2 ಪೆತ್ರಾ 2:21 - ಕ್ಹುದಾನಿ ಕ್ಹರಿನಿ ವಾಕ್ಯಾ

²¹ ಹೊ, ತೆ ಮನಕ್ಹೊ ಚೊ಼ಕಿವಾಟ ಗ್ವತ್ತ ವಾಚಿ಼ ಗಯಲ ರ‍್ಹಯಾಮಾ ಚೊ಼ಕು ಥಾತುತು. ಚೊ಼ಕಿ ವಾಟ್ಮಾ ತಿಳ್ದಿಲಿನ ಚೊ಼ಕಿ ವಾತೊನೆ ಪಾಚಾ಼ಪ್ಹರಾತಿ ತೆ ನೈ ತಿಳ್ದಿಲಿದ್ಯಾಮ ಚೊ಼ಕು ವ್ಹತ್ತು.

2 ಪೆತ್ರಾ 2:21 ပူးပေါင်းရင်းမြစ်များ

ಮತ್ತಾಯ 21:32

ಕಾ ಕದ್ಯಾಮ ಯೊಹಾನ ಕ್ಹರಿನಿ ವಾಟ ದೆಕಾಡಾಲೊ ಥೈನ ತುಮೊಕನ ಆಯೊ. ತುಮೆ ತಿನೆ ನಂಬ್ಯಾ ನೈ. ಸುಂಕವಾಲಾ ವರಿ ವೈಭಿಚಾರ ಕರಾಲಿಯೊ ತಿನೆ ನಂಬಿಯೊ; ತುಮೆ ಎ ಕ್ಹಾರು ದೆಕ್ಯಾತಬಿ ಪಶ್ಚಾತಾಪ ಪಡ್ಯಾ ನೈ, ತಿಪರ ಬರೊಕ್ಹೊ ಕರ‍್ಯಾ ನೈ.

ಲುಕ ಬರ್ದಲ ಸುವಾರ್ತಾ 12:47

ತಿನೊ ಮಾಲಕ ತಿನಾಕ್ಹು ಸು ಆಸ ಮ್ಹೆಲ್ಯೊಸ ಕೈನ ತೆ ಆಳನೆ ಗೊತ್ತ ವ್ಹತ್ತು. ತೆನೈಸೊ ತೆ ಆಳ ತಯ್ಯಾರ ನ್ಹೊತೊ. ವರಿ ತಿನೊ ಮಾಲಕ ದಿದಲ ಕಾಮ ತೆ ಆಳ ಕರ‍್ಯೊ ನ್ಹೊತೊ. ತಿನಾಹುತಿ ತೆ ಆಳನೆ ಮಾಲಕ ಶಿಕ್ಷಾ ದಿವಸ!

ಯೊಹಾನ 15:22

ಮಿ ಐನ ಎ ದುನಿಯಾನಾ ಮನಕ್ಹೊನೆ ನೈ ಬೊಲ್ಯಲ ರ‍್ಹವತ್ತೊ, ತ್ಯುನೊನೆ ತ್ಯುನೆ ಕಯಾಜ಼ ಪಾಪ ಕರಲವಾಲಾ ವ್ಹೈ ಕೈನ ಕವಾನೆ ಥಾತು ನ್ಹೊತು. ತೆನೈಸೊ ಮಿ ತ್ಯುನಾ ಕ್ಹಾತೆ ಬೊಲ್ಯೊಸ. ತಿನಾಹುತಿ ಹಮ್ನಾ ತ್ಯುನಾ ಪಾಪೊನೆ ತ್ಯುನೊನೆ ಕಯು ಅರು ನತ್ತಿ.

ಯೊಹಾನ 9:41

ಯೆಸು ತ್ಯುನೊನೆ"ತುಮೆ ಕ್ಹರಿಬಿ ಕುಡ್ಡಾ ರ‍್ಹಯಮ ಪಾಪ ಕವಾನಾ ಅಪರಾದನೆ ಗುರಿ ಥಾತಾ ನ್ಹೊತಾ. ತೆನೈಸೊ ತುಮೆ"ಹಮೊನೆ ಡೊಳಾ ದಿಕ್ಹಸ ಕೈನ ಕವೊಶಿ. ತಿನಾಹುತಿ ತುಮೆ ಪಾಪಿಯೊಜ ಥಯಾಸ" ಕೈನ ಕದ್ಯೊ.

ರೊಮಾಪೂರ 7:12

ಇಮ್ಮ ರ‍್ಹತಾಮಾ ಧರಮಶಾಸ್ತ್ರ ಪವಿತ್ರ ವ್ಹೈ. ಆಗನ್ಯಾ ಪವಿತ್ರ ಫೈಸಲೊ ಚೊ಼ಕು ವ್ಹೈ.

ಗಲಾತ್ಯ 6:2

ತುಮಾರು ವಜ್ಜು಼ ಉಚಾವೊ. ಇಮ್ಮ ತುಮೆ ಕ್ರಿಸ್ತನಿ ಆಗನ್ಯಾ ಕ್ಹರಿಮಾಜ಼ ಕರೊ.

1 ಥೆಸಲೊನಿಕ 4:2

ಹಮೆ ತುಮೊನೆ ಕಯಾ ಕಾಮೊ ಕರೊ ಕೈನ ಕದ್ಯಾಸ ತೆ ತುಮೊನೆ ಗ್ವತ್ತ ಛೆ. ಪ್ರಭು ಯೆಸುನಿ ಅದಿಕಾರಕ್ಹು ತೆ ಸಂಗತಿಯೊ ತುಮೊನೆ ಕದ್ಯಾಸ.

1 ತಿಮೊತಿ 6:14

ಅಪ್ನೊ ಪ್ರಭು ಥಯಲ ಯೆಸು ಕ್ರಿಸ್ತ ವರಿ ಆವಾನೊ ಟೈಮಲಕ್ಕಾ ತು ಎ ಕಾಮೊ ತಪ್ಪವಾಚಿ಼, ಚು಼ಕ್ಯಾವಾಚಿ ಕರತೊ ರ‍್ಹೆ.

ಇಬ್ರಿಯ 10:26

ಅಪೆ ಕ್ಹರಿನು ಗ್ಯಾನ ವ್ಹಂದಿಲಿದಲ್ಪರಬಿ ಪಾಪ ಕರ‍್ಯಾಮಾ ಪಾಪ ಪರಿಹಾರನಾ ಹುತಿ ಕೈಜ಼ ಬಲಿ ಉಗರಿ ನತ್ತಿ.

ಯಾಕೊಬ 4:17

ಇಮ್ಮ ರ‍್ಹಯಲಕ್ಹು ಚೊ಼ಕು ಕರು ಕವಾನು ಗ್ವತ್ತ ರ‍್ಹಯುತಬಿ ತೆ ನೈ ಕರಾಲೊ ಪಾಪ-ಪಾಪ ಕರಾಲೊ ಥಯೊಸ.

2 ಪೆತ್ರಾ 3:2

ಪರಿಶುದ್ಧ ಪ್ರವಾದಿಯೊ ಪೈಲಾನಾ ಕಾಲ್ಮಾ ಕದಲ ತುಮೆ ಶೆ ಕರಲ್ಯುಕೈನ ಮಾರಿ ಆಸ ವ್ಹೈ. ಅಪ್ನೊ ರಕ್ಷಕ ಥಯಲ ಪ್ರಭು ತುಮಾರಾ ಅಪೊಸ್ತಲೊನಾ ಮುಲಕ ದಿದಲ ಆಗನ್ಯಾ ಶೆ ಕರಿಲಿವೊ.

ಯುದ ಬರ್ದಲ ಪತ್ರ 1:3

ಮಯಾನಾ ದೊಸ್ತೊ, ಅಪೆ ಕ್ಹಾರಾ ವಾಟಿಲಿವಾನಿ ಮರ್ಗಾನಾ ಹುತಿ ತುಮೊನೆ ಬರ್ದು ಕೈನ ಮಿ ಘನ್ನೊ ಆಸ ಕರ‍್ಯೊತೊ.ತೆ ನೈಸೊ ವರಿ ಯಕ್ಕ ವಿಶಯನಾ ಹುತಿ ಮಿ ಬರ್ದಾನು ಜರುರತ್ತ ಛೆ ಕೈನ ಛೆ ಕೈನ ತಿಳದಿಲಿದ್ಯೊ. ಕ್ಹುದಾ ತಿನಾ ಪರಿಶುದ್ಧ ಮನಕ್ಹೊನೆ ದಿದಲ ಬರೊಕ್ಹಾನಾ ಹುತಿ ತುಮೆ ಪ್ರಯಾಸ ಪಡ್ದಿನ ಹೊರಾಡಾನಾ ಲಿಂಗತ ಮಿ ತುಮೊನೆ ಪ್ರೊತ್ಸಾಹ ಕರಾನಾ ಹುತಿ ಮನಸ ಕರುಸ. ಕ್ಹುದಾ ಅಪೊನೆ ಬರೊಕ್ಹೊ ಯಕ್ಕಸಲಾ ದಿದ್ಯೊಸ. ತೆ ಕ್ಹಾರಾ ಕಾಲಮಾಬಿ ಚೊ಼ಕು ಛೆ.