2 ಥೆಸಲೊನಿಕ 3:7 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁷ ಹಮೆ ಜಿವ್ನಾ ಕರಲಲಿಂಗತ ತುಮೆ ಜಿವ್ನಾ ಕರು ಕೈನ ತುಮೊನೆ ಗ್ವತ್ತ ಛೆ. ಹಮೆ ತುಮಾರಾ ಕ್ಹಾತೆ ರ‍್ಹತಾಮಾ ಮೈಗಳ ಥೈನ ನ್ಹೊತಾ.

2 ಥೆಸಲೊನಿಕ 3:7 ပူးပေါင်းရင်းမြစ်များ

1 ಕೊರಿಂಥ 11:1

ಮಿ ಕ್ರಿಸ್ತ ಯೆಸುನೆ ಅನುಸರಿಸಲ ಲಿಂಗತ, ತುಮೆ ಮನೆ ಅನುಸರಿಸೊ.

1 ಕೊರಿಂಥ 4:16

ತಿನಾಹುತಿ ತುಮೆ ಮಾರಾ ನಿಂಗತ ರ‍್ಹೌ ಕೈನ ಮಿ ತುಮೊಕನ ಮಾಂಗಿಲ್ಯುಸ.

ಫಿಲಿಪ್ಪಿ 3:17

ಭಾಯೊ ವರಿ ಭೆನೊ, ತುಮೆ ಮಾರಾಕ್ಹಾತೆ ಮಳಿನ ಮಾರಾ ಕ್ಹಾತೆ ಚಾಲಾವಾಲಾ ಥಾವೊ ಹಮೆ ದೆಕಾಡಾನಾ ತರಿಕಾಮ್ಮಾಜ ಚಾಲಾವಾಲಾವೊನೆ ಧ್ಯಾನ ಲಿವೊ.

ಫಿಲಿಪ್ಪಿ 4:9

ತುಮೆ ಮಾರಾಕ್ಹು ಶಿಕಲ ಕ್ಹಾರು. ಹೊಂದಿಲಿದೆಲ ಕ್ಹಾರು ಐಕಲ ವರಿ ಡೊಳೆ ದೆಕೆಲ ಕರೊ. ತೆಳಾಮಾ ಶಾಂತಿ ದಿವಾಲೊ ಕ್ಹುದಾ ತಮಾರಾ ಕ್ಹಾತೆ ರ‍್ಹವಸ.

1 ಥೆಸಲೊನಿಕ 2:10

ವಿಸ್ವಾಶಿಯೊ ರ‍್ಹಯಲ ತುಮಾರಾ ಕ್ಹಾತೆ ಹಮಾರು ನಡುವಳಿಕೆಕ್ಹು ರ‍್ಹತಾಮಾ ತಪ್ಪ ಕರೆನೈಸೊ ರ‍್ಹೈನ ವರಿ ಪರಿಶುದ್ಧ ರ‍್ಹೈನ ವರಿ ಕೆಟ್ಟ ನೈಸೊ ರ‍್ಹೈನ ಜಿವ್ನಾ ಕರ‍್ಯಾತಾ. ಎ ಕ್ಹಾರು ಕ್ಹರಿ ವ್ಹೈ ಕೈನ ತುಮೆಜ಼ ಸಾಕ್ಷಿ ವ್ಹೈ ವರಿ ಕ್ಹುದಾಬಿ ಸಾಕ್ಷಿ ಥಯೊಸ.

1 ಥೆಸಲೊನಿಕ 5:14

ಮಾರಾ ಭಾಯೊ ವರಿ ಭೆನೊ, ಕಾಮ ಕರ‍್ಯಾವಾಚಿ ರ‍್ಹವಾಲಾ ಮನಕ್ಹೊನೆ ಹುಷಾರಕಿ ಕರೊ ಕೈನ ತುಮೊನೆ ಮಾಂಗಿಲಿಯೆಸ. ಭುಚಿ಼ಕಿನ ರ‍್ಹಯಲವಾಲಾವೊನಾ ಪ್ರೊತ್ಸಾಹ ಕರೊ; ತಾಕತ ನೈಸೊವಾಲಾವೊನೆ ಮದದ ಕರ; ಕ್ಹಾರಾ ಮನಕ್ಹೊನಾ ಕ್ಹಾತೆ ಸಮಾಧಾನ ಕ್ಹು ರ‍್ಹವೊ.

2 ಥೆಸಲೊನಿಕ 3:6

ಹಮಾರಾ ಭಾಯೊ ಭೆನೊ, ಕಾಮ ನೈ ಕರಾಲಾ ವಿಸ್ವಾಸಿಯೊ ಅಪ್ನೊ ಪ್ರಭು ಥಯಲ ಯೆಸುನಿ ಅದಿಕಾರಕ್ಹು ತುಮೊನೆ ಕವಾಡ್ಯಾಸ ಹಮೆ ದಿದಲ ಕ್ಹಾರಾ ಉಪದೆಶ ಲಿಂಗತ ತುಮೆ ಚಾ಼ಲೊ.

2 ಥೆಸಲೊನಿಕ 3:9

"ಹಮೊನೆ ಮದದ ಕರೊ" ಕೈನ ತುಮೊನೆ ಪುಚ್ಚಾ಼ನೆ ಹಕ್ಕ ರ‍್ಹೈ. ತೆನೈಸೊ ಹಮೆ ಜ಼ತ್ತನ ಥಾವಾನಾ ಹುತಿ ಚಾ಼ಯೆ ಥಯಲ ಹಮೆಜ಼ ರಾಬ್ಯಾ, ಕಾಕದ್ಯಾಮ ತುಮೊನೆ ಹಮೆ ದೆಕಾಡಿನ ದಿದ್ಯಾಸ.

1 ತಿಮೊತಿ 4:12

ತು ಜಾಂಜಿಮಾನ ರ‍್ಹಯಲ ಹುತಿ ತುಜ಼಼ ಮ್ಹೊಟೊ ವ್ಹೈ ಕೈನ ಕವೈಲಿದ್ಯಾವಾಚಿ ತುನೆ ಹಿನಾವಾನೆ ಕಿನೆಜ಼ ಮೌಕೊ ದ್ಯು ನಕೊ. ವಿಸ್ವಾಶಿಯೊ ಕಿಮ ರ‍್ಹೌ ಕೈನ ತುಜ಼಼ ತ್ಯುನೊನೆ ದೆಕಾಡಿನ ದ್ಯು. ತು ಬೊಲಾನು ಚಾ಼ಲಾನು ಮಯಾಮಾ ವರಿ ಬರೊಕ್ಹಾಮಾ ವರಿ ಪರಿಶುದ್ಧ ಜಿವಿತ್ಮಾ ತು ತ್ಯುನೊನೆ ದೆಕಾಡಿನ ದ್ಯು.

ತಿತನೆ 2:7

ಕ್ಹಾರಾ ಕಾಮೊನೆ ತಾರಾಕ್ಹು ತುನೆ ಬಿಜಾ಼ವೊನಾ ಕ್ಹಾಮು ಉದಾಹರಣ ಥೈನ ರ‍್ಹೌ.

1 ಪೆತ್ರಾ 5:3

ತುಮೆ ಜವ್ದಾರಿರ‍್ಹಯಲವಾಲಾ ತೆ ಹಿಂಡಪರ ಜ಼ಬರದಸ್ತಿ ಕರೊ ನಕೊ. ತುಮೆ ತ್ಯುನೊನೆ ಚೊ಼ಕಿ ಸಾಕ್ಷಿ ಥಾವೊ.