ್ಯಾ ಔ ಕೈನ ಬಲಾಯಲ ಮನಕ್ಹೊನಾ ಕ್ಹಾತೆ ಮಿ ವಾದ-ವಿವಾದ ಕರ‍್ಯೊ ನೈ. ತೆನೈಸೊ ತುಮೆ ಮನೆ ಕಾ ಬಲಾಯಾಸ ಕೈನ ಹಮ್ನಾ ತುಬಿ ಕವೊ? ಕದ್ಯೊ.

ಅಪೊಸ್ತಲೊ 11:9

"ತೆನೈಸೊ, ‘ಎ ಕ್ಹಾರಾನೆ ಕ್ಹುದಾ ಶುದ್ಧ ಕರ‍್ಯೊಸ. ಎ ಕ್ಹಾರು ಶುದ್ಧ ನ್ಹವೈ ಕೈನ ಕೌ ನಕೊ! ಕೈನ ತೆ ಅವಾಜ಼ ಮನೆ ಜವಾಬ ದಿದ್ಯು.