2 ತಿಮೊತಿ 3:4 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁴ ಲಾಸ್ಟನಾ ದಿನೊಮಾ ಮನಕ್ಹೊ ದೊಸ್ತೊನೆ ಮೊಸ ಕರಾಲಾ ರ‍್ಹವಸ; ದುಡಕಿನ ಪಿಸಾಳಾವೊಲಿಂಗತ ಕಾಮೊ ಕರಾಲಾ ರ‍್ಹವಸ; ಅಹಂಕಾರಕ್ಹು ಫುಗ್ಗಾಲಾ ರ‍್ಹವಸ; ಕ್ಹುದಾನೆ ಮಯಾ ಕರ‍್ಯಾವಾಚಿ ವ್ಯಭಿಚಾರನೆ ಮಯಾ ಕರಾಲಾ ರ‍್ಹವಸ;

2 ತಿಮೊತಿ 3:4 ပူးပေါင်းရင်းမြစ်များ

ಅಪೊಸ್ತಲೊ 19:36

ಎ ಸಂಗತಿಯೊ ನ್ಹವೈ ಕವಾನಾ ಹುತಿ ಕಿನೆಕ್ಹುಜ಼ ನೈ ಥಯಲಕ್ಹು ತುಮೆ ಶಾಂತಿಕ್ಹು ರ‍್ಹವೊ. ಗಡಬಡ ಕರಿನ ಸುಜ಼ ಕರುನೈ.

ಅಪೊಸ್ತಲೊ 7:52

ಜುವತ್ತಾ ರ‍್ಹಯಲ ಪ್ರವಾದಿಯೊಮಾ ಹರಯಕ್ಲಾನೆ ತಮಾರಾ ಪಿತೃವೊ ತ್ರಾಸ ಕರ‍್ಯಾ. ನಿತಿವಾಲೊ ಯಕ್ಲೊ ಆವಸ ಕೈನ ಘನ್ನಾ ಟೈಮನಾ ಪಚಾ಼ಜ಼ ತೆ ಪ್ರವಾದಿಯೊ ಕದ್ಯಾ. ತಿನಾಹುತಿ ತಮಾರಾ ಪಿತೃವೊ ತೆ ಪ್ರವಾದಿಯೊನೆ ಖಲಾಸ ಕರಿ ಪಾಡ್ಯಾ. ಹಮ್ನಾ ತಿನಾಲಿಂಗತ ಸುಜ಼ ತಪ್ಪ ನೈ ಕರಲವಾಲಾ ಯೆಸು ಕ್ರಿಸ್ತನಾ ವಿರುದ್ದ ಥೈನ ತಿನೆಬಿ ಖಲಾಸ ಕರಿ ಪಡ್ಯಾ.

ರೊಮಾಪೂರ 11:20

ತೆ ಕ್ಹರಿ ವ್ಹೈ. ತೆ ಠೊಂಗಿಯೊ ತುಟಿಯೊ. ತಿನೆ ಬರೊಕ್ಹೊ ನೈ ಕರಲ ಕಾರಣ ವ್ಹೈ. ತುಮೆ ತೆ ಝಾಡನು ಯಕ್ಕ ಭಾಗ ಥಯಲ ತುಮಾರಾ ಬರೊಕ್ಹಾಕ್ಹುಜ಼ ವ್ಹೈ. ತಿನಾಹುತಿ ಸ್ವಕ್ಕ ಕರು ನಕೊ, ಭುಚಿ಼ಕಿನ ರ‍್ಹೆ.

ರೊಮಾಪೂರ 16:18

ಕಾಕದ್ಯಾಮ ತ್ಯವಾ ಸಂಗತಿಯೊ ಕರಲ ಮನಕ್ಹೊ ಅಪ್ನೊ ಪ್ರಭು ಥಯಲ ಕ್ರಿಸ್ತನಿ ಸೆವಾ ಕರಾಡ್ಯಾ ನತ್ತಿ. ತ್ಯುನೆ ಖಾಲಿ ತ್ಯುನೆ ಪೆಟನಾ ಹುತಿ ಕರಾಡಾಸ. ಕೆಟ್ಟನಾ ಹುತಿ ನೈ ತಿಳದ್ಯಲ ಮನಕ್ಹೊನಾ ಮನಸೊನೆ ಮೊಸ ಕರಾನೆ ತ್ಯುನೆ ಚೊ಼ಕಾ ಮಯಾನಾ ವಾತೊ ಬೊಲಸ ವರಿ ಮ್ಹೊಡಾನೆ ಪಸಂದ ಆವಾನಾ ವಾತೊ ಬೊಲಸ.

1 ತಿಮೊತಿ 3:6

ತೆ ನವೊ ವಿಶ್ವಾಸಿ ರ‍್ಹೌ ನೈ. ನವಾ ವಿಶ್ವಾಸಿನೆ ಸಬೆಪರ ಮ್ಹೊಟೊ ಕರ‍್ಯಾಮ, ತಿನೆ ಸ್ವಕ್ಕ ಆವಸ. ಸೈತಾನ ತಿನಾ ಸ್ವಕ್ಕ ಕ್ಹು ತಿನೆ ಶಿಕ್ಷಾ ಮಳಲ ಲಿಂಗತ ಇನೆಬಿ ಶಿಕ್ಷ್ಯಾ ಮಳಸ.

1 ತಿಮೊತಿ 5:6

ತೆನೈಸೊ ಮಾಟಿ ಮರಲವಾಲಿ ತಿನಾ ಮನಸ ಮನಸೆ ಆಯಲ ಲಿಂಗತ ಜಿವ್ನಾ ಕರಿಮ ತೆ ಜಿವ್ತಿ ರ‍್ಹೈತಬಿ ಮರಲಲಿಂಗತ ವ್ಹೈ.

1 ತಿಮೊತಿ 6:17

ಇಹಲೊಕನಾ ವಿಚಾರಮಾ ಸೌಕಾರ ರ‍್ಹಯಲ ಮನಕ್ಹೊನೆ ಎ ಆಗನ್ಯಾ ತಿಳಸಾ. ಗರವ ಕರ‍್ಯಾವಾಚಿ ದೊಕಡಾನಾ ಪಾಚೊ಼ ಪಡ್ಯಾವಾಚಿ ಕ್ಹುದಾಪರ ಆಸ ಮ್ಹೆಲ್ಯಲವಾಲೊ ಥೈನ ತ್ಯುನೊನೆ ತಿಳಸಾ. ದೊಕಡಾ ಬರೊಕ್ಹೊನಾ ನ್ಹವೈ. ಕ್ಹುದಾತುಬಿ ಅಪ್ನಾ ಕ್ಹುಷಿನಾಹುತಿ ಕ್ಹಾರು ಅಪೊನೆ ದಿವಸ.

ಯುದ ಬರ್ದಲ ಪತ್ರ 1:19

ಎ ಮನಕ್ಹೊ ತುಮೊಮಾ ಭೆದ ಹುಟ್ಸಾವಸ.ಎ ಮನಕ್ಹೊ ತ್ಯುನಿಯೊ ಪಾಪನಿಯೊ ಚಾಳಿಯೊ ನಿಂಗತ ಯಕ್ಕಜ಼ ಕರಸ.ತ್ಯುನೊಮಾ ಪವಿತ್ರ ಆತ್ಮಾ ನತ್ತಿ.

ಯುದ ಬರ್ದಲ ಪತ್ರ 1:4

ದಕ್ಹಾ ಜ಼ನಾ ಮನಕ್ಹೊ ಗ್ವತ್ತವಾಚಿ ತುಮಾರಿ ಸಬೆಮಾ ಆಯಾಸ. ಇವ್ನೊನೆ ಥಾವಾನಿ ಶಿಕ್ಷಾನಾ ಹುತಿ ಘನ್ನಾ ದಿನ್ನಾ ಪಾಚಾ಼ಜ಼ ಪ್ರವಾದಿಯೊ ಬರ್ದ್ಯಾಸ. ಎ ಮನಕ್ಹೊ ಕ್ಹುದಾನಾ ವಿರುದ್ದ ಥಯಾಸ.ತ್ಯುನೆ ಪಾಪನಾ ಕಾಮೊ ಕರಾನಾ ಹುತಿ ಅಪ್ನಾ ಕ್ಹುದಾನಿ ಮರ್ಗಾನಿ ನೈವಾ ಕರ್ಲಿನ ತ್ಯುನೆ ಅಪ್ನೊ ಯಕ್ಕಜ಼ ಮಾಲಕ ಥಯಲ ವರಿ ಪ್ರಭು ಥಯಲ ಯೆಸು ಕ್ರಿಸ್ತನಾ ಪಾಚಾ಼ ಆವಾಲಾ ಥಯಾಸ.