2 ಪೆತ್ರಾ 3:15 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹⁵ ಅಪೊನೆ ರಕ್ಷಣೆ ಮಳು ಕದ್ಯಾಮ ಕ್ಹುದಾನಿ ಸಮಾಧಾನ ಕ್ಹುಜ಼ ವ್ಹೈ ಕೈನ ತುಮೆ ತಿಳ್ದಿಲಿವೊ. ಅಪ್ನೊ ಮಯಾನೊ ಭೈ ಥಯಲ ಪೌಲಾನೆ ಕ್ಹುದಾನಿ ಗ್ಯಾನಕ್ಹುಜ಼ ಅಪೊನೆ ಪತ್ರ ಬರ್ದಿನ ಎಜ಼ ತಿಳ್ಸಾಯೊಸ.

2 ಪೆತ್ರಾ 3:15 ပူးပေါင်းရင်းမြစ်များ

ಲುಕ ಬರ್ದಲ ಸುವಾರ್ತಾ 21:15

ಕಾಕದ್ಯಾಮ ಮಿಜ಼ ತುಮೊನೆ ಬೊಲಾನು ಗ್ಯಾನ ದ್ಯುಸ. ತಿನಾಹುತಿ ತುಮಾರಾ ದುಶ್ಮನೊ ತುಮೆ ಪುಚ಼್ಚಲ ವಾತನೆ ಜ಼ವಾಬ ದೆತಾ ನೈ.

ಅಪೊಸ್ತಲೊ 15:25

ತಿನಾಹುತಿ ಹಮೆಕ್ಹಾರಾ ದಕ್ಹಾ ಜ಼ನಾ ಸರ್ವಾನುಮತಕ್ಹು ಇನಲಿನ ತಮನೊ ಕನ ವಳಾವಾನೆ ಫೈಸಲೊ ಕರ‍್ಯಾ. ಮಾರಾ ಮಯಾನಾ ಭಾಯೊ ಥಯಲ ಬಾರ್ನಬ ವರಿ ಪೌಲಾನಾ ಕ್ಹಾತೆ ತ್ಯುನೆ ಆವಾಡಾಸ.

ಅಪೊಸ್ತಲೊ 7:10

ಯೊಸೆಫನೆ ತ್ಯಾ ಘನ್ನೊ ತ್ರಾಸ ಆಯೊ. ವರಿಬಿ ಕ್ಹುದಾ ತೆ ಕ್ಹಾರಾ ತ್ರಾಸೊಕ್ಹು ತಿನೆ ವಚಾ಼ಡ್ಯೊ. ತೆಳಾಮಾ ಫರೊಹನ ಇಜಿಪ್ತನೊ ರಾಜೊ಼ ವ್ಹತ್ತೊ. ಕ್ಹುದಾ ಯೊಸೆಫನೆ ದಿದಲ ಗ್ಯಾನಕ್ಹು ಫರೊಹನ ಯೊಸೆಫನೆ ತಿನಾ ರಾಜ್ಯಪರ ಅದಿಕಾರಿ ವರಿ ಘರನಾ ಮನಕ್ಹೊಪರಬಿ ಅದಿಕಾರಿ ಕರ‍್ಯೊ.

ಅಪೊಸ್ತಲೊ 9:17

ತೆಳಾಮಾ ಅನನಿಯಾ ಪೌಲಾ ರ‍್ಹಯಲ ಘರ್ಮಾ ಗೈನ ತಿನಾ ಮಾತಾಪರ ತಿನಾ ಹತೊ ಮ್ಹೆಲಿನ, ಮಾರಾ ಭೈ, ತು ಆಯಲ ವಾಟ್ಮಾ ತುನೆ ದಿಕ್ಹಲ ಪ್ರಭು ಥಯಲ ಯೆಸು ತುನೆ ಡೊಳಾ ದಿಕ್ಹಾ ವರಕ್ಹು, ತು ಪವಿತ್ರ ಆತ್ಮಾಕ್ಹು ಭರು ಕೈನ ಮನೆ ತುಕನ ಮೊಕ್ಲ್ಯೊಸ ಕೈನ ಕದ್ಯೊ.

ರೊಮಾಪೂರ 2:4

ಕ್ಹುದಾ ತುಮಾರಿ ವಿಷಯಮಾ ಘನ್ನು ಮರಗಾಲೊ ಥಯೊಸ; ತಡ್ದಿಲಿವಾಲೊ ವ್ಹೈ. ತುಮೆ ಬದಲಿ ಥೌ ಕೈನ ಕ್ಹುದಾ ತುಮಾರಾ ಹುತಿ ಕೈದಾಡ್ಯೊಸ. ವರಿಬಿ ತುಮೆ ತಿನಿ ಮರಗಾನಾ ಹುತಿ ವಿಚಾರ ಕರತಾ ನೈ. ತುಮೆ ತುಮಾರಿ ಮನಸೊ ಜಿವ್ನಾ ಬದಲಿ ಕರಲಿವಾನೆ ಥಾವಸ ಕೈನ ಕ್ಹುದಾನಿ ಮರಗಾನೆ ತಿಳ್ದಿಲಿದ್ಯಾವಾಚಿ ಛೆ.

1 ಕೊರಿಂಥ 12:8

ಪವಿತ್ರ ಆತ್ಮಾನಾ ಮುಲಕ ಯಕ್ಲಾನೆ ಗ್ಯಾನನಾ ವಾತೊ, ಬಿಜೆ಼ಕ್ಲಾನೆ ತಿನಾ ಮುಲಕ ಶಾಣಾನಿಯೊ ವಾತೊ ಬೊಲಾನು ಮಳಸ;

1 ಕೊರಿಂಥ 2:13

ಅಪೆ ಎ ಸಂಗತಿಯೊ ಕತಾಮಾ ಮನಕ್ಹೊನಿ ಗ್ಯಾನಕ್ಹು ಶಿಕ್ಕಲ ವಾತೊ ಉಪಯೊಗ ಕರ‍್ಯಾವಾಚಿ ಆತ್ಮಾ ಕ್ಹು ಶಿಕ್ಕಲ ವಾತೊಜ಼ ಉಪಯೊಗ ಕರಿಯೆಸ. ಆತ್ಮಿಕ ಸಂಗತಿಯೊ ತಿಳ್ಸಾವಾನೆ ಆತ್ಮಿಕ ವಾತೊಜ಼ ಉಪಯೊಗ ಕರೆಸ.

1 ಕೊರಿಂಥ 3:10

ಕ್ಹುದಾ ಮನೆ ದಿದಲ ವರಾ ಉಪಯೊಗ ಕರಿನ ಶಾಣ್ಯೊ ಶಿಲ್ಪಿ ಲಿಂಗತ ಮಿ ತೆ ಘರನೆ ಫಾಯಾ ಘಾಲ್ಯೊ. ಬಿಜಾ ಮನಕ್ಹೊ ತೆ ಫಾಯಾನಾ ಉಪ್ಪರ ಭಾಂದಾಡಾಸ. ತೆನೈಸೊ ಹರಯಕ್ಕ ಮನಕ್ಹ ತೆ ಕಿಮ್ಮ ಭಾಂದಾಡೊಸ ಕವಾನು ಹುಶಾರಕ್ಹು ರ‍್ಹೌ.

ಎಫೆಸ 3:3

ಕ್ಹುದಾ ತಿನಾ ದಡಿ ರ‍್ಹಯಲ ವಿಚಾರ ಮನೆ ತಿಳಸಾಯೊ ವರಿ ದೆಕಾಡ್ಯೊ. ಇನಾ ಹುತಿ ಮಿ ತೆಳಾಮಾಜ಼ ತುಮೊನೆ ದಕ್ಹು ಬರ್ದ್ಯೊಸ.

1 ತಿಮೊತಿ 1:16

ತೆನೈಸೊ ಮನೆ ಮರಗಾ ಮಳಿ. ಯೆಸು ಕ್ರಿಸ್ತ ತಿನೆ ಘನ್ನು ತಡ್ದಿಲಿವಾನು ಮಾರಾಮಾ ದೆಕಾಡಾನಾ ಹುತಿ ಮನೆ ಮರಗಾ ದಿದ್ಯೊ. ಪಾಪಿಯೊಮಾ ಕ್ಹಾರಾತಿ ಮ್ಹೊಟೊ ಥಯಲ ಮನೆ ಕ್ರಿಸ್ತ ತಿನಿ ತಾಳ್ಮೆ ದೆಕಾಡ್ಯೊ. ಹಮೆಶಾನೊ ಜ಼ಲಮನಾ ಹುತಿ ಕ್ರಿಸ್ತಮಾ ಬರೊಕ್ಹೊ ಮ್ಹೆಲಾಲಾ ಮನಕ್ಹೊನೆ ಮಿ ವಳಕ ಥೌ ಕೈನ ತೆ ಮನೆ ಮರಗ್ಯೊ.

ಯಾಕೊಬ 1:5

ತುಮೊಮಾ ಕಿನೆಬಿ ಗ್ಯಾನ ಕಮ್ಮ ರ‍್ಹಯಾಮ ತೆ ಕ್ಹುದಾಕನ ಮಾಂಗಿಲಿವಾದೆ, ತೆ ತ್ಯುನೊನೆ ಮಳಸ. ಕಾಕದ್ಯಾಮ ಕ್ಹುದಾ ಹಟಕ್ಯಾ ಬಗರ ಕ್ಹಾರಾವೊನೆ ಉದಾರ ಮನಸಕ್ಹು ದಿವಾಲೊ ಥಯೊಸ.

ಯಾಕೊಬ 3:17

ತೆನೈಸೊ ಉಪ್ಪರತಿ ಆವಾನಿ ಗ್ಯಾನ ಪೈಲಾ ಪರಿಶುದ್ದ ರ‍್ಹಯಲ ವ್ಹೈ ವರಿ ಸಮಾಧಾನ ರ‍್ಹಯಲ ವ್ಹೈ, ವಿನಯ ರ‍್ಹಯಲ ವ್ಹೈ, ವಿದೆಯತೆಕ್ಹು ರ‍್ಹಯಲ ವ್ಹೈ, ಮರ್ಗಾ ವರಿ ಚೊ಼ಕಾ ಫಲೊಕ್ಹು ಭರಲ ವ್ಹೈ, ಬೆದ ಭಾವ ನೈ ರ‍್ಹಯಲ ವ್ಹೈ, ಇಮಾಂದಾರಿಕ್ಹು ರ‍್ಹಯಲ ವ್ಹೈ ಕೈನ ಕ್ಹುಶಿಕ್ಹು ವಪ್ಪಿಲಿವಾನು ಥಯುಸ.

1 ಪೆತ್ರಾ 3:20

ಘನ ದಿನ್ನ ಪಾಚಾ಼ ನೊಹಾನಾ ದಿನೊಮಾ ಕ್ಹುದಾನೆ ಅವಿದೆಯ ಥಯಲವಾಲಾಜ಼ ತ್ಯುನೆ. ನೊಹಾ ಹಡ್ಗೊ ಭಾಂದತಾಮಾ ಕ್ಹುದಾ ಸಮಾದಾನಕ್ಹು ಕೈದಾಡ್ಯೊತೊ. ದಕ್ಹುಜ಼ನಾ ಕದ್ಯಾಮ ಕ್ಹಾಲಿ ಆಟ್ ಜ಼ನಾ ತೆ ಹಡಗಾಮಾ ಪಾನಿಕ್ಹು ವಾಚ್ಯಾ.

2 ಪೆತ್ರಾ 3:2

ಪರಿಶುದ್ಧ ಪ್ರವಾದಿಯೊ ಪೈಲಾನಾ ಕಾಲ್ಮಾ ಕದಲ ತುಮೆ ಶೆ ಕರಲ್ಯುಕೈನ ಮಾರಿ ಆಸ ವ್ಹೈ. ಅಪ್ನೊ ರಕ್ಷಕ ಥಯಲ ಪ್ರಭು ತುಮಾರಾ ಅಪೊಸ್ತಲೊನಾ ಮುಲಕ ದಿದಲ ಆಗನ್ಯಾ ಶೆ ಕರಿಲಿವೊ.

2 ಪೆತ್ರಾ 3:9

ದಕ್ಹಾ ಮನಕ್ಹೊ ತಿಳ್ದಲ ತಿಮ್ಮ, ಪ್ರಭು ತೆ ವಾತ ದಿದಲ ತಿಮ್ಮ ಕರಾನು ತಡಾಕರಿನ ಪುರಾ ಕರತೊ ನೈ. ಕ್ಹುದಾ ತುಮಾರಾ ಹುತಿ ದಡ್ದಿಲಿನೆ ಛೆ ಕಯುಜ಼ ಮನಕ್ಹ ಜ಼ವೈಜೌನೈಕೈ ಕ್ಹುದಾನು ಮನಸ ಛೆ. ಹರಿ ಯಕ್ಲೊ ತಿನು ಮನಸ ಬದ್ಲಿಕರಲಿನ, ಪಾಪ ಕರಾನು ಹುಬ್ರಾಡಿಪಾಡು ಕ್ಹುದಾನಿ ಆಸ ಛೆ.