2 ತಿಮೊತಿ 1:6 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁶ ಕ್ಹುದಾ ತುನೆ ಮರಗಿನ ದಿದಲ ವರದಾನ ತು ಶೆ ಕರಲ್ಯು ಕೈನ ಮಿ ಆಸ ಕರಾನು ಇನಾ ಹುತಿಜ಼ ವ್ಹೈ. ಮಿ ಮಾರಾ ಹತೊ ತುಪರ ಮ್ಹೆಲ್ತಾಮಾ ಕ್ಹುದಾ ತುನೆ ತೆ ವರದಾನ ದಿದ್ಯೊ. ತು ತೆ ವರದಾನನೆ ಜಿವ್ತೊ ಮ್ಹೆಲ.

2 ತಿಮೊತಿ 1:6 ပူးပေါင်းရင်းမြစ်များ

ಲುಕ ಬರ್ದಲ ಸುವಾರ್ತಾ 19:13

ತಿನಾಹುತಿ ತಿನಾ ದಕ್ಹ ಆಳೊನೆ ಬಲೈನ ತ್ಯುನೊಮಾನಾ ಹರ ಯಕ್ಲಾನೆ ಕ್ಹೊನಾನಾ ಹಜಾ಼ರ-ಹಜಾ಼ರ ಬಿಲ್ಲಾ ದಿನ್ನ, ಮಿ ಫರಿನ ಆಯೆಲಕ್ಕಾ ಯೆ ದೊಕ್ಡಾ ಕ್ಹು ಸುಬಿ ವ್ಯಾಪಾರ ಕರೊ ಕೈನ ಕದ್ಯೊ.

ಅಪೊಸ್ತಲೊ 19:6

ಪೌಲಾ ತ್ಯುನೊಪರ ಹತ ಮ್ಹೆಲೆಲಪರ ಪವಿತ್ರಾತ್ಮ ತ್ಯುನಾ ಉಪ್ಪರ ಐಯ್ಯೊ. ವರಿ ತ್ಯುನೆ ಬಿಜಿಯೊ-ಬಿಜಿಯೊ ವಾತೊ ಬೊಲ್ಯಾ,ಕ್ಹುದಾನು ಸಂದೆಶ ಕತಾ ಚಾ಼ಲ್ಯಾ.

ಅಪೊಸ್ತಲೊ 6:6

ತೆ ಥಯಲ್ಪರ ಅಪೊಸ್ತಲೊ ತ್ಯುನೊನೆ ಖಾಮಾ ಬಲೈನ ತಿವ್ನಾ ಮಾತಾಪರ ಹತೊ ಮುಕ್ಕಿನ ಪ್ರಾರ್ಥನಾ ಕರಿನ ತೆ ಕಾಮನಾ ಹುತಿ ನೆಮಶ್ಯಾ.

1 ಥೆಸಲೊನಿಕ 5:19

ಪವಿತ್ರ ಆತ್ಮಾನು ಆಗ ಇಜ್ಜಾವೊ ನಕೊ.

1 ತಿಮೊತಿ 4:14

ತುಕನ ರ‍್ಹಯಲ ಮರಗಾನಿ ವರಾನೆ ತಿನೆ ಅಲಕ್ಷ ಕರೊ ನಕೊ ತೆ ವರಾ ತಮಾರಾ ಪ್ರವಾದಿ ಕರಲ ಹತ್ತ ವ್ಹೈ. ವರಿ ಮ್ಹೊಟಾ ಮನಕ್ಹೊಕ್ಹು ತಾರಾ ಉಪ್ಪರ ಹತ್ತ ಮ್ಹೆಲ್ಯಾಸ.

1 ತಿಮೊತಿ 4:6

ತ್ಯಾ ರ‍್ಹಯಲ ಭಾಯೊ ಭೆನೊ ಎ ಕ್ಹಾರು ಕದ್ಯಾಮ, ತು ಕ್ರಿಸ್ತ ಯೆಸುನೊ ಚೊ಼ಕೊ ಸೆವಕ ಥಾಸಿ ಕವಾನು ಬರೊಕ್ಹಾನಿಯೊ ವಾತೊ ವರಿ ಚೊ಼ಕು ಉಪದೆಶ ಕರಿನ ಚಾ಼ಲಲ ಹುತಿ ತಾಕತವಾಲೊ ವ್ಹೈ ಕೈನ ದೆಕಾಡಿನ ದೆಶಿ.

2 ತಿಮೊತಿ 2:14

ಮನಕ್ಹೊನೆ ಎ ಸಂಗತಿಯೊ ತಿಳಸ್ತೊ ರ‍್ಹೆ. ವಾತೊನಾಹುತಿ ವಾದ ಕರು ನೈ ಕೈನ ತ್ಯುನೊನೆ ಕ್ಹುದಾನಿ ಸನ್ನಿದಾನಮಾ ಹುಶಾರ ಕರ. ವಾದ-ವಿವಾದಕ್ಹು ಕಿನೆಜ಼ ಚೊ಼ಕು ನೈ ಥಾತು. ವಾದ-ವಿವಾದ ಐಕಾಲಾ ಮನಕ್ಹೊ ನಾಶ ಥಾವಸ.

2 ತಿಮೊತಿ 4:2

ಸುವಾರ್ತೆ ಮನಕ್ಹೊನೆ ತಿಳಸಾ. ದಿನ್ನೊ ಚೊ಼ಕಾ ರ‍್ಹೈತುಬಿ ನೈ ಚೊ಼ಕಾ ರ‍್ಹೈತುಬಿ ಬೊಧನೆ ಅಗೊ ಬಡಾತೊಜಾ಼. ಮನಕ್ಹೊ ಕರಾನು ತ್ಯುನೊನೆ ತಿಳಸಾ. ತ್ಯುನೆ ತಪ್ಪ ಕರ‍್ತಾಮಾ ತೆ ತ್ಯುನೊನೆ ದೆಕಾಡಿನ ದೆ ವರಿ ತ್ಯುನೊನೆ ಪ್ರೊತ್ಸಾಹ ಕರ ತ್ಯುನೊನೆ ಭುಚ್ಕಾ಼ಡ, ತ್ಯುನೊನೆ ಪ್ರೊತ್ಸಾಹ ಕರ ಎ ಕ್ಹಾರು ಹುಷಾರಕ್ಹು ವರಿ ತಾಳ್ಮೆಕ್ಹು ಕರ.

ಇಬ್ರಿಯ 6:2

ತೆ ಟೈಮಮಾ ಬಾಪ್ತಿಸ್ಮಾನಾ ಹುತಿ, ಮರಿನ ಉಟಾಲಾವೊನಾ ಹುತಿ ವರಿ ಹಮೆಶಾನೊ ಫೈಸಲಾನಾ ಹುತಿ ಬೊದನೆ ಕರ‍್ಯಾ. ತೆನೈಸೊ ಹಮ್ನಾ ಅಪೆ ಪುರಾಜ಼ ಗ್ಯಾನಮಾ ಜಾ಼ವಾನೆ ಜ಼ರುರತ್ತ ಛೆ.

2 ಪೆತ್ರಾ 1:12

ಎ ಕ್ಹಾರು ತುಮೊನೆ ಗ್ವತ್ತ ಛೆ. ತುಮೊನೆ ರ‍್ಹಯಲ ಕ್ಹರಿಮಾ ಘಟ್ಟ್ಟ ಥೈನ ರ‍್ಹವೊ. ತೆನೈಸೊ ಎ ಕ್ಹಾರು ಶೆ ಕರಲಿವಾನೆ ಮಿ ತುಮೊನೆ ಹಮೆಶಾ ಮದತ ಕರುಸ.

2 ಪೆತ್ರಾ 3:1

ಮಾರಾ ಮಯಾನ ದೊಸ್ತೊ, ಮಿ ತುಮೊನೆ ಬರ್ದಾನು ಎ ಬೆವಾ ಪತ್ರ ವ್ಹೈ. ತುಮಾರು ಯಕ್ಕಜ಼ ಮನಸ ರ‍್ಹಯಲ ವರಿ ತುಮೆ ಶೆ ಕರಲಿವೊ ಕೈನ ಎ ಬೆಬಿ ಪತ್ರ ಬರ್ದ್ಯೊಸ.

ಯುದ ಬರ್ದಲ ಪತ್ರ 1:5

ತುಮೆ ಕ್ಹಾರುಜ಼ ತಿಳದಿಲಿದಲ ದಕ್ಹಾ ವಿಚಾರೊ ಶೆ ಕರ್ಲಿವಾನೆ ಮಿ ತುಮೊನೆ ಮದತ ಕರಾನೆ ಆಸ ಕರುಸ. ಪ್ರಾಬು ತಿನಾ ಮನಕ್ಹೊನೆ ಇಜಿಪ್ತ ದೆಶತೊ ಲೈನ ತ್ಯುನೊನೆ ವಚಾ಼ಡಲ ಶೆ ಕರ್ಲಿವೊ. ತೆಳಾಮಾಜ಼ ಬರೊಕ್ಹೊ ನೈಸೊವಾಲಾ ಮನಕ್ಹೊನ ನಾಶ ಕರಿಪಾಡ್ಯೊ.