2 ಥೆಸಲೊನಿಕ 2:7 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁷ ದಡಿ ರ‍್ಹಯಲ ವಿರೊದಿ ಯಕ್ಲಾಮಾಜ಼ ಜಗತ್ಮಾ ತಿನು ಕಾಮ ಕರತೊ ಛೆ. ತೆನೈಸೊ ತೆ ದಡಿ ರ‍್ಹಯಲ ಕೆಟ್ಟ ತಾಕತನಾ ವಿರೊದಿನೆ ತರಬಾನೆ ಯಕ್ಲೊ ಛೆ ತೆ ಕದ್ಯಾ ಬಗರ ತೆ ಕಾಮ ಕರತೊ ನೈ.

2 ಥೆಸಲೊನಿಕ 2:7 ပူးပေါင်းရင်းမြစ်များ

ಅಪೊಸ್ತಲೊ 20:29

ಮಿ ಗಯಲ್ಪರ ಘನ್ನಾ ಕ್ರುರ ರ‍್ಹಯಲ ರಾನ್ನಾ ಕುತ್ರಾ ತುಮೊಮಾ ಆವಸ ಕೈನ ಮನೆ ಗ್ವತ್ತ ಛೆ; ತೆ ಹಿಂಡನೆ ಮರಗತಾ ನೈ.

2 ಥೆಸಲೊನಿಕ 2:6

ಹಮ್ನಾ ವಿರೊದ ರ‍್ಹಯಲವಾಲೊ ತರಬಲ ಸು ವ್ಹೈ ಕವಾನು ತುಮೊನೆ ಗ್ವತ್ತ ಛೆ. ತೆ ಕರೆಟ್ಟ ಟೈಮ್ಮಾ ಆವಸ ಕೈನ ತಿನೆ ಹಮ್ನಾ ತರಬಲ ಛೆ.

1 ತಿಮೊತಿ 3:16

ಕ್ಹುದಾನಿ ಭಕ್ತಿನೆ ಆದಾರ ಥಯಲ ಕ್ಹರಿ ವರಿ ಸಂಶೊವಾಚಿ ಅಪ್ನಿ ಅರಾಧನಾನಿ ಜಿವಿತ ದಡಿರ‍್ಹಯಲ ಮ್ಹೊಟಿ ವ್ಹೈ ಕ್ರಿಸ್ತ ಮನಕ್ಹನಾ ರುಪಮಾ ಅಪೊನೆ ದಿಕ್ಯೊ. ತೆಜ಼ ಕ್ರಿಸ್ತ ವ್ಹೈಕೈನ ಪವಿತ್ರ ಆತ್ಮಾ ದೆಕಾಡಿನ ದಿದಿ. ಕ್ಹುದಾನಾ ದುತೊನೆ ತೆ ದಿಕ್ಹ್ಯೊ. ತಿನಾ ಹುತಿ ಸುವಾರ್ತೆ ಕ್ಹಾರಾ ಮನಕ್ಹೊನೆ ಪ್ರಚಾರ ಕರ‍್ಯೊ. ಜಗತ್ಮಾ ರ‍್ಹಯಲ ಮನಕ್ಹೊ ತಿಪರ ಬರೊಕ್ಹೊ ಮ್ಹೆಲ್ಯಾ. ತೆ ಮಹಿಮಾನಾ ಕ್ಹಾತೆ ಸ್ವರಗಾಮಾ ಗಯೊ.

1 ಯೊಹಾನ 2:18

ಮಾರಾ ಮಯಾನಾ ಬಚ್ಚಾ಼ವೊ, ಅಂತ್ಯ ಕಾಲ ನಜಿಕ ಆಯೊಸ! ಕ್ರಿಸ್ತನೊ ದುಶ್ಮನ ಆವಾಡ್ಯೊಸ ಕೈನ ತುಮೆ ಐಕ್ಯಾಸ. ತಿನಾಹುತಿ ತುಮೆ ಅಂತ್ಯ ಕಾಲ ನಜಿ಼ಕ ಆಯೊಸ ಕೈನ ತುಮೊನೆ ಗ್ವತ್ತ ಛೆ.

1 ಯೊಹಾನ 4:3

ಯೆಸುನಾ ಹುತಿ ಇಮ್ಮ ನೈ ಕವಾನಿ ಆತ್ಮಾ ಕ್ಹುದಾಕಂತಿ ಆಯಲ ನ್ಹವೈ. ತೆ ಆತ್ಮಾ ಕ್ರಿಸ್ತನಾ ವಿರೊದಿ ವ್ಹೈ. ಕರ್ಇಸ್ತನೊ ವಿರೊದಿ ಆವಸ ಕವಾನು ತುಮೆ ಐಕೊಶಿ. ಕ್ರಿಸ್ತನೊ ವಿರೊದಿ ಹಮ್ನಾಜ಼ ದುನಿಯಾಮಾ ಛೆ.

ಪ್ರಕಟನೆ 17:5

ತಿನಾ ಮಾತಾಪರ ಬರ್ದಲ ರ‍್ಹೈ. ತೆ ಬರ್ದಲನೆ ಗುಡಾರಥ ರ‍್ಹೈ. ತ್ಯಾ ಬರ್ದಲ ಅಮ್ಮ ರ‍್ಹೈ; "ಬಾಬಿಲೊನ ಕವಾನು, ಮ್ಹೊಟು ಗಾಮ ಜಿಮಿನ್ಪರ ರ‍್ಹಯಲ ಕೆಟ್ಟ ಕಾಮೊನೆ ವರಿ ವೈಬಿಚಾರ ಕರಾಲಿಯೊನಿಯೊ ಯಾ"

ಪ್ರಕಟನೆ 17:7

ತೆಳಾಮಾ ದೆವದುತ ಮನೆ"ತು ಕಾ ಘಾಬ್ರೊ ಥಯೊ? ಎ ಬಾಕ್ಕಡಿನು ಗುಡಾರಥ ವರಿ ಎ ಚ಼ಡಿನ ಜಾ಼ವಾನು ಕ್ಹಾತ ಮಾತಾ ವರಿ ದಕ್ಹ ಶಿಂಗ್ಡಾ ರ‍್ಹಯಲ ಜಾನ್ವರನು ಗುಡಾರಥ ಮಿ ತುನೆ ಕೌಸ.