2 ಥೆಸಲೊನಿಕ 1:6 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁶ ಕ್ಹುದಾ ನ್ಯಾಯ ರ‍್ಹಯಲಜ಼ ಕರಸ. ತುಮೊನೆ ತ್ರಾಸ ದಿವಾನಾ ಮನಕ್ಹೊನೆ ಕ್ಹುದಾಜ಼ ತ್ರಾಸ ದಿವಸ.

2 ಥೆಸಲೊನಿಕ 1:6 ပူးပေါင်းရင်းမြစ်များ

ಕೊಲೆಸ್ಸೆ 3:25

ಬೆ ನಂಬರ್ ಧಂದೊ ಕರಾಲೊ ತೆ ಕರಾನಾ ಕಾಮನೆ ತಿನೆ ದಂಡ ಮಲಸ ಅಮಾ ಸುಜ಼ ತೆ ಮ್ಹೊಟೊ ಆ ನ್ಹಾನೊ ಕವಾನು ಸುಜ಼ ನತ್ತಿ.

ಇಬ್ರಿಯ 6:10

ಕ್ಹುದಾ ಚೊ಼ಕೊ ಫೈಸಲೊ ಕರಾಲೊ ಥಯೊಸ. ತುಮೆ ಕರಲ ಉಪಕಾರ ವರಿ ಕ್ಹುದಾನಾ ಮನಕ್ಹೊನೆ ತುಮೆ ಕರಾನಾ ಮದದನಾ ಹುತಿ ವರಿ ಮದದ ಕರತಾಜ಼ ರ‍್ಹಯಲ ಹುತಿ ತುಮೆ ಕರಲ ಕಾಮನೆ ತೆನೈಸೊ ತುಮೆ ತಿನೆ ದೆಕಾಡಲ ಮಯಾ ತೆ ಇಕ್ಹರತೊ ನೈ.

ಪ್ರಕಟನೆ 11:18

ದುನಿಯಾನಾ ಮನಕ್ಹೊ ಶಿಟ್ಟ ಥಯಾತಾ. ತೆನೈಸೊ ಎ ತಾರಾ ಶಿಟ್ಟನೊ ಟೈಮ ವ್ಹೈ. ಮರಲವಾಲಾವೊನೆ ಫೈಸಲೊ ದಿವಾನೊ ಟೈಮ ಎಜ಼ ವ್ಹೈ. ತಾರಾ ಸೆವಕೊ ರ‍್ಹಯಲ ಪ್ರವಾದಿಯೊನೆಬಿ ತಾರಾ ಪರಿಶುದ್ಧ ಮನಕ್ಹೊನೆ ತುನೆ ಮರ್ಯಾದಿ ದಿವಾಲಾ ಮ್ಹೊಟಾವೊನೆಬಿ ನ್ಹಾನಾವೊನೆಬಿ ಪ್ರತಿಫಲ ದಿವಾನೊ ಟೈಮ ಆ ವ್ಹೈ. ದುನಿಯಾ ಹಾಳ ಕರಾಲಾವೊನೆ ಹಾಳ ಕರಾನೊ ಟೈಮ ಆ ವ್ಹೈ"

ಪ್ರಕಟನೆ 15:4

ಪ್ರಭು ಮಾರಾ ಮನಕ್ಹೊ ತುಕ್ಹು ಭುಚ಼್ಕಸ; ಕ್ಹಾರಾ ಮನಕ್ಹೊ ತಾರಾ ನಾಮನೆ ಸ್ತುತಿ ಕರಸ. ತುಜ಼಼ ಯಕ್ಲೊ ಪರಿಶುದ್ಧ ವ್ಹೈ. ತು ನ್ಯಾಯಕ್ಹು ಕಾಮೊ ಕರಾಲೊ ವ್ಹೈ ಕೈ ದೆಕಾಡಿನ ದೆಶಿ. ಮನಕ್ಹೊ ಕ್ಹಾರಾ ತಾರಿ ಸನ್ನಿದಿಮಾ ಐನ ತುನೆ ಅರಾಧಾನಾ ಕರಸ"

ಪ್ರಕಟನೆ 18:20

ಸ್ವರ್ಗ, ಇನಾಹುತಿ ತು ಖುಶಿ ಥಾ! ಕ್ಹುದಾನಾ ಪರಿಶುದ್ಧ ಮನಕ್ಹೊ, ಅಪೊಸ್ತಲೊ, ಪ್ರವಾದಿಯೊ, ತುಮೆ ಖುಶ ಕರೊ! ತೆ ತುಮೊನೆ ಕರಲ ಕೆಟ್ಟಕ್ಹು ಕ್ಹುದಾ ತಿನೆ ಶಿಕ್ಷಾ ದಿದ್ಯೊ"

ಪ್ರಕಟನೆ 18:24

ತೆ‍ ಪ್ರವಾದಿಯೊನೆ, ಕ್ಹುದಾನಾ ಪರಿಶುದ್ಧ ಮನಕ್ಹೊ ವರಿ ಜಿಮಿನಪರ ಖಲಾಸ ಥಯಲ ಕ್ಹಾರಾ ರಗತ ಚು಼ವೈನ ಅಪರಾದಿ ಥೈ.

ಪ್ರಕಟನೆ 19:2

ತೆ ಕರಾನಾ ಫೈಸ್ಲಾ ಕ್ಹರಿಕ್ಹು ವರಿ ನ್ಯಾಯ ಕ್ಹು ವ್ಹೈ. ಅಪ್ನೊ ಕ್ಹುದಾ ಧಂದೊ ಕರಾಲಿನೆ ಶಿಕ್ಷಾ ದಿದ್ಯೊ. ತೆ ಕರಾನಾ ಲೈಂಗಿಕ ಪಾಪೊಕ್ಹುಜ಼ ದುನಿಯಾ ಕೆಟ್ಟಿ ಗೈ. ತೆ ತಿನಾ ಸೆವಕೊನು ರಗತನಾ ಪ್ರತಿ ತೆ ಶಿಕ್ಷಾ ತೆ ಧಂದೊ ಕರಾಲಿನೆ ಶಿಕ್ಷಾ ದಿದ್ಯೊ"

ಪ್ರಕಟನೆ 6:10

ಎ ಆತ್ಮಾವೊ"ಪವಿತ್ರ ಥಯಲ ವರಿ ಕ್ಹರಿವಾಲೊ ರ‍್ಹಯಲ ಪ್ರಭು, ಹಮೊನೆ ಖಲಾಸ ಕರಲವಾಲೊವೊನೆ ಫೈಸಲೊ ಕರಾನೆ ವರಿ ತ್ಯುನೊನೆ ಶಿಕ್ಷಾ ದಿವಾನೆ ತು ಕೆಕ್ಲೊ ಟೈಮ ಲೆಸಿ? ಕೈನ ಜೊ಼ರ ವದ್ರಿಯೊ.