2 ತಿಮೊತಿ 1:3 - ಕ್ಹುದಾನಿ ಕ್ಹರಿನಿ ವಾಕ್ಯಾ

³ ಮಿ ರಾತ ದಿನ್ನ ಮಾರಿ ಪ್ರಾಥನಾಮಾ ಚು಼ಕಾಯಾವಾಚಿ ತುನೆ ಶೆ ಕರಿನ ತಾರಿ ವಿಷಯಮಾ ಕ್ಹುದಾನೆ ಸ್ತುತಿ ಕರುಸ. ಮಾರಾ ಶಾನಾ ಸೆವೆ ಕರಲ ತಿನೆಜ಼ ವ್ಹೈ ಪುರಾ ಮನಸಾಕ್ಷಿಕ್ಹು ಮನೆ ಕಳಲ ಲಿಂಗತ ತಿನಿ ಸೆವೆ ಕರುಸ.

2 ತಿಮೊತಿ 1:3 ပူးပေါင်းရင်းမြစ်များ

ಲುಕ ಬರ್ದಲ ಸುವಾರ್ತಾ 2:37

ತೆ ಹೆಣ ಐಂಶಿಪರ ಚಾರ ವರಕ್ಹನಿ ವ್ಹತ್ತಿ. ತೆ ರಾಂಡಿ ವ್ಹತ್ತಿ. ವರಿ ದೆವಾಲಯ ಛೊಡಿನ ಗಯಾವಾಚಿ ಉಪಾಸ ಕರತಿತಿ. ವರಿ ದಿನ್ನ ರಾತ ಪ್ರಾಥನಾ ಕರತಿ ಕ್ಹುದಾನೆ ಸ್ತುತಿ ಕರತಿತಿ.

ಅಪೊಸ್ತಲೊ 22:3

ಮಿ ಯಹುದಿ ವ್ಹೈ. ಕಿಲಿಕ್ಯನಿ ತಾರ್ಸಮಾ ಹುಟ್ಟಲ ವ್ಹೈ,ತೆನೈಸೊ ಎ ಗಾಮ್ಮಾ ಬೆಳದಲವಾಲೊ. ಗಮಲಿಮಾ ಪಾದ ಸನ್ನಿದಿಮಾ, ಅಪ್ನಾ ಪಿತೃವೊನಾ ಧರಮಶಾಸ್ತ್ರಮಾ ಪುರಾ ಶಿಕ್ಷಣ ಲಿದ್ಯೊ; ತುಮೆ ಕ್ಹಾರಾ ಹಮ್ನಾ ಕ್ಹುದಾನಾ ಹುತಿ ಅಭಿಮಾನ ರ‍್ಹಯಲವಾಲಾವೊಲಿಂಗತ, ಮಿಬಿ ಅಭಿಮಾನಿ ಥಯೊಸ.

ಅಪೊಸ್ತಲೊ 23:1

ತೆಳಾಮಾ ಪೌಲಾ ಫೈಸಲಾ ಕರಲ ಸಬೆವಾಲಾಮಾ ಎಕ್ಕಸವಾ ದೆಕಿನ; ಭಾಯೊ ಮಿ ಆ ದಿನೊಮಾ ಚೊ಼ಕಿ ಸಾಕ್ಷಿಕ್ಹು ಕ್ಹುದಾನಾ ಕ್ಹಾಮೊ ಚಾ಼ಲಿಲಿದ್ಯೊ. ಕದ್ಯೊ.

ಅಪೊಸ್ತಲೊ 24:14

ಯಕ್ತೊ ತಾರಾ ಕ್ಹಾಮೊ ವಪ್ಪಿಲ್ಯುಸ, ತೆ ಸು ವ್ಹೈ ಕದ್ಯಾಮ;ಇವ್ನೆ ಮನೆ ಧರ್ಮನೊ ವಿರೊದಿ ವ್ಹೈ ಕೈನ ಕವಾನು, ಮಿತೊ ಮಾರಾ ಪಿತೃ ಆರಾಧನ ಕರಾನಾ ಕ್ಹುದಾನೆಜ಼ ಮಿ ಆರಾದಾನಾ ಕರಾಲೊ ಥಯೊಸ. ಮೊಶೆನು ಧರ್ಮ ಶಾಸ್ತ್ರನಾ ಲಿಂಗತ ರ‍್ಹಯಲ ವರಿ ಪ್ರವಾದಿಯೊನಾ ಗ್ರಂಥೊಮಾ ಬರ್ದಲ ಕ್ಹಾರಿ ವಿಷಯನಾ ಹುತಿ ಬರೊಕ್ಹೊ ಕರಿಯೆಸ.

ಅಪೊಸ್ತಲೊ 24:16

ಇನಾಹುತಿ ಕ್ಹುದಾನಾ ಕ್ಹಾಮಾ ಶುದ್ಧ ಮನಸಕ್ಹು ರ‍್ಹವಾನೆ ಮನಸಾಕ್ಷಿಲಿಂಗತ ಮಿ ಕೆಳಾಮಾಬಿ ಮನೆ ಥಾವಾಕ್ಲು ಕೆಳಮ್ಮಾನಿ ಕೊಶಿಷ ಕರುಸ.

ಅಪೊಸ್ತಲೊ 26:4

ಮಿ ನ್ಹಾನೊ ರ‍್ಹತಾಮಾತೊ, ಯೆರುಸೆಲಿಮಮಾ ಮಾರಾ ಸ್ವಂತ ದೆಶನಾ ಮನಕ್ಹೊನಾ ಕ್ಹಾತೆ ರ‍್ಹೈನ, ಜಿವ್ನಾ ಕರಲ ತರಿಕೊ ಕ್ಹಾರಾ ಯಹುದಿಯೊನೆ ಗ್ವತ್ತ ರ‍್ಹಯಲಜ಼ ಛೆ.

ಅಪೊಸ್ತಲೊ 27:23

ಕಾಕದ್ಯಾಮ ಮಿ ಕಿನೊ ವ್ಹೈ ಕೈನ, ಕಿನೆ ಸ್ತುತಿ ಕರಶಿ ತೆ ಕ್ಹುದಾಕ್ಹು ಆಯೆಲ ಯಕ್ಕ ದುತ ಗಯೆಲ ರಾತ್ತಮ್ಮಾ ಮಾರಾಕ್ಹಾತೆ ಹುಬರೈನ

ರೊಮಾಪೂರ 9:1

ಮಿ ಕ್ರಿಸ್ತಮಾ ಛೆ ವರಿ ತುಮೊನೆ ಕ್ಹರಿಜ಼ ಕವಾಡ್ಯೊಸ. ಮಿ ಸುಳ್ಳ ನೈ ಬೊಲ್ತೊ. ಮಾರಿಯೊ ವಿಚಾರೊ ಪವಿತ್ರ ಆತ್ಮಾನಿ ಅದಿಕಾರಮಾ ಛೆ. ಎಜ಼ ಅನೆ ಸಾಕ್ಷಿ ವ್ಹೈ.

2 ಕೊರಿಂಥ 1:12

ಹಮೆ ಕ್ಹಾಲಿ ಮನಕ್ಹೊನು ಗ್ಯಾನ ಕ್ಹು ಕಾಮ ಕರ‍್ಯಾ ಬಗರ ಕ್ಹುದಾನಿ ಕೃಪಾನೆ ಧರ್ಲಿನ ಪರಿಶುದ್ಧ ವರಿ ನಿಯತ್ತಕ್ಹು ರ‍್ಹೈನ ಆ ದುನಿಯಾಮಾ ಕ್ಹಾರಾವೊತಿಬಿ ಪೈಲಾ ತುಮಾರಿ ವಿಷಯಮಾ ಚಾ಼ಲಿನ ಗಯಾಸ ಕೈನ ಹಮಾರಿ ಮನಸ ಸಾಕ್ಷಿ ಕವಸ. ಆಜ ಹಮೊನೆ ರ‍್ಹಯಲ ಘಮಂಡ ವ್ಹೈ.

ಗಲಾತ್ಯ 1:14

ತೆನೈಸೊ ಯೆಹುದಿ ಧರಮಪರ ಮ್ಹೊಟೊ ಥಾವಾನೆ ಮಾರೊ ಟೈಮ ವರಿ ಮಾರಾ ವೈಸ್ಮಾನಾ ಮನಕ್ಹೊತಿ ಮಿ ಹುರುಪ ಕ್ಹು ಘನ್ನಾ ಕಾಮೊ ಕರ‍್ಯೊ. ಹಮಾರಾ ಬುಡಾ ಬುಡಿ ಪದ್ದತೊ ಬಿಜಾ಼ವೊತಿಬಿ ಘನ್ನೊ ಮಿ ಕರ‍್ಯೊ.

ಎಫೆಸ 1:16

ವರಿ ಕ್ಹಾರಾ ಕ್ಹುದಾನಾ ಮನಕ್ಹೊಪರ ತುಮೊನೆ ರ‍್ಹಯಲ ಮಯಾನಾ ಹುತಿ ಐಕಲ ದಿನಂತೊಬಿ ಮಿ ತುಮಾರಿ ವಿಷಯಮಾ ಕ್ಹುದಾನೆ ಸ್ತೊತ್ರ ಕೌಸ.

1 ಥೆಸಲೊನಿಕ 3:10

ದಿನ್ನ ರಾತ ತುಮಾರಾ ಹುತಿ ಘನ್ನಾ ಹಮೆ ಪ್ರಾಥನಾ ಕರಾಡಾಸ. ತುಮೊನೆ ಡೊಳೆ ದೆಕಿನ ತುಮಾರಾ ಬರೊಕ್ಹಾಮಾ ರ‍್ಹಯಲ ಕಮಿ ಪುರಾ ಕರಾನಾ ಹುತಿ

1 ತಿಮೊತಿ 1:19

ತಾರಾಮಾ ಬರೊಕ್ಹೊ ಘಟ್ಟ ಥೈನ ರ‍್ಹವಾದೆ, ತುನೆ ಚೊ಼ಕು ಲಾಗಲಜ಼ ಕರ. ದಕ್ಹಾಜ಼಼ನಾ ಇಮ್ಮ ಕರ‍್ಯಾನೈ. ತ್ಯುನೊ ಬರೊಕ್ಹೊ ಕ್ಹಾರೊ ಹಾಳ ಥೈ ಗಯೊ.

1 ತಿಮೊತಿ 1:5

ಮಯಾಜ಼ ತೆ ಆಗ್ನ್ಯಾನಿ ಗುರಿ ವ್ಹೈ. ತೆ ಮಯಾ ಮಳು ಕದ್ಯಾಮ ಮನಕ್ಹೊ ಚೊ಼ಕಾ ಮನಸೆ ರ‍್ಹಯಲವಾಲಾ ರ‍್ಹೌ; ಯೊಗ್ಯ ಥಯಲ ಕಾಮಜ಼ ಕರಾಲಾ ರ‍್ಹೌ; ವರಿ ಕಪಟ ನೈಸೊ ಬರೊಕ್ಹೊ ರ‍್ಹಯಲವಾಲಾ ರ‍್ಹೌ.

1 ತಿಮೊತಿ 5:5

ಯಕ್ಕ ರಾOಡಿ ಹೆಣ ಮನಕ್ಹ ಕ್ಹರಿಮಾಜ಼ ತಿನೆ ಕುನ್ನಜ಼ ಆಸ್ರೊ ನೈಸೊ ಯಕ್ಕಲಿಜ಼ ರ‍್ಹೈಮ, ತೆಳಾಮಾ ತೆ ತಿನಾ ಆಸ್ರಾನೆ ಕ್ಹುದಾಪರ ಆಸ ಮ್ಹೆಲಸ. ತೆ ಹೆಣ ಮನಕ್ಹ ದಿನ್ನ ರಾತ ಪ್ರಾಥನಾ ಕರಸ. ತೆ ಆಸ್ರೊ ಮಾಂಗಸ.

2 ತಿಮೊತಿ 1:5

ತಾರೊ ಕ್ಹರಿನೊ ಬರೊಕ್ಹೊ ಮನೆ ಶೆ ಛೆ. ತೆ ಬರೊಕ್ಹೊ ತಾರಿ ಬುಡಿ ಥಯಲ ಲೊವಿಯಾಮಾ ತಾರಿ ಮಾ ಥಯಲ ಯುನಿಕಮಾ ವ್ಹತ್ತೊ. ಹಮ್ನಾ ತೆಜ಼ ಬರೊಕ್ಹೊ ತಾರಾಮಾ ಛೆ ಕೈನ ಮನೆ ಗ್ವತ್ತ ಛೆ.

2 ತಿಮೊತಿ 3:15

ತು ಶೆ ಕರಿಲೆ ನ್ಹಾನ ಪಂತೊಜ಼ ತುನೆ ಪವಿತ್ರ ಗ್ರಂಥನಾ ಹುತಿ ಗ್ವತ್ತ ಛೆ. ತುನೆ ಗ್ಯಾನಿ ಕರಾನೆ ಎ ಪವಿತ್ರ ಗ್ರಂಥಜ಼ ಕಾರಣ ವ್ಹೈ. ಕ್ರಿಸ್ತ ಯೆಸುಮಾ ರ‍್ಹವಾನೊ ಬರಕ್ಹಾಕ್ಹು ಎ ಗ್ಯಾನ ರಕ್ಷಣೆಮಾ ಚ಼ಲಾವಸ.

ಇಬ್ರಿಯ 13:8

ಯೆಸು ಕ್ರಿಸ್ತ ಕಾಲ ರ‍್ಹಯಲ ತಿಮ್ಮ, ಆಜ಼ಬಿ, ಹಮೆಶಾಬಿ ರ‍್ಹವಸ.