2 ಥೆಸಲೊನಿಕ 1:7 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁷ ತೆ ತ್ರಾಸಮಾ ಪಡಲ ತುಮೊನೆ ವರಿ ಹಮೊನೆ ಸಮಾದಾನ ದಿವಸ. ಪ್ರಭು ಥಯಲ ಯೆಸು ತಿನಾ ದುತೊನಾ ಕ್ಹಾತೆ ಸ್ವರಗತೊ ಆತಾಮಾ ಎ ಸಮಾದಾನ ದಿವಸ.

2 ಥೆಸಲೊನಿಕ 1:7 ပူးပေါင်းရင်းမြစ်များ

ಮತ್ತಾಯ 16:27

ಮನಕ್ಹನೊ ದಿಕ್ರೊ ತಿನಾ ಬಾನಿ ಮಹಿಮಾನಾ ಕ್ಹಾತೆ ತಿನಾ ದುತೊನಾ ಕ್ಹಾತೆ ಆವಸ. ತೆಳಾಮಾ ತೆ ಯಕೆಕ್ಲಾವೊನೆ ತೆ ಕರಲ ಕಾಮ ನಿಂಗತ ಪ್ರತಿ ಫಲ ದಿವಸ.

ಮತ್ತಾಯ 16:28

ತುಮೊನೆ ಕ್ಹರಿಜ಼ ಕೌಸ ನ್ಹ್ಯಾ ಹುಬ್ರಯಲವಾಲಾವೊಮಾ ದಕ್ಹಾ ಜ಼ನಾ ಮನಕ್ಹನೊ ದಿಕ್ರೊ ತಿನಾ ರಾಜ್ಯಮಾ ಆವಾನು ದೆಕೆ ಲಕ್ಕಾ ಮರ್ತಾಜ಼ ನೈ ಕದ್ಯೊ.

ಮತ್ತಾಯ 25:31

" ಎ ನಯಸೊ ಮನಕ್ಹನೊ ದಿಕ್ರೊ ತಿನಿ ಮಹಿಮಾನಿ ಕ್ಹಾರಾ ದುತೊನಾ ಕ್ಹಾತೆ ಆತಾಮಾ ತಿನಿ ಮಹಿಮಾನಿ ಸಿಂಹಿಸನ್ಪರ ಬೈಟಸ,

ಮತ್ತಾಯ 25:41

ಪಾಚಾ಼ತೊ ಡಾವಾಬಗಲ ರ‍್ಹಯಲವಾಲಾವೊನೆ, ಶ್ರಾಪ ಹೊಂದಲವಾಲಾ ಮನೆ ಛೊಡಿನ ಪಿಶಾಚಿನೆ ತಿನಾ ದುತೊನೆ ತಯ್ಯಾರ ಕರಲ ಹಮೆಶಾನಿ ಆಗ್ಮಾ ಜಾ಼ವೊ.

ಮತ್ತಾಯ 26:64

ಯೆಸು ತಿನು ಜವಾಬ ದಿನ, ತು ಕವಾಡೊಸ; ತೆನೈಸೊ ಮಿ ತುಮೊನೆ ಕವಾನು ಸುವೈ ಕದ್ಯಾಮ, ಇನಾ ಉಪ್ಪರ ಮನಕ್ಹನೊ ದಿಕ್ರೊ ಸರ್ವಶಕ್ತನಾ ಸಿದಾ ಬಗಲ ಬೈಟಲ ರ‍್ಹವಾನು, ಹಬಾಳನಾ ಉಪ್ಪರ ಬೈಟಿನ ಆವಾನು ದೆಕೊಶಿ ಕೈನ ಕದ್ಯೊ.

ಮಾರ್ಕ 14:62

ಕೈನ ತಿನೆ ಪುಚ಼ತಾಮಾ ಯೆಸು ಹೊ ಮಿಜ಼ ವ್ಹೈ, ಎನೈಸೊ ಮನಕ್ಹನೊ ದಿಕ್ರೊ ಸರವಶಕ್ಕತನಾ ಬಾಜು಼ಮಾ ಬೈಟಾನೊ. ವರಿ ಕ್ಹುದಾ ರ‍್ಹಯಲ ಸ್ವರ್ಗಮಾತೊ ಉಜಾಲಾನಾ ಕ್ಹಾತೆ ತೆ ಆವಾನು ತುಮೆ ದೆಕೊಸಿ ಕದ್ಯೊ.

ಮಾರ್ಕ 8:38

ಕ್ಹುದಾನೊ ಭೆ ನೈಸೊವಾಲಾ ಎ ಪಾಪಿ ದಿನೊಮಾ ಮಾರಾ ಹುತಿ ಮಾರಿಯೊ ವಾತೊಕ್ಹು ಕುನ್ನ ಸರಮಸ ತಿನೆ ಮನಕ್ಹನೊ ದಿಕ್ರೊ ತೆ ತಿನಾ ಬಾಪ್ನಿ ಮಹಿಮಾನಾ ಕ್ಹಾತೆ ಪರಿಶುದ್ಧ ದುತೊನಾ ಕ್ಹಾತೆ ಆತಾಮಾ ತಿನಾ ಹುತಿ. ತೆ ಸರಮಸ ಕದ್ಯೊ.

ಲುಕ ಬರ್ದಲ ಸುವಾರ್ತಾ 16:25

ತೆ ವಾತೆ ಅಬ್ರಹಾಮ ತಿನೆ ದಿಕ್ರಾ ತಾರಿ ಜಿವಿತಮಾ ತು ಸು ಕರ‍್ಯೊ ತುನೆ ಗ್ವತ್ತ ನತ್ತಿಸು? ತ್ಯಾ ತುನೆ ಕ್ಹಾರಿ ಸುಕಾ ವ್ಹತ್ತಿ. ತೆನೈಸೊ ಲಾಜ಼ರತೊ ತಿನಿ ಜಿವಿತ ಪುರಾ ಕಷ್ಟ ವರಿ ತ್ರಾಸ ಖಾದ್ಯೊಸ. ತಿನಾ ಹುತಿ ತೆ ಸ್ವರ್ಗಮಾ ತಿನೆ ಸುಖಾ ಛೆ. ತು ಕಷ್ಟ ಖಾವಡ್ಯೊಸ.

ಲುಕ ಬರ್ದಲ ಸುವಾರ್ತಾ 17:30

ಮನಕ್ಹನೊ ದಿಕ್ರೊ ಫರಿನ ಆತಾಮಾ ಜಗತ್ನಿ ಸ್ತಿತಿ ಇಮ್ಮಜ಼ ಥಾವಸ.

ಯೊಹಾನ 1:3

ಕ್ಹುದಾ ಕ್ಹಾರುಜ ತಿನಾ ಮುಕಾಂತರ ತಯ್ಯಾರ ಕರ‍್ಯೊ. ತೆನೈಸೊ ಸುಜ಼ ತಯ್ಯಾರ ಥಯು ನೈ.

ಯೊಹಾನ 1:51

ತೆನೈಸೊ ಯೆಸು ತ್ಯುನೊನೆ"ಮಿ ತುನೆ ಕ್ಹರಿಜ ಕೌಸ. ಸ್ವರ್ಗ ಖುಲ್ಲಾ ಕರಲನೆ ಮನಕ್ಹನಾ ದಿಕ್ರಾನಾ ಉಪ್ಪರ ದೆವ ದುತೊ ಉಪ್ಪರ ಜಾ಼ವಾನು ಹೆಟು ಆವಾನು ತುಮೆ ದೆಕೊಶಿ ಕೈನ ಕದ್ಯೊ.

ಅಪೊಸ್ತಲೊ 1:11

"ಗಲಿಲಾಯವಾಲಾ ಕಾ ಹಬಾಳನೆಜ಼ ದೆಕ್ತಾ ಹುಬ್ರಯಾಸ? ಯೆಸು ತುಮಾರಾ ಡೊಳಾವೊನಾ ಕ್ಹಾಮೊ ಸ್ವರ್ಗನೆ ಕಿಮ್ಮ ಗಯೊ ತಿನಾ ಲಿಂಗತಜ಼ ವಾಪಸ ಆವಸ" ಕೈನ ಕದ್ಯಾ.

ಅಪೊಸ್ತಲೊ 3:19

ತಿನಾಹುತಿ ತುಮೆ ತುಮಾರಾ ಪಾಪೊನಾ ಹುತಿ ಪಶ್ಚಾತ್ತಾಪ ಪಡಿನ ಕ್ಹುದಾ ಬಗಲ ಫರೊ. ತೆಳಾಮಾ ತೆ ತುಮಾರಾ ಪಾಪೊ ಮಾಫ ಕರಸ.

ರೊಮಾಪೂರ 8:17

ಅಪೆ ಕ್ಹುದಾನಾ ಬಚ್ಚಾ಼ ಥಯಾಮ, ಹೊ ಕ್ಹುದಾನೆ ವಾರಸ್ದಾರ ಥಯಾಸ. ವರಿ ಕ್ರಿಸ್ತನಾ ಕ್ಹಾತೆ ಛೆ, ಇಮ್ಮ ಥಯುಮ, ಕ್ರಿಸ್ತನಾ ಕ್ಹಾತೆ ಅಪೆ ವಾರಸ್ದಾರ ಥಯಾಸ. ತಿನಿ ಮಹಿಮಾಮಾ ವಾಟೊಲಿವಾ ವ್ಹೈ.

1 ಕೊರಿಂಥ 3:13

ತೆನೈಸೊ ಹರ ಯಕ್ಲಾನು ಕಾಮ ಕರೆಟ್ಟ ದಿಕ್ಹಸ; ಕಾಕದ್ಯಾಮ, ಕ್ರಿಸ್ತ ಆವಾನು ಫೈಸ್ಲಾನೊ ದಿನ್ನ ತೆ ದೆಕಾಡಸ. ತೆ ದಿನ್ನ ಆಗನಾ ಕ್ಹಾತೆ ಹುಟ್ಟಸ. ತೆ ಆಗ ಹರಯಕ್ಕ ಮನಕ್ಹನಾ ಕಾಮೊ ಪರಿಕ್ಷಾ ಕರಸ. ವರಿ ಚೊ಼ಕು ಗುಣಮಟ್ಟ ದೆಕಾಡಿನ ದಿವಸ.

2 ಕೊರಿಂಥ 4:17

ದಕ್ಹಾ ದಿನ್ನ ಅಪ್ನೊನೆ ಅಡ್ಚನ ರ‍್ಹವಸ. ವರಿಬಿ ಹಮೆಶಾನಿ ಮಹಿಮಾ ಹೊಂದಿಲಿವಾನೆ ತೆ ಅಪೊನೆ ಮದತ ಥಾವಸ.

ಎಫೆಸ 1:2

ಅಪ್ನೊ ಬಾ ಥಯಲ ಕ್ಹುದಾ ವರಿ ಪ್ರಭು ಥಯಲ ಯೆಸು ಕ್ರಿಸ್ತ ತುಮೊನೆ ಮರಗಾ ಶಾಂತಿ ದಿವಾದೆ.

ಕೊಲೆಸ್ಸೆ 1:16

ಭುಪರ ಲೊಕಮಾ ರ‍್ಹಯಲ ದಿಕ್ಹಾನಿ ನೈ ದಿಕ್ಹಾನು ಕ್ಹಾರುಜ಼ ಸಿಂಹಾಸನ್ನ ರ‍್ಹೈನೆಕಾ ಕ್ಹಾರವೊಪರ ಅದಿಕಾರ ರ‍್ಹೈನೆಕಾ ತಿನಾಕ್ಹುಜ಼ ತಯ್ಯಾರ ಥಯು. ಕ್ಹಾರುಜ಼ ತಿನಾಕ್ಹುಜ಼ ವರಿ ತಿನಾಹುತಿಜ಼ ತಯ್ಯಾರ ಥಯು.

1 ಥೆಸಲೊನಿಕ 3:13

ತುಮಾರಾ ಮನಸೊಮಾ ಘಟ್ಟ ರ‍್ಹವಾದೆ ಕರಿನ ಇಮ್ಮ ಪ್ರಾಥನಾ ಕರಿಯೆಸ. ಅಪ್ನೊ ಪ್ರಭು ಥಯಲ ಯೆಸು ತಿನಾ ಪವಿತ್ರ ಮನಕ್ಹೊನಾ ಕ್ಹಾತೆ ದಿಕ್ಹತಾಮಾ ತುಮೆ ಬಾ ಥಯಲ ಕ್ಹುದಾನಿ ಸನ್ನಿದಿಮಾ ಪರಿಶುದ್ಧ ವರಿ ತಪ್ಪ ನೈಸೊವಾಲಾಥೈನ ರ‍್ಹವೊಸಿ.

2 ತಿಮೊತಿ 2:12

ಅಪೆ ಕಷ್ಟನೆ ಸ್ವಿಕಾರ ಕರಲಿದ್ಯಾಮ, ತಿನಾಕ್ಹಾತೆ ರ‍್ಹೈಯೆಸ. ಅಪೆ ತಿನೆ ಸ್ವಿಕಾರ ನೈ ಕರಲಿದ್ಯಾಮ, ತೆ ಅಪೊನೆ ಸ್ವಿಕಾರ ನೈ ಕರಲೆತೊ.

ತಿತನೆ 2:13

ಅಪ್ನೊ ಮ್ಹೊಟೊ ಕ್ಹುದಾ ವರಿ ಯೆಸು ಕ್ರಿಸ್ತ ಆವಾನು ಕೈದತಾ ರ‍್ಹಯಲವಾಲಾ ಅಪೆ ತಿನಾಲಿಂಗತ ರ‍್ಹೌ. ತೆಜ಼ ಅಪ್ನೊ ಮ್ಹೊಟಿ ಆಸ ಥಯೊಸ. ತೆ ತಿನಿ ಮಹಿಮಾನಾ ಕ್ಹಾತೆ ಆವಸ.

ಇಬ್ರಿಯ 10:27

ತಿನಾ ಬದಲ ಘನ್ನು ಭುಚ಼ಕಾನು ರ‍್ಹಯಲ ನ್ಯಾಯನಾ ಫೈಸಲಾನಿ ಆಸ ವರಿ ಕ್ಹುದಾನಾ ವಿರೊದಿಯೊನೆ ಬಾಳಾನಿ ಘನಿ ಶಿಟ್ಟನಿ ಆಗ ರ‍್ಹವಸ.

ಇಬ್ರಿಯ 12:29

ಕಾಕದ್ಯಾಮ ಅಪ್ನೊ ಕ್ಹುದಾ ಘನ್ನಿ ಮ್ಹೊಟಿ ಆಗ ಥಯೊಸ.

ಇಬ್ರಿಯ 4:1

ಇಮ್ಮ ರ‍್ಹತಾಮಾ, ಕ್ಹುದಾ ತೆ ಮನಕ್ಹೊನೆ ದಿದಲ ವಾಗ್ದಾನ ಅಪೊಮಾ ಹಜು಼ನಬಿ ಛೆ. ಅಪೆ ಕ್ಹುದಾನಾ ಸಮಾಧಾನಮಾ ಜೌ಼ ಕವಾನುಜ಼ ತೆ ವಾಗ್ದಾನ ವ್ಹೈ. ತಿನಾಹುತಿ ಅಪ್ನೊಮಾ ಕುನ್ನಜ಼ ತೆ ವಾಗ್ದಾನನು ಫಲ ಲಿವಾಮಾ ನಾಕಾಮಿಯಾಬ ಥಯೆನೈಸೊ ಘನ್ನಾ ಹುಶಾರಕ್ಹು ರ‍್ಹಯೆ.

ಇಬ್ರಿಯ 4:11

ಕ್ಹುದಾನಾ ಅರಾಮಮಾ ಅಪೆ ಜಾ಼ವಾನಾ ಹುತಿ ಕೊಶಿಶ ಕರಿಯೆ ಅಪ್ನಾಮಾನೊ ಯಕ್ಲೊಬಿ ತೆ ಮನಕ್ಹೊನಾ ಲಿಂಗತ ತಿನಿ ವಾತ ಐಕ್ಯಾ ಬಗರ ರ‍್ಹಯಾವಾಚಿ ಘನ್ನಾ ಹುಷಾರಕ್ಹು ರ‍್ಹಯೆ.

ಇಬ್ರಿಯ 4:9

ತಿನಾಹುತಿ ಕ್ಹುದಾನಾ ಮನಕ್ಹೊನಾ ಹುತಿ ಅಟ್ವಾಡಾಮಾ ಯಕ್ಕ ದಿನ್ನ ತೆ ಅರಾಮ ಕರಾನೊ ದಿನ್ನ ವ್ಹೈ. ಕಿಮ್ಮ ಕ್ಹುದಾ ಕ್ಹಾತ್ವಾ ದಿನ್ನೆ ಅರಾಮ ಕರ‍್ಯೊ ತಿಮ್ಮಜ಼ ತೆ ದಿನ್ನಬಿ ವ್ಹೈ.

ಇಬ್ರಿಯ 9:28

ತಿಮ್ಮಜ ಕ್ರಿಸ್ತಬಿ ಘನ್ನಾ ಮನಕ್ಹನಾ ಪಾಪೊನೆ ಉಚೈಲಿವಾನಾಹುತಿ ಯಕ್ಕ ಸಲಾ ಸಮರ್ಪಿತ ಥಯೊ. ತೆ ಬೆವಾ ಸಲಾ ಪ್ರತ್ಯಕ್ಷ ಥಾವಾನು ಪಾಪ ಪರಿಹಾರ ಕರಾನಾಹುತಿ ನವ್ಹೈ ತಿನೆ ನಿರಿಕ್ಷೆ ಕರಾಲಾವೊನೆ ರಕ್ಷಣೆ ದಿವಾನಾ ಹುತಿ ವ್ಹೈ.

1 ಪೆತ್ರಾ 3:22

ಹಮ್ನಾ ಯೆಸು ಸ್ವರಗೆ ಗಯೊಸ ತೆ ಕ್ಹುದಾನಾ ಬಾಜು಼ಮಾ ಛೆ. ತೆ ಕ್ಹುದಾನಾ ದುತೊನೆ ಅದಿಕಾರಿಯೊನೆ ತಾಕತನೆ ಆಳಾಡ್ಯೊಸ.

2 ಪೆತ್ರಾ 3:7

ಹಮ್ನಾ ರ‍್ಹಯಲ ಹಬಾಳ ವರಿ ಜಿಮಿನ್ನೆ ಕ್ಹುದಾನಿ ವಾಕ್ಕಯಾಜ಼ ಆಸ್ರೊ ಥೈಸ. ಹಬಾಳ ವರಿ ಜಿಮಿನ ಆಗಕ್ಹು ಹಾಳ ಥಾವಾನೆ ಮುಕ್ಯಾಸ. ಕ್ಹುದಾನಾ ವಿರುದ್ದ ರ‍್ಹಯಲ ಮನಕ್ಹೊನೆ ಥಾವಾನಾ ಫೈಸಲಾನಾ ದಿನ್ನಾ ಹುತಿ ಹಾಳಥಾನಾಹುತಿ ಹಬಾಳ ಜಿಮಿನ ಮುಕ್ಯಾಸ.

ಯುದ ಬರ್ದಲ ಪತ್ರ 1:7

ಸೊದಮ ವರಿ ಗೊಮುರ ಗಾಮೊನೆ ತ್ಯುನಾ ಆಜು಼ ಬಾಜು಼ ರ‍್ಹಯಲ ಗಾಮನೆ ಶೆ ಕರ್ಲಿವೊ. ತೆ ಕ್ಹಾರು ತೆ ದೆವದುತನಿಂಗತ ಥಯಾ. ತೆ ಗಾಮೊಮಾ ಲೈಂಗಿಕ ಪಾಪೊ ವರಿ ಕೆಟ್ಟ ಕಾಮೊ ಭರಿಗಯಾತಾ. ತ್ಯುನೆ ಹಮೆಶಾನಿ ಆಗಮಾ ತ್ರಾಸ ಖಾತಾ ರ‍್ಹವಸ. ತ್ಯುನೊನೆ ದಿದಲ ಶಿಕ್ಷಾ ಅಪೊನೆ ಅಪೆ ಶಿಕ್ಕಿಯೆಸ.

ಪ್ರಕಟನೆ 1:7

ದೆಕೊ, ಯೆಸು ಮ್ಹಾಡನಾ ಕ್ಹಾತೆ ಆವಾಡ್ಯೊಸ" ಹರಿ ಯಕ್ಲೊ ತಿನೆ ದೆಕಸ, ತಿನೆ ವಿರುದ ಕರಾಲಾ ಬಿ ದೆಕಸ" ತಿನೆ ದೆಕಿನ ದುನಿಯಾಮಾನಾ ಮನಕ್ಹೊ ಛಾತಿ ಬಡೈಲಿನ ಅಡ್ಡಸ ಹೊ, ಎ ಕ್ಹಾರು ಥಾವಸ! ತಿಮ್ಮ ಥಾವಾದೆ"

ಪ್ರಕಟನೆ 14:10

ತೆ ಕ್ಹುದಾನಿ ಶಿಟ್ಟ ಕವಾನಿ ದ್ರಾಕ್ಷಿಯೊನು ರಕ್ಹ ಪಿವಸ. ಕ್ಹುದಾನಿ ಶಿಟ್ಟ ಕವಾನಾ ಕುಂಡಾಮಾ ಎ ದ್ರಾಕ್ಷಿಯೊನು ರಕ್ಹ ತಿನಿ ಪುರಾ ತಾಕತಕ್ಹು ತಯ್ಯಾರ ಕರ‍್ಯಾಸ. ತಿನೆ ಪರಿಶುದ್ಧ ರ‍್ಹಯಲ ಕ್ಹುದಾನಾ ದುತೊನಾ ವರಿ ಬಕ್ರಾನು ಬಚ್ಚು಼ ರ‍್ಹಯಲವಾಲಾನಾ ಕ್ಹಾಮಾ ಆಗನಾ ಲಾಲ ಕೆಂಡಾವೊಕ್ಹು ತ್ರಾಸ ದಿವಸ.

ಪ್ರಕಟನೆ 14:13

ಪಾಚಲ್ತೊ ಮಿ ಸ್ವರಗತೊ ಯಕ್ಕ ಆವಾಜ಼ ಐಕ್ಯೊ. ತೆ ಆವಾಜ಼ ಅಮ್ಮ ವ್ಹತ್ತು; "ಎ ಬರದ; ಆಜ಼ತಾ ಪ್ರಭುನಾ ಭಕ್ಕತೊ ಥೈನ ಮರಾಲಾ ಮನಕ್ಹೊ ಧನ್ಯ ವ್ಹೈ" ಹೊ ಎ ಕ್ಹರಿ ವ್ಹೈ. ತೆ ಮನಕ್ಹೊ ತ್ಯುನಾ ಕಷ್ಟನಾ ಕಾಮೊ ಕ್ಹರೈನ ಅರಾಮ ಕರಸ. ತ್ಯುನೆ ಕರಲ ಕ್ಹಾರು ತ್ಯುನಾ ಕ್ಹಾತೆ ರ‍್ಹವಸ" ಕೈನ ಪವಿತ್ರ ಆತ್ಮಾ ಕವಸ.

ಪ್ರಕಟನೆ 20:11

ತೆ ಥಯಲ್ಪರ ಮಿ ಬಿಜೆಕ ಮ್ಹೊಟಿ ಸಿಂಹಾಸನ ತೆ ಸಿಂಹಾಸನ್ಪರ ಬೈಟಲವಾಲಾನೆ ದೆಕ್ಯೊ. ತಿನಾ ಕ್ಹಾಮಾತಿ ಜಿಮಿನ ವರಿ ಹಬಾಳ ಗೈನ ದಡಿರ‍್ಹೈಗಯು.

ಪ್ರಕಟನೆ 21:4

ಕ್ಹುದಾ ತ್ಯುನಾ ಡೊಳಾಮಾನು ಪಾನಿ ನುಚ್ಚಿ ಪಾಡಸ. ತ್ಯಾ ಮರಣ ಕವಾನುಜ಼ ರ‍್ಹತು ನೈ, ದುಖ ರ‍್ಹತು ನೈ, ರವಾನು ರ‍್ಹತು ನೈ ವರಿ ಜುನ್ನಿಯೊ ವಾಟೊಜ಼ ಗೈಪಡಿಯೊ "ಕೈನ ಕದ್ಯು.

ಪ್ರಕಟನೆ 22:16

‘ಯೆಸು ಕವಾಲೊ ಮಿಜ಼, ಮಾರಿ ಸಭೆನೆ ಉಪಯೊಗ ಥಾವಾನು ಎ ಸಂಗತಿಯಯೊನಾ ಹುತಿ ಸಾಕ್ಷಿ ಕವಾನಾ ಹುತಿ ಮಾರಾ ದುತನೆ ಮೊಕಲ್ಯೊ. ದಾವಿದನಾ ಘರ್ದಾನಾಮಾ ಹುಟ್ಟಲವಾಲೊ ಉಜಾಲು ಥೈನ ರ‍್ಹಯೊಸ"

ಪ್ರಕಟನೆ 22:6

ತೆ ದೆವದುತ ಮನೆ, ‘ಎ ವಾಕ್ಯಾ ಕ್ಹರಿನಿಯೊ ವ್ಹೈ. ವರಿ ಬರೊಕ್ಹೊ ಕರಾನಿಯಯೊ ವ್ಹೈ. ಪ್ರವಾದಿಯೊನಿ ಆತ್ಮಾವೊನೆ ಪ್ರಭುಜ಼ ಕ್ಹುದಾ ಥಯೊಸ. ಭೆಗಿನೆಜ಼ ಥಾವಾನಿಯೊ ಸಂಗತಿಯೊನೆ ತಿನಾ ಸೆವಕೊನೆ ದೆಕಾಡಾನ ಹುತಿ ಕ್ಹುದಾ ತಿನಾ ದುತನೆ ಮೊಕಲ್ಯೊಸ.

ಪ್ರಕಟನೆ 22:9

ತೆನೈಸೊ ತೆ ದೆವದುತ ಮನೆ, ‘ಆರಾಧನಾ ಕರು ನಕೊ! ಮಿಬಿ ತಾರಾ ಲಿಂಗತಜ಼, ಎ ಪುಸ್ತಕಮಾ ರ‍್ಹಯಲ ವಾಕ್ಯಾನೆ ವಿಧೆಯಥಯಲ ಕ್ಹಾರಾ ಮನಕ್ಹೊ ಲಿಂಗತ ವರಿ ತಾರಾ ಭಾಯೊ ಥಯಲ ಪ್ರವಾದಿಯೊ ಲಿಂಗತ ಯಕ್ಕ ಸೆವಕ ಲಿಂಗತ ಮಿಬಿ ವ್ಹೈ. ತು ಕ್ಹುದಾನೆ ಅರಾಧನಾ ಕರು! ಕೈನ ಕದ್ಯೊ.

ಪ್ರಕಟನೆ 6:11

ತೆ ಆತ್ಮಾವೊಮಾ ಹರಿ ಯಕ್ಕ ಆತ್ಮಾವೊನೆ ಧೊಳಾ ಮ್ಹೊಟಾ ಅಂಗ್ಡಾ ದಿದ್ಯಾತಾ. ಹಜು಼ನ ದಕ್ಹಾ ಟೈಮ ಕೈದಾನೆ ತ್ಯುನೊನೆ ಕದ್ಯಾ. ತ್ಯುನಾ ಭಾಯೊ ವರಿ ಭೆನೊಮಾ ಹಜು಼ನ ದಕ್ಹಾ ಜ಼ನಾ ಸೆವೆಮಾ ಛೆ. ತ್ಯುನೆಬಿ ಖಲಾಸ ಥೌ. ಇವ್ನೆ ಕ್ಹಾರಾ ಖಲಾಸ ಥಯಲಕ್ಕಕಾ ಕೈದು ತೆ ಆತ್ಮಾವೊನೆ ಕದ್ಯಾ.