2 ಪೆತ್ರಾ 2:7 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁷ ತೆನೈಸೊ ಕ್ಹುದಾ ತೆ ಗಾಮ್ಮಾತೊ ಲೊಟಾನೆ ವಚಾ಼ಡ್ಯೊ. ಲೊಟಾ ಕ್ಹರಿಕ್ಹು ವ್ಹತ್ತೊ. ಕೆಟ್ಟ ಮನಕ್ಹೊನೆ ದೆಕಿನ ದುಕಿ ಥಯೊತೊ.

2 ಪೆತ್ರಾ 2:7 ပူးပေါင်းရင်းမြစ်များ

1 ಕೊರಿಂಥ 10:13

ಮನಕ್ಹೊಕ್ಹು ನೈ ಜಿತ್ತಾನಾ ಶೊಧನೆ ತುಮೊನೆ ಆಯಾ ನತ್ತಿ. ಕ್ಹುದಾ ದಿದಲ ವಾತ ಚು಼ಕ್ತೊ ನೈ. ನೈ ಜಿತ್ತಾನಾ ಶೊಧನೆನೆ ತುಮೊನೆ ಕೆಳಾಮಾಜ಼ ಘಾಲ್ತೊ ನೈ. ಶೊಧನೆ ಆಯಲ ಪರ ತಿಕ್ಹು ತಡ್ದಿಲಿವಾನಿ ತಾಕತ ಚು಼ಕೈಲಿವಾನಿ ವಾಟ ತೆಜ಼ ದಿವಸ.

2 ಪೆತ್ರಾ 2:18

ತ್ಯುನೆ ಮತಲ್ಬನೈಸೊ ವಾತೊ ಬೊಲಿನ ಗ್ವತ್ತ ಛೆ ಕೈನ ಕೈಲಿವಸ. ಕೆಟ್ಟ ವಾಟ್ಮಾ ಚಾ಼ಲಾಲಾ ಮನಕ್ಹೊನಾ ಕ್ಹಾತೆ ನವಾಕ್ಹು ಚು಼ಕೈಲಿನ ಆಯಲ ಮನಕ್ಹೊನೆ ವಾಟ ಚು಼ಕಾವಸ. ತ್ಯುನಾ ಪಾಪಕ್ಹು ಕರಾನೆ ಆಸ ರ‍್ಹಯಲ ಕೆಟ್ಟ ಕಾಮೊ ಕರಿನ ಎ ಸುಳ್ಳ ಬೊದಕೊ ತ್ಯುನೊನೆ ವಾಟ ಚು಼ಕಾವಸ.

2 ಪೆತ್ರಾ 2:2

ತ್ಯುನೆ ಕರಾನಾ ಕೆಟ್ಟ ಕಾಮೊ ಮನಕ್ಹೊಬಿ ಕರಸ. ತೆ ಮನಕ್ಹೊನಾ ಹುತಿ ಕ್ಹರಿನಿ ವಾಟನಾ ಹುತಿ ಬಿಜಾ಼ ಮನಕ್ಹೊ ಕೆಟ್ಟ ವಾತೊ ಬೊಲಸ.

2 ಪೆತ್ರಾ 3:17

ಮಯಾನಾ ಭಾಯೊ, ಇನಾಹುತಿ ತುಮೆ ತಿಳ್ದಿಲಿದ್ಯಾಸ. ತಿನಾಹುತಿ ತುಮೆ ಹುಶಾರಮಾ ರ‍್ಹವೊ ತೆ ಕೆಟ್ಟ ಮನಕ್ಹೊ ತ್ಯುನೆ ಕರಾನಾ ಕಾಮೊಕ್ಹು ತುಮೊನೆ ವಾಟ ಚು಼ಕೌನೈಸೊ ದೆಕಿಲಿವೊ. ತುಮೊಮಾ ರ‍್ಹಯಲ ಘಟ್ಟ್ಟ ಬರೊಕ್ಹೊ ಛುಟೆ ನೈಸೊ ಹುಶಾರ ಥೈನ ರ‍್ಹವೊ.

ಯುದ ಬರ್ದಲ ಪತ್ರ 1:4

ದಕ್ಹಾ ಜ಼ನಾ ಮನಕ್ಹೊ ಗ್ವತ್ತವಾಚಿ ತುಮಾರಿ ಸಬೆಮಾ ಆಯಾಸ. ಇವ್ನೊನೆ ಥಾವಾನಿ ಶಿಕ್ಷಾನಾ ಹುತಿ ಘನ್ನಾ ದಿನ್ನಾ ಪಾಚಾ಼ಜ಼ ಪ್ರವಾದಿಯೊ ಬರ್ದ್ಯಾಸ. ಎ ಮನಕ್ಹೊ ಕ್ಹುದಾನಾ ವಿರುದ್ದ ಥಯಾಸ.ತ್ಯುನೆ ಪಾಪನಾ ಕಾಮೊ ಕರಾನಾ ಹುತಿ ಅಪ್ನಾ ಕ್ಹುದಾನಿ ಮರ್ಗಾನಿ ನೈವಾ ಕರ್ಲಿನ ತ್ಯುನೆ ಅಪ್ನೊ ಯಕ್ಕಜ಼ ಮಾಲಕ ಥಯಲ ವರಿ ಪ್ರಭು ಥಯಲ ಯೆಸು ಕ್ರಿಸ್ತನಾ ಪಾಚಾ಼ ಆವಾಲಾ ಥಯಾಸ.