11 ಕಾಕದ್ಯಾಮ ತುಮೊಮಾ ದಕ್ಹಾ ಜ಼ನಾ ಕಯೊಜ಼ ಕಾಮ ಕರ್ಯಾವಾಚಿ ಬಿಜ಼ಾವೊನಿ ಜಿವಿತ್ಮಾ ರ್ಹವಸ ಕವಾನು ಐಕ್ಯಾಸ.
ಚ್ವಟ್ಟೊ ಚೊ಼ರಿ ಕರಾನು ಛೊಡಿನ ತೆಜ಼ ರಾಬಾದೆ; ತೆ ತಿನಾ ಹತೊ ಚೊ಼ಕು ಕರಾನೆ ಉಪಯೊಗ ಕರಾದೆ. ತೆಳಾಮಾ ಗರಿಬೊನೆ ಮದತ ಕರಾನೆ ತಿನೆ ಸಾಧ್ಯ ಥಾವಸ.
ಶಾಂತಿಕ್ಹು ಜಿವ್ನಾ ಕರಾನೆ ತುಮೊಕನ ಥಯಲ ತೆಕ್ಲು ಕೊಶಿಶ ಕರೊ. ತುಮಾರಾ ಕಾಮಕ್ಹು ಕಾಮ ಮ್ಹೆಲೊ ತುಮಾರಾ ಸ್ವಂತಾನಾ ಹುತಿ ಕಮಾವೊ ಇನಾಹುತಿ ಹಮೆ ತುಮೊನೆ ಪೈಲಾಜ ಕದ್ಯೊಸ.
ಹಮಾರಾ ಭಾಯೊ ಭೆನೊ, ಕಾಮ ನೈ ಕರಾಲಾ ವಿಸ್ವಾಸಿಯೊ ಅಪ್ನೊ ಪ್ರಭು ಥಯಲ ಯೆಸುನಿ ಅದಿಕಾರಕ್ಹು ತುಮೊನೆ ಕವಾಡ್ಯಾಸ ಹಮೆ ದಿದಲ ಕ್ಹಾರಾ ಉಪದೆಶ ಲಿಂಗತ ತುಮೆ ಚಾ಼ಲೊ.
ಎನೈಸೊ ತ್ಯುನೆ ಘರೊ-ಘರೊ ಫರತಿಯೊ ತ್ಯುನೊ ಟೈಮ ಕಾಡಾನು ಚ಼ಾಲು ಕರಾನು ಶಿಕ್ಕಸ. ಫಾಲ್ತು ವಾತೊ ಬೊಲತ್ಯೊ ಬಿಜಾ಼ವೊನು ಬೊಲತ್ಯೊ ಟೈಮ ಹಾಳ ಕರಸ ಕವಾನಿಯೊ ನೈಸೊ ವಾತೊ ಕವಸ.
ತುಮೆ ಕೆಟ್ಟ ಮನಕ್ಹೊ ಥೌ ನೈ. ಮನಕ್ಹೊನೆ ಖಲಾಸ ಕರಾಲಾ ಥೌ ನೈ, ಚ್ವಟ್ಟಾ ಥೌ ನೈ, ವರಿ ಬಿಜಾ಼ವೊನೆ ತ್ರಾಸ ಕರು ನೈ. ಹೆವು ಕರಾಲಾ ತ್ರಾಸಮಾ ಪಡಸ.