2 ತಿಮೊತಿ 1:8 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁸ ಅಪ್ನೊ ಪ್ರಭು ಥಯಲ ಯೆಸು ಕ್ರಿಸ್ತನಾ ಹುತಿ ಮನಕ್ಹೊನೆ ತಿಳ್ಸಾನಾ ಹುತಿ ಪ್ರಭುನಾ ಹುತಿ ಜೆಲ್ಮಾ ರ‍್ಹಯಲ ಮಾರಾ ಹುತಿ ಸರಮಾವೊ ನಕೊ. ತಿನಾ ಬದಲ ಸುವಾರ್ತೆನಾ ಹುತಿ ಮಾರಾ ಕ್ಹಾತೆ ತ್ರಾಸ ಅನಭವಿಸು, ತಿನಾಹುತಿ ಚಾ಼ಯೆ ಥಯಲ ತಾಕತ ಕ್ಹುದಾಜ಼ ತುನೆ ದಿವಸ.

2 ತಿಮೊತಿ 1:8 ပူးပေါင်းရင်းမြစ်များ

ಮಾರ್ಕ 8:38

ಕ್ಹುದಾನೊ ಭೆ ನೈಸೊವಾಲಾ ಎ ಪಾಪಿ ದಿನೊಮಾ ಮಾರಾ ಹುತಿ ಮಾರಿಯೊ ವಾತೊಕ್ಹು ಕುನ್ನ ಸರಮಸ ತಿನೆ ಮನಕ್ಹನೊ ದಿಕ್ರೊ ತೆ ತಿನಾ ಬಾಪ್ನಿ ಮಹಿಮಾನಾ ಕ್ಹಾತೆ ಪರಿಶುದ್ಧ ದುತೊನಾ ಕ್ಹಾತೆ ಆತಾಮಾ ತಿನಾ ಹುತಿ. ತೆ ಸರಮಸ ಕದ್ಯೊ.

ಲುಕ ಬರ್ದಲ ಸುವಾರ್ತಾ 9:26

ಕಯೊಬಿ ಮಕ್ಹು ವರಿ ಮಾರಿಯೊ ವಾತೊಕ್ಹು ಸರಮಾವಸ ಮಿ ಮಹಿಮಾನಾ ಕ್ಹಾತೆ ಬಾ ನಿ ಮಹಿಮಾನಾ ಕ್ಹಾತೆ ವರಿ ಸ್ವರಗನಾ ಪರಿಶುದ್ಧ ದುತೊನಾ ಮಹಿಮಾನಾ ಕ್ಹಾತೆ ಆತಾಮಾ ತಿನೆ ದೆಕಿನ ಮಿ ಸರಮಾವುಸ.

ಯೊಹಾನ 15:27

ವರಿ ತುಮೆಬಿ ಮಾರಾ ಸಾಕ್ಷಿ ದಿವೊಶಿ. ಕಾಕದ್ಯಾಮ ಪೈಲಾತಾಬಿ ತುಮೆ ಮಾರಾ ಕ್ಹಾತೆ ಛೆ.

ಯೊಹಾನ 19:35

ಎ ದೆಕಲವಾಲೊ ಇನಾಹುತಿ ಕದ್ಯೊಸ. ತುಮೆಬಿ ಬರೊಕ್ಹೊ ಕರು ಕೈನ ತೆ ತುಮೊನೆ ಎ ತಿಳ್ಸಾಯೊಸ. ತೆ ಕವಾನಿ ಸಂಗತಿಯೊ ಕ್ಹರಿಜ ವ್ಹೈ. ತೆ ಕವಾನು ಕ್ಹರಿ ವ್ಹೈ ಕೈನ ತಿನೆ ಗ್ವತ್ತ ಛೆ.

ಅಪೊಸ್ತಲೊ 5:41

ಅಪೊಸ್ತಲೊ ತ್ಯುನೆ ಯೆಸುನು ನಾಮಕ್ಹು ಮರ್ಯಾದಿ ಕಾಡಾನಾಹುತಿ ಯೊಗ್ಯ ನತ್ತಿ ಕೈನ ಕ್ಹುಶಿ ಥಯಾ.

ರೊಮಾಪೂರ 1:16

ಮಿ ಸುವಾರ್ತೆನಾ ಹುತಿ ಆತ್ಮ ವಿಸ್ವಾಸಕ್ಹು ಛೆ. ಬರೊಕ್ಹೊ ಮ್ಹೆಲಲ ಹರ ಯಕ್ಲಾನಾ ರಕ್ಷಣೆನಾ ಹುತಿ ಕದ್ಯಾಮ ಪೈಲಾ, ಯಹುದಿಯೊನೆ ಪಾಚಾ಼ತಾ ಯೆಹುದಿ ನೈಸೊವಾಲಾವೊನೆ ಬರೊಕ್ಹೊ ಮ್ಹೆಲಲ ವಾಲಾವೊನೆ ರಕ್ಷಣೆ ಕ್ಹುದಾನಿ ತಾಕತ ಥೈಸ.

ರೊಮಾಪೂರ 16:25

ಕ್ಹುದಾನೆ ಮಹಿಮಾ ಥಾವಾದೆ. ತುಮೊನೆ ಬರೊಕ್ಹಾಮಾ ತಾಕತ ದಿವಾಲೊ ಕ್ಹುದಾ ಯಕ್ಲೊಜ಼ ವ್ಹೈ. ಮಿ ಉಪದೆಶ ಕರಾನಿ ಸುವಾರ್ತೆನಾ ಮುಲಕ ಹಮೆಶಾ ರ‍್ಹವಾಲೊ ಕ್ಹುದಾ ತುಮೊನೆ ತಾಕತವಾಲಾ ಕರಸ. ಮಿ ಯೆಸು ಕ್ರಿಸ್ತನಾ ಹುತಿ ಮನಕ್ಹೊನೆ ತಿಳಸಾವಾನುಜ಼ ತೆ ಸುವಾರ್ತೆ ಕ್ಹುದಾ ತಿಳಸಾಯಲ ತೆ ಸುವಾರ್ತೆ ರಹಸ್ಯ ರ‍್ಹಯಲ ಕ್ಹರಿಜ಼ ವ್ಹತ್ತು ವರಿ ಪೈಲಾತುಬಿ ಝಕೈ ಗೈತು.

ರೊಮಾಪೂರ 8:36

ಕ್ಹುದಾ, ತಾರಾ ಹುತಿ ಹಮೆ ದಿನ್ನಾ ಮೌತನೆ ಗುರಿ ಥಯಾಸ; ಮನಕ್ಹೊ ಹಮೊನೆ ಕಾಟಾನಾ ಬಕ್ಕರಿಯೊ ಲಿಂಗತ ಅಪ್ನಾ ಕ್ಹಾತೆ ಥಾವಾಡ್ಯುಸ. ಕಿರ್ತನೆ 44:22

ರೊಮಾಪೂರ 9:33

ಪವಿತ್ರ ಗ್ರಂಥ ತೆ ದಗ್ಡಾನಾ ಹುತಿ ಇಮ್ಮ ಕದ್ಯುಸ; "ಅದೆಕ್ಕ, ಮಿ ಸಿಯೊನಮಾ ಪಾಡಾನೆ ಯಕ್ಕ ದಗ್ಡೊ ಮ್ಹೆಲುಸ. ಎ ದಗ್ಡಾಕ್ಹು ಮನಕ್ಹೊ ಪಡಸ. ತೆನೈಸೊ ತೆ ದಗ್ಡಾಪರ ಬರೊಕ್ಹೊ ಮ್ಹೆಲಾಲೊ ಕೆಳಾಮಾಬಿ ತಿನಿ ಆಸ ಭಂಗ ನೈ ಥಾತಿ" ಯೆಶಾಯ 8:14; 28:16

1 ಕೊರಿಂಥ 1:6

ಎನೈಸೊ, ಕ್ರಿಸ್ತ ಯೆಸುನಾ ಹುತಿ ಸಾಕ್ಷಿ ತುಮೊಮಾ ಛೆ ತಿನಾಹುತಿ ತುಮೆ ಘಟ್ಟ ಛೆ.

2 ಕೊರಿಂಥ 6:7

ಕ್ಹರಿ ವಾಕ್ಯ ಕ್ಹುದಾ ಮಹಿಮಾ ಎ ಕ್ಹಾರ ರ‍್ಹ ಮಾ ರ‍್ಹಯಲ ಹತೊ ರ‍್ಹಯಲ ನಿತಿವಂತ ಮಾ ರ‍್ಹಯಲ ಹತೊ ನಿತಿ ಕವಾನು ಆಯುಧೊ ಘಾಲ್ಲಿದಲ ಪರ ಘಾಲ.

ಎಫೆಸ 3:1

ಪೌಲಾ ಕವಾಲೊ ಮಿ ಕ್ರಿಸ್ತ ಯೆಸುನೊ ಸೆರೆ ಆಳ ವ್ಹೈ. ಯಹುದ್ಯೊ ನೈಸೊ ತುಮಾರಾ ಹುತಿ ಮಿ ಸೆರೆ ಆಳ ಥಯೊಸ.

ಎಫೆಸ 3:13

ಇಮ್ಮ ರ‍್ಹತಾಮಾ ಮಿ ತುಮಾರಾ ಹುತಿ ಆವಾನಾ ತ್ರಾಸೊ ದೆಕಿನ ದುಖಿ ಥೈನ ಧೈರ್ಯ ಜ಼ವೈಲಿವೊ ನಕೊ. ಮಾರಾ ತ್ರಾಸೊ ತುಮೊನೆ ಮರ್ಯಾದಿ ಲಾವಸ.

ಎಫೆಸ 4:1

ಮಿ ಕ್ಹುದಾನೊ ರ‍್ಹಯಲ ಹುತಿ ಜೈಲಮಾ ಛೆ. ತುಮೆ ಕ್ಹುದಾಕ್ಹು ಬಲಾಯಲವಾಲಾ ವ್ಹೈ. ತಿನಾಹುತಿ ತುಮಾರಾ ಬಲಾಯನಾ ಹುತಿ ತಿನಾಲಿಂಗತ ಯೊಗ್ಯ ಥೈನ ಜಿವ್ನಾ ಕರು ಕೈನ ತುಮೊನೆ ಮಾಂಗಿಲ್ಯುಸ.

ಎಫೆಸ 4:17

ಪ್ರಭುನಾ ಹುತಿ ಮಿ ತುಮೊನೆ ಎ ಕೌಸ ವರಿ ಹುಶಾರಕಿ ದಿವ್ಸ. ಅವಿಶ್ವಾಸಿಯೊ ಲಿಂಗತ ಇತ್ತಿ ಉಪ್ಪರ ಜಿವ್ನಾ ಕರೊ ನಕೊ. ತ್ಯುನಾ ವಿಚಾರೊ ಉಪಯೊಗ ನೈಸೊ ಥಯಾಸ.

ಫಿಲಿಪ್ಪಿ 1:7

ತುಮೊಮ್ಮಾ ರ‍್ಹಯೆಲ ಮನೆ ಗ್ವತ್ತ ತಾವಾನು ಚೊಕ್ಹು ವ್ಹೈ. ಮಿ ಭಂದನಮ್ಮಾ ರ‍್ಹತಾಮ್ಮಾಬಿ ಸುವಾರ್ತೆ ನಾಹುತಿ ವಾದ ವಿವಾದಮಾ ತುಮೆ ಕ್ಹಾರಾ ಮಾರಾ ಕ್ಹಾತೆ ಕ್ಹುದಾನಿ ಮರ್ಗಾಮಾ ವಾಟೊ ಲಿವಾಲಾ ಥಯಾಸ ತುಮೊನೆ ಮಾರಾ ಮನಸ್ಸಮ್ಮಾ ಮ್ಹೆಲ್ಯುಸ.

ಫಿಲಿಪ್ಪಿ 3:10

ತಿನೆ ತಿನಾ ಪುನರುತ್ಥಾನಮಾ ರ‍್ಹಯಲ ತಾಕತನೆ, ತಿನಾ ತರಾಸಮ್ಮಾ ವಾಟೊ ಲಿವಾಲೊ ತಿನಿ ಯಕ್ಕ ಪದವಿ ವ್ಹೈ ಕೈನ ತಿಳದಿಲಿನ ತಿನಾ ಮೌತನಾ ಹುತಿ ತಿನಾನಿಂತ ಜ ರುಪ ಲಿವಾಲೊ ಕೈನ ಮಾರಿ ಆಸ ಥೈಸ.

ಫಿಲಿಪ್ಪಿ 4:13

ಕ್ರಿಸ್ತನಾ ಮುಲಕ ಕ್ಹಾರಾ ಕಾಮೊ ಕರ ಸಕುಸ. ಕಾಕದ್ಯಾಮ ತೆ ಮನೆ ತಾಕತ ದಿವಸ.

ಕೊಲೆಸ್ಸೆ 1:11

ತಿನಿ ಮಹಿಮಾನಿ ತಾಕತ ಲಿಂಗತ ಕ್ಹಾರಿ ತರಾಮಾ ತಾಕತ ಹೊಂದಿನ ಕ್ಹಾರಿ ರಾಕ್ಹು ತಡ್ಇಲಿವಾನು ಶಾಂತಿ ಸಮಾಧನಕ್ಹು ತಡ್ದಿಲ್ಯು ಕೈನ,

ಕೊಲೆಸ್ಸೆ 1:24

ಮಿ ಹಮ್ನಾ ತುಮಾರಾ ಹುತಿ ಅನುಭವಿಸ್ತೊ ರ‍್ಹಯಲ ತ್ರಾಸಮಾ ಖುಶಿ ರ‍್ಹೈನ ಕ್ರಿಸ್ತನಾ ತ್ರಾಸಮಾ ಹಜುಸನ ಉಗ್ರಲ ಸಭೆ ಕವಾನಿ ತಿನಾ ಅಂಗನಾ ಹುತಿ

1 ಥೆಸಲೊನಿಕ 3:4

ಕಾಕದ್ಯಾಮ ಹಮೆ ತುಮಾರಾ ಕ್ಹಾತೆ ರ‍್ಹತಾಮಾ, ಅಪೆ ಕ್ಹಾರಾ ತ್ರಾಸ ಖಯೆಸ ಕೈನ ತುಮೊನೆ ಹಮೆ ಪೈಲಾಜ಼ ಕತ್ತಾ ವ್ಹತ್ತಾ. ಹಮೆ ಕದಲ ತಿಮ್ಮಜ಼ ತೆ ಥಯು ಕವಾನು ತುಮೊನೆ ಗ್ವತ್ತ ಛೆ.

1 ತಿಮೊತಿ 2:6

ಯೆಸು ಕ್ಹಾರಾ ಮನಕ್ಹೊನಾ ಜಾ಼ತನಾ ಪಾಪೊನಾ ಹುತಿ ತಿನೆ ತೆ ಒಪ್ಸಿನ ದಿದ್ಯೊ. ಕ್ಹುದಾ ಕ್ಹಾರಾವೊನೆ ರಕ್ಷಣೆ ಮಳಾದೆ ಕೈನ ಕ್ಹುದಾನಿ ಆಸನೆ ತೆ ಕರೆಟ್ಟ ಟೈಮ್ಮಾ ದೆಕಾಡಿನ ದಿದ್ಯೊ.

2 ತಿಮೊತಿ 1:10

ತೆ ಮರಗಾ ನ್ಹ್ಯಾಲಕ್ಕಕಾ ಅಪೊನೆ ದೆಕಾಡಿನ ದಿದ್ಯೊ ನತ್ತಿ. ಅಪೊನೆ ರಕ್ಷಕ ಥಯಲ ಯೆಸು ಕ್ರಿಸ್ತ ಆಯಲ ಪರ ತೆ ಅಪೊನೆ ದೆಕಾಡಿನ ದಿದ್ಯೊ. ಯೆಸು ಮರಣ ನಾಶ ಕರಿನ, ಅಪೊನೆ ಜಿವ್ತಾ ರ‍್ಹವಾನಿ ವಾಟ ಸುವಾರ್ತೆನಾ ಮುಲಕ ದೆಕಾಡಿನ ದಿದ್ಯೊ.

2 ತಿಮೊತಿ 1:12

ಎ ಸುವಾರ್ತೆನಾ ಹುತಿಜ಼ ಮಿ ಕಷ್ಟ ಖಾವಾಡೊಸ. ಮಿ ಬರೊಕ್ಹೊ ಕರಲ ವಾಲಾನೆ ವಳಕ್ಯೊಸ. ತೆ ಮನೆ ವಪ್ಸಲ ತೆ ದಿನೊ ಆಯೆಲಕ್ಕಾ ಜ಼ತ್ತನ ಕರಾನೆ ತೆ ತಾಕತವಾಲೊ ವ್ಹೈ ಕೈನ ಕ್ಹರಿಮಾಜ಼ ಮನೆ ಗ್ವತ್ತ ಛೆ.

2 ತಿಮೊತಿ 1:16

ಪ್ರಭು ಒನೆಸಿಫ್ರೊನ ಖಾಂದಾನನೆ ಮರಗಾ ದೆಕಾಡಾದೆ. ತೆ ಘನ್ನಿ ಟೈಮ್ಮಾ ಮನೆ ಪ್ರೊತ್ಸಾಹ ಕರ‍್ಯೊಸ. ಮಿ ಜೆಲ್ಮಾ ರ‍್ಹತಾಮಾಬಿ ತೆ ಸರಮ್ಯೊ ನೈ.

2 ತಿಮೊತಿ 2:3

ಕ್ರಿಸ್ತ ಯೆಸುನೊ ಕ್ಹರಿನೊ ಚೊ಼ಕೊ ಸೈನಿಕ ಲಿಂಗತ ಹಮೊನೆ ರ‍್ಹವಾನು ತ್ರಾಸಮಾ ತು ವಾಟೊಲಿವಾಲೊ ಥಾ.

2 ತಿಮೊತಿ 2:8

ಯೆಸು ಕ್ರಿಸ್ತನೆ ಶೆ ಕರಲೆ. ತೆ ದಾವಿದನಾ ಕ್ಹಾಂದಾನನೊ ವ್ಹೈ. ತೆ ಮರಲವಾಲಾವೊಮಾತೊ ಜಿವ್ತೊ ಥೈನ ಉಟಿನ ಆಯೊ. ಎ ಸುವಾರ್ತೆಜ಼ ಮಿ ಮನಕ್ಹೊನೆ ತಿಳಸೌಸ.

2 ತಿಮೊತಿ 2:9

ಎ ಕಾರಣಕ್ಹು ತ್ರಾಸ ಖಾವಾಡೊಸ. ಕೆಟ್ಟ ಮನಕ್ಹ ಲಿಂಗತ ಬೆಡಿಯೊಕ್ಹು ಭಂದೈ ಗಯೊಸ. ರ‍್ಹೈತುಬಿ ಕ್ಹುದಾನಾ ವಾಕ್ಯಾನೆ ಬಂಧನ ನತ್ತಿ.

2 ತಿಮೊತಿ 4:17

ವರಿ ಕ್ಹುದಾ ಮಾರಾ ಕ್ಹಾತೆ ವ್ಹತ್ತೊ. ಮಿ ಸುವಾರ್ತೆ ಯಹುದ್ಯೊ ನೈ ರ‍್ಹಯಲವಾಲಾವೊನೆ ಕವಾನೆ ಕ್ಹುದಾ ಮನೆ ತಾಕತ ದಿದ್ಯೊ. ತೆ ಮನೆ ಮರಣಮಾತೊ ವಚಾ಼ಡ್ಯೊ.

2 ತಿಮೊತಿ 4:5

ತೆನೈಸೊ ತು ಕ್ಹಾರಾ ಟೈಮಮಾ ತಾರಾಕ್ಹು ತುನೆ ಹತೊಟಿಮಾ ಮ್ಹೆಲ್ಲೆ. ತ್ರಾಸೊ ಐಯುಮ ತಡದಿಲೆ. ಸುರವಾತೆ ಕೆ. ಕ್ಹುದಾನಾ ಸೆವಕನೆ ಯೊಗ್ಯ ಥಯಲ ಕ್ಹಾರಾ ಕಾಮೊ ಕರ‍್ತೊ ರ‍್ಹೆ.

1 ಪೆತ್ರಾ 1:5

ಕ್ಹುದಾನಿ ತಾಕತ ತುಮಾರಾ ಬರೊಕ್ಹಾನಾ ಹುತಿ ಕೈದಸ. ತುಮೊನೆ ರಕ್ಷಣೆ ಥಾಯೆ ಲಕ್ಕಾ ತುಮೊನೆ ಚೊ಼ಕಿತರಾ ಮುಕ್ಕಸ. ತಯ್ಯಾರ ರ‍್ಹಯಲ ಲಾಸ್ಟನಾ ದಿನ್ಮಾ ತುಮೊನೆ ಮಳಸ.

1 ಯೊಹಾನ 4:14

ಕ್ಹುದಾ ತಿನಾ ದಿಕ್ರಾನೆ ದುನಿಯಾನೆ ರಕ್ಷಕ ಕರಿನ ಮೊಕಲ್ಯೊ ಅಪೆ ದೆಕ್ಯಾಸ.

ಯುದ ಬರ್ದಲ ಪತ್ರ 1:24

ತೆ ತಾಕತವರ ಥಯೊಸ. ತುಮೆ ಪಡೆನೈಸೊ ತೆ ತುಮೊನೆ ಮದದತ ಕರಸ. ತೆ ತುಮೊಮಾ ಸುಜ಼ ತಪ್ಪ ನೈಸೊ ಕರಿನ ತಿನಿ ಮಹಿಮಾನಿ ಸನ್ನಿಧಿಮಾ ಲಾವಾನೆ ತುಮೊನೆ ಘನ್ನಿ ಮ್ಹೊಟಿ ಖುಶಿ ದಿವಾನೆ ಶಕ್ತ ಥಯೊಸ.

ಪ್ರಕಟನೆ 1:2

ಯೊಹಾನ ತೆ ದೆಕಲ ತೆಕ್ಲು ತೆ ತಿಳಶ್ಯೊ. ಎ ಕ್ಹಾರು ಕ್ರಿಸ್ತ ಕದಲ ಕ್ಹರಿಜ಼ ವ್ಹೈ. ಕ್ಹುದಾಕಂತು ಆಯಲ ಸಂದೆಶ ವ್ಹೈ.

ಪ್ರಕಟನೆ 1:9

ಯೊಹಾನ ಕವಾಲೊ ಮಿ ಕ್ರಿಸ್ತಮಾ ತುಮಾರೊ ಭೈ ವ್ಹೈ. ಅಪೆ ಕ್ಹಾರಾ ಮಳಿನ ಯೆಸುನಾ ಹುತಿ ತ್ರಾಸಮಾ ರಾಜ್ಯಮಾ ತಡ್ದಿಲಿವಾಮಾ ವಾಟೊಲಿವಾಲಾ ಥಯಾಸ. ಮಿ ಕ್ಹುದಾನಿ ವಾಕ್ಯಾಮಾ ಯೆಸುನಿ ಸಾಕ್ಷಿಮಾ ರ‍್ಹಯಲ ಹುತಿ ಪತ್ಮೊಸ ಕವಾನಿ ಜ಼ಗಾಮಾ ವ್ಹತ್ತೊ.

ಪ್ರಕಟನೆ 12:11

ತ್ಯುನೆ ಜ಼ಲಂಪರಲಿ ಮಯಾ ಛೊಡಿನ ಬಕ್ರಾನು ಬಚ್ಚು಼ ಥಯಲವಾಲಾನಾ ರಗತಕ್ಹು ತ್ಯುನು ಕ್ಹರಿನು ಭೊದನೆ ಕ್ಹು ವರಿ ಸಾಕ್ಕಷಿಕ್ಹು ಝಿತ್ತ್ಯಾ.

ಪ್ರಕಟನೆ 19:10

ತೆಳಾಮಾ ಮಿ ದೆವಧೂತನೆ ಆರಾಧನಾ ಕರಾನಾ ಹುತಿ ತಿನಾ ಪಗೊ ಕ್ಹಾಮೊ ಅಡ್ಡ ಪಾಡ್ಯೊ. ತೆನೈಸೊ ದೆವದುತ ಮನೆ "ಮನೆ ಆರಾಧನಾ ಕರು ನಕೊ. ಯೆಸುನು ಕ್ಹರಿ ವಳಕಲವಾಲೊ ತರಾ ಲಿಂಗತ ವರಿ ತಾರಾ ಭಾಯೊ ಲಿಂಗತ ಮಿಬಿ ಯಕ್ಕ ಸೆವಕ ವ್ಹೈ. ತಿನಾ ಹುತಿ ಕ್ಹುದಾನೆ ಆರಾಧನಾ ಕರ! ಕಾಕದ್ಯಾಮ ಯೆಸು ಕ್ಹರಿ ವ್ಹೈ ಕೈನ ಪ್ರವಾದನೆಜ಼ ಸಾಕ್ಷಿ ವ್ಹೈ" ಕದ್ಯೊ.